ᐅᕙᓃᑦᑐᑎᑦ : ᐊᖏᕐᕋᖅ » ᑕᕐᕆᔮᒃᓴᐃᑦ

ᑕᕐᕆᔮᓂᒃ ᐃᓚᓐᖓᑎᖅᓯᒪᔭᓕᒫᕗᑦ

  • ᓯᕗᓪᓕᖅᐹᒥᓃᑦ ᐊᕝᕙᒐᓱᐊᖅᑏᑦ: ᑎᑭᓐᓂᒥᓂᖏᑦ ᐃᓄᐃᑦ ᓯᕗᓕᒥᓂᖏᑕ ᐅᑭᐅᖅᑕᖅᑑᑉ ᑲᓇᓐᓇᖓᓄᑦ
  • ᐃᓅᓯ ᓇᓴᓕᒃ, ᐸᓐᓂᖅᑑᒥ ᐃᓐᓇᒻᒪᕆᒃ ᑖᒃᑐ ᑕᒐᓚᔅ ᓯᑎᐊᓐᑕᓐ, ᐊȧ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᑕᒪᓐᓇᓕ ᐱᐅᒋᔮᓗᒋᔭᕋ, ᐱᐅᔪᐊᓗᒃ. ᑕᒪᓐᓇ ᐅᕙᑦᑎᐊᕈ ᑕᐃᒪᖓᑦ ᖃᐅᔨᒪᑎᑕᐅᒐᑦᑕ ᐅᕙᖓᑦᑕᐅᖅ ᖃᐅᔨᒪᑎᑕᐅᒐᒪ ᐊᓈᓇᓐᓄᓪᓗ . ᑕᐃᒃᑯᐊ ᐱᐅᒋᔭᐅᖃᑦᑕᖅᓯᒪᔪᑦ ᓯᕗᓕᑦᑎᓐᓂ ᑕᐃᑦᓱᒪᓂ ᐱᐅᔫᓐᓂᕋᓚᐅᕐᖓᑕᓕ ᒫᓐᓇᒧᑦ. ᒫᓐᓇᓕ ᐅᕙᖓᓕ ᐃᓱᒪᒋᓕᕋᒃᑭᑦ ᓂᒍᕕᖓᓯᒪᔪᑎᑐᑦ ᐅᐃᒻᒪᒃᑐᑎᑐᑦ. ᐅᕙᑦᑎᐊᕈᒃᑲᓐᓂᖅ ᐊᖑᑕᐅᖃᑦᑕᖅᑐᒥᓃᑦ ᐆᓴᔪᖃᖅᑎᓪᓗᒋᑦ, ᑕᒪᒃᑯᐊ ᕿᓄᐃᓵᕈᑕᐅᕙᖕᓂᕐᖓᑕ. ᐅᐱᓐᓇᕋᓂ ᓂᕿᒃᓴᑐᐊᕆᒐᒥᒃᑯᒃ. ᑕᒪᒃᑯᐊ ᑕᐃᒪᖓᑦ ᑕᐃᒃᑯᐊ ᖃᐅᔨᒪᔨᕐᔪᐊᕌᓘᖃᑦᑕᕐᓂᕐᖓᑕ ᐊᓪᓛᑦ ᒎᑎᒥᒃ ᑐᓴᓚᐅᙱᓯᒪᒐᓗᐊᖅᑐᑎᒃ ᖃᐅᔨᒪᕙᒃᑐᒥᓃᑦ, ᑕᐃᓐᓇ ᐅᖃᐅᓯᕆᔪᓐᓇᖅᑕᕋ. ᐅᖃᒃᑲᓐᓂᐊᕐᔪᒡᓗᖓ ᐊᐱᖅᑯᑎᒋᙱᑦᑕᕋᓗᐊᖓ. ᑕᐃᒪ ᐅᖃᖅᑲᐅᒻᒪᑦ ᐊᖑᒃᑯᓂᒃ, ᑐᓴᐅᒪᓪᓚᕆᒃᑕᕋ ᑖᓐᓇ ᖃᐅᔨᒪᙱᓐᓂᕋᖅᑲᐅᔭᕋᓗᐊᕋ. ᐊᖓᒃᑯᐃᑦ ᐃᓚᖏᑦ ᐃᓅᑎᑦᑎᔪᓐᓇᖅᑐᑦ ᐃᓄᖕᒥᒃ, ᐅᕙᑦᑎᐊᕈ ᑕᐃᒪᐃᑦᑐᒥᓃᑦ. ᐃᓄᒃ ᐋᓐᓂᐊᖅᑐᖅ, ᐃᓚᖏᑦ ᐋᖅᑭᕙᒃᑐᒥᓃᑦ ᓘᑦᑖᖃᙱᒃᑲᓗᐊᕋᒥ, ᐃᓚᖏᑦ ᐃᓕᓰᖅᓯᕙᒃᑐᒥᓃᑦ ᐃᓚᖏᑦ ᑐᖁᑎᑦᑎᕙᒃᑐᒥᓃᑦ, ᐃᓚᖏᑦ ᐱᐅᔪᑦ, ᐃᓚᖏᑦ ᐱᐅᙱᑦᑐᑦ. ᑕᐃᒪᐃᖃᑦᑕᖅᑐᒥᓃᑦ. ᐃᓚᖏᑦ ᐆᒪᔪᑦᑎᑦᑎᐅᒐᓗᐊᑦ ᐆᒪᔪᖅᑎᑦᑎᒻᒪᕆᐅᔪᓐᓇᕐᖓᑕ ᐊᐃᕕᖁᑎᑖᖅᐸᒃᑐᒥᓃᑦ ᐃᓚᖏᑦ.

    ᑕᒃᑐ. ᑕᒡ ᓯᑎᐊᓐᑕ

    ᑕᐃᒃᑯᐊ ᐃᓪᓗᒥᐅᓕᖅᑐᖅ ᐃᓄᐃᑦ ᓯᕗᓪᓕᖅᐹᒥᓂᖏᑦ ᖃᒻᒪᒥᓂᕐᓂᐊᖅᑎᓄᑦ ᖃᐅᔨᒪᔭᐅᕗᑦ ᑕᐃᒍᓯᒃᑯᑦ ᑑᓖᑦ. ᒪᓕᑦᑐᒋᑦ ᐊᕐᕌᒍᒐᓛᓗᓐᓂ ᖃᒻᒪᒥᓂᕐᓂᐊᕐᓂᐅᖃᑦᑕᖅᓯᒪᔪᑦ, ᑖᒃᑯᐊ ᑑᓕ ᐱᖅᑯᓯᖏᑦ ᐱᒋᐊᓐᖓᕐᓂᓕᒥᓂᐅᓱᒋᔭᐅᕗᑦ ᐊᓛᔅᑲᐅᑉ ᐅᐊᓐᓇᖓᓂᑦ ᐊᒻᒪᓗ ᐊᒥᓱᑲᓪᓚᓐᓂᒃ ᐱᔾᔪᑎᖃᖅᑐᑎᒃ ᐊᐅᓪᓛᖅᑐᒥᓂᐅᓱᒋᔭᐅᕗᑦ ᑲᓐᓇᒧᓐ ᑲᓇᑕᒧᓐ ᐅᑯᑭᑦᑐᐃᓪᓗ ᓄᓇᖓᓄᑦ. ᐅᖃᐅᓯᐅᔾᔮᓲᖅ ᑕᒪᓐᓇ ᐊᑐᖅᑕᒥᐅᓱᒋᔭᐅᓪᓗᓂ ᐊᕐᕌᒍᑦ 1000 ᐊᓂᒍᖅᓯᒪᓕᖅᑐᓂ, ᑭᓯᐊᓂᓕ ᐊᓯᖏᓐᓄᑦ ᐃᓱᒪᒋᔭᐅᒻᒥᔪᑦ ᑕᒪᐅᓐᖓᖅᑐᒥᓂᐅᒋᐊᖏᑕ 1200 ᐊᕐᕌᒍᐃᑦ ᓯᕗᓂᖅᑎᓐᓂ, ᑲᓇᒻᓇᒧᓐ ᐊᐅᓪᓛᕆᐊᖅᑐᒥᓂᐅᓱᒋᔭᑦ. ᖃᐅᔨᓴᕐᓃᑦ ᓇᓗᓇᐃᖅᓯᓯᒪᕗᑦ ᐊᕝᕙᒐᓱᐊᕐᓂᖅ ᐱᔾᔪᑕᐅᓗᐊᖅᑐᒥᓂᐅᓱᒋᔭᐅᓪᓗᓂ ᐊᐅᓪᓛᕐᓂᖏᓐᓄᑦ, ᑭᓯᐊᓂᓕ ᑖᔅᓱᒥᖓᑐᐊᖅ ᐱᔾᔪᑎᖃᖅᐸᓚᐃᓐᓂᖏᑦᑐᑦ. ᓄᓇᕐᔪᐊᕐᒥ ᐃᓄᕈᓘᔭᐃᑦ ᐊᐅᓪᓛᖃᑦᑕᖅᓯᒪᕗᑦ ᓄᑖᓄᑦ ᓄᓇᓄᑦ ᑕᐃᒪᓐᖓᓕᒫᖅ ᑐᓴᐅᒪᔭᐅᓪᓗᑎᒃ, ᑖᒃᑯᐊᓗ ᐅᖃᐅᓯᐅᔪᑦ ᐃᓄᒋᐊᓗᐊᓕᕐᓂᕐᒥᒃ ᐊᓯᖏᓐᓂᓘᓐᓃᑦ ᐃᓅᓯᖏᓐᓂ ᐊᓯᕈᖅᑐᓂᒃ ᐱᔾᔪᑎᖃᖅᑐᑎᒃ ᐊᐅᓪᓛᕆᐊᖃᓕᖅᑐᒥᓂᐅᕙᓪᓚᐃᔪᑦ.

    ᑕᐃᒃᑯᐊ ᑑᓖᑦ, ᐃᓚᔮᕆᒥᓂᐅᔪᔅᓴᐅᔪᑦ, ᐊᐅᓪᓛᕐᓂᕐᖓᑕ ᑲᓇᓐᓇᒧᓐ ᕿᓚᒻᒥᐸᓗᕈᓗᒃ, ᐊᒥᓲᒐᓗᐊᓂᓛᒃ ᐃᓄᐃᑦ ᐃᓅᓯᖏᑦ ᓈᕙᑦᑐᒥᓂᐅᒐᓗᐊᖅᑐᑎᒃ, ᓄᓇᑖᕐᓂᕐᖓᑕ ᐅᓪᓗᒥᐅᓕᖅᑐᖅ ᓄᓇᕗᖑᓕᖅᑐᒥ ᐊᒻᒪᓗ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐊᓪᓛᓪᓗ ᑕᐅᓄᖓ ᓂᒋᕐᒧᓐ ᓛᐸᑐᐊᒧᓐ ᐊᒻᒪᓗ ᑯᐸᐃᒻᒧᓐ. ᑕᑯᕙᑦᑐᒍᑦ ᐊᒥᓱᓂᒃ ᐱᖁᑎᒥᓂᖏᓐᓂᒃ ᐊᖏᓐᓂᓪᓗ ᐱᕙᑦᑕᒥᓂᖏᓐᓂᒃ ᑕᐃᒃᑯᐊ ᑑᓖᑦ ᑎᒥᖏᑎᒍᑦ ᐱᒥᓂᖏᑎᒍᓪᓗ ᐅᓪᓗᒥ ᐃᓄᓐᓄᑦ ᓯᕗᓪᓕᒥᓂᓪᓚᕆᐅᒻᒪᑕ. ᑕᑯᔪᓐᓇᐸᒻᒥᔪᒍᑦᑕᐅᖅ ᐅᐊᑦᑎᐊᕈ ᓇᑭᓐᖔᖅᑐᒥᓂᐅᒻᒪᖔᑕ ᐱᒥᓂᖏᑦ ᐊᓛᔅᑲᒥᐅᑕᐃᑦ ᐱᒥᓂᖏᓐᓂ ᐊᔾᔨᐸᓗᖃᕐᖓᑕ ᖃᒻᒪᒥᓂᖏᓐᓂ, ᑕᒫᓐᖓᓐ ᖃᓄᖅ ᓴᓇᓯᒪᒻᒪᖔᑕ ᐊᒻᒪᓗ ᕿᑦᑐᒐᓛᔅᓯᒪᔪᑦ ᓴᓇᓐᖑᐊᒐᐃᑦ ᓴᓇᔭᒥᓃᑦ ᐅᐊᑦᑎᐊᕈᕐᓂᓴᐃᑦ ᐊᔾᔨᐸᓗᒌᒻᒥᔪᑦ.

    ᑕᒪᓐᓇ ᐆᒪᔪᕋᓱᓐᓂᖅ ᐊᖏᔫᑎᐊᓗᓐᓂᒃ ᐊᖅᕕᓂᒃ ᐃᓚᒋᔭᐅᓪᓚᕆᓐᓂᖅᐳᖅ ᑑᓖᑦ ᐊᓐᓇᐅᒪᓇᓱᐊᕐᓂᖏᓐᓄᑦ ᐃᓅᖃᑎᒌᒐᓱᐊᕐᓂᖏᓐᓄᓪᓗ ᐅᐊᑦᑎᐊᕈᒻᒪᕆᒃ, ᐃᒻᒪᖃᖃᐃ ᖃᑦᑏᓐᓇᐃᑦ 100 ᐊᕐᕌᒍᐃᑦ ᑕᒪᐅᓐᖓᖅᓯᒪᓕᖅᑎᓪᓗᒋᑦ. ᑲᑐᔾᔨᖃᑎᒌᑦᑐᒥᓂᖅᐹᓗᐃᑦ ᑭᓯᐊᓂ; ᐊᖅᕕᒥᒃ ᑕᑯᓚᐅᖅᓯᒪᒍᕕᑦ ᐊᖏᔪᖅᔪᐊᕌᓘᒻᒪᑕ ᑕᑯᓯᒪᒍᔅᓯ ᐃᓄᒋᐊᓄᑦ ᑭᓯᐊᓂ ᐱᓕᕆᐊᖑᓗᑎᒃ ᐱᔭᔅᓴᒥᓂᐅᒻᒪᑕ, ᐸᓐᓇᓯᒪᑦᑎᐊᖅᑐᓄᑦ ᐊᖏᔪᖅᑳᖃᐅᑦᑎᐊᖅᑐᓄᑦ ᐊᓐᓇᐅᒪᔪᓐᓇᓂᐊᕐᖓᑕ ᐃᓄᖏᑦ.

    ᑕᐃᒪ ᓇᑭᙶᕐᓂᕐᒪᖔᑕ ᓇᒥ ᓄᓇᖃᕐᓗᑎᒃ ᐃᓅᖃᑦᑕᕐᓂᕐᒪᖔᑕ ᐅᖃᕈᓐᓇᙱᑦᑐᖓ ᑭᓯᐊᓂ ᑕᕝᕙᓂᑦᑕᐃᓐᓇᐅᙱᑦᑐᖅ ᓄᓇᒥ ᐃᓅᖃᑦᑕᕐᓂᕐᖓᑕ ᖃᑕᒃᑯᑎᒃᑲᓗ. ᓇᒥᑐᐃᓐᓇᖅ ᐅᑭᐊᓪᓕᐊᑉᐸᔪᒐᑦᑕ ᑕᕝᕙᓂ ᐊᒻᒪ ᐊᓯᐊᓄᐊᖃᑦᑕᓕᕆᕗᒍᑦ. ᐅᒥᐊᖃᙱᓪᓗᓂᓘᓐᓃᑦ ᑕᕝᕙᓂ ᑭᓯᐊᓂ ᐊᐱᑎᓪᓗᒍ ᓯᑯᒻᒪᑦ ᐊᐅᓪᓚᖃᑦᑕᙱᑦᑐᑦ ᑕᐃᒃᑯᐊ ᐅᒥᐊᖃᙱᑦᑐᐃᑦ.

    ᐃᓅᓯ ᓇᓴᓕᒃ, ᐸᓐᓂᖅᑑᒥ ᐃᓐᓇᒻᒪᕆᒃ ᑖᒃᑐ ᑕᒐᓚᔅ ᓯᑎᐊᓐᑕᓐ, ᐊȧ

    `ᑕᒃᑐ ᑕᒐᓚᔅ ᓯᑎᐊᓐᑕᓐ, ᓄᓇᕗᒻᒥ ᖃᒻᒪᒥᓂᕐᓂᐊᓂᕐᒧᓐ ᐊᖏᔪᖅᑳᕆᔭᐅᔪᖅ ᖃᒻᒪᒥᓂᕐᓂᐊᖃᑦᑕᖅᓯᒪᔪᖅ ᖃᐅᔨᓴᖅᓯᒪᓪᓗᓂ ᐊᒥᓱᓂᒃ ᐅᐊᑦᑎᐊᕈᕐᓂᓴᒻᒪᕆᓐᓂᒃ ᑕᒫᓂ, ᓇᓗᓇᐃᖅᓯᔪᖅ ᐱᒻᒪᕆᐅᓂᒥᓂᖓᓂᒃ ᐊᖅᕕᒐᓱᐊᕐᓂᖅ ᐃᓄᓐᓄᑦ ᐅᐊᑦᑎᐊᕈᒻᒪᕆᒃ ᑕᐃᔭᐅᕙᑦᑐᓄᑦ ᖃᒻᒪᒥᓂᕐᓂᐊᖅᑎᓄᑦ ᑑᓕ ᐃᓄᐃᑦ. ᒪᕐᕉᒃ ᐃᓅᒃ ᐃᓐᓇᒻᒪᕇᒃ, ᐋᑲᑳ ᓴᑖ ᐊᒻᒪ ᐃᓅᓯ ᓇᓴᓕᒃ, ᐅᖃᐅᓖᒃ ᐃᓄᑦᑎᑐᓪᓚᕆᒃ ᐃᓅᓂᐅᕙᑦᑐᒥᓂᕐᒥᒃ.

  • `ᑕᒃᑐ ᑕᒐᓚᔅ ᓯᑎᐊᓐᑕᓐ, ᐊᖏᔪᕐᖄᖅ ᐱᖅᑯᓯᓕᕆᓂᕐᒧᓐ ᐃᑦᑕᕐᓂᓴ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᑕᐃᒃᑯᐊ ᐃᓪᓗᒥᐅᓕᖅᑐᖅ ᐃᓄᐃᑦ ᓯᕗᓪᓕᖅᐹᒥᓂᖏᑦ ᖃᒻᒪᒥᓂᕐᓂᐊᖅᑎᓄᑦ ᖃᐅᔨᒪᔭᐅᕗᑦ ᑕᐃᒍᓯᒃᑯᑦ ᑑᓖᑦ. ᒪᓕᑦᑐᒋᑦ ᐊᕐᕌᒍᒐᓛᓗᓐᓂ ᖃᒻᒪᒥᓂᕐᓂᐊᕐᓂᐅᖃᑦᑕᖅᓯᒪᔪᑦ, ᑖᒃᑯᐊ ᑑᓕ ᐱᖅᑯᓯᖏᑦ ᐱᒋᐊᓐᖓᕐᓂᓕᒥᓂᐅᓱᒋᔭᐅᕗᑦ ᐊᓛᔅᑲᐅᑉ ᐅᐊᓐᓇᖓᓂᑦ ᐊᒻᒪᓗ ᐊᒥᓱᑲᓪᓚᓐᓂᒃ ᐱᔾᔪᑎᖃᖅᑐᑎᒃ ᐊᐅᓪᓛᖅᑐᒥᓂᐅᓱᒋᔭᐅᕗᑦ ᑲᓐᓇᒧᓐ ᑲᓇᑕᒧᓐ ᐅᑯᑭᑦᑐᐃᓪᓗ ᓄᓇᖓᓄᑦ. ᐅᖃᐅᓯᐅᔾᔮᓲᖅ ᑕᒪᓐᓇ ᐊᑐᖅᑕᒥᐅᓱᒋᔭᐅᓪᓗᓂ ᐊᕐᕌᒍᑦ 1000 ᐊᓂᒍᖅᓯᒪᓕᖅᑐᓂ, ᑭᓯᐊᓂᓕ ᐊᓯᖏᓐᓄᑦ ᐃᓱᒪᒋᔭᐅᒻᒥᔪᑦ ᑕᒪᐅᓐᖓᖅᑐᒥᓂᐅᒋᐊᖏᑕ 1200 ᐊᕐᕌᒍᐃᑦ ᓯᕗᓂᖅᑎᓐᓂ, ᑲᓇᒻᓇᒧᓐ ᐊᐅᓪᓛᕆᐊᖅᑐᒥᓂᐅᓱᒋᔭᑦ. ᖃᐅᔨᓴᕐᓃᑦ ᓇᓗᓇᐃᖅᓯᓯᒪᕗᑦ ᐊᕝᕙᒐᓱᐊᕐᓂᖅ ᐱᔾᔪᑕᐅᓗᐊᖅᑐᒥᓂᐅᓱᒋᔭᐅᓪᓗᓂ ᐊᐅᓪᓛᕐᓂᖏᓐᓄᑦ, ᑭᓯᐊᓂᓕ ᑖᔅᓱᒥᖓᑐᐊᖅ ᐱᔾᔪᑎᖃᖅᐸᓚᐃᓐᓂᖏᑦᑐᑦ. ᓄᓇᕐᔪᐊᕐᒥ ᐃᓄᕈᓘᔭᐃᑦ ᐊᐅᓪᓛᖃᑦᑕᖅᓯᒪᕗᑦ ᓄᑖᓄᑦ ᓄᓇᓄᑦ ᑕᐃᒪᓐᖓᓕᒫᖅ ᑐᓴᐅᒪᔭᐅᓪᓗᑎᒃ, ᑖᒃᑯᐊᓗ ᐅᖃᐅᓯᐅᔪᑦ ᐃᓄᒋᐊᓗᐊᓕᕐᓂᕐᒥᒃ ᐊᓯᖏᓐᓂᓘᓐᓃᑦ ᐃᓅᓯᖏᓐᓂ ᐊᓯᕈᖅᑐᓂᒃ ᐱᔾᔪᑎᖃᖅᑐᑎᒃ ᐊᐅᓪᓛᕆᐊᖃᓕᖅᑐᒥᓂᐅᕙᓪᓚᐃᔪᑦ.

    ᑕᐃᒃᑯᐊ ᑑᓖᑦ, ᐃᓚᔮᕆᒥᓂᐅᔪᔅᓴᐅᔪᑦ, ᐊᐅᓪᓛᕐᓂᕐᖓᑕ ᑲᓇᓐᓇᒧᓐ ᕿᓚᒻᒥᐸᓗᕈᓗᒃ, ᐊᒥᓲᒐᓗᐊᓂᓛᒃ ᐃᓄᐃᑦ ᐃᓅᓯᖏᑦ ᓈᕙᑦᑐᒥᓂᐅᒐᓗᐊᖅᑐᑎᒃ, ᓄᓇᑖᕐᓂᕐᖓᑕ ᐅᓪᓗᒥᐅᓕᖅᑐᖅ ᓄᓇᕗᖑᓕᖅᑐᒥ ᐊᒻᒪᓗ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐊᓪᓛᓪᓗ ᑕᐅᓄᖓ ᓂᒋᕐᒧᓐ ᓛᐸᑐᐊᒧᓐ ᐊᒻᒪᓗ ᑯᐸᐃᒻᒧᓐ. ᑕᑯᕙᑦᑐᒍᑦ ᐊᒥᓱᓂᒃ ᐱᖁᑎᒥᓂᖏᓐᓂᒃ ᐊᖏᓐᓂᓪᓗ ᐱᕙᑦᑕᒥᓂᖏᓐᓂᒃ ᑕᐃᒃᑯᐊ ᑑᓖᑦ ᑎᒥᖏᑎᒍᑦ ᐱᒥᓂᖏᑎᒍᓪᓗ ᐅᓪᓗᒥ ᐃᓄᓐᓄᑦ ᓯᕗᓪᓕᒥᓂᓪᓚᕆᐅᒻᒪᑕ. ᑕᑯᔪᓐᓇᐸᒻᒥᔪᒍᑦᑕᐅᖅ ᐅᐊᑦᑎᐊᕈ ᓇᑭᓐᖔᖅᑐᒥᓂᐅᒻᒪᖔᑕ ᐱᒥᓂᖏᑦ ᐊᓛᔅᑲᒥᐅᑕᐃᑦ ᐱᒥᓂᖏᓐᓂ ᐊᔾᔨᐸᓗᖃᕐᖓᑕ ᖃᒻᒪᒥᓂᖏᓐᓂ, ᑕᒫᓐᖓᓐ ᖃᓄᖅ ᓴᓇᓯᒪᒻᒪᖔᑕ ᐊᒻᒪᓗ ᕿᑦᑐᒐᓛᔅᓯᒪᔪᑦ ᓴᓇᓐᖑᐊᒐᐃᑦ ᓴᓇᔭᒥᓃᑦ ᐅᐊᑦᑎᐊᕈᕐᓂᓴᐃᑦ ᐊᔾᔨᐸᓗᒌᒻᒥᔪᑦ.

    ᑕᒪᓐᓇ ᐆᒪᔪᕋᓱᓐᓂᖅ ᐊᖏᔫᑎᐊᓗᓐᓂᒃ ᐊᖅᕕᓂᒃ ᐃᓚᒋᔭᐅᓪᓚᕆᓐᓂᖅᐳᖅ ᑑᓖᑦ ᐊᓐᓇᐅᒪᓇᓱᐊᕐᓂᖏᓐᓄᑦ ᐃᓅᖃᑎᒌᒐᓱᐊᕐᓂᖏᓐᓄᓪᓗ ᐅᐊᑦᑎᐊᕈᒻᒪᕆᒃ, ᐃᒻᒪᖃᖃᐃ ᖃᑦᑏᓐᓇᐃᑦ 100 ᐊᕐᕌᒍᐃᑦ ᑕᒪᐅᓐᖓᖅᓯᒪᓕᖅᑎᓪᓗᒋᑦ. ᑲᑐᔾᔨᖃᑎᒌᑦᑐᒥᓂᖅᐹᓗᐃᑦ ᑭᓯᐊᓂ; ᐊᖅᕕᒥᒃ ᑕᑯᓚᐅᖅᓯᒪᒍᕕᑦ ᐊᖏᔪᖅᔪᐊᕌᓘᒻᒪᑕ ᑕᑯᓯᒪᒍᔅᓯ ᐃᓄᒋᐊᓄᑦ ᑭᓯᐊᓂ ᐱᓕᕆᐊᖑᓗᑎᒃ ᐱᔭᔅᓴᒥᓂᐅᒻᒪᑕ, ᐸᓐᓇᓯᒪᑦᑎᐊᖅᑐᓄᑦ ᐊᖏᔪᖅᑳᖃᐅᑦᑎᐊᖅᑐᓄᑦ ᐊᓐᓇᐅᒪᔪᓐᓇᓂᐊᕐᖓᑕ ᐃᓄᖏᑦ.

    `ᑕᒃᑐ ᑕᒐᓚᔅ ᓯᑎᐊᓐᑕᓐ, ᐊᖏᔪᕐᖄᖅ ᐱᖅᑯᓯᓕᕆᓂᕐᒧᓐ ᐃᑦᑕᕐᓂᓴ

    ᑖᒃᑐ ᑕᒐᓚᔅ ᓯᑎᐊᓐᑕᓐ, ᓄᓇᕗᒻᒥ ᖃᒻᒪᒥᓂᕐᓂᐊᓂᕐᒧᓐ ᐊᖏᔪᖅᑳᕆᔭᐅᔪᖅ, ᐅᓂᒃᑳᓕᒃ ᐅᓂᒃᑳᕆᔭᐅᓲᒥᒃ ᐊᐅᓪᓛᐸᓪᓕᐊᓂᒥᓂᖏᓐᓂᒃ ᑑᓕ ᐃᓄᐃᑦ, ᑕᐃᒃᑯᐊ ᐅᓪᓗᒥᐅᓕᖅᑐᖅ ᐃᓄᐃᑦ ᓯᕗᕚᖏᑦ. ᐅᖃᐅᓯᓕᒃ ᐱᒻᒪᕆᐅᓂᒥᓂᖓᓂᒃ ᐃᓅᖃᑎᒌᑦ ᑲᑐᔾᔨᖃᑦᑕᕆᐊᖃᕐᓂᒥᓂᖏᓐᓂᒃ ᐊᖅᕕᒻᒥᒃ ᐊᖑᓇᓱᒍᓐᓇᕐᓂᐊᕋᒥᒃ ᐊᐅᓚᑦᑎᒍᓐᓇᕐᓂᐊᕋᒥᓪᓗ ᐊᖅᕕᒻᒥᒃ.

  • `ᑕᒃᑐ ᑕᒐᓚᔅ ᓯᑎᐊᓐᑕᓐ, ᐊᖏᔪᕐᖄᖅ ᐱᖅᑯᓯᓕᕆᓂᕐᒧᓐ ᐃᑦᑕᕐᓂᓴ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᑕᒃᑐ. ᑕᒡ ᓯᑎᐊᓐᑕᓐ

    ᑕᐃᒪᓕ ᐊᕐᕌᒍᐃᑦ 1800 ᐊᑐᖅᑎᓪᓗᒋᑦ, ᑕᐃᒃᑯᐊ ᐃᒪᕐᔪᐊᑉ ᐊᑭᐊᓂᒥᐅᑕᐃᑦ ᐊᒥᐊᓕᑲᒃᑯᓪᓗ ᑎᑭᒻᒪᑕ ᐊᒥᓲᓪᓗᑎᒃ, ᑲᑎᓯᖃᑦᑕᓚᐅᖅᑐᑦ ᐃᓄᓐᓂᒃ ᐊᔪᓐᖏᑎᐊᖅᑐᓂᒃ ᐆᒪᔪᕋᓱᓐᓂᕐᒥᒃ ᑭᓱᓕᒫᓂᒃ ᐅᑭᐅᖅᑕᖅᑑᑉ ᓂᕐᔪᑎᖏᓐᓂᒃ ᐃᓱᒪᒋᔪᓐᓇᑕᓐᓂᒃ. ᑭᓯᐊᓂᓕ ᓇᓗᓇᖅᑐᖅ ᐊᕝᕙᒐᓱᐊᕐᓂᖅ ᓱᓕ ᐱᒻᒪᕆᐊᓘᓐᓂᕐᒪᖔᖅ ᑕᐃᒫᒃ ᐱᒻᒪᕆᐊᓘᑎᒋᕙᓐᓂᕐᖓᓐ ᑑᓖᑦ ᑕᒪᐅᓐᖓᕋᑖᒥᓂᐅᑎᓪᓗᒋᑦ ᓄᓇᕗᒻᒧᓐ. ᐅᖃᓐᖏᑦᑐᖓ ᐃᓄᐃᑦ ᖃᐅᔨᒪᒍᓐᓃᓂᕐᖓᑕ ᖃᓄᖅ ᐱᒐᓱᐊᖅᑕᐅᓲᖑᒻᒪᖔᑕ ᐊᖅᕖᑦ. ᐊᒥᓱᓂᒃ ᐱᔾᔪᑎᖃᖅᑐᑎᒃ ᐊᖅᕖᑦ ᐊᑐᐃᓐᓇᐅᖏᓐᓂᖅᓴᒥᓂᐅᑐᐃᓐᓇᕆᐊᓖᑦ, ᑕᒪᒃᑯᐊᖏᒫᒃ ᐊᖅᕖᑦ ᐊᓯᐊᓄᖔᖅ ᓄᓇᒧᓐ ᐅᐸᒍᑎᖃᑦᑕᓕᕐᓂᖏᑦ ᐅᕝᕙᓘᓐᓃᑦ ᓯᓚᖓ ᐊᓯᕈᕐᖓᓐ ᓯᑯᖃᕐᓂᖅᓴᒥᓂᐅᓕᖅᑐᓂ ᐃᓚᖏᓐᓂ ᓄᓇᓂ. ᑕᐃᒪᓕ ᑎᑎᕋᖅᑕᐅᖃᑦᑕᓕᖅᑎᓪᓗᒋᑦ ᐃᓕᖅᑯᓯᖏᑦ ᐊᓯᖏᓐᓂᖔᖅ ᓂᕐᔪᑎᓂᒃ ᓵᓐᖓᓂᖅᓴᐅᔮᓕᖅᑐᒥᓃᑦ ᓂᕆᓂᖅᓴᐅᕙᓕᖅᑐᑎᓪᓗ: ᓇᑦᑏᑦ, ᑐᑦᑐᐃᑦ, ᐊᐃᕖᑦ, ᐊᓯᖏᓪᓗ ᐳᐃᔩᑦ ᐆᑦᑑᑎᒋᓗᒍ. ᑕᐃᒃᑯᐊ ᐊᖅᕖᑦ ᓱᖅᑲᓖᑦ ᐱᔭᐅᕙᑦᑐᒥᓂᐅᔪᔅᓴᐅᔫᒐᓗᐊᑦ ᑭᓯᐊᓂᓕ ᐊᓯᖏᓐᓄᖔᖅ ᓵᓐᖓᓂᖅᓴᐅᓕᖅᑐᒥᓃᑦ.

    ᖃᐅᔨᒪᔪᒍᑦ ᐅᐊᑦᑎᐊᕈ ᑎᑎᕋᖅᑕᐅᕙᑦᑐᒥᓂᕐᓂᒃ ᖃᐅᔨᓴᖅᑎᓄᑦ, ᑕᐃᒃᑯᓇᓐᖓᑦ ᑕᐃᕕᑦ ᑐᒫᔅ ᐊᓯᖏᑕᓗ ᐱᓕᕆᐊᒥᓂᖏᓐᓂᒃ 1800ᖏᓐᓂᑦ, ᐱᑕᖃᕐᓂᕐᒪᓐ ᐃᓄᒋᐊᕌᓗᓐᓂᒃ ᐃᓪᓗᕕᒐᕐᒥᐅᑕᓂᒃ ᓯᑯᑐᐃᓐᓇᒥᐅᑕᓂᒃ ᐅᑭᐅᓕᒫᐸᓗᒃ ᓇᔪᖅᑕᐅᕙᑦᑐᒥᓂᕐᓂᒃ, ᒪᐅᓕᕆᐊᖃᑦᑕᐸᑦᑐᑎᒃ ᐊᓪᓗᓄᑦ. ᓴᓖᓛᒃ ᐊᑐᕐᓂᐊᕐᓗᒍ ᑕᒪᓐᓇ ᐋᖅᑭᑎᐊᖅᓯᒪᓗᓂ ᑭᓯᐊᓂ ᐊᑐᕋᔅᓴᖅ ᐃᓅᖃᑎᒌᑦᑎᐊᕐᓗᓂ, ᑭᓯᐊᓂᓕ ᑕᑯᔪᒍᑦ ᕿᒪᐃᕙᓪᓕᐊᓂᕐᒥᒃ ᓄᓇᖃᕐᓂᕐᒥᒃ ᐊᑕᐅᓯᕐᒥᒃ ᐃᔾᔪᒐᔭᒥ ᐊᖅᕕᒐᔭᒥᓪᓗ ᖃᒻᒪᒥᑦ ᑕᒪᐅᖓᖔᖅ ᐃᖏᕐᕋᔭᒐᓐᓂᖅᓴᐅᓂᕐᒧᓐ ᐊᔾᔨᒌᓐᖏᑦᑑᑕᐅᓂᖅᓴᓂᒃ ᐆᒪᔪᕋᓱᑉᐸᓕᖅᑐᑎᒃ ᐊᓐᓇᐅᒪᓇᓱᐊᖅᑐᑎᒃ ᐊᕐᕌᒎᑉ ᐃᓗᐊᓂ.

    ᑕᐃᒃᑯᐊ ᑑᓖᑦ, ᑕᐃᒫᒃ ᐅᓪᓗᒥ ᐃᓄᑦᑎᑐᑦ, ᖃᐅᔨᒪᓂᖃᑦᑎᐊᕆᐊᓕᒥᓃᑦ ᓂᕐᔪᑏᑦ ᖃᓄᐃᓲᖑᓂᖏᓐᓂᒃ ᐊᕐᕌᒎᑉ ᐃᓗᐊᓂ ᐊᔾᔨᒌᓐᖏᑦᑐᓂ ᐱᔭᔅᓴᐅᒻᖔᑕ ᓇᒦᓲᖑᒻᒪᖔᑕᓗ, ᑭᓯᐊᓂᓕ ᖃᒻᒪᒥᓂᕐᓂᐊᓂᒃᑯᑦ ᖃᐅᔨᓯᒪᔪᒍᑦ ᒫᓐᓇᓕᓴᐅᓂᖅᓴᐃᑦ ᐃᓄᐃᑦ ᑐᕚᖃᕐᓂᖅᓴᒥᓃᑦ ᑕᒪᒃᓂᖓ ᑐᑦᑐᐃᑦ ᐱᓱᓕᕐᓂᖏᓐᓂᒃ ᐆᑦᑑᑎᒋᓗᒍ ᐊᐅᔭᒃᑯᑦ. ᓇᑦᑎᕋᓱᐊᖅᐸᑦᑐᒥᓃᑦ, ᐊᐃᕕᕋᓱᐊᖅᑐᑎᓪᓗ ᐊᓯᖏᓐᓂᓪᓗ ᕿᓚᓗᒐᕐᓂᒃ ᐊᒻᒪᓗ ᐊᖅᕕᓐᓂᒃ ᐊᑐᐃᓐᓇᐅᔪᖃᕋᐃᒻᒪᓐ.

    ᐊᖏᔪᐊᓗᒻᒥᒃ ᐃᓕᒍᓐᓇᖅᑐᒍᑦ ᑕᒪᒃᑯᐊ ᖃᒻᒪᒥᓂᕐᓂᐊᕋᔅᓴᖅᑕᓖᑦ ᖃᐅᔨᓴᕐᓗᒋᑦ, ᖃᒻᒪᒥᓂᕐᓂᐊᕐᓂᐅᑉ ᐊᓕᐊᓇᐃᒍᑎᖓ. ᐊᓯᖏᓐᓂᑦᑕᐅᖅ ᓱᓕᕆᔭᐅᕙᑦᑐᒥᓂᕐᓂᒃ ᖃᐅᔨᒍᓐᓇᐸᒻᒥᔪᒍᑦ ᐊᖏᕐᕋᒥᓂᕐᓂᒃ ᖃᓗᕋᖅᑐᑕ. ᓇᓂᓯᓲᖑᔪᒍᑦ ᓴᓇᕐᕈᑎᒥᓂᕐᓂᒃ ᓇᓗᓇᐃᕋᔅᓴᓂᒃ ᐊᖑᑎᓄᑦ ᐊᕐᓇᓄᓪᓘᓐᓃᑦ ᓴᓇᔾᔪᑕᐅᕙᓐᓂᕐᒪᖔᑕ; ᐆᑦᑑᑎᔾᔮᖑᕗᖅ, ᐅᓗ, ᐊᕐᓇᓗᑲᐅᑉ ᐱᓚᑦᑑᑎᖓ. ᓇᓗᓇᐃᖅᓯᒍᓐᓇᐸᒻᒥᔪᒍᑦ ᓱᓕᕆᕕᐅᕙᑦᑐᒥᓂᕐᓂ ᓄᓇᖏᓐᓂ ᐊᖏᕐᕋᒥᓂᖏᑕᓗ ᐃᓗᐊᓂ ᓂᕿᓕᕆᕕᐅᕙᑦᑐᒥᓂᕐᓂ, ᓂᕿᓄᓪᓘᓐᓃᑦ ᑐᖅᑯᐃᕕᐅᕙᑦᑐᒥᓂᕐᓂᒃ. ᐅᕙᖓᓕ ᐊᑐᖅᓯᒪᔭᖏᓐᓂ, ᐱᓗᐊᖅᑐᒦᓛᒃ ᑑᓕᓄᑦ ᐅᑭᐅᒃᑯᑦ ᐊᖏᕐᕋᒥᓂᕐᓂ ᐊᒥᓱᐊᓗᓐᓂᒃ ᖃᐅᔨᓴᖅᓯᒪᒐᒪ, ᑕᐃᒃᑯᐊ ᖃᒻᒪᒥᓃᑦ ᑭᓱᕈᓘᔮᓗᓐᓂᒃ ᐃᓗᓕᖃᖅᐸᔪᔪᑦ ᐃᓚᖏᑦ ᒥᑭᔫᑎᑯᓘᓐᕕᓪᓗᑎᒃ. ᐆᒪᔪᕋᓱᐊᕈᑏ ᓴᓇᑦᑎᐊᖅᓯᒪᔪᐊᓗᐃᑦ ᑕᒫᓐᖓᑦ ᐊᒻᒨᒪᔪᖅᑕᐅᑎᓂᒃ ᑕᒪᐅᖓ ᐊᑦᑐᓈᓄᑦ ᐅᔭᕋᓕᖅᓯᒪᓪᓗᑎᒃ ᑎᒻᒥᐊᕐᓂᐊᕈᑎᒥᓂᕐᓄᑦ, ᓇᐅᓚᐃᑦ ᓇᐅᒃᑯᑎᒥᓃᓪᓗ ᐃᖃᓗᒐᓱᐊᕈᑏᑦ; ᑕᐃᒃᑯᐊ ᑑᓖᑦ ᑭᓱᑐᐃᓐᓇᑦᑎᐊᓂᑦ ᐱᒐᓱᐊᕈᑎᖃᖅᐸᑦᑐᒥᓃᑦ ᐊᔪᖅᑕᖃᕋᑎᒃ.

    ᑕᒪᓐᓇ ᕿᒪᐃᓕᕐᓂᒃ ᑑᓖᑦ ᐱᖅᑯᓯᖏᓐᓂᒃ ᖃᓄᓪᓚᕆᐅᓐᓂᕐᒪᖔᖅ ᐅᖃᐅᓯᕆᒐᓱᐊᕐᓗᒍ ᓱᓕᔪᒥᒃ ᐱᒡᒐᓇᖅᐳᖅ, ᑭᓯᐊᓂᓕ ᑑᓖᑦ ᕿᒥᕐᕈᐊᕈᑦᑎᒍ, ᑕᑯᔪᒍᑦ ᐃᖏᕐᕋᔭᒐᒃᑳᓘᓐᓂᕐᖓᑕ. ᖃᒻᒪᒥᓂᕐᓂᐊᖅᑏᑦ ᐆᒪᔪᓂᒃ ᒪᓕᑲᖅᑕᖅᑐᓂᒃ ᐃᖏᕐᕋᔭᒐᒃᑲᐅᓗᑎᒃ ᐅᖃᐅᓯᖃᓲᖑᒻᒪᑕ ᕿᒥᕐᕈᓲᖑᓪᓗᑎᓪᓗ ᖃᓄᑎᒋ ᐃᖏᕐᕋᔭᒐᑉᐸᓂᕐᒪᖔᑕ. ᑑᓖᑦ ᐱᖃᕐᓂᖅᐳᓐ ᑲᔭᖅ, ᐅᒥᐊᖅ, ᖃᒧᑏᒃ ᐊᒻᒪᓗ ᕿᒧᔅᓰᓐ; ᑕᐃᒫᒃ ᐱᔪᓐᓇᕐᓂᓕᒥᓃᑦ ᐃᖏᕐᕋᑦᑎᐊᕈᑎᔅᓴᓂᒃ. ᖃᖓᑐᐃᓐᓇᒃᑯᑦ ᐊᕐᕌᒎᑉ ᐃᓗᐊᓂ ᐅᐸᒍᒪᑐᐃᓐᓇᖅᑕᒥᓄᑦ ᐃᖏᕐᕋᒍᓐᓇᖅᐸᓚᐅᖅᑐᑦ, ᐴᓛᕆᐊᖅᑐᑎᒃ ᐆᒪᔪᕋᓱᐊᕆᐊᖅᑐᑎᓪᓘᓐᓃᑦ ᑭᓱᑐᐃᓐᓇᒥᓪᓘᓐᓃᑦ ᐱᔾᔪᑎᖃᖅᑐᑎᒃ. ᐊᒥᓲᓐᖏᑦᑐᓂᒃ ᓄᖅᑲᖓᔾᔪᑎᓕᒥᓃᑦ ᓄᓇᒃᑯᑦ ᐃᒪᒃᑯᓘᓐᓃᑦ ᐃᖏᕐᕋᒍᒪᒍᑎᒃ. ᓯᓚᐅᓪᓕ ᐊᓯᕈᕐᓂᖓ ᐱᔾᔪᑕᐅᓪᓗᓂ ᐊᓯᕈᐃᔪᒥᓂᐅᔮᖅᑐᖅ ᖃᓄᐃᑦᑐᓂᒃ ᓂᕐᔪᑎᓂᒃ ᐱᔪᓐᓇᕐᒪᖔᑕ ᐊᒻᒪᓗ ᖃᑦᑎᒡᒍᑕᐅᓗᑎᒃ ᓄᓇᖅᑲᑎᒌᒍᓐᓇᕐᒪᖔᑕ ᐊᕐᕌᒎᑉ ᐃᓗᐊᓂ. ᐊᕝᕙᒐᓱᐊᕐᓂᖅ ᐊᑐᖅᑕᐅᓪᓚᕆᖃᑦᑕᑎᓪᓗᒍ ᐊᖏᔪᖅᔪᐊᒻᒪᕆᐊᓗᒻᒥᒃ ᓂᕿᑖᖅᐸᑦᑐᒥᓃᑦ: ᐊᑕᐅᓯᖅ ᐊᖅᕕᒃ ᑕᐅᓴᒐᓚᒻᒪᕆᓐᓂᒃ ᐅᖁᒪᐃᓐᓂᕐᓂᒃ ᓂᕿᑖᖅᕕᐅᕙᓐᓂᕐᖓᓐ, ᐅᖅᓱᑖᖅᕕᐅᓪᓗᓂᓗ ᓴᐅᓂᖅᑖᖅᕕᐅᓪᓗᓂᓗ. ᑖᒃᑯᐊᓕᒫᑦ ᐊᓐᓇᐅᒪᑎᑦᑎᒍᓐᓇᐸᑦᑐᒥᓃᑦ ᐃᓚᔮᕇᓂᒃ ᐅᑭᐅᓕᒫᖅ, ᑕᐃᒫᓪᓗ ᐅᑭᐅᒃᑯᑦ ᐃᕐᕋᔭᒐᓐᖏᓂᖅᓴᐅᒍᓐᓇᐸᑦᑐᒥᓃᑦ ᑕᐃᒪᐃᒍᒪᒐᐃᒍᑎᒃ. ᐊᐅᔭᒃᑯᓪᓕ ᐃᖏᕐᕋᔭᒐᓐᓂᖅᓴᐅᕙᑦᑐᒥᓃᑦ, ᑰᒻᒨᖅᑐᑎᒃ ᐃᖃᓗᐃᑦ ᒪᔪᓕᕋᐃᒻᒪᑕ, ᒪᓐᓂᓕᐊᖅᐸᑦᑐᑎᓪᓗ ᒥᑏᑦ ᓂᕐᓖᓪᓗ ᒪᓐᓂᖏᓐᓂᒃ. ᐃᖏᕐᕋᔭᒐᓲᖑᓗᑎᒃ ᑭᓯᐊᓂ ᑕᒪᒃᑯᓂᖓ ᐱᔪᓐᓇᐸᑦᑐᒥᓃᑦ, ᐊᒥᓱᑦ ᑎᒻᒥᐊᑦ ᐊᐅᓪᓚᖃᑦᑕᓲᖑᒻᒪᑕ ᑕᐃᒫᓪᓗ ᐅᐸᓲᖏᓐᓄᑦ ᐅᐸᒍᑎᒋᐊᖃᖃᑦᑕᓂᕐᖓᑕ.

    ᑕᒫᓂ ᐊᓯᕈᕐᓂᒥᓂᖅ ᐅᖃᐅᓯᕆᔭᓐᓂ, ᑕᑯᖃᑦᑕᖅᕋᑦᑕ ᖃᒻᒪᒥᓂᕐᓂ ᐅᓂᒃᑳᓕᐊᒥᓂᑐᖃᕐᓂᓗ ᕿᒪᐃᓕᕐᓂᕐᖓᑕ ᑑᓖᑦ ᐅᑭᐅᒃᑯᑦ ᐊᖏᕐᕋᕆᕙᑦᑕᒥᓂᕐᒥᓂᒃ ᓄᓇᒥᓂᓪᓗ. ᑕᐃᒪᓕ ᖃᓪᓗᓈᓄᑦ ᑎᑎᕋᖅᑕᐅᒋᐊᓐᖓᖅᑐᐃᑦ ᐃᓄᓐᓂᒃ ᐱᔾᔪᑎᓖᑦ ᑎᑎᕋᖅᑕᐅᓕᖅᑎᓪᓗᒋᑦ ᐃᓄᐃᑦ ᐊᔾᔨᒋᓐᖏᑕᖏᓐᓂᒃ ᓄᓇᖃᖅᐸᓕᖅᑐᒥᓃᑦ ᐃᖏᕐᕋᔭᒐᓐᓂᓴᐅᓪᓗᑎᓪᓗ. ᐊᖅᕖᑦ ᓱᓕ ᐱᔭᐅᕙᒃᑲᓗᐊᖅᑐᑎᒃ ᐃᓄᒋᐊᒡᒍᑎᓂᒃ ᐊᓂᐅᒥᐅᑕᕐᓂᖅ ᓄᓇᓕᑦᑕᖃᐅᓕᖅᑐᒥᓂᖅ, ᐊᐅᓛᖃᑦᑕᓲᓂᒃ. ᑕᐃᒫᒃ ᑲᑎᒻᒪᓪᓗᑎᒃ ᐊᐅᓪᓛᖃᑦᑕᖅᑐᑎᒃ ᐊᒻᒪᓗ ᓇᑏᑦ ᓄᖑᔾᔫᒥᒐᐃᒻᒪᑕ ᓄᓇᖅᑲᑎᒌᓕᒫᑦ ᐊᓯᐊᓄ ᓯᑯᒧᓐ ᐊᐅᓪᓛᖃᑦᑕᖅᑐᒥᓃᑦ. ᑕᑯᔪᒍᑦ ᓄᓇᖏᑕ ᐊᓯᕈᖅᓯᒪᓂᓪᓚᕆᖏᓐᓂᒃ ᐊᓐᓇᐅᒪᒐᓱᐊᕈᓯᖏᓐᓂᓗ ᐊᒻᒪᓗ ᖃᑦᑎᒡᒍᑕᐅᓂᖏᓐᓂᒃ ᑕᐃᒪᓐᖓᓐ ᑑᓖᑦ ᐊᐅᓪᓛᕆᐊᓐᖓᓂᕐᖓᑕ ᐅᓪᓗᒥᒧᓐ 100ᒐᓚᐃᑦ ᐊᕐᕌᒍᐃᑦ ᓈᓯᒪᓕᖅᑎᓪᓗᒋᑦ.

    ᐃᓱᒪᒋᔭᐅᔾᔮᓲᖅ ᑑᓖᑦ ᑎᑭᓐᓂᕐᖓᑕ ᐅᐊᑦᑎᐊᕈᒻᒪᕆᒃ ᓄᓇᕐᔪᐊᖅ ᐅᖅᑰᓯᕚᓪᓕᖅᓯᒪᑎᓪᓗᒍ. ᐊᓛᔅᑲᐅᑉ ᓴᓂᐊ ᓯᑯᖃᓐᖏᓂᖅᓴᐅᓕᕐᓂᕐᖓᓐ, ᐅᖓᓯᓐᓂᖅᓴᒧᓐ ᐊᕝᕙᒐᓱᐊᕈᓐᓇᓕᖅᑐᒥᓂᐅᓪᓗᑎᒃ ᖃᓄᕐᓗ ᐱᒐᓱᑦᑕᐅᒍᓐᓇᕐᒪᖔᑕ ᐊᓯᕈᖅᑐᒥᓂᐅᓪᓗᓂ. ᐊᓛᔅᑲᒥ ᐊᕝᕙᒐᓱᐊᖅᐸᓂᕐᖓᑕ ᐋᔪᕋᒃᑰᖅᑐᓂᒃ ᓯᓈᖓᑕ ᖃᓂᒋᔭᖓᓂ ᐊᒻᒪᓗ ᒫᓂ ᓄᓇᕗᒻᒥ ᐃᒪᐃᓐᓇᕐᒥ ᐱᒐᓱᐊᖅᐸᑦᑐᒥᓂᐅᓪᓗᑎᒃ. ᑕᐃᒪᓕ ᑲᑦᑏᓐᓇᕈᓗᐃᑦ 100 ᐊᕐᕌᒍᐃᑦ ᓈᒻᒪᑕ ᓄᓇᕐᔪᐊᖅ ᓂᓪᓚᑲᓐᓂᖅᓯᒪᑎᓪᓗᒍ ᓯᑯᖃᕐᓂᓴᐅᓕᕐᓂᕐᖓᓐ, ᐃᓚᖓᓂᓗ ᐃᔾᔪᓂᖅᓴᒥᒃ ᓯᑯᖃᓕᖅᑐᒥᓂᐅᔪᔅᓴᐅᓪᓗᓂ. ᑕᒪᓐᓇ ᖃᑦᑏᓐᓇᕈᖅᐹᓪᓕᑎᑦᑎᒐᔭᖅᑐᖅ ᐊᑐᐃᓐᓇᐅᓂᖏᓐᓂᒃ ᐱᔭᔅᓴᐅᓂᖏᓐᓂᓪᓗ ᐊᖅᕖᑦ ᐃᓄᓐᓄᒃ ᑐᕚᕆᔭᐅᓯᒪᔪᑦ ᐊᑯᓂᒻᒪᕆᐊᓗᒃ, ᑕᐃᒫᓪᓕ ᑕᑯᕗᒍᑦ ᓴᖑᓂᕐᒥᒃ ᑐᑦᑐᓄᑦ ᐳᐃᔨᕈᓘᔭᕐᓄᓪᓗ, ᑭᓯᐊᓂᓕ ᓇᑦᑎᑐᐃᓐᓇᐃᑦ ᓂᕿᓪᓚᕆᒋᔭᐅᓐᓂᖅᑯᑦ ᓇᒥᓕᒫᐸᓗᒃ ᓄᓇᕗᒻᒥ.

    ᑕᐃᒪᓕ ᖃᓪᓗᓈᒧᑦ ᑎᑎᕋᐅᑕᐅᕙᓪᓕᐊᓕᖅᑎᓪᓗᒋᑦ ᐃᓄᒋᐊᒡᒍᑕᒥᓂᐅᓂᖅᓴᐅᕙᓪᓚᐃᔪᑦ. ᓈᒻᒪᒋᐊᖃᖅᐸᓚᐃᓐᓂᕐᖓᑕ ᐊᓪᓗᓂᒃ ᓈᓯᓯᒪᖃᑦᑕᕋᓱᐊᖅᑐᑎᒃ ᓂᑉᐸᖅᑐᑎᒃ. ᑕᐃᒫᓪᓕ 6 ᐅᕝᕙᓘᓐᓃᑦ 7 ᐃᓚᔮᕇᑦ ᓄᓇᖅᑲᑎᒌᑉᐸᑕ ᐊᒥᓲᓂᖅᓴᓂᒃ ᓂᑉᐸᖅᑎᖃᖅᑲᑕ ᐱᓂᐅᓴᓂᖅᓴᐅᒐᔭᕐᖓᑕ. ᑕᑯᔪᒥᓇᕋᔭᖅᑐᖅ ᐃᓄᒋᐊᖑᓐᖏᑦᑐᓂᒃ ᐃᓄᓕᓐᓂᒃ 30ᓂᒃ 35ᓂᓪᓘᓐᓃᑦ ᓄᓇᖅᑲᑎᒌᓂᒃ ᐃᓪᓗᕕᒐᕐᒥᐅᑕᓂᒃ. ᐊᓯᐊᓂᓕ ᐊᕝᕙᒐᓱᐊᖅᑲᖅᑕᕐᖓᑕ ᐊᖏᔪᐊᓗᒻᓂ ᓂᕿᑖᖅᐸᑦᑐᑎᒃ, 40ᓂᒃ ᐃᓄᖃᕈᓐᓇᐸᑦᑐᒥᓃᑦ ᐊᔪᖅᓴᕋᑎᒃ, ᐊᒻᒪᓗᒃᑲᓐᓂᖅ ᐊᓯᐊᓂ ᑎᑎᕋᖅᑕᐅᓯᒪᔪᓂ, ᐃᓄᒋᐊᓐᓂᖅᓴᐅᒋᐊᓕᒥᓃᑦ ᑭᓯᐊᓂᓕ ᐊᖏᓂᖅᓵᓗᓐᓄ ᓂᕿᓄᑦ ᐊᓐᓇᐅᒪᒐᓱᒋᐊᖃᖅᐸᑦᑐᒥᓃᑦ. ᑕᒃᑯᐊ ᓴᓂᓕᕇᑦᑎᑦᑐᒋᑦ ᐃᓱᒪᒋᓪᓗᒋᑦ ᑲᒪᓇᖅᑐᖅ.

    `ᑕᒃᑐ ᑕᒐᓚᔅ ᓯᑎᐊᓐᑕᓐ, ᐊᖏᔪᕐᖄᖅ ᐱᖅᑯᓯᓕᕆᓂᕐᒧᓐ ᐃᑦᑕᕐᓂᓴ

    ᑖᒃᑐ ᑕᒐᓚᔅ ᓯᑎᐊᓐᑕᓐ, ᓄᓇᕗᒻᒥ ᖃᒻᒪᒥᓂᕐᓂᐊᓂᕐᒧᓐ ᐊᖏᔪᖅᑳᕆᔭᐅᔪᖅ, ᐅᖃᐅᓯᓕᒃ ᓴᓇᒋᐊᑐᔪᒻᒪᕆᒥᓂᐊᓗᓐᓂᒃ ᑭᓱᓕᕆᔾᔪᑎᒥᓂᖏᓐᓂᒃ ᐅᐊᑦᑎᐊᕈᒻᒪᕆᒃ ᑑᓕ ᐃᓄᐃᑦ ᐱᖅᑯᓯᖏᓐᓂ ᓱᓕᕆᓂᕈᓘᔭᖏᓐᓄᑦ ᐊᑐᖅᑕᐅᕙᑦᑐᒥᓂᕐᓂᒃ ᐱᓗᐊᖅᑐᒥᒃ ᐃᖏᕐᕋᔭᒐᓐᓂᕐᒧᓐ. ᐅᖃᐅᓯᖃᕐᒥᔪᖅᑕᐅᖅ ᒪᑭᒪᓇᓱᐊᖅᑐᑎᒃ ᐊᓯᕈᕐᓂᒥᓂᖓᓂᒃ ᐊᖅᕕᒐᓱᐊᖃᑦᑕᕈᓐᓃᖅᑐᑎᒃ ᒥᑭᔫᑕᐅᓂᖅᓴᖔᓂᒃ ᓂᕐᔪᑎᓂᒃ ᐱᒐᓱᐊᖃᑦᑕᓕᕐᓂᒥᓂᖏᓐᓂᒃ.

  • ᑭᕿᖅᑖᓘᑉ ᐊᑯᑭᑦᑑᓪᓗ ᐊᑯᓐᓂᖓᓂ ᓯᑯᓂᒃ ᐊᔭᐅᕆᔪᖅ
  • ᐋᓐ ᕼᐊᓐᓴᓐ, ᓄᓇᕗᑦ ᑲᒥᓴᓇᖓ, ᑕᕙᔪ. ᒋᓕᔅ ᕌᔅ, ᓄᓇᓕᕆᓂᕐᒧᓐ ᓯᓚ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    Ann Meekitjuk Hanson

    ᐄ, ᑕᐃᒪ ᐅᓂᒃᑳᕆᐊᙵᓕᕋᐃᒐᒪ ᐅᓂᒃᑳᕆᐊᖅᑲᐅᒐᒪ. ᑖᒃᑯᐊ ᓯᕗᓕᕗᑦ ᐊᕐᕕᓐᓂᐊᖅᑏᑦ ᐃᓅᑉᐸᑕ ᖃᓪᓗᓈᖑᑉᐸᑕᓘᓐᓃᑦ ᑭᓇᐅᑉᐸᑕᓘᓐᓃᑦ, ᑕᐃᒃᑯᐊ ᓯᕗᓕᕆᑦᑕᕆᓐᓂᕋᑦᑎᒍ ᐅᓪᓗᒥᒧᑦ ᑎᑭᑦᑐᒍ. ᑕᐃᒪ ᑕᒪᓐᓇ ᐅᐱᒋᑦᓯᐊᒋᐊᓕᕗᑦ, ᐅᕙᖓᓂ ᐅᐱᒋᔭᐹᓗᒋᒐᒃᑯ ᑕᐃᒪᐃᑦᑑᒋᐊᖅ. ᑕᐃᒃᑯᐊ ᓯᕗᓕᒃᑲ ᐊᕐᕕᓐᓂᐊᖅᑎᒥᓂᐅᒻᒪᑕ. ᐃᓘᓐᓇᑦᑎᐊᕌᐱᑎᒃ ᑐᓴᐅᒪᙱᑕᕋᓗᐊᒃᑲ ᖃᓄᐃᓕᐅᖃᑦᑕᖅᑐᒥᓂᐅᒻᒪᖔᑕ ᐊᒻᒪᓗᑦᑕᐅᖅ ᑕᒪᒃᑯᐊ ᐱᖃᑎᒃᑲ ᐃᓚᒃᑲᓗ ᓯᕗᓕᖃᕐᒥᒻᒪᑕ ᐊᕐᕕᓐᓂᐊᖅᑎᒥᓂᕐᓂᒃ. ᑕᒪᓐᓇ ᐅᐱᒋᑦᓯᐊᖅᑕᕋ ᐅᐱᒋᑦᓯᐊᕆᐊᓕᕗᑦ ᑕᐃᒪᐃᑦᑑᒐᑦᑕ, ᐅᓪᓗᒥᒧᑦ ᑎᑭᑦᑐᒻᒪᕆᐅᒐᑦᑕ ᑐᓴᐅᒪᑎᑕᐅᓪᓗᑕᓗ ᐅᑯᓂᖓ ᓯᕗᓕᕆᓚᐅᖅᑕᑦᑎᓐᓂᒃ. ᑕᒪᓐᓇ ᐱᒻᒪᕆᐅᖃᑕᐅᔪᐊᓘᒻᒪᑦ ᐃᓄᐃᑦ ᐃᓅᓯᖏᓐᓂᒃ ᐃᓚᖏᓐᓄᑦ ᐃᓛᒃ ᐊᒥᓱᕐᔪᐊᕌᓗᖕᓄᑦ ᐅᑭᐅᖅᑕᖅᑐᒥᐅᓄᑦ. ᑕᒪᓐᓇ ᐃᓅᓯᑦᑕ ᐃᓚᒋᒻᒥᒻᒪᐅᒃ ᐊᕐᕕᓐᓂᐊᕐᓂᖅ ᐃᓚᒋᑦᓯᐊᕐᒪᐅᒃ, ᐃᓛᒃ ᐅᓪᓗᒥᒧᑦ ᑎᑭᑦᑐᓂᓗ, ᑕᐃᒃᑯᐊ ᓯᕗᓕᕗᑦ ᐅᐱᒋᑦᑎᐊᕐᓚᕗᑦ ᐊᒻᒪᓗᑦᑕᐅᖅ ᐅᕙᑦᑎᓐᓂᒃ ᐅᐱᒋᓗᑕ ᓯᕗᓕᖃᕆᐊᖅ ᑕᐃᒃᑯᓂᖓ ᐊᕐᕕᓐᓂᐊᖅᑎᒥᓂᕐᓂᒃ. ᖁᔭᓐᓇᒦᒃ.

    ᐊᐱᖅᓱᕐᓂᒥᓂᖅ ᑕᕙᔪ.ᒋᓕᔅ ᕌᔅᒥᑦ, ᖃᐅᔨᒪᔨᑕᕐᒥᒃ

    ᒋᐅᓪ ᕌᔅᖑᔪᖓ. ᐊᕐᕌᒍᓂᒃ 35-ᓂᒃ ᐃᓕᓴᐃᔨᐅᔪᖓ, ᖃᐅᔨᓴᖅᓯᒪᕗᖓᓗ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐊᕐᕙᒐᓱᖕᓂᕐᒥᒃ ᑕᐃᒪᙵᓂᑦ 1964ᒥᑦ. ᑎᑎᕋᐅᓯᕆᓯᒪᒐᓛᒃᑕᒃᑲᓗ. ᐸᖕᓂᖅᑑᑉ ᐃᓄᖏᑕ ᐃᓚᖏᓐᓂᒃ ᐊᐱᖁᓇᒃᓯᒪᕗᖓ, ᑐᓴᕈᒥᒋᔭᒻᒪᕆᒋᒐᒃᑯ, ᐃᕝᕕᓪᓗᖃᐃ.

    ᐊᕐᕕᓐᓂᐊᕐᓂᖅ ᓯᓚᕐᔪᐊᕐᒥᐅᓂ ᐱᕈᕆᐊᕈᑕᐅᓯᒪᓂᑰᕗᖅ. ᓇᒥᓕᒫᖅ ᓯᓚᕐᔪᐊᕐᒥ. ᐅᑭᐅᖅᑕᖅᑐᒥᑦ ᓄᓇᕐᔪᐊᑉ ᐊᑖᓄᑦ ᓯᕐᒥᓕᖕᒧᑦ. ᑕᕆᐅᕐᔪᐊᖑᔪᑦ ᐃᑎᔪᑦ ᐊᑦᓛᓐᑎᒃᒥᑦ ᐃᒡᓗᖔᖓᓂᓗ ᐸᓯᕕᒃ ᐊᒻᒪᓗ ᐃᓐᑎᐊᓐ ᐃᒪᖓᓂ. ᓇᒧᑐᐃᓐᓈᓗᒃ. ᐊᓯᐊᓂᓗ ᓄᓇᖃᖅᑐᑦ ᑕᕆᐅᑉ ᐊᑭᐊᓂᒥᐅᑦ, ᒥᐊᓕᒐᕐᒥᐅᑦ, ᔮᑉᐸᓃᓰᑦ ᐊᓯᖏᓪᓗ, ᐱᖃᑕᐅᔪᒪᔪᑦ ᐊᕐᕕᓐᓂᐊᕐᓂᕐᒧᑦ ᐃᓚᐅᓯᒪᕗᑦ. ᓇᒥᓕᒫᖅ ᓄᓇᙳᐊᓕᒫᕐᒥ ᑕᒪᒃᑭᐅᔾᔭᐅᓂᑰᕗᖅ.

    ᐅᑭᐅᖅᑕᖅᑐᒥᙶᒐᕐᓂᒃ ᐅᓂᒃᑳᖑᓂᑯᐃᑦ, ᔮᒃ ᑳᑎᐊᐃ ᐅᐃᕖᒃᓴᔭᒃ, ᖃᐅᔨᓴᖅᑎᕕᓂᖅ ᑕᐃᔅᓱᒪᓂᑲᓪᓚᒃ ᐃᖃᓗᓕᕆᕕᒃᑕᖃᓚᐅᖅᓯᒪᖕᒪᑦ ᑲᖏᖅᖣᒪᓂᕐᒥ ᐊᕐᕙᖕᓂᐊᕐᕕᒃᒥ. 1540ᖏᓐᓂ, ᓛᐸᑐᐊᑉ ᐃᑭᖓᓂ ᐊᕐᕙᒐᓱᒃᖢᑎᒃ, ᑭᖑᓂᐊᒍᓪᓗ 1610ᖏᓐᓂ ᔅᐱᑦᕘᒐᓐᒥ. 1600ᖏᑕ ᓄᕐᖑᖅᐸᓯᐊᓂᑦ 1700ᖏᓐᓄᑦ, ᐊᕐᕙᖕᓂᐊᖅᑏᑦ ᕿᒥᕐᕈᕙᓪᓕᐊᓕᓚᐅᖅᐳᑦ ᐅᑭᐅᖅᑕᖅᑐᒥᒃ. ᕿᑭᖅᑖᓘᑉ ᐃᑭᖓᓂ ᐊᕐᕙᖕᓂᐊᕐᕕᖃᖅᖢᑎᒃ (ᐃᖃᓗᖕᓂᐊᖅᑎᓂᒃ ᑕᐃᒎᓯᖅᑕᖃᖅᖢᑎᒃ ᐊᕐᕙᖕᓂᐊᖅᑎᐅᒐᓗᐊᖅᖢᑎᒃ).

    ᔮᒪᓂᕋᔭᐃᑦ ᐊᐅᓚᑦᑎᓕᓚᐅᕐᒪᑕ, ᔮᒪᓐᕋᔭᐃᑦ ᐊᓯᖏᓪᓗ ᐱᖃᑕᐅᓕᕐᒪᑕ. 1700ᖏᓐᓂ 100ᓂᒃ ᐅᑭᐅᓂᒃ ᐊᕐᕙᒐᓱᖃᖅᑕᖅᑐᕕᓃᑦ ᐃᑭᖅᐸᓯᖓᓂ. ᑭᖑᓂᐊᒍᑦ, ᓯᒃᑳᔅᓰᑦ ᐃᓚᓕᐅᑎᔪᕕᓃᑦ, ᕿᑭᖅᑖᓘᑉ ᐃᑭᖅᐸᓯᐊᓃᓐᓂᖅᓴᐅᓪᓗᑎᒃ. ᐊᕌᒍᓂᒃ 100ᖏᓐᓂ, ᔮᒪᓂᕋᔭᐃᑦ ᓯᒃᑳᔅᓯᕋᔭᐃᓪᓗ ᐊᕐᕙᒐᓱᒃᑏᑦ ᐊᑯᑭᑦᑐᕐᒥᐅᑦ ᐃᑭᕋᓴᖓᓂᒃ ᒥᕐᖑᖅᑐᖅᐸᓚᐅᖅᐳᑦ, ᐅᓄᖅᑐᐊᓗᖕᓂᒃ ᐊᕐᕙᖕᓂᑰᕗᑦ. ᐅᑎᖅᑕᕋᐃᓐᓇᖅᐸᒃᑐᕕᓃᑦ, ᐊᕐᕌᒍᖓ 1802 ᑎᑭᖢᒍ.

    ᓯᒃᑳᔅᓰᑦ ᐊᕐᕙᖕᓂᐊᖅᑏᑦ ᖁᑦᑎᒃᑐᒧᐊᖅᐸᓪᓕᐊᑐᐃᓐᓇᓚᐅᖅᐳᑦ 1800ᖏᓐᓂ. ᓯᑯᒧᑦ ᐊᔭᖏᑉᐸᓚᐅᕐᒪᑕ ᐅᒥᐊᕐᔪᐊᑦ. ᒪᐃ ᕿᑎᐊᓂᐅᒐᓗᐊᖅ. ᐊᓯᖏᓐᓄᑦ ᐅᓂᒃᐸᒐᑎᒃ ᕿᑭᖅᑖᓘᑉ ᐃᑭᖓᓄᐊᕆᐊᒃᓴᖅ. ᓯᓈᖓᓄᐊᖅᑳᖅᐸᓚᐅᕐᒪᑕ, ᐊᕐᕖᑦ ᑲᑎᙵᓪᓗᑎᒃ ᓯᓈᖓᓂ ᓂᕆᓇᓱᒃᐸᓚᐅᕐᒪᑕ.

    ᐊᐃᑉᕆᓕᐅᑉ ᐱᒋᐊᕐᓂᖓᓂ, ᐅᒥᐊᕐᔪᐊᑦ ᑕᒪᐅᙵᖅᐸᓚᐅᕐᒪᑕ. ᓯᕐᒥᖅᐸᓚᐅᕐᒪᑕ ᖄᖏᑦ ᐅᒥᐊᕐᔪᐊᑦ. ᓂᒡᓚᓱᒃᐸᒃᖢᓂ ᖃᐱᓚᓇᖅᐸᓚᐅᖅᑐᖅ. ᐅᓗᕆᐊᓇᖅᐸᓚᐅᖅᑐᖅ ᐊᕐᕙᖕᓂᐊᖅᑎᐅᔭᕆᐊᒃᓴᖅ. ᖃᖓᙳᖅᐸᓪᓕᐊᓪᓗᓂ, ᓯᓈᖓ ᒪᙳᒃᐸᓪᓕᐊᓕᕌᖓᑦ ᐅᑎᕆᐅᒥᕙᓚᐅᖅᐳᖅ ᓯᑯ. ᒪᐃ ᕿᑎᖅᐸᓯᓕᕌᖓᑦ, ᖁᑦᑎᖕᓂᖅᓴᒧᐊᕈᓐᓇᖅᐸᓚᐅᖅᐳᑦ.

    ᔫᓂᒥᒃ, ᐳᓚᑲᑕᒍᓐᓇᖅᓯᕙᒃᖢᑎᒃ ᑲᖏᖅᖢᖏᓐᓄᑦ.

    ᐋᓐ ᕼᐊᓐᓴᓐ, ᓄᓇᕗᑦ ᑲᒥᓴᓇᖓ, ᑕᕙᔪ. ᒋᓕᔅ ᕌᔅ, ᓄᓇᓕᕆᓂᕐᒧᓐ ᓯᓚ

    ᐊᓐ ᒥᑭᔾᔪᒃ ᕼᐊᓐᓴᓐ, ᓄᓇᕗᑦ ᑲᒥᓴᓇᖓ, ᓇᓗᓇᐃᖅᑐᐃᔪᖅ ᖃᓄᖅ ᐃᓄᐃᑦ ᓯᕗᓕᒥᓂᖏᑦ ᐊᖅᕕᒐᓱᐊᖅᑎᐅᓂᕐᒪᖔᑕ, ᐃᓄᖑᓐᓂᕋᓗᐊᖅᐸᑕ, ᓯᒃᑳᑦᑎᐅᓐᓂᕋᓗᐊᖅᐸᑕ, ᐊᒥᐊᓕᑲᐅᓐᓂᕋᓗᐊᖅᑲᑕᓘᓐᓃᑦ ᑕᒪᓐᓇ ᓯᕗᓕᒥᓂᖅᐳᑦ ᐅᐱᒋᔭᔅᓴᑐᐃᓐᓇᐅᒻᒪᓐ. ᑖᓐᓇ ᓯᓚᑦᑐᓴᖅᕕᔾᔪᐊᒥ ᐃᓕᓴᐃᔨᒥᓂᖅ ᑕᕙᔪ. ᒋᓕᔅ ᕌᔅ ᐅᖃᐅᓯᓕᒃ ᐊᖅᕕᒐᓱᐊᕐᓂᐅᑉ ᐱᒋᐊᓐᖓᕐᓂᒥᓂᖓᓂᒃ ᑲᓇᑕᐅ ᐊᒥᐊᓕᑲᒃᑯᓪᓗ ᐃᒪᖁᑎᖓᓂ, ᐱᒋᐊᖅᑳᖅᑐᒥᓂᐅᓪᓗᑎᒃ ᕕᐊᓪ ᐊᐃᔪᓪ ᐃᑭᕋᓴᖓᓂ ᐊᒻᒪᓗ ᑭᖑᓂᐊᒍᑦ ᐅᑭᐅᖅᑕᖅᑐᒨᖅᐸᓕᐊᓪᓗᑎᒃ ᓛᐸᑐᐊᑉ ᓵᖓᒎᖅᑐᑎᒃ ᑕᑉᐸᐅᖓ ᓯᐱᑦᕘᒐᓐ ᕿᑭᖅᑕᖏᓐᓄᑦ, ᐊᒻᒪᓗ ᑭᖑᓂᒃᑲᓐᓂᐊᒍᑦ ᐊᖅᕙᒐᓱᐊᖃᑦᑕᖅᑐᒥᓂᐅᓪᓗᑎᒃ ᕿᑭᖅᑖᓘᑉ ᐊᑯᑭᑦᑑᓪᓗ ᐊᑯᓐᓂᖓᓂ ᑕᐃᒪᓐᖓᓂᒃ 1700 ᐊᕐᕌᒍᐃᑦ ᐱᒋᐊᓕᕋᑖᒥᓂᐅᑎᓪᓗᒋᑦ.

  • ᑕᕙᔪ. ᒋᓕᔅ ᕌᔅ, ᓄᓇᓕᕆᓂᕐᒧᓐ ᐃᓕᓴᐃᔨᒥᓂᖅ ᐃᓐᓇᒻᒪᕆᐅᓂᕐᒧᓐ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᐊᐱᖅᓱᕐᓂᒥᓂᖅ ᑕᕙᔪ.ᒋᓕᔅ ᕌᔅᒥᑦ, ᖃᐅᔨᒪᔨᑕᕐᒥᒃ

    ᐊᐃᑉᕆᓕᐅᑉ ᐱᒋᐊᕐᓂᖓᓂ, ᐅᒥᐊᕐᔪᐊᑦ ᑕᒪᐅᙵᖅᐸᓚᐅᕐᒪᑕ. ᓯᕐᒥᖅᐸᓚᐅᕐᒪᑕ ᖄᖏᑦ ᐅᒥᐊᕐᔪᐊᑦ. ᓂᒡᓚᓱᒃᐸᒃᖢᓂ ᖃᐱᓚᓇᖅᐸᓚᐅᖅᑐᖅ. ᐅᓗᕆᐊᓇᖅᐸᓚᐅᖅᑐᖅ ᐊᕐᕙᖕᓂᐊᖅᑎᐅᔭᕆᐊᒃᓴᖅ. ᖃᖓᙳᖅᐸᓪᓕᐊᓪᓗᓂ, ᓯᓈᖓ ᒪᙳᒃᐸᓪᓕᐊᓕᕌᖓᑦ ᐅᑎᕆᐅᒥᕙᓚᐅᖅᐳᖅ ᓯᑯ. ᒪᐃ ᕿᑎᖅᐸᓯᓕᕌᖓᑦ, ᖁᑦᑎᖕᓂᖅᓴᒧᐊᕈᓐᓇᖅᐸᓚᐅᖅᐳᑦ.

    ᔫᓂᒥᒃ, ᐳᓚᑲᑕᒍᓐᓇᖅᓯᕙᒃᖢᑎᒃ ᑲᖏᖅᖢᖏᓐᓄᑦ.

    ᐊᑯᑭᑦᑐᒧᑦ ᖃᓂᒃᓴᕋᓱᒃᐸᓚᐅᖅᐳᑦ ᓯᑯᖏᑦ ᐊᔾᔨᒌᖏᑦᑑᕙᓚᐅᕐᒪᑕ ᐊᖏᓕᕇᑦ. ᐃᖏᕐᕋᓂᕐᒧᑦ ᐊᑕᕙᓚᐅᕐᒪᑕ ᑭᓯᐊᓂᓕᑦᑕᐅᖅ ᐊᓄᕆᒧᑦ ᐊᓯᔾᔨᖅᓴᕋᐃᓚᐅᕐᒥᔪᖅ. ᐊᑕᐅᑦᑎᒃᑯᑦ ᐃᒪᐅᓂᖅᑕᖃᖅᐸᓚᐅᕐᒥᔪᑦ ᐊᐅᒃᑲᕐᓇᐅᔪᒥᒃ, ᓯᑯᓱᐃᑦᑑᓪᓗᓂ, ᑕᒫᓂ. ᐃᓗᐊᖏᑦᑐᒦᒻᒪᑦ ᑭᓯᐊᓂ. ᔪᓚᐃᙳᖅᓰᔭᕆᐊᖃᕈᑕᐅᓪᓗᓂ. ᔪᓚᐃᖑᓕᕌᖓᑦ ᐅᒥᐊᕐᔪᐊᑦ ᐊᔭᖏᑦᑕᖏᓐᓂᖅᓴᐅᕙᒃᖢᑎᒃ, ᓯᑯᑭᒡᓕᔭᕌᖓᑦ, ᒥᑦᑎᒪᑕᓕᖕᒧᐊᕈᓐᓇᖅᓯᕙᒃᖢᑎᒃ. ᓂᕐᔪᑎᖃᑦᑎᐊᕐᓂᖓᓄᓪᓗᑭᐊᖅ, ᒥᑦᑎᒪᑕᓕᒃ ᐊᕐᕕᖃᕐᓂᐅᕙᓚᐅᕐᒪᑦ ᔫᓂᒥ ᔪᓚᐃᒥᓗ. ᐊᒻᒪᓗ ᐊᒥᒐᖏᑦᑎᐊᖅᐸᒃᖢᓂ ᐊᕐᕙᒐᓱᒡᕕᒋᔭᕆᐊᒥᒃ.

    ᓇᓗᓇᐃᖅᓯᒃᑲᓐᓂᕐᓗᖓ ᓯᑰᑉ ᒥᒃᓵᓄᑦ: ᐊᕐᕙᒐᓱᒃᐸᓚᐅᖏᒻᒪᑕ ᐃᓐᓈᕈᓕᕈᔪᖕᒥ ᐅᐱᕐᖓᓕᓵᖅᑎᓪᓗᒍ ᓯᑯᖃᓗᐊᕐᓂᖓᓄᑦ. ᓄᓇᖅᐸᓯᙱᒧᑦ ᑐᕙᐅᓗᐊᒧᓪᓗ. ᓯᑯᑐᖃᖅ ᐅᐃᓴᐅᔾᔪᑕᐅᕙᓚᐅᕐᒪᑦ. ᒥᑦᑎᒪᑕᓕᖕᒧᐊᕐᓇᖏᒻᒪᑦ ᔫᓂᒥ. ᓯᓈᖓᓂ ᑐᓚᒃᐸᓚᐅᖅᐳᑦ, ᐅᒥᐊᕐᔪᐊᑎᒃ ᐃᐱᖅᑐᖅᖢᒋᑦ ᓯᑯᒧᑦ, ᐅᒥᐊᒥᖕᓄᑦ ᐊᕐᕙᒐᓱᖔᖅᖢᑎᒃ. ᐊᕙᑏᑦ ᖁᓕᐅᓪᓗᑎᒃ ᐅᒥᐊᕐᔪᐊᑦ ᓯᓈᓯᐅᖅᐸᓚᐅᖅᐳᑦ ᒥᑦᑎᒪᑕᓕᖅᐸᓯᖕᒥ, ᐅᒥᐊᒥᖕᓅᖅᖢᑎᒃ, ᓴᐃᒻᒪᑎᒥᖕᓄᑦ ᖃᐅᔨᒪᖃᑦᑕᐅᑎᕙᒃᖢᑎᒃ, ᐊᕐᕕᕐᓂᒃ ᒪᓕᖅᓱᖅᐸᒃᖢᑎᒃ, ᖁᑭᐅᑦᑕᐅᔭᓅᖅᐸᒃᖢᑎᒃ ᐊᕙᑕᓕᖕᓄᑦ ᐊᒻᒪᓗ ᐅᒥᐊᕐᔪᐊᒥᖕᓄᑦ ᐊᒡᒋᓯᕙᒃᖢᒋᑦ ᐊᕐᕕᐅᓕᕌᖓᒥᒃ.

    ᐊᕐᕕᒐᓵᓗᐃᑦ ᐃᑭᓕᖅᑕᐅᕙᒃᖢᑎᒃ ᐱᔭᕆᔭᐅᕙᒃᖢᑎᒃᓗ. ᐊᖑᒻᒥᒃ ᐊᑕᐅᓯᕐᒥᒃ ᐅᖃᖅᑐᖃᕐᓂᑰᕗᖅ, 1823ᖑᑎᓪᓗᒍ, ᓇᐃᒪᓪᓗᒍᒎᖅ ᐅᐊᑲᓪᓚᐅᓚᖅᓯᒪᕗᖅ. ᐊᕐᕖᒡᒎᖅ ᐆᒪᔪᑦ ᐳᑦᑐᑑᖅᑐᑦ ᓇᒧᑐᐃᓐᓇᖅ ᕿᕕᐊᖅᖢᓂ ᑕᑯᒃᓴᐅᔪᑦ ᐃᒻᒪᓕᒎᖅ ᐳᒃᑕᓛᖅᑐᑦ ᐅᓄᖅᑐᐊᓗᐃᑦ ᐊᕙᑎᒥᖕᓃᑦᑐᑦ ᐳᒃᓯᓐᓇᐅᖅᑲᔪᑦ.

    ᑐᕚᕆᔭᐅᕙᒃᑐᕕᓂᖅ. ᑕᒪᐅᓇ ᑭᓯᐊᓂ ᐊᖅᑯᑎᖃᕐᒪᑦ, ᓲᖃᐃᒻᒪ, ᓯᑯ ᐊᐅᒃᐸᓪᓕᐊᓕᖅᐸᑦ, ᓯᖁᑦᑎᕐᓂᐊᕐᒪᑦ, ᑕᓪᓗᕈᑎᐅᑉ ᐃᑭᖓ ᐃᕗᓂᑯᐃᓐᓇᐅᓕᕐᓂᐊᕐᒥᖕᒪᑦ. ᐅᑭᐊᒃᓵᒃᑯᑦ ᐋᒡᒌᓯᐅᑉ ᕿᑎᕈᔪᐊᓂ ᓂᒡᓚᓱᖕᓂᖅᓴᐅᕙᒃᑎᓪᓗᒍᓕ ᑕᐃᔅᓱᒪᓂ, ᑕᐃᒪᐃᑉᐸᓚᐅᕐᒪᑦ. ᓂᒍᕋᒐᒃᓴᐅᕙᓚᐅᖏᒻᒪᑦ ᐊᑦᑕᕐᓇᓗᐊᒧᑦ ᑕᐃᒪᐃᑎᓪᓗᒍ, ᓯᑯᖃᓗᐊᒧᑦ, ᐃᓐᓈᕈᓕᖕᒧᐊᕋᓱᒋᐊᒃᓴᖅ ᓄᓈᕋᓱᒋᐊᒃᓴᕐᓘᓐᓃᑦ, ᐃᓄᖕᓄᐊᕐᓇᕋᓂ ᒥᖑᓕᕆᕕᒃᓴᓕᐊᕐᓇᕋᓂᓗ.

    ᓂᒍᕋᖅᖢᑎᒃ ᓯᑯᖃᐅᖅᑐᒃᑯᑦ ᐱᑦᑎᐊᓕᓇᓱᒃᐸᓚᐅᖅᐳᑦ. ᓈᒻᒪᓈᓪᓗᐊᕌᖓᒥᒃ ᓯᑎᐱᕆᒥ ᕿᕕᑦᑑᒧᐊᖅᐸᓚᐅᖅᐳᑦ. ᑭᖑᓪᓕᖅᐹᖅᓱᓕᖅᖢᑎᒡᓗ ᐊᕐᕙᒐᓱᖕᓂᕐᒥᒃ ᓲᖃᐃᒻᒪ ᐊᕐᕖᑦ ᓴᓕᐊᖅᐸᓚᐅᕐᒪᑕ ᑕᐅᓄᖓ. ᒪᓕᒃᑕᐅᕙᓪᓕᐊᓪᓗᑎᒃ.

    ᑕᕙᔪ. ᒋᓕᔅ ᕌᔅ, ᓄᓇᓕᕆᓂᕐᒧᓐ ᐃᓕᓴᐃᔨᒥᓂᖅ ᐃᓐᓇᒻᒪᕆᐅᓂᕐᒧᓐ

    ᓯᓚᑦᑐᓴᖅᕕᔾᔪᐊᒥ ᐃᓕᓴᐃᔨᒥᓂᖅ ᕌᔅ ᓇᓗᓇᐃᖅᑐᐃᔪᖅ ᑕᐃᔅᓱᒥᒎᖅ ᔪᓚᐃᖑᑎᓪᓗᒍ ᐅᖅᑰᓯᐅᒥᓯᒪᑎᓪᓗᒍ, ᐊᖅᕕᒐᓱᐊᖅᑏᑦ ᐅᐊᓐᓇᒧᓐ ᑕᑉᐸᐅᖓᖅᐸᓪᓕᐊᕙᑦᑐᒥᓃᑦ ᑎᑭᐅᑎᒐᓱᐊᖅᑐᑎᒃ ᐅᑭᐅᖅᑕᖅᑐᒥ ᓯᑯᔪᐃᑦᑐᖅᔪᐊᒥᒃ. 12ᒐᓚᒻᒪᕆᐊᓗᐃᑦ ᐅᒥᐊᕐᔪᐊᑦ ᐊᖅᕕᒐᓱᐊᖅᑏᑦ ᐊᖅᕕᒐᓱᐊᖃᑦᑕᓕᕐᓂᖅᐳᑦ ᒥᑦᑎᒪᑕᓕᐅᑉ ᓴᓂᐊᓂ ᐊᖅᕕᖃᕐᓂᐊᓗᐊᓂ ᐊᒻᒪᓗ ᓂᒋᕐᔪᓐ ᐃᖏᕐᕋᕙᓐᓂᕆᓪᓗᑎᒃ ᑑᕙᓐᒧᓐ ᐊᒻᒪᓗ ᑕᐃᑲᓐᖓᑦ ᐊᖏᕐᕋᕆᐊᓕᖅᑐᑎᒃ.

  • ᑐᐊᕋᑎ ᑖᐊᓕ ᐲᐳᕐ, ᐃᓄᐃᑦ ᐅᓂᒃᑳᖏᓐᓂᒃ ᐅᐊᑦᑎᐊᕈᕐᓂᓴᕐᓂᒃ ᖃ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᑐᐊᕋᑎ ᕼᐊᓕ ᐄᐳ

    ᑐᐊᕋᑎ ᕼᐊᓕ ᐄᐴᔪᖓ.

    ᐅᑭᐅᖅᑕᖅᑐᒨᕈᓐᓇᕈᓘᔭᓚᐅᖅᓯᒪᔪᖓ 1968ᖑᑎᓪᓗᒍ ᐊᐱᖅᓱᕆᐊᖅᑐᖅᑐᖓ ᐊᒥᓱᓂᒃ ᐃᓄᓐᓂᒃ ᑕᐃᔅᓱᒪᓂ ᐃᓅᓚᐅᖅᓯᒪᔫᒐᓗᐊᓂᒃ, ᐊᖅᕕᒐᓲᑎᓂ ᐊᒥᐊᕐᓂ ᐱᖃᑕᐅᕙᑦᑐᒥᓂᕐᓂᒃ ᐊᒻᒪᓗ ᐅᓂᒃᑳᓂᒃ ᖃᐅᔨᒪᔪᓂᒃ ᐊᖅᕕᒐᓱᐊᕐᓂᕐᒥᒃ ᐱᔾᔪᑎᓕᓐᓂᒃ. ᑮᓇᐅᔭᖅᑖᕆᓯᒪᔭᕐᒪ ᐃᓚᖓᑦ ᑕᐃᑲᓐᖓᐅᔪᒻᒪᓐ ᑲᓇᑕᒥ ᓄᓇᕐᔪᐊᕐᒥᐅᑦ ᐃᓄᖏᓐᓂᒃ ᑕᑯᔭᒐᖃᖅᕕᔾᔪᐊᖓᓂᑦ, ᐊᒻᒪᓗ ᑕᐃᒃᑯᐊ ᐊᐱᖅᓱᕐᓂᒥᓂᓕᒫᒃᑲ ᑐᖅᑯᖅᑕᐅᓯᒪᔪᑦ ᐅᓪᓗᒥ. ᐊᑕᐅᓯᐊᖅᑐᖓ ᐊᐅᔭᐅᑎᓪᓗᒍ ᑭᒻᒥᕈᓕᐊᔪᔪᖓ ᑭᓐᖓᕐᓄᓪᓗ ᐃᓄᓐᓂᒃ ᐊᐱᖅᓱᕆᐊᖅᑐᖅᑐᖓ ᐊᒻᒪᓗ ᐊᕐᕌᒍᒻᒪᓐ ᐊᐅᔭᒃᑯᑦ ᕼᐊᑦᓴᓐ ᕙᐃ ᑲᖏᖅᑐᐊᓗᐊᓅᖅᑐᖓ ᐊᖖᕕᐊᓄᑦ ᐃᒡᓗᓕᒑᕐᔪᒧᓪᓗ ᐊᒻᒪᓗ ᐊᓯᖏᓐᓄᑦ ᓄᓇᓕᓐᓄᑦ ᐅᐸᓚᐅᖅᓯᒪᓐᖏᑕᓐᓄᑦ ᑭᕙᓪᓕᕐᒥ. ᐅᖃᖃᑎᖃᕈᓐᓇᔪᔪᖓ ᐃᓄᓐᓂᒃ ᐃᓘᓐᓇᑎᒃ ᐃᓐᓇᑐᖃᒻᒪᕆᓐᓂᒃ ᑕᐃᒫᓪᓗ ᓈᒻᒪᓈᕈᓘᔭᖅᑐᒋᔪᔪᖓ ᐊᖅᕕᒐᓱᐊᕐᓂᒥᓂᕐᒥᒃ ᐱᔾᔪᑎᓖᑦ ᐅᓂᒃᑳᖏᑦ ᐱᔪᓐᓇᕈᓘᔭᖅᑐᒋᑦ.

    ᐃᓱᒪᔪᖓᓕ ᐊᖅᕕᒐᓱᐊᕐᓂᐅᕙᑦᑐᒥᓃᑦ ᐃᓄᓐᓄᑦ ᐊᔅᓱᐊᓗᒃ ᐱᒻᒪᕆᐅᓐᓂᕐᒪᑕ; ᑕᐃᓐᓇ ᐅᐊᑦᑎᐊᕈ ᐊᑐᖅᑕᐅᕙᑦᑐᒥᓂᖅ ᐅᓪᓗᒥᒧᓐ ᐃᓄᐃᑦ ᐃᓱᒪᖏᓐᓂᒃ ᐊᐅᓚᑦᑎᔪᖅ.

    ᓯᒃᑳᑦᑎᒃᑯᑦ ᐊᖅᕕᒐᓱᐊᖅᑏᑦ ᑎᑭᑦᑐᒥᓃᑦ 1817ᒥ. ᒪᕐᕈᐃᑦ ᐅᒥᐊᕐᔪᐊᑦ ᐃᑳᖅᑐᒥᓃᒃ ᕿᑭᖅᑖᓘᑉ ᕿᒪᕉᒪᓂᕐᔪᐊᖓᓂᒃ ᑕᒪᐅᓇ ᒥᑦᑎᒪᑕᓕᐅᑉ ᓴᓂᐸᓗᐊᒍᑦ. ᑭᖑᓂᐊᒍᓪᓕ, ᐱᔾᔪᑎᒋᓪᓗᒍ ᑖᒃᑯᐊ ᒪᕐᕉᒃ ᐅᒥᐊᕐᔪᐊᒃ ᐊᒥᓱᐊᓗᓐᓂᒃ ᐊᖅᕕᐊᕐᓂᕐᖓᑎᒃ ᐊᒥᓱᐊᓗᐃᑦ ᐊᖅᕕᒐᓱᐊᕆᐊᖅᐸᓕᔪᔪᑦ ᐊᕐᕌᒍᑦᑕᕋᐃᒻᒪᓐ.

    ᐊᕐᕌᒍᓄᑦ ᐊᒥᓱᑲᓪᓚᓐᓄᑦ ᓄᓇᒧᑦ ᑐᓚᔅᓯᒪᖃᑦᑕᖅᑐᑎᒃ ᓴᖓᒎᖅᐸᓪᓕᐊᕙᑦᑐᒥᓃᑦ ᓂᒋᕐᒧᓐ ᐊᒻᒪᓗ ᖃᐅᔨᓯᓐᓇᓕᖅᑐᒥᓂᐅᓪᓗᑎᒃ ᑎᓂᔾᔪᐊᖅᕕᒻᒥᒃ ᑕᒫᓂᓗ ᖃᐅᔨᔪᒥᓂᐅᓪᓗᑎᒃ ᐅᑭᐊᓪᓕᕕᔅᓴᐅᒻᒪᓐ ᐅᒥᐊᕐᔪᐊᖏᑦ ᓯᒃᑯᔾᔭᐅᑎᑕᐅᓯᒪᓗᑎᒃ. ᐊᒥᓱᓄᑦ ᐊᕐᕌᒍᓄ ᐊᕝᕙᒐᓱᐊᖅᕕᐅᓚᐅᖅᑐᖅ, 80 ᐊᕐᕌᒍᐃᑦ ᐅᖓᑖᓄᓪᓗ. ᑭᖑᓂᐊᒍᓪᓕ ᓴᓇᔪᒥᓃᑦ ᓄᓇᒥ ᐊᕝᕕᒐᓱᐊᖅᕕᓐᓂᒃ, ᑕᐃᒃᑯᐊᑦᑕᐅᖅ ᐃᓄᐃᑦ ᐃᓅᓯᖏᓐᓂᒃ ᐊᓯᔾᔩᓪᓚᕆᑦᑐᒥᓃᑦ.

    ᐊᐱᖅᓱᕐᓂᒥᓂᖅ ᑕᕙᔪ.ᒋᓕᔅ ᕌᔅᒥᑦ, ᖃᐅᔨᒪᔨᑕᕐᒥᒃ

    ᐅᒥᐊᕐᔪᐊᑦ ᐅᐊᓕᓂᓕᐊᖅᐸᓚᐅᖏᒻᒪᑕ ᑕᐃᔅᓱᒪᓂ ᑭᓯᐊᓂ 1819ᒥ 1820ᒥᓘᕝᕙᑭᐊᖅ. ᑭᒡᓕᖃᕐᒪᑦ: 1820 ᓯᕗᓂᐊᒍᑦ ᑭᖑᓂᐊᒍᓪᓗ. ᐃᑎᔾᔮᕌᓗᐃᑦ ᑯᐃᑉ ᓄᓇᖓᓂᙶᖅᑐᑦ ᓲ ᔮᓐ ᕌᔅᒥᒃ ᐊᑎᓕᒃ ᐊᐅᒃᑲᕐᓂᕐᔪᐊᒃᑰᖅᖢᓂ ᑕᓪᓗᕈᑎᒃᑰᕋᒥ ᖃᐅᔨᔭᐅᓕᑕᐃᓐᓇᓚᐅᖅᓯᒪᕗᖅ ᐊᕐᕕᖃᕐᓂᖓᓂᒃ ᐅᐊᓕᓂᖅᐸᓯᒃᑐᒥ. ᐊᖅᑯᓯᖅᑕᐅᓕᑕᐃᓐᓇᖅᖢᓂᓗ. ᓯᕗᓂᐊᒍᑦ ᐊᔭᖏᓐᓇᖅᑐᖁᑎᒋᔭᐅᓚᐅᖅᓯᒪᖕᒪᑦ ᓯᑯᓄᑦ. ᑲᖐᓇᖅᑐᒃᑯᑦ, ᔮᒪᓂᕋᔭᐃᑦ 1700ᖏᓐᓃᑎᓪᓗᒍ ᐃᑳᖅᐸᒃᑐᕕᓂᐅᒐᓗᐊᑦ ᕿᑭᖅᑖᓗᖕᒧᐊᕆᐊᒃᑯᑦ ᐃᑭᑭᓐᓂᖓᒍᑦ. 200ᒪᐃᓕᒧᑦ ᑕᑯᒃᓴᐅᓂᖃᕐᒪᑦ ᐃᒪᕕᒃᑰᖓᔪᒃᑯᑦ ᐊᑭᐊᓂᑦ. ᑲᖐᓇᕐᒪᑦ ᓄᓇᙳᐊᓕᐊᕆᔭᐅᕐᖓᕐᓂᑯᐃᑦ ᑕᒪᐅᙵᓚᐅᓪᓚᖃᑦᑕᖅᑐᕕᓂᐅᔭᕆᐊᖏᓐᓂᒃ.

    1820ᒥ, ᐊᖅᑯᓯᖅᑐᕕᓂᐅᕗᑦ ᓄᑖᒥᒃ. ᐅᑎᒧᖔᖅᖢᑎᒃ ᓴᓐᓂᕈᑎᐅᑉ ᐃᒪᖓᒍᑦ, ᕿᑭᖅᑖᓘᑉ ᐃᑭᖓᒍᑦ ᑭᖑᓪᓕᖅᐸᐅᔾᔨᓪᓗᑎᒃ ᕿᕕᑦᑑᒧᑦ. ᐊᖅᑯᑕᐅᖤᕐᒪᑦ ᑕᒪᓐᓇ. ᑕᐃᔅᓱᒪᓂ ᑎᓄᔾᔨᕕᒃᑰᕆᐊᖅ ᖃᐅᔨᒪᔭᐅᓚᐅᖏᒻᒪᑦ. ᓄᓇᙳᐊᓃᓚᐅᖏᒻᒪᑦ ᓱᓕ. ᑐᓴᐅᒪᔭᐅᓗᐊᓚᐅᖏᒻᒪᑦ ᔮᓐ ᑕᐃᕕᔅ, 200ᐃᑦ ᐅᑭᐅᑦ ᓯᕗᓂᐊᒍᑦ. ᐊᕐᕙᖕᓂᐊᖅᑐᖃᓚᐅᖏᒻᒪᑦ 1840ᖏᓐᓂ. ᑭᓯᐊᓂ ᐅᐃᓕᐊᒻ ᐱᓂ, ᓯᒃᑳᑦᓯᕋᔭᒃ ᑐᓴᐅᒪᓕᕋᒥ ᐃᓄᖕᓂᑦ ᕿᕕᑦᑑᕐᒥᐅᓂᒃ. ᐲᑕᖅᓴᓐᒥ ᐃᓅᓂᑯ ᐅᒥᐊᖅᑐᕐᖢᓂ ᖃᒪᓂᕐᒥᑦ. ᕿᕕᑦᑑᖅ ᑭᖑᓪᓕᖅᐸᐅᓪᓗᓂ ᐅᐸᒃᑕᐅᕙᒃᑐᕕᓂᐅᖕᒪᑦ ᐃᙵᓚᓐᒧᐊᓚᐅᖏᓐᓂᕐᒥᖕᓂ ᓯᑳᑦᓚᓐᒧᓪᓗ. ᐃᓄᖕᓂᒃ ᐃᓐᓄᒃᐸᓪᓕᐊᓕᓚᐅᖅᑐᖅ ᑎᓄᔾᔨᕕᒃ ᑐᓴᒥᕐᕈᔪᓂᒃ.

    ᐃᓄᖁᑎᖃᓚᐅᖅᐳᕐᓕ, ᐃᓄᓪᓗᐊᐱᒃᒥᒃ ᐊᑎᓕᖕᒥᒃ ᓂᒋᖅᐸᓯᐊᓂᑦ ᕿᑭᖅᑖᓘᑉ, ᕿᒻᒥᖅᓱᒃᒥᐅᖅᒥᒃ. ᐃᓚᓂ ᐱᖃᑎᒋᓪᓗᒋᑦ ᕿᓯᖕᒥᒃ ᐅᒥᐊᓕᒃ ᑎᓄᔾᔨᕕᖕᒥᙶᑐᕕᓂᖅ, ᐅᒥᐊᕐᔪᐊᓄᑦ ᐅᔭᐅᒪᔪᒦᑦᑐᒪᓪᓗᓂ. ᐱᓂᐅᑉ ᐃᙵᓚᓐᒧᐊᕈᑎᔭᕕᓂᖓ ᐊᕐᕌᒍᒻᒪᓪᓗ ᐅᑎᐅᑎᓐᓂᖅᖢᓂᐅᒃ ᕿᒻᒥᖅᓱᒃᒧᑦ ᐊᓯᐊᒍᑦ ᐅᒥᐊᕐᔪᐊᒃᑰᖅᖢᑎᒃ.

    1840ᐅᑉ ᓯᕗᓂᐊᒍᑦ, ᑕᒪᓐᓇ ᑐᓴᐅᒪᔭᐅᓚᐅᖏᒻᒪᑦ ᐊᕐᕙᒐᓱᒃᑎᓄᑦ.

    ᑐᐊᕋᑎ ᑖᐊᓕ ᐲᐳᕐ, ᐃᓄᐃᑦ ᐅᓂᒃᑳᖏᓐᓂᒃ ᐅᐊᑦᑎᐊᕈᕐᓂᓴᕐᓂᒃ ᖃ

    ᑐᐊᕋᑎ ᐃᐊᑦᔅ. ᐄᐳᕐ ᐅᖃᖅᑐᖅ ᖃᓄᖅ ᐱᒍᓐᓇᓯᓐᓂᕐᒪᖔᕐᒥ ᐊᐱᖅᓱᓂᕐᒥᒃ ᐃᓄᐃᑦ ᐅᓂᒃᑳᖏᓐᓂᒃ ᐅᑭᐅᖅᑕᖅᑑᑉ ᑲᓇᓐᓇᖓᓂ ᑕᐃᔅᓱᒪᓂ ᑭᖑᓪᓕᖅᐹᖏᑦ ᐃᓄᐃᑦ ᐊᖅᕕᒐᓱᐊᖃᑕᐅᖃᑦᑕᖅᓯᒪᔪᑦ ᐃᓅᑎᓪᓗᒋᑦ ᓱᓕ. ᓯᓚᑦᑐᓴᖅᕕᔾᔪᐊᒥ ᐃᓕᓴᐃᔨᒥᓂᖅ ᕌᔅ ᐅᖃᐅᓯᓕᒃ ᐅᐃᔾᔭᓚᑉᐸᓐᓂᒥᓂᖏᓐᓂᒃ ᐊᖅᕕᒐᓱᐊᖅᑏᑦ ᐅᒥᐊᕐᔪᐊᑦ ᕿᑭᖅᑖᓘᑉ ᐊᑯᑭᑦᑑᓪᓗ ᐊᑯᓐᓂᖓᓂ, ᐊᐅᓚᓂᖏᑦ ᑭᓯᐊᓂ ᐊᕈᖅᑐᑎᒃ ᐅᐃᓕᐊᒻ ᐱᐊᓂ ᐊᔪᕆᖅᓯᐅᔾᔭᐅᓪᓗᓂ ᐃᓄᓗᐊᐱᒻᒧᓐ ᐅᒥᐊᕐᔪᐊᒃᑯᑦ ᐳᓚᔪᒥᓂᐅᒻᒪᓐ ᑎᓂᔾᔪᐊᖅᕕᒻᒧᓐ 1840ᒥ.

  • ᐃᓄᐃᑦ ᖃᐅᔨᒪᓂᖏᑦ ᐊᔪᕐᓇᕈᓐᓃᓂᖅᓴᐅᑎᑦᑎᔪᒥᓃᑦ ᐊᕝᕕᒐᓱᐊᕐᓂᕐᒥᒃ
  • ᐋᓐ ᕼᐊᓐᓴᓐ, ᓄᓇᕗᑦ ᑲᒥᓴᓇᖓ, ᑕᕙᔪ. ᒋᓕᔅ ᕌᔅ, ᓄᓇᓕᕆᓂᕐᒧᓐ ᓯᓚ&
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᐊᐱᖅᓱᖅᑕᐅᑦᓱᓂ ᐅᖃᐅᓯᒥᓂᖏᓐᐋᓐ ᐃᖅᑲᒋᓇᖅᑐᖅ ᐋᓐ ᒥᑭᔾᔪᒃ ᕼᐊᓐᓴᓐ

    ᐄ, ᑕᐃᓐᓇ ᖁᕕᐊᓇᕈᑎᒋᒻᒥᔭᖓ ᓯᕗᓕᖃᕆᐊᖅ ᐊᕐᕕᓐᓂᐊᖅᑎᒥᓂᕐᓂᒃ. ᐃᓕᑦᓴᕋᐃᑦᑐᑲᓪᓚᐅᒐᑦᑕ ᐃᓅᓪᓗᑕ ᖃᓄᓕᒫᖅ.

    ᑕᐃᒃᑯᐊᑦᑕᐅᖅ ᐊᕐᕕᓐᓂᐊᖅᑏᑦ ᑕᒪᐅᖓᐅᔾᔪᑎᒥᓂᐅᒻᒪᑕ ᓱᓇᑐᐃᓐᓇᑦᓯᐊᕌᐱᓐᓂᒃ, ᑖᓐᓇ ᐃᓚᒋᔭᐅᓪᓗᓂ ᐃᙱᕈᑦ ᐃᙱᑎᑦᓯᓲᖑᓪᓗᑎᒃ. ᑕᒪᐅᖓᖅᑐᒥᓂᐅᒻᒪᑕ ᓱᐃᓛᕿᔾᔪᑎᒋᓪᓗᒍᖃᐃ ᐊᑯᓂᐊᓗᒃ ᐅᒥᐊᖅᑐᖃᑦᑕᒥᓂᐅᒻᒪᑕ, ᑕᒪᐅᖓ ᐅᑭᐅᖅᑕᖅᑐᓕᐊᕋᓱᐊᖅᓱᑎᒃ.

    ᑕᐃᒪ ᐃᙱᕈᑎᓂᒃ ᑕᑯᔭᕆᐅᖅᑐᒃᓴᐅᓐᓂᕐᖓᑕ ᐊᒻᒪᓗᑦᑕᐅᖅ ᑐᓴᕆᐅᖅᑐᑎᒃ ᐃᙱᑦᓯᒐᓗᐊᐱᓐᓂᒃ. ᑕᐃᒃᑯᐊ ᑕᐃᒪᐃᑦᑐᒥᓂᐅᒻᒥᒻᒪᑕ. ᑖᒃᑯᐊ ᐃᓅᖃᑎᕗᑦ ᓯᕗᓕᕗᑦ ᕿᓚᒥᕈᓗᒃ ᐃᓕᑦᑐᒥᓂᐅᒻᒪᑕ ᐃᙱᑎᑦᓯᓂᕐᒥᑦ ᑕᐃᑦᓱᒧᖓ, ᑕᐃᓐᓇ ᐱᖃᑎᐊᐱᒋᓚᐅᖅᑕᕗᑦ ᓕᐊ ᓄᑕᕋᖅ ᐅᓂᒃᑳᖃᑦᑕᓚᐅᖅᓯᒪᒻᒥᒻᒪᑦ, ᐊᕐᕕᓐᓂᐊᑦᑎᐊᓗᓐᓂᑦᑕᐅᖅ ᐊᙳᑎᓚᐅᖅᓯᒪᒐᒥ ᑕᑉᐹᓂ ᐆᒪᓇᕐᔪᐊᒥ ᐃᒪᐃᓕᖃᑦᑕᓚᐅᖅᓯᒪᒻᒥᒻᒪᑦ ᓕᐊ ᓄᑕᕋᖅ.

    ᑕᐃᒪᒎᖅ ᑕᐃᒃᑯᐊ ᑎᑭᑦᑐᐊᓘᒻᒪᑕ ᐅᒥᐊᕐᔪᐊᕌᓗᐃᑦ. ᐊᓱᐃᓛᒃ ᐅᒥᐊᕐᔪᐊᓕᐊᓕᖅᑐᒥᓃᑦ ᐅᒥᐊᕐᔪᐊᑦ ᑎᑭᑦᑐᐊᓘᒻᒪᑦ. ᑖᒃᑯᐊ ᐃᓅᖃᑎᒌᑦ ᑖᒃᑯᐊ ᐅᒥᐊᕐᔪᐊᒐᓚᐃᑦ, ᑕᐃᓐᓇ ᓂᕈᑐᕋᓚᒃᑐᐊᓘᒻᒪᑦ ᑕᐃᑲᓂ ᐃᒪᐃᓕᔪᖃᖅᑐᒥᓂᐅᓪᓗᓂ. ᑕᐃᓐᓇᒎᖅ ᖃᓪᓗᓈᖅ ᐃᓚᖓᑦ ᐃᙱᕈᒻᒥᒃ ᑎᒍᒥᐊᖅᑐᓂ ᓂᐱᓕᐊᐱᐅᕙᒃᑐᓂᓗ, ᐃᙱᑎᑦᓯᕙᓪᓚᒻᒪᑦ ᑐᓴᕐᓂᕆᔭᕕᖔᓘᓕᖅᑐᖅ. ᑕᐃᓐᓇ ᓕᐊ ᐃᒪᓐᓇᐃᓕᐅᖃᑦᑕᖅᓯᒪᔪᖅ.

    ᑖᓂᓱᒃ ᑖᓂᓱᖁᔨᓕᕐᖓᒡᒎᖅ ᑕᐃᓐᓇ ᐃᙱᖅᑎᑦᓯᔪᖅ, ᑎᓕᐅᕆᔪᐹᓘᓕᕋᓗᐊᕐᖓᑦ ᑖᒃᑯᓂᖓ ᓂᕕᐊᖅᓯᐊᓂᒃ ᓱᕈᓯᕐᓂᒃ ᓇᓃᑐᐃᓐᓇᖅᑐᓂᒃ. ᑖᒃᑯᐊ ᐱᒍᒪᙱᑦᑐᐊᓗᐃᑦ ᑖᓂᓯᕈᒪᙱᒻᒪᑕ. ᑕᐃᓐᓇ ᓕᐊ ᐱᖃᑎᐊᐱᒋᓚᐅᖅᑕᕗᑦ, ᐃᓐᓇᖃᐃ ᑲᙳᑕᐃᑦᑐᒥᓂᐅᒐᒥ, ᓂᕕᐊᖅᓯᐊᕌᓘᓪᓗᓂᑦᑕᐅᖅ ᒫᓂᖃᐃ 8−ᓂᒃ, 9−ᓂᒃ ᐅᑭᐅᖃᖅᑐᖅ. ᓱᓇᑖᕈᒪᒧᑭᐊᖅ ᓱᓇᑖᕈᒪᒧᑦᑕᐅᖅ ᐱᑖᖅᑎᑕᐅᓇᓱᒋᒧᓪᓗᖃᐃ ᐃᓱᒪᒐᒥ ᑕᐃᒪᐃᓕᐅᖃᑦᑕᓚᐅᕐᖓᑦ. ᑖᓂᓯᖁᔭᐅᓕᕋᒥ ᐃᙱᖅᑎᑦᑎᔪᖃᓕᑎᓪᓗᒍ ᐊᓱᐃᓛᒃ ᑖᓂᓯᖅᑐᕈᓘᓕᕐᒪᑦ ᐊᑯᓂᑲᓪᓚᒻᒪᕆᒃ. ᑐᓴᕆᐅᑦᑎᐊᖅᑐᓂᓗ ᐃᙱᑎᑦᑎᕙᓗᒻᒥᒃ ᐊᒻᒪᓗᑦᑕᐅᖅ ᑖᓂᓯᖁᔭᐅᓕᖅᑐᓂ, ᐃᓛᒃ ᑖᓂᓯᖅᑐᒥᓂᐅᒋᐊᖅ ᐅᓂᒃᑳᖃᑦᑕᓚᐅᖅᓯᒪᔪᖅ ᓕᐊ ᓄᑕᕋᖅ.

    ᐊᒻᒪᓗᑦᑕᐅᖅ ᑕᐃᒪ ᐃᙱᕈᒻᒥᒃ ᐅᓂᒃᑳᓂᓐᓂ ᐃᙱᑎᑦᑎᒍᓐᓇᑐᑦ ᐊᒥᓲᕙᓚᐅᕐᖓᑕ ᓄᓇᑦᑎᓐᓂ ᑭᒻᒥᕈᒻᒥᓗ. ᑭᒻᒥᕈᒻᒥᑐᐃᓐᓇᐅᙱᑦᑑᒐᓗᐊᖅ ᐃᓛᒃ. ᑕᐃᓐᓇᑦᑕᐅᖅ ᐊᓪᓛᑦ ᐊᓈᓇᒐ ᐃᙱᑎᑦᑎᒍᓐᓇᖃᑦᑕᓚᐅᖅᑎᓪᓗᒍ ᑐᓴᐅᒪᑦᑎᐊᕐᒥᔭᕋ. ᐅᕙᖓᓂ ᐃᙱᑎᑦᑎᖃᑦᑕᕋᓗᐊᕐᒥᔪᖓ ᐃᓛᒃ ᐱᒍᓐᓇᙱᓐᓂᖅᓴᐅᕙᒻᒥᔪᖓ ᑕᒪᒃᑯᓂᖓ ᐱᒍᓐᓇᖅᑐᓂᒃ.

    ᓕᐊ ᓄᑕᕋᖅ ᐊᒥᓱᓂᒃ ᐅᓂᒃᑳᖅᐸᔪᔪᖅ ᐊᕝᕙᒐᓱᐊᕐᓂᕐᒥᒃ ᐱᔾᔪᑎᓕᓐᓂᒃ. ᐃᓅᒍᓐᓃᖅᓯᒪᓕᖅᑐᕐᓕ. ᐅᖃᐅᓯᖃᖅᐸᔪᔪᖅ ᑕᐃᒃᑯᓂᖓ ᐊᕝᕙᒐᓱᐊᖅᑎᒥᓂᐊᓗᓐᓂᒃ. ᐊᑕᐅᓯᐊᖅᑐᑎᒡᒎᖅ ᐊᖅᕕᒐᓲᑎ ᐅᒥᐊᕐᔪᐊᖅ ᑎᑭᒻᒪᓐ ᐃᓄᐃ ᐅᒥᐊᕐᔪᐊᒨᖅᐸᑦᑐᒥᓃᑦ, ᐅᐱᓐᓇᕋᓂᓗ ᐊᒥᓱᓂᕐ ᓱᕈᓯᕐᓂᒃ ᓇᒥᕈᓘᔮᖅᑐᖃᖅᐸᔪᕗᖅ ᐊᒻᒪᓗ ᐊᖑᑎᒥᒃ ᓴᖅᑭᖅᑐᖃᓚᐅᖅᓯᒪᔪᖅ ᑭᑉᐹᕆᑦᑐᒥᒃ ᓂᓪᓕᐊᓲᒥᒃ ᐱᖃᖅᑐᓂ, ᐃᓐᖏᕈᑎᒥᒃ, ᓱᕈᓯᕐᓂᓪᓗ ᒧᒥᖁᔨᕗᔪᔫᒐᓗᐊᖅ ᑭᓯᐊᓂᓕ ᑲᓐᖑᓱᓗᐊᔪᒻᒪᑕ. ᓕᐊ ᐅᖃᖅᐸᔪᒻᒪᓪᓕ ᑲᓐᖑᑕᐅᓐᖏᓐᓇᒥ ᐊᒻᒪᓗ ᓂᑯᕕᑦᑐᖃᖃᑦᑕᓂᓐᖏᒻᒪᓐ ᐊᒻᒪᓗ ᑭᖑᓪᓕᕐᒥ ᐊᖑᑎ ᐃᓐᖏᕈᑎᒥ ᐱᓐᖑᐊᓕᕐᒥᒻᒪᓐ ᓂᑯᕕᑦᑐᓂ ᒧᒥᓕᖅᑐᒥᓂᖅ ᐃᓱᒪᓪᓗᓂ ᐅᕝᕙᒐᓱᑦᑎᓄᑦ ᐱᑖᖅᑎᑕᐅᑳᓚᒋᐊᔅᓴᖅ. ᐅᖃᐅᔾᔭᐅᓯᒪᒻᒥᔪᖓ ᐊᓈᓇᒐ ᐃᓐᖏᑎᑦᑎᓲᖑᓐᓂᕐᖓᓐ. ᐃᓐᖏᑎᑦᑎᓲᖑᒻᒥᔪᖓ, ᑭᓯᐊᓂᓕ ᐱᓐᖑᐊᑎᐊᖅᐸᖏᑦᑐᖓ.

    ᐊᐱᖅᓱᕐᓂᒥᓂᖅ ᑕᕙᔪ.ᒋᓕᔅ ᕌᔅᒥᑦ, ᖃᐅᔨᒪᔨᑕᕐᒥᒃ

    ᓄᕗᒡᔪᐊᖅ, ᑎᓄᔾᔨᕕᖕᒦᑦᑐᖅ, 150ᒪᐃᓕᒥᒃ ᐅᖓᓯᖕᓂᖃᕐᒪᑦ ᖃᓂᖓᓄᑦ ᑲᖏᖅᖢᖓᑕ ᑎᓄᔾᔨᕕᐅᑉ.

    ᐅᑭᐅᒃᑯᑦ, ᓂᒋᖅᐸᓯᐊᓃᖃᑦᑕᕐᒪᑕ ᐹᖅᐸᓯᖓᓂ. ᓯᑯᖓᓗ ᐃᔾᔪᖅᑎᓯᒪᓕᖅᖢᓂ, ᓄᓯᒪᕙᒃᖢᓂᓗ ᐃᑭᖅᐸᓯᖓᓄᐊᖓᔪᒥᒃ. ᐅᐱᕐᖓᒃᓵᖅᐸᓯᒃᑯᑦ ᓯᑯ ᐊᒃᑐᐊᒐᓗᐊᖅᖢᓂ ᐊᐅᓚᓕᖅᐸᒃᖢᓂ. ᐊᑦᑕᕐᓇᖏᒃᑲᓗᐊᖅᖢᓂ. ᐊᕐᕖᑦ ᓯᓈᖓᓄᐊᖅᐸᒃᖢᑎᒃ. ᐃᓚᖏᓪᓗ ᐅᑮᕙᒃᖢᑎᒃ ᑎᓄᔾᔨᕕᐅᑉ ᐹᖅᐸᓯᖓᓂ. ᐅᐱᕐᖓᖅᐸᓪᓕᐊᓕᖅᑎᓪᓗᒍ, ᐊᐅᒃᐸᓪᓕᐊᓕᖅᖢᓂᓗ, ᓯᓈᖓ ᑎᒡᕙᖅᐹᓪᓕᖅᐸᒃᖢᓂ, ᐊᕐᕕᖃᓕᖅᖢᓂᓗ ᖃᖏᖅᖣᒪᓂᖓ. ᐃᓄᖃᙱᓪᓗᐊᕐᓂᖓᓄᓪᓗ ᓇᓕᖅᑰᑎᕙᒃᖢᓂ ᐱᖃᕐᓂᐊᐃᓐᓄᐊ.

    ᐃᓄᖕᓂᑦ ᑐᓴᖅᑎᑕᐅᓕᓚᐅᖅᑐᖅ ᐱᓂ ᓯᐊᓛᖏᓪᓗ ᒪᕐᕈᐊᖅᑎᓲᖑᖕᒪᒡᒎᖅ ᐊᕐᕕᖃᕐᓂᖓ ᐊᑲᐅᓈᖅᑎᓪᓗᒍ ᑎᓄᔾᔨᕕᖕᒥ: ᒪᐃᒥ ᐅᐱᕐᖓᒃᓵᒃᑯᑦ ᐊᒻᒪᓗ ᓯᑎᒻᐱᕆ ᐅᑐᐱᕆ ᐅᑭᐊᒃᓵᒃᑯᑦ, ᓲᖃᐃᒻᒪ ᐊᐅᔭᒃᑯᑦ ᐊᓯᐊᓃᓲᖑᖕᒪᑕ ᖁᑦᑎᖕᓂᖅᓴᒧᑦ ᐅᑎᕐᓂᐊᕋᓗᐊᖅᖢᑎᒃ ᐅᑭᐊᒃᓵᙳᖅᐸᑦ.

    ᐋᓐ ᕼᐊᓐᓴᓐ, ᓄᓇᕗᑦ ᑲᒥᓴᓇᖓ, ᑕᕙᔪ. ᒋᓕᔅ ᕌᔅ, ᓄᓇᓕᕆᓂᕐᒧᓐ ᓯᓚ&

    ᐊᓐ ᒥᑭᔾᔪᒃ ᕼᐊᓐᓴᓐ, ᓄᓇᕗᑦ ᑲᒥᓴᓇᖓ, ᐅᖃᐅᓯᓕᒃ ᖃᓄᖅ ᐃᓄᐃᑦ ᐃᓐᖏᕈᑎᓂᒃ ᐊᑐᕆᐅᖅᐸᓂᕐᒪᖔᑕ ᐊᖅᕕᒐᓱᐊᖅᑎᓂᒃ ᐊᒻᒪᓗ ᑕᐃᒫᒃ ᐊᕐᓇᓕᒫᐸᓗᐃᑦ ᐃᓐᖏᑎᑦᑎᓲᖑᕙᓐᓂᕐᒪᑕ. ᓯᓚᑦᑐᓴᖅᕕᔾᔪᐊᒥ ᐃᓕᓴᐃᔨᒥᓂᖅ ᕌᔅ ᓇᓗᓇᐃᖅᑐᐃᔪᖅ ᑎᓂᔾᔪᐊᖅᕕᒃ ᓯᑯᓯᒪᕙᒻᒪᓐ ᐅᑭᐅᒃᑯᑦ, ᐃᓄᐃᑦ ᐅᖃᐅᔾᔨᔪᒥᓃᑦ ᑎᓂᔾᔪᐊᖅᕕᒻᒥ ᐊᖅᕕᒐᓱᐊᖅᕕᔅᓴᑐᐊᖑᒻᒪᓐ ᒪᕐᕈᐊᖅᑎᕐᓗᓂ ᐊᕐᕌᒎᑉ ᐃᓗᐊᓂ ᐅᐱᕐᖓᓵᒃᑯᑦ ᐊᒻᒪᓗ ᐊᐅᔭᒃᑯᑦ, ᑕᒪᒃᑯᐊ ᐊᖅᕖᑦ ᐅᐊᓐᓇᒧᓐ ᐃᖏᕐᕋᓯᓲᖑᒻᒪᑕ ᐅᐱᕐᖔᖑᑎᓪᓗᒍ.

  • ᒥᑲ ᒪᐃᒃ, ᐊᐅᓪᓚᐅᔾᔨᔨ, ᑐᓵᔨ ᐊᒻᒪᓗ ᐃᓄᓐᓂᒃ ᐃᑲᔪᖅᓰᔨ ᐊᐃᒍ5
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᑕᐃᒪ ᐃᓐᓇᕐᓂᒃ ᐊᐱᖅᓱᖃᑕᐅᕙᓚᐅᖅᓯᒪᒻᒥᒐᒪ ᑐᓵᔨᐅᖃᑕᐅᓪᓗᖓᓗ ᐊᒻᒪᓗ ᐊᓈᓇᒃᑯᒃᑲ ᐊᑖᑕᒃᑯᒃᑲ ᐱᕈᖅᓴᕐᕕᒋᓪᓗᒋᑦ. ᐃᓱᒫᓘᑎᖃᖅᐸᓚᐅᕐᒪᑕ ᐃᓕᓐᓂᐊᕐᕕᒻᒥ ᐃᓕᑦᑎᐊᕙᓪᓕᐊᒐᓗᐊᕐᒪᖔᑕ ᐊᒻᒪ ᐊᓈᓇᑦᓯᐊᒃᑯᒃᑲ ᐊᑖᑕᒃᓯᐊᒃᑯᒃᑲ ᑕᐃᒪᐃᑉᐸᓚᐅᕐᒥᔪᑦ. ᐱᕙᓪᓕᐊᓂᖓ ᐸᖕᓂᖅᑑᖅ, ᒪᑯᐊ ᖃᓪᓗᓈᑦ ᒐᕙᒪᐅᑎᖓ ᑎᑭᑉᐸᓪᓕᐊᓕᖅᑎᓪᓗᒍ ᓈᒻᒪᒃᑲᓗᐊᕐᒪᖔᑦ ᐅᖃᐅᑕᐅᖃᑦᑕᖅᑎᓪᓗᒋᑦ ᐃᖅᑲᐅᒪᑦᑎᐊᕋᒃᑭᑦ.

    ᑕᐃᒪ ᐱᕈᖅᓴᓪᓗᖓ ᐊᐱᖅᓱᖅᐸᔪᒐᒃᑭᑦ ᖃᓄᐃᑉᐸᓐᓂᕋᑦᑕᓕ ᖃᓪᓗᓈᖃᓚᐅᖅᑎᓐᓇᒍ. ᐱᐅᓂᖅᓴᒥᒃ ᐃᓅᑦᑎᐊᕐᓇᕐᓂᖅᓴᒥᒃ ᐱᖁᔭᐅᕙᒃᑲᑦᑕ ᐃᓕᓴᕐᕕᒻᒨᕋᐃᒐᑦᑕ ᖃᓄᕐᓕ ᐃᓱᒪᓐᓇᖅᓯᕙᖅᑐᓂ ᑭᓱ ᐃᓐᓇ ᐱᐅᓂᖅᓴᐅᕙ. ᐃᓕᓐᓂᐊᒃᑲᓐᓂᕆᐊᖃᖅᑕᕗᙴᖅ ᐃᖅᑲᓇᐃᔭᖅᑖᕈᓐᓇᓛᕋᑦᑕ ᑭᓱᖃᑦᑎᐊᕐᓗᑕᓗ ᓈᒻᒪᒃᑎᐊᕐᓗᑕᓗ. ᑕᒪᒃᑯᐊᖑᕙᔪᒻᒪᑕ ᖃᓪᓗᓈᓂᒃ ᐱᐅᓯᖓᓂᒃ ᖃᐅᔨᒪᓗᐊᖅᑎᓐᓇᑕ ᓇᑭᙶᖅᓯᒪᒻᒪᖔᑕ. ᐊᑖᑕᒃᑯᒃᑲ ᐱᓗᐊᖅᑐᑦ ᐃᓄᐃᑦ ᐱᐅᓯᖏᓐᓂᒃ ᖃᐅᔨᒪᐃᓐᓇᖁᔨᓯᒪᒻᒪᑕ ᐊᒻᒪ ᑭᐅᔭᐅᕙᔪᒻᒥᔪᖓ ᑕᐃᒫ ᓂᕆᕙᒃᑲᑦᑕ ᓂᕿᒃᓴᖅᓯᐅᖏᓐᓇᖅᑐᒍ ᐃᒪᐃᓕᐅᖅᑐᑎᓪᓗ. ᑐᑭᓯᔪᒥᓇᖅᓯᒪᒻᒪᑦ ᐃᓕᓴᕐᕕᒻᒥ ᐃᓕᓴᔭᐅᓪᓗᑕ ᐱᐅᓂᖅᓴᒥᒎᖅ ᐋᓐᓂᐊᕐᓇᙱᑦᑐᒥᓪᓗ ᐃᓅᔭᕆᐊᖃᖅᑐᒍᑦ. ᑕᒪᒃᑯᐊ ᐃᓄᐃᑦ ᐋᓐᓂᐊᖏᑦ ᐱᐅᙱᒻᒪᑕ ᐃᒪᐃᓕᐅᖅᑕᐅᑦᑐᑕ. ᐃᓱᒪᓇᖅᓯᒪᒻᒪᑦ ᖃᓄᐃᑦᑑᓂᕆᐊᖏᑕ. ᓱᕈᓯᐅᓪᓗᖓᓕ ᖃᓪᓗᓈᖃᓚᐅᕋᑕ ᐱᐅᔪᒥᓂᐅᒋᐊᖓ ᐃᓱᒪᒋᖑᐊᖅᐸᔪᒐᒃᑯ, ᐃᓅᒐᔭᙱᓐᓇᒪ ᐱᐅᔪᒥᒃ ᐃᓅᓯᖃᙱᓐᓂᖅᐸᑕ, ᐃᒪᐃᓕᖃᑦᑕᓕᕐᖓᑦ ᑭᖑᕚᖃᙱᒻᒪᑕ ᐋᓐᓂᐊᕐᓇᑐᐃᓐᓈᓘᓐᓂᒃ ᐱᑕᖃᕐᓂᖅᑲᑦ.

    ᕿᑭᖅᑕᓂᓕ ᖃᓪᓗᓈᓪᓗ ᐊᐱᖅᓱᖃᑦᑕᖅᑎᓪᓗᒋᑦ ᑐᑭᓯᐊᓕᓚᐅᖅᓯᒪᔪᖓ ᑐᑭᓯᐊᕙᓪᓕᐊᓪᓗᖓ, ᐃᓅᓯᖃᑦᑎᐊᖅᑐᒥᓃᑦ ᐊᓐᓇᐅᒪᓐᓂᑯᑦ ᖃᓪᓗᓈᑦ ᐋᓐᓂᐊᖏᓐᓄᑦ ᓄᖑᑲᓴᓚᐅᖅᓯᒪᓂᑯᐃᑦ ᑎᖑᔾᔭᕕᒻᒥᐅᑦ Cumberland Sound ᓂᕋᖅᑕᖅ. ᑕᐃᒪ ᒫᑯᓯᓗ ᖃᐅᔨᒐᓱᓕᓚᐅᖅᓯᒪᒐᓐᓄᒃ ᓈᓴᐃᓚᐅᖅᑎᓪᓗᖓ ᐅᐸᒃᑲᒃᑯ ᖃᒻᒪᐃᑦ ᐃᒃᑯᐊ ᑕᒫᓂ 40 ᖏᓐᓃᑲᓴᒃᑐᑦ ᕿᑭ&%

    ᒥᑲ ᒪᐃᒃ, ᐊᐅᓪᓚᐅᔾᔨᔨ, ᑐᓵᔨ ᐊᒻᒪᓗ ᐃᓄᓐᓂᒃ ᐃᑲᔪᖅᓰᔨ ᐊᐃᒍ5

    ᒦᑲ ᒪᐃᒃ ᐱᕈᖅᓴᔪᒥᓂᖅ ᐸᓐᓂᖅᑑᒥ ᐊᒻᒪᓗ ᐃᖅᑲᓇᐃᔭᖃᑎᖃᖅᑐᒥᓂᐅᓪᓗᓂ ᐅᐊᑦᑎᐊᕈ ᐃᓅᓯᐅᕙᑦᑐᒥᓂᕐᓂᒃ ᖃᐅᔨᓴᖅᑎᒥᒃ ᒫᒃ ᓯᑏᕙᓴᓐᒥᑦ ᐱᔭᕇᖅᓯᒐᓱᐊᓕᖅᑎᓪᓗᒍ ᐅᓂᒃᑳᓂᒃ ᓄᐊᑦᑎᓪᓗᓂ ᕿᑭᖅᑕᓂᑦ ᐱᔾᔪᑎᓕᓐᓂᒃ, ᑕᐃᓐᓇᐃᓛᒃ ᐊᖅᕕᒐᓱᐊᖅᕕᐅᕙᑦᑐᒥᓂᖅ. ᐅᕙᓂ ᐊᐱᖅᑯᑎᓕᒃ ᖃᓄᖅ ᐊᖅᕕᒐᓱᐊᕐᓂᖅ ᐊᑦᑐᐃᓂᕐᒪᖔᖅ ᓄᓇᒥᓂᖓᓂᒃ.

  • ᑕᕙᔪ. ᒋᓕᔅ ᕌᔅ, ᓄᓇᓕᕆᓂᕐᒧᓐ ᓯᓚᑦᑐᓴᖅᕕᔾᔪᐊᒥ ᐃᓕᓴᐃᔨᒥᓂᖅ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᐊᐱᖅᓱᕐᓂᒥᓂᖅ ᑕᕙᔪ.ᒋᓕᔅ ᕌᔅᒥᑦ, ᖃᐅᔨᒪᔨᑕᕐᒥᒃ

    1840ᖏᓐᓂ, ᐊᕐᕙᒐᓱᖕᓂᖅ ᐱᒃᑯᓇᓗᐊᓚᐅᖅᓯᒪᙱᓚᖅ ᑭᓯᐊᓂ ᐅᓇᖕᒥᓱᓕᕋᒥᒃ ᐅᑮᔭᕆᐊᒃᓴᖅ ᑎᓄᔾᔨᕕᖕᒥ.

    ᐅᑮᔭᕆᐊᒥᒃ ᑎᓄᔾᔨᕕᖕᒥ ᐃᓱᒪᒋᔭᐅᕐᖓᓚᐅᖅᓯᒪᕗᖅ ᒥᐊᓕᒐᕐᒥᐅᑦ ᐊᕐᕙᖕᓂᐊᖅᑎᖏᓐᓂᑦ, ᒪᒃᓕᓚᓐ ᓯᐊᓛᖏᓐᓂᓪᓗ, ᖁᓕᑦ ᒪᕐᕉᒃᓗ ᐊᖑᑎᑦ ᐅᑮᓚᐅᖅᓯᒪᖕᒪᑕ ᕿᒻᒥᖅᓱᒃᒥ. ᐅᔭᖅᑲᓂᒃ ᐊᕙᓗᓯᓪᓗᑎᒃ ᑭᑉᐹᕆᒃᑐᒥᒃ ᐃᒡᓗᓕᐅᓚᐅᖅᓯᒪᖕᒪᑕ ᐱᑕᖃᖅᑐᒃᓴᐅᕗᖅ ᓱᓕ ᐃᓂᒋᔭᕕᓂᖅ. ᐃᓄᖕᓂᑦ ᐊᓐᓂᖅᓱᖅᑕᐅᓪᓗᑎᒃ, ᐊᓐᓄᕌᖃᐅᖅᖢᑎᒃ, ᑭᓯᐊᓂᓕ ᐅᒥᐊᕐᔪᐊᖅᒥᓃᖢᑎᒃ ᖁᑭᐅᑦᑕᐅᔭᑎᒃ ᐊᖑᓇᓲᑎᑎᒃᓗ ᐱᓯᒪᓪᓗᒋᑦ ᓱᓕ. ᖁᓕᑦ ᐊᕐᕕᓂᓖᑦ ᐊᑕᐅᓯᕐᓗ ᐊᕐᕙᓚᐅᖅᑐᑦ ᐅᑭᐅᕐᒥ ᑕᐃᔅᓱᒪᓂ, ᐅᐱᕐᖓᕐᒪᑦ ᒪᐃᒥ.

    ᐱᓂ ᑭᖑᓂᐊᒍᑦ ᐅᑮᓚᐅᖅᑐᖅ ᓄᕘᔭᒥ. ᐅᒥᐊᒥᓃᓚᐅᖅᑐᕐᓕ, ᓯᕗᓪᓕᖅᐹᕆᓚᐅᖏᒻᒪᒍ, 1850ᐅᑎᓪᓗᒍ ᕗᕌᖕᑭᓕᓐᒥᒃ ᐊᓯᐅᓂᑰᔪᒥᒃ ᐅᒥᐊᖅᑕᓕᔭᖅᑎᐅᓪᓗᓂ ᕿᓂᓚᐅᖅᓯᒪᖕᒪᑕ. ᐅᒥᐊᕐᔪᐊᖃᓚᐅᖅᑐᖅ ᒪᕐᕉᖕᓂᒃ ᑕᓪᓗᕈᒻᒧᐊᕋᒥᒃ, ᑐᕕᖔᕐᔫᑉ ᑕᕆᐅᖓᓄᑦ, ᐅᑮᓪᓗᑎᒡᓗ ᓯᑯᐃᓯᒪᓪᓗᑎᒃ, ᑕᒪᒃᑭᖅᖢᑎᒡᓗ ᕿᓂᖅᑐᕕᓃᑦ ᓲ ᔮᓐ ᕗᕌᖕᑭᓕᓐᒥᒃ. ᖁᓚᕈᓐᓃᕋᒥ ᐅᖃᓕᖅᑐᕕᓂᖅ, "ᖃᓄᐃᒻᒪᓪᓕᑭᐊᖅ ᓯᑯᐃᔾᔭᙱᓚᖓ ᑎᓄᔾᔨᕕᖕᒥ?" ᑲᔪᑦᑎᓯᓚᐅᖅᐹ, ᐱᒃᑯᓈᖅᓯᓚᐅᖅᑐᕐᓗ.

    ᐊᑲᕐᕆᒃᑲᓐᓂᐅᔭᓕᖅᖢᓂ ᐃᓄᖕᓂᒃ ᐃᖅᑲᓇᐃᔭᖅᑎᖃᓕᕋᒥ ᑐᖅᑲᖅᑕᕐᕕᒋᓪᓗᒋᓪᓗ. ᐊᕐᕙᖕᓂᐊᖅᑏᑦ ᐅᒥᐊᓕᔭᕋᓗᐊᖅᖢᑎᒃ ᖃᐅᔨᓕᓚᐅᕐᒥᔪᑦ ᐃᓄᐃᑦ ᓇᖕᒥᓂᖅ ᐅᒥᐊᓕᒃᑕᙳᖅᑎᑕᐅᓪᓗᑎᒃ, ᐊᑲᕐᕆᒃᑲᓐᓂᐅᔭᕐᓇᖅᑐᖅ. ᐊᑭᓕᕆᐊᖃᕋᑎᒃᓗ, ᑮᓇᐅᔭᕐᓂᒃ ᑭᓯᐊᓂ ᐱᖁᑎᑖᖅᑎᑕᐅᖔᕐᖢᑎᒃ ᓂᕿᓂᒡᓘᓐᓃᑦ ᑕᕝᕚᑭᓂᒡᓗ ᐊᓯᖏᓐᓂᒃᓗ.

    ᐱᓂᐅᑉ ᕿᒪᑯᕕᓂᖏᓐᓂᒃ ᐱᑐᖃᖅᑕᓕᒃ ᕿᑭᖅᑕᓐᒥ. ᒥᕐᖑᐃᖅᓯᕐᕕᐅᓕᖅᑐᖅ. ᓄᓇᓕᖅᑐᕐᕕᕕᓂᖓᓂ, ᐱᓂ ᐅᒥᐊᖁᑎᖃᐅᓚᐅᖅᐳᖅ ᓯᐊᓛᖏᓪᓗ ᓯᓈᓕᐊᕈᔾᔭᐅᕙᒃᖢᑎᒃ. ᑕᐃᔅᓱᒪᓂᐅᑎᓪᓗᒍ, ᐅᖓᓯᖕᓂᖃᓚᐅᖅᑐᖅ ᐊᕙᑎᑦ ᒪᐃᓕᒥᒃ. ᑕᒪᒃᑭᖅᖢᑎᒃ ᐊᕐᕕᕐᓂᐊᕈᑏᑦ ᑐᐲᓪᓗ ᓇᒃᓴᖅᑕᐅᓪᓗᑎᒃ. ᑐᐱᕐᒦᑉᐸᒃᖢᑎᒃ, ᓂᖅᖠᐅᖅᐸᒃᖢᑎᒃᓗ ᓇᖕᒥᓂᖅ. ᐊᕐᕕᖅᓯᔭᕌᖓᒥᒃ, ᐊᐃᔭᐅᑐᐃᓐᓇᖅᐸᒃᖢᑎᒃ. ᐊᒡᒋᔾᔨᔭᕌᖓᒥᒃ ᓯᓈᓄᑦ ᒪᓂᕋᕐᒥ ᐊᕐᕕᐅᖅᑕᐅᕙᒃᖢᑎᒃ, ᐅᖅᓱᐃᔭᖅᑕᐅᓪᓗᑎᒃ, ᖃᒧᑎᓄᑦ ᐅᓯᓕᖅᓲᔾᔭᐅᓪᓗᑎᒃ ᕿᑭᖅᑕᓐᒧᑦ ᐅᑎᐅᔾᔭᐅᔭᕌᖓᒥᒃ ᐅᒥᐊᕐᔪᐊᓄᑦ ᑐᖅᑯᖅᑐᖅᑕᐅᕙᒃᖢᑎᒃ. ᐊᕙᑎᑦ ᒪᕐᕉᒡᓗ ᖃᒧᑏᑦ ᐅᑎᖅᑕᕋᖅᐸᓚᐅᖅᐳᑦ ᐅᒥᐊᕐᔪᐊᓄᑦ ᐅᓯᓕᖅᓱᖅᑕᐅᕙᒃᖢᑎᒃ ᓯᓈᖓᓂᙶᕈᔾᔭᐅᔭᕌᖓᑕ. ᐅᑮᓂᕐᒥᓄᐃᓐᓇᖅ ᑲᔪᓯᓂᖃᑦᑎᐊᓕᓚᐅᕐᒪᑦ. ᐊᔪᕆᑕᐅᓕᓚᐅᖅᓯᒪᔪᖅ ᐅᓄᖅᑐᓄᑦ ᐅᒥᐊᕐᔪᐊᕐᓄᑦ ᑭᖑᓂᖓᒍᑦ, ᐊᔾᔨᐅᖏᑦᑎᐊᒻᒪᕆᒃᑐᒥᒡᓗ ᐊᕐᕙᖕᓂᐊᕈᓯᖅᑖᓚᐅᖅᓯᒪᕗᑦ.

    ᐱᔭᐅᓯᒪᔪᖅ ᑐᐊᕋᑎ ᕼᐊᓕ ᐄᐴᑉ ᐊᐱᖅᓱᕐᓂᒥᓂᖓᓂᑦ ᓅᕖᕝᕙ

    ᓱᓕ ᐊᒥᓲᕗᑦ ᑕᐃᔅᓱᒪᓂᓴᕐᓂᒃ ᕿᒪᑦᑕᐅᓯᒪᔪᓂᒃ ᐃᓄᐃᑦ ᐃᓅᓯᖏᓐᓂᑦ ᓱᓕ ᐅᓪᓗᒥᒧᓐ ᐊᑦᑐᐃᕙᑦᑐᓂᒃ, ᐱᖃᓯᐅᔾᔨᓪᓗᑎᒃ ᓂᔾᔭᐃᓯᔭᕐᓂᕐᒥᒃ. ᐃᓄᐃᑦ ᓱᓕ ᐃᓐᖏᕈᑎᓂᒃ ᐊᑐᓲᖑᕗᑦ. ᑲᐃᑉ ᕼᐃᕙᓐ ᓴᓂᐊᓂ, ᑖᓐᓇᐃᓛᒃ ᐊᕝᕙᒐᓱᐊᖅᕖᑦ ᐃᓚᒥᓂᖓᑦ, ᓄᓇᑕᖃᕐᓂᕐᒪᓐ ᓯᖓᐃᔭᖅᒥᓐ ᐊᑎᓕᒻᒥᒃ ᐃᓪᓗᒥᓂᖅᑕᖃᕐᓂᕐᖓᓐ ᕿᔪᓐᓂᒃ ᓱᓕ ᒪᑭᑕᔪᓂᒃ ᐊᕝᕙᒐᓱᐊᕐᓂᖅ ᐃᓱᓕᒻᒪᓐ ᕿᒪᑦᑕᐅᑐᐃᓐᓇᖅᑐᒥᓂᕐᓂᒃ. ᑕᐃᒃᑯᐊᓕ ᐃᓄᐃᑦ ᓯᖓᐃᔭᒥᐅᑕᐃᑦ ᐊᐅᓪᓚᕐᖓᑕ ᐃᓪᓗᐃᑦ ᕿᒪᑦᑕᐅᓪᓗᑎᒃ, ᐃᓐᖏᕈᑎᖏᑦᑕᐅᖅ ᕿᒪᑦᑕᐅᕙᑦᑐᒥᓃᑦ, ᐄᓛᒃ ᐊᒥᓱᓂᒃ ᕿᒪᐃᔪᒥᓃᑦ ᐃᓐᖏᕈᑎᓂᒃ. ᐅᑭᐅᖑᓂᓕᒫᖓᓂ ᑕᐃᑯᖓ ᕿᒪᑦᑕᐅᓯᒪᕙᑦᑐᒥᓃᑦ ᓱᕋᓐᓂᐊᖅᑐᒋᔭᐅᓪᓗᑎᒃ ᐃᖏᕐᕋᔭᒐᕈᓘᔭᖅᑎᓪᓗᒋᑦ. ᑕᐃᒪᓕ ᐊᕐᕌᒎᑉ ᐃᓗᐊᓂ ᐊᖅᑯᓵᕋᐃᒐᒥᒃ ᖓᐃᔭᐅᑉ ᓴᓂᐊᒍᑦ, ᐊᒥᓱᑦ ᐃᓚᒌᑦ ᐊᖑᓐᓇᓱᒋᐊᖅᑐᖅᑐᑦ ᓇᒧᕈᓘᔭᖅ ᑕᐃᑯᖓ ᓄᖅᑲᑲᐃᓐᓇᐸᑦᑐᒥᓃᑦ ᓂᔾᔭᐃᓯᔭᕐᓂᐊᕋᒥᒃ ᒧᒥᕈᓘᔭᕐᓂᐊᕋᒥᓪᓗ ᐅᓐᓄᐊᓕᒫᖅ ᑕᐃᒃᑯᓄᖓ ᐃᓐᖏᕈᑎᓄᑦ.

    ᐃᓄᐃᓪᓕ ᐃᓐᖏᕈᑎᒥᓂᒃ ᕿᒪᐃᖃᑦᑕᖅᑐᒥᓃᑦ ᑕᐃᑯᖓ ᐃᓪᓗᒥᓂᕐᓄᑦ 1939ᒧᓐ, ᑕᐃᔅᓱᒪᓂ ᑐᑭᓯᓪᓚᕆᓐᓂᕐᖓᑕ ᐊᕝᕙᒐᓱᐊᖅᑏᑦ ᐅᑎᔾᔮᒍᓐᓃᕐᖓᑕ. ᑕᐃᒪᓕ ᐃᓄᐃᑦ ᐃᓚᓐᖓᖅᑎᕆᕙᓪᓕᐊᓕᖅᑐᒥᓃᑦ ᐃᓪᓗᐃᑦ ᕿᔪᖏᓐᓂᒃ ᐊᑐᖅᑕᐅᓂᐊᕐᖓᑕ ᑐᐱᕐᓄᑦ ᓇᑎᔅᓴᐅᓗᑎᒃ ᐊᓯᖏᓐᓄᓪᓗ. ᐊᑕᐅᓯᕐᒥᒃ ᐊᕐᓇᓗᑲᕐᒥᒃ ᐊᐱᖅᓱᔪᒐᒪ ᐊᓈᓇᖓ ᕿᒪᐃᖃᑦᑕᖅᑐᒥᓂᐅᓪᓗᓂ ᐃᓐᖏᕈᑎᒥᓂᒃ ᑕᐃᑲᓂ ᐃᓪᓗᕋᓛᒥ, ᐊᒻᒪᓗ ᐅᓂᒃᑳᔪᓪᓗᓂ ᓇᔅᓴᑦᑕᓯᓐᓇᓕᕐᓂᕋᒥᒋᑦ ᐃᓐᖏᕈᑏᑦ. ᐊᑕᐅᓯᖅ ᓱᕋᑦᑐᒥᓂᖅ ᓱᕈᓯᓛᓄᑦ ᓱᕋᐃᔭᖅᑕᒥᓂᐅᒻᒪᓐ, ᑭᓯᐊᓂᓕ ᐊᐃᑉᐹ ᐊᑯᓂᐊᓗᒃ ᐱᐅᔪᒥᓂᖅ. ᑕᐃᓐᓇ ᐃᓐᖏᕈᑎ ᑐᓴᖅᓴᐅᖃᑦᑕᖅᑐᒥᓂᖅ ᐅᒥᐊᕐᔪᐊᑉ ᐃᓗᐊᓂ ᐊᒻᒪᓗ ᐃᓄᐃᑦ ᓄᓇᓕᕋᓛᖏᓐᓂ ᐱᒻᒪᕆᐊᓘᓐᓂᕐᒪᓐ; ᐃᓄᐃᑦ ᓱᓕ ᐅᓪᓗᒥ ᐃᓐᖏᑎᑦᑎᕙᑉᐳᑦ ᓄᓇᕗᒻᒥ.

    ᐊᕐᕌᒍᓄᑦ ᐊᒥᓱᑲᓪᓚᓐᓄᑦ ᓄᓇᒧᑦ ᑐᓚᔅᓯᒪᖃᑦᑕᖅᑐᑎᒃ ᓴᖓᒎᖅᐸᓪᓕᐊᕙᑦᑐᒥᓃᑦ ᓂᒋᕐᒧᓐ ᐊᒻᒪᓗ ᖃᐅᔨᓯᓐᓇᓕᖅᑐᒥᓂᐅᓪᓗᑎᒃ ᑎᓂᔾᔪᐊᖅᕕᒻᒥᒃ ᑕᒫᓂᓗ ᖃᐅᔨᔪᒥᓂᐅᓪᓗᑎᒃ ᐅᑭᐊᓪᓕᕕᔅᓴᐅᒻᒪᓐ ᐅᒥᐊᕐᔪᐊᖏᑦ ᓯᒃᑯᔾᔭᐅᑎᑕᐅᓯᒪᓗᑎᒃ. ᐊᒥᓱᓄᑦ ᐊᕐᕌᒍᓄ ᐊᕝᕙᒐᓱᐊᖅᕕᐅᓚᐅᖅᑐᖅ, 80 ᐊᕐᕌᒍᐃᑦ ᐅᖓᑖᓄᓪᓗ. ᑭᖑᓂᐊᒍᓪᓕ ᓴᓇᔪᒥᓃᑦ ᓄᓇᒥ ᐊᕝᕕᒐᓱᐊᖅᕕᓐᓂᒃ, ᑕᐃᒃᑯᐊᑦᑕᐅᖅ ᐃᓄᐃᑦ ᐃᓅᓯᖏᓐᓂᒃ ᐊᓯᔾᔩᓪᓚᕆᑦᑐᒥᓃᑦ. ᑭᖑᓂᐊᒍᓪᓕ ᐊᒥᐊᓕᑲᒃᑯᑦ ᐱᖃᑕᐅᓕᕐᓂᕐᒥᔪᑦ ᑕᒫᓂᓗ ᐊᖅᕕᒐᓱᐊᖃᑦᑕᓕᖅᑐᑎᑦᑕᐅᖅ. ᐊᒥᓱᑦ ᐃᓄᐃᑦ ᐃᖅᑲᓇᐃᔭᖃᑦᑕᖅᑐᒥᓃᑦ ᓯᒃᑳᑦᑎᒃᑯᓐᓄᑦ ᐊᒥᐊᓕᑲᒃᑯᓄᓪᓘᓐᓃᑦ.

    ᑕᕙᔪ. ᒋᓕᔅ ᕌᔅ, ᓄᓇᓕᕆᓂᕐᒧᓐ ᓯᓚᑦᑐᓴᖅᕕᔾᔪᐊᒥ ᐃᓕᓴᐃᔨᒥᓂᖅ

    ᓯᓚᑦᑐᓴᖅᕕᔾᔪᐊᒥ ᐃᓕᓴᐃᔨᒥᓂᖅ ᕌᔅ ᓇᓗᓇᐃᖅᑐᐃᔪᖅ ᖃᓄᖅ ᑕᐃᒃᑯᐊ ᐊᒥᐊᓕᑲᒥᐅᑕᐃᑦ ᐅᒥᐊᕐᔪᐊᖓᑕ ᒪᑲᓕᐊᓚᓐ ᐅᒥᐊᕐᔪᐊᕐᒥᐅᑕᖁᑎᖏᑦ ᖃᐅᔾᔨᐊᓚᓐᓂᕐᖓᑕ ᐅᑭᐊᓪᓕᖃᑦᑕᕈᑎᒃ ᑎᓂᔾᔪᐊᖅᕕᒻᒥ ᐱᓂᖅᓴᐅᖃᑦᑕᕋᔭᕋᒥᒃ. ᐊᓱᐃᓪᓛᓪᓕ ᑕᐃᒪᐃᓐᓂᖅᑯᑦ 1851ᒥ ᐊᒻᒪᓗ 17ᓂᒃ ᐊᖅᕙᑦᑐᒥᓂᐅᓪᓗᑎᒃ. ᐅᐃᓕᐊᒻ ᐱᐊᓂ ᒪᓕᔅᓴᓂᖅᑯᖅ ᐊᒻᒪᓗ ᐊᑕᐃᓐᓇᓂᐊᖅᑐᒥᒃ ᐊᖅᕕᒐᓱᐊᖅᕕᓕᐅᖅᑐᓂ ᕿᑭᖅᑕᓂ. ᑕᐃᒪᓐᖓᓂᓪᓕ ᐊᖅᕕᒐᓱᐊᖅᑏᑦ ᑐᕚᖃᓕᖅᐸᓪᓕᐊᔪᒥᓃᑦ ᐃᓄᓐᓂᒃ ᐊᖅᕕᒐᓱᐊᖅᑎᖁᑎᖃᕐᓂᕐᒥᒃ. ᑐᐊᕋᑎ ᕼ. ᐄᐳᕐ ᐅᓂᒃᑳᓕᒃ ᐅᓂᒃᑳᕆᔭᐅᓲᒥᒃ ᑕᐃᒫ ᐃᓄᐃᑦ ᐃᓐᖏᕈᑎᒥᓂᒃ ᕿᒪᐃᓯᒪᕙᓐᓂᕐᖓᑕ ᐃᓪᓗᓕᐊᖑᓯᒪᔪᒧᓐ ᕿᔪᒻᒧᓐ ᑲᐃᑉ ᕼᐊᐃᕙᓐᒥ, ᐊᖅᕕᒐᓱᐊᖅᑏᑦ ᐊᐅᓪᓚᖅᓯᒪᔪᑐᖃᐅᓕᖅᑎᓪᓗᒋᑦ.

  • ᐊᓐᓄᓘ ᑎᐊᓚ, ᑐᓵᔨ/ᑐᑭᓕᐅᕆᔨ, ᐳᓛᕆᐊᖅᑐᓄᑦ ᐅᓂᒃᑳᖅᑎ ᐅᐃᒍᓕȀ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᐊᓐᓄᓘ ᑎᐊᓚ

    ᑕᐃᒪ ᓱᕈᓯᕈᓘᓪᓗᖓ ᖃᐅᔨᒪᐃᓐᓇᖃᑦᑕᔪᒐᒪᐃᓛᒃ ᐃᓄᓪᓚᕆᐅᓐᖏᓐᓇᒫ, ᐅᕕᓂᒐ ᖃᑯᖅᑕᐅᓪᓗᓂ, ᐃᓕᓴᔭᖅᑐᖃᑦᑕᓕᕋᒪᓗ ᐅᕕᓂᓐᓂᐊᖅᑎᑕᐅᕙᔪᒐᑦᑕ, ᐅᕙᖓᓗ ᕕᓕᓗ ᖃᒃᑯᑐᕈᓘᖃᑦᑕᔪᒐᓐᓄᒃ ᐃᓚᕗᒃ ᐃᓄᖅᐹᓘᑎᓪᓗᒋᑦ ᖃᑯᐃᑦᑐᑯᓘᑎᓪᓗᒋᓪᓖ, ᑕᕝᕙᓂ ᖃᐅᔨᓚᐅᖅᓯᒪᔪᖓ ᐃᓛᒃ ᖃᐅᔨᕙᓪᓕᐊᓕᓚᐅᖅᓯᒪᔪᖓ ᖃᓪᓗᓈᒥᒃ ᓯᕗᕚᖃᕋᑦᑖ.

    ᐊᓈᓇᒐ ᐊᐱᕆᖃᑦᑕᓚᐅᖅᓯᒪᒐᒃᑯ ᑭᓇᒥᒃ ᐃᑦᑐᖃᕐᓂᕐᒪᖔᑦᑕ, ᐊᒻᒪ ᐅᖃᖃᑦᑕᖅᐸᔪᒻᒪᓐ ᐊᕝᕙᒐᓱᐊᖅᑎᒥᓂᐊᓗᒻᒥᒡᒎᖅ ᐅᒥᐊᕐᔪᐊᕐᒧᓐ ᑳᑉᑕᓐᒥᓂᐊᓗᒻᒥᒃ ᐊᑖᑕᒐ ᐊᑖᑕᖃᕐᓂᕐᖓᓐ, ᐃᑦᑐᖃᕐᓂᕋᑦᑕᒎᖅ ᖃᓪᓗᓈᕌᓗᒻᒥᓐ ᑖᕙᓐᖓᓐ ᓯᑳᑦᑕᓚᓐᒥᐅᑕᕐᒥᒃ. ᐊᓈᓇᒐ ᐅᓂᒃᑳᖃᑦᑕᔪᒻᒪᓐ ᐊᒻᒪᓗ ᑕᖁᕐᖁᔾᔨᕙᔪᓪᓗᓂ ᐊᔾᔨᓐᖑᐊᒥᓐ. ᐊᔾᔨᓐᖑᐊᖁᑎᖃᖅᐸᔪᒐᑦᑕ ᐅᒥᐊᕐᔪᐊᖅᓯᐅᓯᔭᓐᖑᐊᑎᐊᖅᑐᓂ ᓇᓴᖃᖅᑐᓂᓗ, ᓯᒡᒑᕈᓗᒻᒥᓪᓗ ᑎᒍᒥᐊᖅᑐᓂ ᐊᖑᑎᑦᑎᐊᕙᓐᖑᐊᕌᓗᒃ, ᐃᑦᑐᕗᒡᒎᖅ. ᐊᓈᓇᒐ ᐅᖃᖅᐸᔪᒻᒪᓐ, ᐊᑖᑕᒐᓕ ᐅᖃᖅᐸᔪᓐᖏᑦᑑᒐᓗᐊᖅ, ᐊᓈᓇᖔᕋ ᐅᓂᒃᑳᖅᐸᔪᔪᖅ ᐃᑦᑐᒥᓂᕆᒐᑦᑎᒍᒎᖅ ᑕᕝᕙ ᐊᒻᒪᓗ ᑎᐊᓚᒥᓂᕐᒥᒃ ᑎᐊᓚᒥᓂᐅᓪᓗᓂᒎᖅ. ᐅᖃᓚᐅᖅᓯᒪᒻᒪᓐ ᐊᓈᓇᒐ ᓯᑳᑦᑕᓚᓐᒥᐅᒥᓂᐅᒻᒪᒡᒎᖅ ᐃᑦᑐᒥᓂᖅᐳᑦ ᐊᒻᒪ ᑕᒪᐅᖓ ᑎᑭᖃᑦᑕᖅᑐᒥᓂᐅᓪᓗᓂ, ᐊᑖᑕᓐᓄᓐ ᑐᓂᓯᖃᑦᑕᖅᑐᒥᓂᐅᓪᓗᓂ, ᓇᔅᓴᖃᑦᑕᖅᑐᒥᓂᖅ ᑎᑭᒐᐃᒐᒥ ᐃᕐᓂᖓᑕ ᐱᑖᕆᓂᐊᖅᑕᖏᓐᓂᒃ ᐊᓐᓄᕌᓂᒃ ᓂᕿᓂᒃ ᐊᓪᓛᑦ ᐃᓐᖏᔫᖅᑖᑎᑦᑎᒻᒪᕆᓚᐅᖅᓯᒪᔪᕉᖅ.

    ᐃᓱᒪᒌᓐᓇᓪᓚᕆᑉᐸᔪᒐᒃᑯᐃᓛᒃ, ᐃᖅᑲᖅᓴᕈᓘᔭᖅᑐᐊᓘᕙᑦᑐᖓᓗ ᖃᓄᖅ ᐃᓛᒃ ᓱᒻᒪᓐ ᐅᑎᒃᑲᓂᕐᓂᖏᒻᒪᖔᕐᓗ, ᓇᒥ, ᑖᕙᓂᓗ ᑐᖁᔪᒥᓂᐅᒋᐊᖓᓗ ᖃᐅᔨᒪᓇᖅᐸᔪᓐᖏᓪᓚᕆᒻᒪᓐ, ᐃᓚᖃᕐᒪᖔᑦᑕᓗ ᑖᕙᓂ, ᓄᓕᐊᖅᑖᑲᓐᓂᓂᖅᑲᓘᓐᓃᑦ ᐅᕝᕙᓘᓐᓃᑦ ᐅᒦᔭᖅᑐᒥᓂᐅᓗᓂ ᑐᖁᔪᒥᓂᕈᓘᕙᖃᐃ, ᑕᕝᕗᖓ ᖃᓄᖅ ᓇᓂᔭᔅᓴᐅᒐᔭᓐᖏᓚᖃᐃ? ᑕᐃᒫᒃ ᐃᓱᒪᐃᓐᓇᖅᐸᔪᒐᒪ.

    ᐊᑖᑕᒐᐃᓐᓇ ᐅᓂᒃᑳᖃᕈᓐᓇᖅᐸᔪᓐᖏᓪᓚᕆᑦᑐᖅ ᐃᑦᑐᕐᒥᓃᒃ, ᐃᑦᑐᖃᓚᐅᖅᓯᒪᔪᒥᓂᐅᔮᔪᓐᖏᑦᑐᒍᓂᓛ ᐊᑖᑕᑦᑎᒍᓪᓖ ᑭᓯᐊᓂ ᐊᓈᓇᒐ ᐅᓂᒃᑳᖃᑦᑕᖅᑐᓂ ᖃᐅᔨᓚᐅᖅᓯᒪᔪᒍᑦ. ᐱᕈᖅᓴᓪᓗᖓ ᐃᓱᒪᐃᓐᓇᖅᑐᐊᓘᖃᑦᑕᖅᐸᔪᒐᒪ ᓇᓂᔭᔅᓴᐅᖏᑦᑑᒐᓗᐊᖅᑲᐃᖏᒃᑯᐊ ᐃᖅᑲᓇᐃᔭᖃᑎᒋᓚᐅᖅᓯᒪᔭᖏᑦ. ᐃᑦᑐᖅᐳᓪᓕ ᑐᖁᖓᔪᔅᓴᐅᓕᕐᖓᓐ ᑕᐃᒪᖃᐃ ᓇᓂᓯᒍᓐᓇᑦᑕᕈᒪ ᐅᒥᐊᕐᔪᐊᕐᒥᐅᖑᖃᑎᖓᑕ ᕿᑐᕐᖓᒥᓂᖓᓂᓪᓘᓐᓃᑦ, ᐊᔅᓲᓂᐊᔪᔪᖓ ᑕᐃᒪᐃᑦᑐᒥᒃ ᓇᓂᓯᒍᓐᓇᑦᑕᕈᒪ ᐅᓂᒃᑳᕈᓐᓇᓂᐊᖅᑐᒥᒃ ᐃᑦᑐᕋ ᖃᓄᐃᑦᑑᓂᕐᒪᖔᖅ.

    ᐊᓐᓄᓘ ᑎᐊᓚ, ᑐᓵᔨ/ᑐᑭᓕᐅᕆᔨ, ᐳᓛᕆᐊᖅᑐᓄᑦ ᐅᓂᒃᑳᖅᑎ ᐅᐃᒍᓕȀ

    ᓱᕈᓯᐅᓪᓗᓂ, ᐋᓐᓄᓘ ᑎᐊᓚ ᖃᐅᔾᔨᐊᓪᓚᓚᐅᖅᓯᒪᔪᖅ ᐃᒻᒥᓂᒃ ᐊᒻᒪᓗ ᐃᓕᓐᓂᐊᖃᑎᒥᓂᒃ ᐊᑕᐅᓯᕐᒥᒃ ᐅᕕᓂᖏᒃ ᖃᑯᕐᓂᓴᐅᒻᒪᑎᒃ ᐃᓕᓐᓂᐊᖃᑎᒥᓂᒃ. ᐊᓈᓇᒥᓂᒃ ᐅᖃᖃᑎᖃᖅᑐᓂ, ᐋᓐᓄᓘ ᖃᐅᔨᔪᒥᓂᖅ ᐃᑦᑐᖓ ᓯᒃᑳᑦᑎᒃᑯᒥᐅᑕᐅᓪᓗᓕ ᐅᒥᐊᕐᔪᐊᒧᓐ ᑳᑉᑕᓐᖑᓐᓂᕐᒪᓐ ᐊᑎᖃᖅᑐᒥᓂᐅᓪᓗᓂ ᔮᓐ ᑭᐊᕆᖕᑕᓐ ᑕᐃᓗ. ᐊᕐᕋᒍᓂᒃ ᐊᒥᓱᓂᒃ ᐃᓅᓯᕐᒥᓂ, ᐋᓐᓄᓘ ᑎᑎᕋᐃᓐᓇᖅᐸᓚᐅᖅᑐᖅ ᓯᑳᑦᑕᓚᓐᒧᓐ ᕿᓃᓐᓇᖅᑐᓂᓗ ᐃᓚᒥᓂᒃ ᐅᖓᓯᑦᑐᒦᑦᑐᓂᒃ.

  • ᐋᓐᓄᓘ ᑎᐊᓚ, ᑐᓵᔨ/ᑐᑭᓕᐅᕆᔨ, ᐳᓛᕆᐊᖅᑐᓄᑦ ᐅᓂᒃᑳᖅᑎ ᐅᐃᒍᓕȀ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᐊᓐᓄᓘ ᑎᐊᓚ

    ᐃᑦᑐᖃᕐᓂᕋᖅᑕᐅᕙᔪᒐᑦᑕᐃᓛᒃ ᖃᓪᓗᓈᒥᒃ ᓯᑳᑦᑕᓚᓐᒥᐅᑕᕐᒥᒃ, ᖃᓄᐃᓕᑦᑕᓂᕐᒪᖔᖅ ᐃᓱᒪᒌᓐᓇᖅᑖᓗᒋᖃᑦᑕᓚᐅᖅᓯᒪᒐᒃᑯ ᖃᐅᔨᒍᒪᓪᓚᕆᑦᑐᖓᐃᓛᒃ ᐃᓱᒪᒋᖃᑦᑕᖅᐸᓚᐅᖅᓯᒪᒐᒃᑯ ᐱᕈᖅᐸᓕᐊᓪᓗᖓ ᐊᒻᒪ ᐃᖃᓗᓐᓄ ᐃᓕᓐᓂᐊᕆᐊᖅᓯᒪᓪᓗᑕ ᐅᖃᓕᒫᒐᖃᕐᓂᖅᓴᑯᓗᒻᒥ, ᐅᖃᓕᒫᒐᕐᓂᓂᓛᒃ ᐊᑐᐃᓐᓇᖃᕐᓂᖅᓴᐅᓕᓚᐅᖅᓯᒪᒐᑦᑕ ᐊᖅᕙᒐᓱᐊᕐᓂᐅᖃᑦᑕᖅᑐᒥᓂᕐᓂᒃ ᑕᒪᒃᑯᓂᖓ ᑎᑎᕋᖅᓯᒪᔪᓂᒃ, ᖃᐅᔨᕙᓪᓕᐊᓕᓚᐅᖅᓯᒪᒐᒪ ᓱᖃᑦᑕᓂᕐᒪᖔᑕ ᒫᓂ. ᑕᐃᒪᓕ ᑐᕌᕈᑎᓂᒃ ᕿᓂᖅᑐᐊᓘᖃᑦᑕᖅᐸᓕᔪᒐᒪ ᐱᕙᓪᓕᐊᔪᐃᑦ ᐅᖃᓕᒫᒐᐃᑦ ᑖᕙᓂ ᐃᓐᖓᓚᓐᒥ ᓯᑳᑦᑕᓚᓐᒥᓗ ᑐᕌᕈᑎᖏᓐᓂᒃ ᕿᓂᖃᑦᑕᐃᓐᓇᓕᓚᐅᖅᓯᒪᒐᒪ, ᐃᓐᖓᓚᒥᐅᒥᑦ ᑎᑭᑦᑐᖃᑐᐊᕋᐃᒻᒪᓐ ᐊᒻᒪ ᓯᑳᑦᑕᓚᓐᒥᐅᒥ ᑎᑭᑦᑐᖃᑐᐊᕋᐃᒻᒪᓐ ᖃᐅᔨᒐᐃᒐᒪ ᐊᐱᕇᓐᓇᓪᓚᕆᑦᑕᑯᓗᒋᕙᔪᒐᒃᑭᑦ, "ᑐᕌᕈᑎᒥ ᖃᐅᔨᒪᔭᖃᖅᑮᑦ ᐱᕙᓪᓕᐊᔪᓄᑦ ᐅᖃᓕᒫᒐᖃᖅᕕᓐᓂᒃ ᑖᕙᓂ ᑎᑎᕋᖅᕕᒋᓛᕋᒃᑭᑦ"? ᐊᒻᒪᓗ ᑎᑎᕋᕈᓘᔭᖅᑐᐊᓘᕙᑦᑐᖓ ᐊᑎᕋ ᐅᖃᖅᑐᒍ ᐊᒻᒪᓗ ᑭᓇᒥᒃ ᐃᑦᑐᖃᕐᓂᕐᒪᖔᕐᒪ, ᐊᒻᒪᓗ ᐆᒪᔪᖃᓐᖏᒃᑲᓗᐊᕐᒪᖔᖅ ᐃᓚᖏᓐᓂᒃ ᐊᐱᖅᓱᖅᑐᖓ. ᑭᓯᐊᓂ ᑭᐅᔭᐅᒍᓐᓇᖏᓪᓚᕆᑦᑐᑯᓘᕙᔪᔪᑦ, ᑭᐅᔪᖃᕈᓐᓇᖏᓪᓚᕆᑉᐸᔪᔪᖅ. ᑕᐃᒪᑐᐊᖅ ᐊᑕᐅᓯᖅ ᑭᐅᓚᐅᖅᓯᒪᔫᒐᓗᐊᖅ ᐊᔪᕆᖅᓱᐃᔨᐅᖃᑦᑕᖅᑐᒥᓂᖅ ᐅᐊᑦᑎᐊᕈ ᐃᓛ ᐃᑦᑐᕈᓗᒃ ᐃᓛ ᐃᑦᑑᕙᓗᔪᔪᕐᖏᓐᓇ ᒑᕕᓐ, ᒑᕕᓐᒥ ᐊᑎᓕᒃ. ᑕᐃᒪ ᑎᑎᕋᓚᐅᖅᓯᒪᔫᒐᓗᐊᖅ ᐱᐅᓐᖏᑦᑐᒥᑦ ᑭᓯᐊᓂ ᐅᖃᐅᓯᖃᑐᐃᓐᓇᖅᑐᓂ ᐅᓇ ᐊᑎᖅᐳᑦ ᑎᐊᓚ, ᑕᐃᓚᒦᓐᖔᖅᑐᒥᓂᐅᓗᓂ ᐊᑖᑕᖃᓐᖏᑦᑐᕈᓗᒻᒧᓐ ᐊᑎᖅᑖᕆᔭᒥᓂᕈᓘᒋᐊᖏᑕ, ᑕᐃᒫᒃ ᐅᖃᐅᓯᖃᑐᐃᓐᓇᖅᑐᓂ, ᐱᐅᓐᖏᑦᑐᒥᒃ ᐅᖃᐅᓯᖃᓚᐅᖅᓯᒪᒻᒪᑕ ᑕᐃᒃᑯᐊ ᐊᔪᕆᖅᓱᐃᔨᒃᑯᓂᓛᒃ, ᓈᒻᒪᒋᒍᓐᓃᓚᐅᖅᓯᒪᒐᒃᑭᑦ ᑕᐃᒃᑯᐊ, ᐊᓯᐊᒍᖔᖅ ᕿᓂᕋᓱᑦᑐᐊᓘᖃᑦᑕᓕᔪᒐᒪ ᐊᒻᒪᓗ ᓇᒧᕈᓘᔭᖅ ᐊᐅᓪᓚᕋᐃᒐᒪ ᖃᐅᔨᒐᐃᒐᒪᓗ ᐊᑎᕈᓯᓕᒻᒥᒃ ᑕᐃᓗ, ᐊᐱᕇᓐᓇᓪᓚᕆᑉᐸᔪᒐᒃᑭᒃ "ᖃᐅᔨᒪᕖᒃ ᑭᒃᑯᓐᓂᑦ ᓯᕗᕚᖃᕐᒪᖔᖅᐱᑦ, ᐃᓚᒌᑉᐱᓄᖅᑲᐃ? ᑭᓯᐊᓂᓕ ᐅᐊᑦᑎᐊᕈᒃᑲᓐᓂᐅᓕᖅᑎᓪᓗᒍ ᖃᐅᔨᓚᐅᖅᓯᒪᔪᖓ ᓯᓚᕐᔪᐊᕐᒥ ᑕᐃᓗᒐᓚᕐᔪᐊᖅᐹᓗᐃᑦ ᐊᒥᓱᕐᔪᐊᕌᓗᐃᑦ ᑕᐃᓘᒻᒪᑕ. ᓯᓚᐃᑦᑐᕕᔾᔪᐊᒥᓂᕈᓘᒐᒪ ᖃᐅᔾᔨᐊᓪᓚᔪᔪᖓᓕ ᑕᐃᓗᒥ ᑲᑎᓯᑦᑕᕐᓂᐊᕆᐊᔅᓴᖅ ᐅᐊᑦᑎᐊᕈᕐᓂᓴᒥᓂᐊᓗᒻᒥᒃ.

    ᑭᓯᐊᓂᓕ ᖃᕋᓴᐅᔭᒃᑯᑦ ᓴᖅᑭᔮᕈᑎᓂᒃ ᓴᖅᑭᖅᑐᖃᖃᑦᑕᓕᖅᑎᓪᓗᒍ ᑐᑭᓯᕙᓪᓕᐊᓕᓚᐅᖅᒪᔪᖓ. ᕿᓂᕈᑎᑕᖃᕈᓘᔭᕕᐅᑎᒻᒪᓐ ᓯᕗᓂᒥᓂᑦᑎᓐᓂᒃ ᕿᓂᕈᒪᓗᓂ ᕿᓂᖅᕕᑦᑕᖃᕐᖓᓐ ᐊᒥᓱᐊᓗᓐᓂᒃ ᖃᕋᓴᐅᔭᒃᑯᑦ. ᐱᐅᔪᐊᓘᒐᓗᐊᑦ, ᑭᓯᐊᓂ ᐃᑲᔪᕐᓂᖃᓐᖏᑦᑎᐊᔪᒻᒥᔪᑦ ᐅᕙᓐᓂᒃ. ᐊᑎᒐᓛᓗᓐᓂᒃ ᓇᓂᓯᓂᕋᑦᑕᖅᑯᑦ ᑖᒃᑯᐊᒎᖅ ᒪᑐᐃᕈᒪᒍᒃᑭᑦ ᑭᓯᐊᓂ ᐊᐅᑦᑕᔫᕋ ᐊᑭᓕᔅᓴᓂᐅᑎᒐ ᑐᓂᒍᒃᑯ ᐊᑭᓕᕐᓗᒋᑦ ᒪᑐᐃᕈᓐᓇᑕᒃᑲ. ᑕᒪᓐᓇ ᑕᐃᒪᐃᓕᖃᑦᑕᖅᑐᕈᓗᑐᐃᓐᓇᐅᒻᒪᑕ ᓴᐱᓕᖅᔫᒥᒃᑲᓐᓂᓕᔪᒋᓪᓗᖓ.

    ᑕᐃᒪᓕ ᓇᓂᓯᔪᐊᓘᑦᑕᓕᔪᒻᒥᒐᒪ ᑲᑎᒻᒪᔪᒻᒪᕆᑯᓗᓐᓂᒃ ᑐᕌᕈᑎᓂᒃ ᑐᕌᕈᑎᒐᓛᓗᓐᓂᒃ ᐱᕙᓪᓕᐊᔪᓄᑦ ᐅᖃᓕᒫᒐᕐᓄᑦ ᑐᕌᕈᑎᓂᒃ. ᑕᐃᒃᑯᐊ ᐊᑕᖏᑦᑎᐊᖅᑐᒋᑦ 20ᖑᓗᐊᖅᐸᓪᓚᐃᔪᔪᐃᓂᒃᑯᐊ ᑐᕌᕈᑏᑦ ᑖᔅᓱᒥᖓᔅᓴᐃᓐᓇᖅ ᑎᑎᖅᑲᒥᒃ ᐊᐅᓪᓚᑎᑦᑎᕕᒋᔪᒐᒃᑭᑦ ᐊᑎᖃᕐᓂᕋᖅᑐᖓ ᐋᓐᓄᓘ ᑎᐊᓚᒥᒃ ᐃᑦᑐᖃᓚᐅᖅᓯᒪᓂᕋᖅᑐᖓᓗ ᑳᑉᑕᓐ ᔮᓐ ᑭᐊᕆᓐᑕᓐ ᑕᐃᓗᒥᑦ. ᑕᐃᒫᒃ ᑎᑎᕋᖅᑐᖓ, ᐅᖃᖅᑐᖓ "ᖃᐅᔨᒪᓐᓂᕈᕕᐅᒃ, ᐅᕝᕙᓘᓐᓃᑦ ᐃᑦᑐᖅᐱᑦ ᖃᐅᔨᒪᓐᓂᖅᑲᒍ, ᐅᓂᒃᑳᖅᕕᐅᔪᒪᓪᓚᕆᒃᑲᓗᐊᕋᒪ ᖃᓄᐃᑦᑑᓂᕐᒪᖔᖅ ᑖᓐᓇ ᐃᑦᑐᒥᓂᖅᐳᑦ. ᑭᓯᐊᓂ ᑭᐅᔭᐅᕙᓪᓕᐊᖏᒻᒥᒻᒪᓐ ᐅᑕᖅᑭᑐᐃᓐᓇᐅᔭᓕᔪᔪᖓ ᖃᐅᔨᒋᐊᓚᐅᖅᐸᒃᑲᓗᐊᖅᑐᖓ ᓄᑖᒥᒃ ᕿᓂᖅᕕᔅᓴᒥᒃ ᓴᖅᑭᖅᑐᖃᓐᖏᒃᑲᓗᐊᕐᒪᖔᖅ.

    ᑭᓯᐊᓂᓕ ᐊᕐᕌᒎᒃ ᒪᕐᕉᒃ ᓈᓯᒪᓕᖅᑑᒃ ᖁᕕᐊᓱᕝᕕᐅᑉ ᐅᓪᓗᖏᓐᓂ ᑎᑎᖅᑲᐅᓯᐊᖅᔫᒥᔪᐊᓘᓚᐅᖅᒪᒐᒪ ᓯᑳᑦᑕᓚᓐᒥᓐ ᐃᖕᖓᓚᓐᒥᓐ. ᔮᓐ ᒪᒍᐃᓐᒦᓐᖔᕐᓂᕋᖅᑐᓂ ᑕᐃᓐᓇ ᑎᑎᖅᑲᖅ, ᒪᑐᐃᑐᐊᕋᒃᑯᓗ ᐅᖃᑦᑕᐅᑎᒋᓯᒪᓪᓗᓂ "ᔮᓐ ᑕᐃᓗ ᐃᑦᑐᕆᓚᐅᖅᑕᕋ ᐊᒻᒪ ᐊᖏᕐᕋᖓᓂ ᐱᕈᖅᓴᔪᔪᖓ." ᑕᐃᒪᐃᓕᑦᑕᕐᖓᓪᓕ ᖁᕕᐊᑦᑐᖅᔪᐊᕌᓘᓪᓗᖓ ᖃᐃᒐᓪᓚᒻᒪᕆᑦᑐᖓ ᖁᕕᐊᓚᐅᖅᓯᒪᔪᖓ. ᑭᓯᐊᓂ ᑕᕝᕙᓂᔅᓴᐃᓐᓇᖅ ᑎᑎᖅᑲᖓᓂ ᐅᖃᖅᓯᒪᒋᓪᓗᓂ ᐅᑉᐱᕈᓱᑦᑎᐊᖏᓐᓂᕋᖅᑐᓂ ᐃᑦᑐᖓᒎᖅ ᐃᓄᑦᑎᐊᕙᐅᓐᓂᕐᖓᓐ ᑕᐃᒪᐃᓕᐅᕋᔭᖅᐸᓚᐃᓐᓂᖏᒻᒪᒡᒎᖅ ᑕᒫᓂ, ᐃᓄᒻᒥᓐ ᐊᐃᑉᐸᖃᕋᔭᖅᐸᓚᐃᓐᓂᖏᒻᒪᓐ ᑕᐃᒪᐃᓕᖓᑦᑎᐊᒻᒪᕆᑦᑐᓂ. ᑭᓯᐊᓂ ᒪᕐᕉᓐᓂᒃ ᐊᔾᔨᓐᖑᐊᖁᑎᖃᓚᐅᖅᓯᒪᒐᑦᑕ ᐃᑦᑐᖑᐊᑦᑎᓐᓂᒃ, ᐃᑦᑐᕆᓂᕋᖅᐸᑕᑦᑎᓐᓂᒃ ᐃᑦᑐᕆᒐᑦᑎᒍ ᖃᐅᔨᒪᒐᑦᑎᒍ ᐊᔾᔨᓐᖑᐊᖃᖅᑐᑕ ᒪᕐᕉᓐᓂᒃ. ᑕᐃᒃᑯᐊ ᖃᕋᓴᐅᔭᔭᒃᑰᕈᓐᓇᖅᓯᑎᕐᖄᓚᐅᖅᑐᒋᒃ ᐊᐅᓪᓚᖅᑎᓕᓚᐅᖅᓯᒪᒐᒃᑭᑦ ᐊᔾᔨᓐᖑᐊᒃ ᒪᕐᕉᒃ. ᑕᐃᒪᓕ ᑎᑎᕋᒃᑲᓐᓂᓕᕐᒥᒻᒪᓐ ᐃᒫᒃ ᑎᑎᕋᖅᓯᒪᔪᔪᖅ "ᐊᔾᔨᓐᖑᐊᒃ ᒪᑐᐃᖅᑲᐅᒐᒃᑭᒃ ᐊᒻᒪ ᐅᑉᐱᕆᑦᑎᐊᖅᑲᐅᖏᒃᑭᒃᑭᑦ ᓯᕗᓪᓕᖅᐹᒥ ᑖᓐᓇ ᐃᑦᑐᕆᒻᒪᖔᒃᑯ, ᑭᓯᐊᓂᓕ ᐊᓈᓇᒪ,"; ᑕᐃᒫᖏᓚ ᑕᐃᓐᓇ ᔮᓐ ᑎᑎᕋᖅᑐᒥᓂᐅᓪᓗᓂ; "ᐊᓈᓇᒪ ᓄᓕᐊᒪᓗ ᕿᒥᕐᕈᐊᕐᖓᒍ ᐊᓈᓇᒐ ᓂᓪᓕᑦᑕᐅᑎᒋᔪᔪᖅ ᐄ ᐊᑖᑕᒐᐅᓇ." ᖁᕕᐊᓇᓪᓚᕆᑦᑐᐊᓘᔪᔪᖅ ᑕᐃᒫᒃ ᑐᓴᖅᑐᓂ, ᐊᒻᒪ ᐅᖃᐅᑎᑦᑕᐅᑎᒋᓯᒪᔪᔭᕋ ᔮᓐ "ᐅᑉᐱᕆᓐᖏᒃᑯᕕᓐᖓ ᐊᐅᒐ ᐃᓚᓐᖓᖅᑕᐅᓗᓂ ᐅᕝᕙᓘᓐᓃᑦ ᖃᓂᕐᓂᒃ ᐃᓚᓐᖓᖅᓯᔪᖄᖅᔪᓪᓗᓂ, ᐊᐅᑦᑎᒍᑦ ᐃᓚᒌᒻᒪᖔᕐᓄᒃ ᖃᐅᔨᓴᖅᑕᐅᖁᔨᓪᓗᖓ. ᑭᓯᐊᓂᓕ ᐊᔾᔨᓐᖑᐊᑦ ᐊᐅᓪᓚᑎᖅᑳᓚᐅᖅᑐᒋᑦ, ᔮᓐ ᑎᑎᕋᓕᔪᔪᖅ, "ᐊᐅᑉᐳᒃ ᖃᐅᔨᓴᖅᑕᐅᒋᐊᖃᔾᔮᖏᑦᑐᑦ, ᐃᓪᓗᐊᕐᔪᒋᒋᒃᑭᑦ". ᑕᐃᒪᐃᓕᒻᒪᓐ ᖁᕕᐊᓇᓪᓚᕆᑦᑐᐊᓘᔪᔪᖅ. ᑕᐃᒪᓕ ᐃᓪᓗᐊᕐᔪᒋᕙᓕᖅᑲᕋ, ᐃᓪᓗᐊᕐᔪᒐᖃᑦᑕᐅᑏᓐᓇᖅᐸᓕᖅᑐᒍᒃ.

    ᐋᓐᓄᓘ ᑎᐊᓚ, ᑐᓵᔨ/ᑐᑭᓕᐅᕆᔨ, ᐳᓛᕆᐊᖅᑐᓄᑦ ᐅᓂᒃᑳᖅᑎ ᐅᐃᒍᓕȀ

    ᐊᕐᕌᒍᒐᓛᓗᓐᓂᒃ ᑎᑎᕋᖃᑦᑕᓚᐅᖅᑐᓂ ᐃᓐᖓᓚᓐᒧᓐ ᓯᑳᑦᑕᓚᓐᒧᓪᓗ ᕿᓂᖅᑐᓂ ᐃᑦᑐᖓᑕ ᐃᓚᖏᓐᓂᒃ. ᐋᓐᓄᓘ ᑎᐊᓚ ᑭᐅᔭᐅᑦᑕᓯᓐᓇᓕᖅᑐᒥᓂᖅ. ᔮᓐ ᒪᒍᐃᓐ ᐃᓐᖓᓚᓐᒥᐅᑕᖅ ᑭᐅᔪᒥᓂᖅ, ᑎᑎᕋᖅᑐᓂ ᐃᕐᖑᑕᕆᔭᐅᓂᕋᖅᑐᓂ ᑳᑉᑕᓐ ᔮᓐ ᓰ. ᑕᐃᓗᒧᓐ. ᔮᓐᑯᒃ ᐋᓐᓄᓘᒃᑯᑦ ᖃᐅᔨᒋᐅᖅᑐᒥᓃᒃ ᐃᓪᓗᐊᕐᔪᒌᒃᑲᒥᒃ!

  • ᒦᑲ ᒪᐃᒃ, ᐊᐅᓪᓚᐅᔾᔨᔨ, ᑐᓵᔨ ᐊᒻᒪᓗ ᐃᓄᓐᓂᒃ ᐃᑲᔪᖅᓰᔨ ᐊᐃᒍ5
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    Meeka Mike

    ᐃᑦᑐᑲᓵᖑᔪᖓ ᒦᑲ ᒪᐃᒃ ᐸᖕᓂᖅᑑᒥ ᐃᓅᓐᓂᑰᔪᖓ. ᐊᑖᑕᒐ ᔭᐃᒥᓯ ᒪᐃᒃ, ᐊᑖᑕᖃᓚᐅᖅᑐᖅ ᑲᓇᔪᕐᒥᒃ, ᒪᐃᒃᒥᒃ ᐊᑎᖃᖅᑎᑕᐅᓪᓗᓂ. ᐊᓈᓇᒐ ᒥᐊᐱ ᐅᓈᐱᒃ. ᔨᒥ ᕿᓚᕝᕙᐅᑉ, ᐊᓗᕿᒃᑯᒃ ᐊᓈᓇᑦᑎᐊᕆᓚᐅᖅᑖᒃᑲ, ᐊᑖᑕᑦᑎᐊᕋ ᕿᓚᕝᕙᒃ. ᕿᓚᕝᕙᒃ ᐆᒪᓇᕐᔪᐊᒥ ᐃᓅᓐᓂᑯ. ᐊᒻᒪ ᐊᑖᑕᒪ ᐊᓈᓇᒃᑯᖏᓐᓂᒃ ᕿᑭᖅᑕᕐᒥᐅᖃᑦᑕᖅᑐᒥᓃᑦ ᐃᓚᖏᓪᓗ ᓯᐅᕌᐱᒃᑯᑦ. ᑕᐃᒃᑯᐊ ᑐᓴᐅᒪᔭᒃᑲ.

    ᕿᑭᖅᑕᓂ ᐃᖅᑲᓇᐃᔭᖅᐸᓚᐅᖅᓯᒪᒐᒪ ᐃᑦᑕᕐᓂᓴᕐᓂᕆᖃᑕᐅᓪᓗᑕ ᐃᓐᓇᓪᓚᕆᒋᓚᐅᖅᑕᕗᑦ ᐸᖕᓂᖅᑑᒥ, ᑕᐃᓇᓃᖃᑕᐅᕙᒃᓯᒪᒻᒪᑕ ᐃᖅᑲᓇᐃᔭᕆᐊᖅᓯᒪᓪᓗᑕ. ᐊᐅᔭᓕᒫᖅ ᑕᐅᓇᓃᖃᑦᑕᔪᔪᒍᑦ ᐊᐱᖅᓱᖅᑕᖅᑐᑕ ᐊᒻᒪ ᑕᐃᓐᓇ ᒫᑯᓯ−ᓚᔭᐅᕙᒃᑐᖅ, ᒫᒃ ᔅᑏᕙᓐᓴᓐ ᐊᐱᖅᓱᖃᑦᑕᓚᐅᖅᑎᓪᓗᒍ ᐊᕐᕕᓐᓂᐊᕐᓂᐅᑉ ᒥᒃᓵᓄᑦ.

    ᑕᐃᒃᑯᐊ ᐃᓐᓇᓪᓚᕆᐅᔪᔪᑦ ᕿᑭᖅᑕᓕᐊᕈᑎᒻᒪᒋᑦ ᐃᖅᑲᓇᐃᔮᓄᑦ ᐱᓪᓗᒍ. ᑕᒪᔾᔭ ᑐᓴᐅᒪᔭᒃᑲ. ᐃᓚᖏᑦ ᐅᖃᐅᓯᕆᔪᓐᓇᙱᓐᓇᒃᑭᑦ ᐳᐃᒍᐃᒻᒥᒐᒃᑭᑦ ᐃᓚᖏᑦ ᑕᐃᒃᑯᐊ. ᐃᓐᓇᐃ ᐊᐱᖅᓱᓚᐅᖅᓯᒪᒐᒃᑭᑦ ᑭᒃᑯᓐᓄᑦ ᖃᒻᒪᒥᓂᐅᒻᒪᖔᑕ ᑭᓱᖃᑎᒌᓪᓗ. ᐊᑕᖏᓚᐅᖅᓯᒪᙱᑦᑑᒐᓗᐊᑦ ᑖᒃᑯᐊ ᑕᐅᑐᒍᓐᓇᖅᑕᒃᑲ, ᖃᑦᓯᑦ ᑕᐃᑯᙵᕆᐊᓚᐅᖅᓯᒪᔪᑦ ᐊ'ᐊᖑᒍᓂ ᐊᒥᓱᐊᓗᓐᓂᒃ ᓱᕈᓯᐅᓪᓗᓂ ᑖᕙᓃᖓᓱᖅᑐᕕᓂᐅᓪᓗᓂ ᑐᐊᔪᓂᒃ 12 ᐊᕐᕋᒍᖃᖅᑐᓂ ᐊᐅᓪᓛᓕᕐᒪᑕ ᑕᐃᓇᖓᑦ ᑕᐃᒪᙵᓂ ᑕᑯᔭᕆᐅᖅᑐᓂ ᐃᓛᒃ ᑕᐅᓇᓃᔪᔪᒍᑦ ᕿᑭᖅᑕᓂ.

    ᓂᖏᐅᑯᓘᓕᖅᑐᓂ 90-ᓂᒃ ᐊᕐᕋᒍᖃᓕᖅᑎᓪᓗᒍ ᐊᑭᕋᖅᑑᑎᕗᑦ ᓄᓇᖏᕈᑎᓚᐅᖅᓯᒪᔭᖏᑦ ᖁᕝᕕᐅᖅᑐᓂᓗ. ᐅᑯᐊᖑᓚᐅᖅᓯᒪᔪᒍᑦ ᐊᑭᕋᖅᑐᑕ. ᑰᓂᓘᓯ ᐊᓗᒋᑦᑐᖅ, ᔫᓕ ᒪᓐᓂᐊᐱᒃ, ᒧᓯᓯ ᑮᓇᐃᓐᓇᕐᓗᑭᐊᖅ ᐊᒻᒪ ᐅᕙᖓ ᖃᒻᒪᒥᓂᖓᓂᒃ. ᖃᒻᒪᒥᓂᖓᓃᓇᓱᒃᑐᑎᒍᑦ ᐊᖅᑯᓵᓚᐅᖅᓯᒪᔭᕗᑦ ᐅᖅᓱᓂᐅᕕᓂᓈᓗᐃᑦ ᑕᐃᒃᑯᓂᖓ ᐃᓂᒍᒪᒻᒪᑦ ᐃᓂᓚᐅᖅᓯᒪᔪᖅ ᐊᒻᒪ ᖃᒻᒪᒥᓂᖓᓄᐊᖅᑕᕆᕗᒍᑦ ᐊᐱᖅᓱᖅᑕᐅᓕᕆᓪᓗᓂ. ᖁᕝᕕᓂᐊᖅᓯᒪᔭᑐᐊᒪᐅᓐᓂᖓᓂᒃ ᑕᐃᒪᖓᑦ ᑐᑎᒋᓚᐅᖅᓯᒪᒻᒪᑦ 1983-84 ᓗᑭᐊᖅ. 1984 ᒥᐅᕙᓪᓚᐃᔪᖅ, ᑭᖑᓪᓕᕐᒥ ᑕᐃᑲᓂ ᐃᖅᑲᓇᐃᔭᖅᑎᓪᓗᑕ.

    ᑕᐃᒪ ᐊᑖᑕᑦᓯᐊᕋ ᕿᓚᕝᕙᒃ ᐃᓅᓐᓂᑰᒥᓂᐅᒻᒪᑦ ᐅᓂᒃᑳᕐᕕᒋᒻᒪᑎᒃ ᓱᖅᑯᐃᓱᓐᓂᑯᓂᖏᓐᓂᓪᓗ. ᐊᓈᓇᑦᓯᐊᕋᓗ ᐅᑭᐅᖃᖅᑐᓂ ᑎᓴᒪᐅᕙᓪᓕᐊᔪᖅ, ᑕᐃᒪᖓᑦ ᓅᓐᓂᕐᖓᑕ ᐆᒪᓇᕐᔪᐊᒧᑦ ᑖᕙᖓᑦ ᑭᕙᓪᓕᕐᒥᑦ ᓴᓪᓕᕐᒥ, ᑲᔾᔭᖅᑕᕙᔪᒻᒪᑦ ᑐᒃᑐᒥᓂᖏᓐᓂᒃ. ᑖᕙᒃᑯᐊ ᑖᒃᑯᐊᓕ ᓱᖅᑯᐃᒋᔭᒃᑲ.

    ᕿᑭᖅᑕᓃᑎᓪᓗᑕ ᓇᓄᕐᓂᒃ ᑎᑭᕌᖅᑕᐅᖏᓐᓇᖅᐸᔪᔪᒍᑦ ᖃᐅᑕᒫᐸᓗᒃ ᐊᒻᒪ ᑕᐃᓐᓇ ᑭᒐᕕᒃ ᐋᒐᔅᒥ ᑎᑭᔾᔭᐅᓕᕋᒥ ᑕᕝᕙᓂᑦᓴᐃᓐᓇᐸᓘᔮᖅᑐᖅ ᑕᐃᑯᖓᑦᓴᐃᓐᓇᖅ ᐱᖃᖅᐸᒃᑐᓂ.

    ᑕᐃᒃᑯᐊ ᓯᕗᓕᑦᑕ ᐱᐅᓯᕆᕙᑦᑕᕕᓂᖓ ᐊᕐᕕᐊᕋᓱᖃᑦᑕᖅᑎᓪᓗᒋᑦ ᐊᒃᓱᐊᓗᒃ ᐃᓕᕝᕚᓪᓕᕐᕕᒋᓚᐅᖅᑕᒃᑲ ᐊᑐᖅᑕᐅᕙᒍᓐᓃᖅᑐᓂᒃ ᐃᓛᒃ ᐊᖑᓇᓲᕈᑎᕕᓂᖏᓐᓂᒃ ᐊᖑᑎᓄᑦ ᓇᓗᒋᔭᐅᙱᑦᑐᑦ, ᐊᕐᓇᐅᓗᓂᓕ ᐃᓕᑉᐹᓪᓕᕈᑎᒋᓚᐅᖅᑕᒃᑲ.

    ᓯᕗᓂᖃᕋᑦᑕᒎᖅ ᐊᕐᕕᓐᓂᐊᖅᑏᑦ ᐅᒥᐊᕐᔪᐊᓂᒃ ᐃᓛᒃ ᖃᓪᓗᓈᓂ. ᑕᒪᒃᑯᐊ ᓱᕈᓯᐅᓪᓗᖓ ᖃᐅᔨᒪᓚᐅᖅᓯᒪᙱᑕᒃᑲ. ᐅᕕᒃᑲᐅᓕᖅᑎᓪᓗᑕ ᑐᑭᓯᕙᓪᓕᐊᓕᓚᐅᖅᑕᒃᑲ ᓯᕗᓕᖃᕆᐊᒃᓴᑦᑎᓐᓂᒃ ᐊᕐᕕᓂᐊᖅᑐᒥᓂᕐᓂ.

    ᑕᐃᒃᑯᐊᓕ ᑎᑎᕋᓚᐅᖅᓯᒪᙱᓐᓇᒃᑭᑦ ᖃᑦᓰᑦ ᓇᓕᐊᖑᓐᓂᕐᒪᖔᑕ, ᐅᑯᐊᖑᓚᐅᖅᓯᒪᔪᑦ ᐃᓐᓇᓪᓚᕆᑯᓗᐃᑦ ᑕᐃᑦᓱᒪᓂ, ᖃᑦᑑᖅ, ᑕᐃᓐᓇ ᐊᑕᐅᑦᓯᒃᑰᖃᑕᐅᓚᐅᖅᓯᒪᙱᑦᑐᖅ, ᑖᒥ ᓄᕙᒃᑯᑦ, ᓄᕙᒃᑯᑦ, ᒫᑯᓯ ᐱᑦᓯᐅᓛᖅ, ᑯᓪᓗ ᐱᑦᓯᐅᓛᖅ. ᐊᒥᓱᑲᓪᓚᐅᕙᔪᒻᒥᔪᑦ ᑕᐃᒃᑯᐊ ᕿᑭᖅᑕᒥᐅᒐᔭᐃᑦ ᐃᓕᐊᐸᐃᕙᓪᓕᐊᓚᐅᖅᓯᒪᔪᑦ ᐊᙳᑎᓯᒪᔪᑦ ᐊᕐᕕᐊᕋᓱᖃᑦᑕᖅᑎᓪᓗᒋᑦ. ᐃᑦᑐᐊᖓᓪᓗ ᐊᒻᒪ ᐊᕐᓇᐅᓂᖏᓐᓂ ᓂᖏᐅᕈᓗᒐᓗ ᒪᓚᐃᔭ, ᐋᑯᓘᕙᓪᓚᐃᔪᔪᖅ, ᑖᒃᑯᐊ ᑕᕝᕙ ᐃᓐᓇᐃᑦ ᑖᕗᖓᐅᔾᔭᐅᓯᒪᔪᑦ.

    ᒦᑲ ᒪᐃᒃ, ᐊᐅᓪᓚᐅᔾᔨᔨ, ᑐᓵᔨ ᐊᒻᒪᓗ ᐃᓄᓐᓂᒃ ᐃᑲᔪᖅᓰᔨ ᐊᐃᒍ5

    ᒦᑲ ᒪᐃᒃ ᐅᖃᐅᓯᓕᒃ ᑭᓱᓂᒃ ᐃᓕᓐᓂᕐᒪᖔᕐᒥ ᕿᑭᖅᑕᓂ ᐅᓂᒃᑳᓂᒃ ᓄᐊᑦᑎᔪᖃᖅᑎᓪᓗᒍ ᐊᐅᓚᑕᐅᓚᐅᖅᓯᒪᔪᒥᒃ ᐅᐊᑦᑎᐊᕈ ᐃᓅᓯᐅᕙᑦᑐᒥᓂᕐᓂᒃ ᒫᒃ ᓯᑏᕙᓴᓐᒥᑦ ᖃᐅᔨᓴᖅᑎᓪᓗᒍ.

  • ᒦᑲ ᒪᐃᒃ, ᐊᐅᓪᓚᐅᔾᔨᔨ, ᑐᓵᔨ ᐊᒻᒪᓗ ᐃᓄᓐᓂᒃ ᐃᑲᔪᖅᓰᔨ ᐊᐃᒍ5
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    Meeka Mike

    ᑕᐃᒃᑯᐊ ᑕᐃᒪ ᐊᐱᕆᔭᐅᕙᔪᒥᒻᒪᑕ ᐃᓐᓇᐃᑦ ᖃᓄᖅ ᐊᓯᔾᔨᖅᑎᓯᒪᒻᒪᖔᑦ ᐱᐅᓯᕗᑦ ᐃᓕᖅᑯᓯᕗᓪᓗ ᖃᓪᓗᓈᖅᑕᖃᓕᖅᑎᓪᓗᒍ ᐊᕐᕕᐊᕋᓱᖃᑦᑕᓕᖅᑎᓪᓗᒍ. ᑕᐃᒪ ᐅᖃᐅᓯᐅᓂᐊᖅᑲᐅᔪᖅ ᖃᓂᒪᓐᓃᑦ ᖃᓂᒪᖃᓐᓂᐅᓕᖃᑦᑕᖅᑐᒥᓂᖅ. ᐊᒻᒪ ᐊᕐᓇᐃᑦ ᓇᑦᑎᕋᓱᖃᑦᑕᖅᑎᓪᓗᒋᑦ ᐅᐱᕐᖓᒃᓴᒃᑯᑦ ᓯᓈᖓᓂ, ᐊᖑᑎᑦ ᐊᕐᕙᕋᓱᒃᑎᓪᓗᒋᑦ. ᐊᕐᕙᕋᓱᙱᑦᑐᑐᐃᓐᓇᐃᑦ ᑭᓱᑐᐃᓐᓇᐃᑦ ᓱᓇᓕᒫᒥᒃ ᐱᓇᓱᒃᑐᐃᑦ ᓇᑦᑎᓂᒡᓗ ᕿᓯᓂᒡᓗ ᐅᖅᓱᖃᐅᒻᒥᒻᒪᑕ. ᐊᖑᑏᑦ ᐅᓯᕙᒃᑐᒥᓃᑦ ᕿᓯᓐᓂᒃ, ᕿᓯᓐᓇᑦᑎᐊᒥᒃ ᐅᖅᓱᓕᐅᓐᓂᕈᑎᒃ ᐅᖅᓱᒃᓴᕋᑦᓴᒥᒃ ᐊᒻᒪ ᑕᐃᒃᑯᓂᖓ ᐱᑖᖅᐸᓪᓕᐊᖃᑦᑕᓕᖅᑎᓪᓕᓗᒋᑦ ᐸᓇᓂᒡᓗ, ᐊᒥᒃᑲᓐᓂᓪᓗ ᓂᕐᔪᑭᖏᓗᐊᖅ, ᐊᓕᒍᓂᒃ. ᑕᒪᒃᑯᐊ ᐱᐅᒋᔭᐅᓗᐊᖃᑦᑕᖅᑐᒥᓃᑦ, ᑏᓕᐅᕈᑏᓪᓗ. ᐊᒻᒪᓗ ᐊᕐᓇᐃᑦ ᓂᕆᒥᐊᕋᓂᓗ ᒥᖅᓱᒐᑦᓴᓂᒡᓗ ᓂᐅᕐᕈᑎᖃᑦᑕᕐᓂᕐᒥᔪᐃᑦ, ᐃᓛᒃ ᑕᐅᖅᓱᐃᓪᓗᑎᒃ ᑕᒪᔾᔭᐅᕙᒃᑐᒥᓃᑦ. ᓴᓇᔭᐅᓪᓗᑎᒃ ᐊᓐᓄᕌᖅᑕᖃᙱᒋᐊᖏᑕ ᖃᓪᓗᓈᓄᑦ ᐃᓅᑎᑦᑎᓪᓚᕆᒃᑐᒥᓃᑦ ᑕᐃᑦᓱᒪᓂ ᖃᓪᓗᓈᓂ ᐅᑭᐅᖅᑕᖅᑐᒥ ᖃᐅᔾᔨᔾᔪᑎᒥᓂᐅᙱᑦᑐᓂᒃ.

    ᐊᒻᒪ ᓴᓇᕐᕈᑏ ᓴᕕᕋᔭᐃᑦ ᒪᑯᐊ ᓴᕖᑦ ᓴᕕᕋᔭᐃᑦ ᐱᓗᐊᖅᑐᑦ ᐅᖃᐅᓯᐅᕙᓚᐅᖅᓯᒪᔪᑦ. ᑕᐃᓐᓇ ᖁᑭᐅᕐᔪᐊᕌᓗᒃ ᑕᐃᒪ ᐅᓂᒃᑳᕆᔭᐅᑎᓪᓗᒍ ᐅᓗᕆᐊᓇᖃᑦᑕᖅᑐᒥᓂᐅᒋᐊᖅ ᐊᒻᒪᓗ ᑕᑯᔭᕆᐅᖃᑦᑕᑕᒥᓂᖏᓐᓂᒃ ᑭᓱᒥᒃ. ᖃᓪᓗᓈᑦ ᑭᓱᖏᓐᓂᒃ ᓂᕿᖏᓪᓗ ᑕᒪᒃᑯᐊ ᐅᓂᒃᑳᕆᔭᐅᖃᑦᑕᔪᔪᑦ.

    ᑕᐃᒃᑯᐊᓕ ᐅᑉᐱᕐᓂᕐᒧᑦ ᐊᓯᔾᔨᑯᒥᓃᑦ ᐊᔪᕆᖅᓱᐃᔨᖃᖅᑐᑎᒃ ᑎᑭᑉᐸᓐᓂᕐᒪᑕ ᓘᑦᑖᖃᑦᑕᖅᑐᓪᓗ, ᐊᔪᕆᖅᓱᐃᔨᒧᑦ ᐅᑉᐱᕐᓂᕐᒧᑦ ᓵᑎᑕᐅᕙᓪᓕᐊᓕᖅᑎᓪᓗᒋᑦ. ᐃᓚᖏᑦ ᐳᐃᒍᕋᒃᑭᑦ ᐃᓄᐃᑦ ᐱᐅᓯᖓᓐᓂᒃ ᒪᓕᒍᓐᓃᖅᑐᑎᒃ. ᐃᓚᖏᑦ ᐃᓛᒃ ᐅᑉᐱᕐᓂᒧᑦ ᓵᒐᓱᓕᖅᑎᓪᓗᒋᑦ ᑕᒪᒃᑯᐊ ᒪᔾᔭ ᐊᓯᔾᔨᕈᑎᓯᒪᔪᒥᓂᐅᒋᐊᖏᑕ ᐅᓂᒃᑳᔪᕙᔪᔪᑦ.

    ᑕᒪᒃᑯᐊ ᑐᓴᐅᒪᔭᐅᔭᕆᐊᓖᑦ ᐊᕐᕕᓐᓂᐊᖅᑎᒥᓃᑦ ᑕᒪᐅᖓ ᐊᕐᕕᓐᓂᐊᕋᓱᒃᐸᒃᑐᒥᓃᑦ ᐅᑭᐅᖅᑕᖅᑐᒧᑦ, ᖃᓪᓗᓈᑦ ᑎᑭᑉᐸᓪᓕᐊᓕᕐᒥᓂᖓ ᑐᓴᐅᒪᔭᐅᓪᓚᕆᒋᐊᓕᒃ ᕿᑐᕐᖓᑦᑎᓐᓄᑦ ᑐᑭᓯᐅᒪᔾᔪᑕᐅᒃᑲᓐᓂᖁᓪᓗᒍ ᐃᓛ ᐃᓅᖃᑎᒌᓐᓂᕐᒧᓪᓗ ᐊᒻᒪ ᑭᓱᑦ ᐱᐅᔫᓯᒪᒻᒪᖔᑦ ᑕᒪᒃᑯᐊ ᐃᓕᒍᑕᐅᓲᖑᒻᒪᑕ. ᑐᓴᐅᒪᙱᒃᑯᕕᑦ, ᐅᓪᓗᒥ ᐃᓅᓯᖃᓕᕐᒪᑕ ᐊᓪᓛᑦ ᐃᓅᓯᕆᔭᑦᑕ ᐱᕈᖅᓴᖅᑎᓪᓗᑕ ᐊᔾᔨᒋᙱᒋᒐᓛᓕᖅᑕᖓᓂᒃ ᐊᑲᕐᕆᔾᔪᑎᖏᓪᓗ ᐱᙳᐊᕈᑎᓂᒡᓗ ᐱᓂᖅᓴᐅᔮᓕᖅᑐᑎᒃ. ᑕᒪᓐᓇ ᐱᕙᓪᓕᐊᒥᓂᖓ ᑕᑯᒋᐅᖃᑦᑕᒥᓃᓪᓗ ᐃᓄᐃᓪᓗ ᖃᓪᓗᓈᓪᓗ ᑐᓴᐅᒪᔭᐅᖏᓐᓇᕆᐊᓖᑦ. ᑕᐃᒃᑯᐊᓗ ᐅᓂᒃᑳᖅᑐᒍ ᐃᓚᒌᓐᓂᓪᓗ ᐅᓂᒃᑳᕈᑕᐅᕙᓐᓂᙱᑦᑐᖅ ᖁᓚᕐᓇᙱᑦᑐᖅ ᓇᒦᑉᐸᓐᓂᒥᓂᖏᓐᓂ, ᐃᓕᓴᔭᐅᖏᓐᓇᓚᐅᕋᑦᑕ ᓇᒥ ᓄᓇᖃᖃᑦᑕᕐᓂᕐᒪᖔᑕ ᓯᕗᓕᕗᑦ. ᐅᐸᔅᓯᒍᓐᓇᕋᐃᒐᑦᑕ ᐃᓛᒃ ᓄᓇᒥᓂᖏᓐᓄᑦ ᐃᓚᖏᑦ ᐅᐸᐃᓐᓇᙱᒃᑲᓗᐊᖅᑐᑎᒍ ᑐᓴᐅᒪᖏᓐᓇᖅᑎᑕᐅᓲᑐᖃᐅᒐᑦᑕ ᑕᒪᒃᑯᓂᖓ. ᑕᐃᒫᑦᑕᐅᖅ ᐊᕐᕙᕋᓱᖃᑦᑕᖅᑐᒥᓃᑦ ᑕᒪᐅᖓᖅᑐᒥᓂᐅᓂᖏᓐᓂᒃ ᑐᓴᐅᒪᔭᐅᑲᐃᓐᓇᕆᐊᖃᕐᒥᔪᖅ ᐱᔾᔪᑎᒋᓪᓗᒍ ᖃᓪᓗᓈᑦ ᒪᐅᙵᕆᐅᖃᐅᓂᑯᐊᓘᓐᓂᕋᖃᑦᑕᑉᐸᔪᒻᒪᑕ ᑕᐃᒪᐃᑎᓐᓇᒍ.

    ᒦᑲ ᒪᐃᒃ, ᐊᐅᓪᓚᐅᔾᔨᔨ, ᑐᓵᔨ ᐊᒻᒪᓗ ᐃᓄᓐᓂᒃ ᐃᑲᔪᖅᓰᔨ ᐊᐃᒍ5

    ᒦᑲ ᒪᐃᒃ ᓇᓗᓇᐃᖅᑐᐃᔪᖅ ᐃᓅᓱᓐᓂᖅᓴᐅᔪᓂᒃ ᐃᓄᓐᓂᒃ ᐱᒻᒪᕆᐅᓂᖓᓂᒃ ᐃᓕᒐᓱᐊᕐᓂᐅᑉ ᓯᕗᓕᒥᓂᖏᑕ ᐃᓅᓯᕆᕙᓚᐅᖅᑕᖏᓐᓂᒃ ᐊᒻᒪᓗ ᑲᑎᓯᒋᐊᓐᖓᕐᓂᒥᓂᖏᓐᓂᒃ ᖃᓪᓗᓈᓂᒃ ᐊᖅᕕᒐᓱᐊᖅᑎᓂᓪᓗ.

  • ᐃᑦᑐᐊᖓᑦ ᐊᒃᓵᔪᖅ (1906-1996), ᑎᓂᔾᔪᐊᖅᕕᒻᒥ ᐃᓐᓇᒻᒪᕆᒃ ᑕᑯᔅᓴᐅᔪ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᐃᑦᑐᐊᖓᑦ

    ᐊᐱᖅᓱᖅᑎ:

    ᑕᐃᒪ ᐱᕈᕐᓂᑰᖅᑰᕋᕕᑦ ᐊᖅᕙᓐᓂᐊᖅᑎᐅᖃᑦᑕᑎᓪᓗᒋᑦ ᑕᒫᓂ ᕿᑭᖅᑕᓂ. ᐅᓂᒃᑳᖅᕕᒋᔪᓐᓇᖅᐱᑎᒎᑦ ᖃᓄᖅ ᐊᐅᓚᔨᔭᓐᓂᒃ ᑕᐃᒃᑯᐊ ᓯᒃᑳᑦᑎᓄᓪᓗ ᐃᒻᒪᖃᓘᓐᓃ ᐊᒥᐊᕆᑲᒥᐅᓐ ᐊᖅᕙᓂᐊᖅᑎᖏᑦ ᑕᒪᐅᓐᖓᐸᓪᓕᐊᓕᖅᑎᓪᓗᒋᑦ ᐱᒋᐊᕈᕕᑦ ᖃᓄᖅ ᐊᐅᓚᔨᔭᖃᕐᒪᖔᖅᐱᑦ ᑕᐃᒃᑯᓂᖓ ᐊᖅᕙᓂᐊᕐᓂᐅᖃᑦᑕᓚᐅᖅᑐᓂᒃ?

    ᐃᑦᑐᐊᖓᑦ:

    ᑕᐃᒃᑯᐊᓕ ᐊᒥᐊᓕᑲᒥᐅᑦ ᖃᐅᔨᓚᐅᓐᖏᑕᒃᑲ, ᑐᓴᐅᑕᐃᓐᓈᓚᐅᖅᑕᒃᑲᓕ ᑕᐃᓐᓇ ᐃᓪᓗᒥᓂᖓ ᑕᑲᓐᓇᐅᒐᓗᐊᖅᑐᓂ, ᓱᓕ ᓯᓂᕝᕕᖏᑦ ᑕᒪᔾᔭᐅᑎᓪᓗᒋᑦ ᖄᖅᑎᖓᓂ ᑕᑉᐹᓂ ᖁᓛᓂ, ᐊᖑᓚᐅᖅᑕᕋᓗᐊᒃᑲ. ᐃᓛ ᓱᖅᑯᐃᒋᐊᕐᔪᑕᒃᑲ, ᐃᒫᒻᒪᕆᐊᓘᓐᖏᑕᒃᑲ. ᑕᐃᒫᒃ ᑕᑉᐸᐅᓇ ᖁᓛᒍᑦ ᓯᓂᕝᕕᓕᐊᓘᓐᓂᕐᖓᑕ. ᑕᑲᒃᑯᐊᓕ ᑲᒪᒋᓚᐅᓐᖏᑕᒃᑲ ᐅᖃᐅᓯᑐᐃᓐᓇᐅᑎᓪᓗᒋᓪᓕ, ᖃᓪᓗᓈᖃᓚᐅᓐᖏᑐᓪᓕ ᑕᐃᔅᓱᒪᓂ.

    ᐊᐱᖅᓱᖅᑎ:

    ᑕᐃᒪ ᑖᒃᑯᐊ ᐊᖅᕙᓂᐊᖅᕕᒥᓂᐅᔪᑦ ᖃᓄᖅ ᐋᖅᑭᓱᖅᓯᒪᓂᖃᓚᐅᖅᑲᓐ ᑕᑲᓇᓂ ᕿᑭᖅᑕᓂ?

    ᐃᑦᑐᐊᖓᑦ:

    ᑖᒃᑯᐊᓕ ᐊᐃᑉᐸᖏᑕ ᖃᐅᔾᔨᑎᓪᓚᕆᒻᒪ ᐱᖏᑦ ᑕᕝᕙᓂ ᐅᐱᕐᖔᖑᓕᕋᐃᒻᒪᓐ, ᐋᒡᒌᓯᖃᐃ ᐱᒋᐊᓕᖅᑎᓪᓗᒍ, ᐴᖅᑲᑕᐅᑦᑎᐊᖅᐸᓚᐅᖅᑐᑦ ᐸᓂᖅᓯᐊᖑᓪᓗᑎᒃ ᑕᒪᒃᑯᐊ ᑭᓱᑦ ᐅᒥᐊᑦ ᐃᓗᓕᖏᑦ ᐊᕝᕙᒐᓲᑎᓪᓚᕆᖏᑦ. ᐴᖅᑲᖅᑕᐅᔭᕇᑦᑎᐊᕋᒥᒃ ᐅᒥᐊᖏᓪᓗ ᑖᕗᖓ. ᑕᐃᒫ ᖃᐅᔨᕙᓪᓕᐊᓕᓚᐅᖅᑕᒃᑲ ᑕᐃᒫᖏᓐᓈᖅᑐᑦ ᐊᕐᕌᒍᑕᒫᑦ. ᑖᕗᖓ ᐃᓪᓗᖓᑕ ᓯᕗᕌᓄᑦ ᐅᓰᔭᖅᑕᐅᓪᓗᑎᒃ ᖃᑦᑕᐅᔭᓂᒃ ᐃᑯᕐᕋᖅᑐᒋᑦ ᐊᔭᒃᑭᑕᐅᑦᑎᐊᖅᑐᑎᒃ ᐊᔭᒃᑭᕝᕕᖃᖅᑐᑎᒃ, ᑕᐃᒫ ᓴᓂᓕᕇᑯᓘᓪᓗᑎᒃ. ᐊᐅᔭᒃᑯᑦ ᓱᓇᐅᕝᕙ ᐸᐃᔪᖁᑎᖏᓐᓄᑦ ᐃᖅᑲᓇᐃᔭᕈᒫᕐᓂᐊᖅᑐᓄᑦ, ᐃᒫ ᐊᒥᓲᓐᖏᑦᑐᑦ ᑕᔭᐅᓐᖏᑐᓪᓘᓐᓃᑦ (ᖁᓕᐅᓐᖏᑐᓪᓘᓐᓃᑦ) ᐃᖅᑲᓇᐃᔭᖅᑐᔅᓴᖁᑎᖏᑦ ᕿᒪᑦᑕᑐᐊᑦ. ᕿᒪᑦᑕᑑᒻᒪᑕ ᑖᒃᑯᐊ ᐊᒥᐊᖅᑕᐅᓛᖅᑐᑦ ᐊᑐᕇᕐᓂᐅᒻᒪᑕ ᐅᐱᕐᖔᖓᓂ. ᑕᕝᕙ ᑕᐃᒪᐃᓕᖓᓕᕐᖓᑕ ᐱᔭᕇᖅᑕᐅᓂᐅᓕᖅᑐᑎᒃ, ᐅᒥᐊᕐᔪᐊᑕᖃᖅᑎᓪᓗᒍᓗ ᖃᐅᔨᓚᐅᖅᑐᖓ ᑕᐃᒫ ᑖᒃᑯᐊ ᐃᖅᑲᓇᐃᔭᖅᑎᑑᕗᑦ. ᐊᐅᔭᓕᒫᖅ ᐃᖅᑲᓇᐃᔭᖅᑐᑦ, 6-ᑐᐃᓐᓇᐃᓘᓐᓃᑦ.

    ᐊᐱᖅᓱᖅᑎ:

    ᑖᒃᑯᐊ ᐊᖅᕙᓂᐊᖅᑏᑦ ᑖᕙᓐᖓᓐ ᓯᑳᑦᑕᓚᓐᒦᓐᖔᖃᑦᑕᖅᓯᒪᔪᑦ, ᐊᐅᔭᐅᓕᕋᐃᒻᒪᑦ ᑭᓯᐊᓂ ᐅᒥᐊᖅᑐᓇᖅᓯᔭᕋᐃᒻᒪᓐ ᑕᒪᐅᓐᖓᖅᐸᓚᐅᖅᐸᓐ ᐅᕝᕙᓘᓐᓃᑦ ᐅᑭᐊᓪᓕᕙᓚᐅᖅᑲᓐ ᑕᒫᓂ?

    ᐃᑦᑐᐊᖓᑦ:

    ᐅᑭᐊᓪᓕᓚᐅᓐᖏᑐᓪᓕ ᖃᐅᔨᑎᓪᓗᖓ, ᐅᑭᐊᓪᓕᕙᑦᑐᒥᓂᐅᒐᓗᐊᒡᒎᖅ ᓯᕗᓂᓐᓂ, ᒫᓐᓇᓕ, ᐃᓛᒃ, ᐅᑭᐊᓪᓕᔪᖃᖅᑎᓪᓗᒍᒎᖅ ᐃᓅᓂᒥᓂᐅᕗᖓ, ᐊᑕᐅᓯᕐᒥᒃ ᑭᖑᓂᒃᑲᓐᓂᐊᓂ ᑐᓴᓚᐅᓐᖏᑦᑐᖓ ᐅᑭᐊᓪᓕᔪᒥᓂᕐᓂᒃ. ᐃᓅᓂᒥᓂᐅᕗᖓᒎᖅ ᐅᑭᐊᓪᓕᔪᖃᖅᑎᓪᓗᒍ.

    ᐊᐱᖅᓱᖅᑎ:

    ᑕᐃᒪ ᐊᐅᓚᔨᕖᑦ ᖃᑦᑎᓂᓪᓘᓐᓃᑦ ᐊᕐᕌᒍᖃᐸᓗᑦᑐᑎᑦ, ᐅᕕᒃᑲᐅᓕᖅᑐᑎᓪᓘᓐᓃᑦ ᑖᒃᑯᓄᖓ ᐊᖅᕙᓂᐊᖅᑎᓄ ᐱᖃᑕᐅᖃᑦᑕᓕᓚᐅᖅᑭᓐ?

    ᐃᑦᑐᐊᖓᑦ

    ᐅᕕᒃᑲᕈᓚᐅᓐᖏᑦᑐᖓ ᑕᐃᔅᓱᒪᓂ, ᐃᒫᒃ ᐃᓄᑑᓇᖓᓘᓐᓃᑦ ᐱᒐᓱᐊᕈᓐᓇᑎᓐᓇᖓ, ᑭᓱᓂᒃ ᐆᒪᔪᒐᓚᓐᓂ ᐱᒐᓱᐊᖃᑕᕈᓘᓕᕋᓗᐊᖅᑎᓪᓗᖓ ᑕᐃᒪ ᐃᓚᐅᔭᕐᓃᓇᕐᒧᑦ ᑭᓯᐊᓂ ᐱᑎᓪᓗᖓ ᐊᖅᕙᓂᐊᖅᑎᓄᑦ ᐃᓚᓕᐅᔾᔭᐅᔪᔪᖓ ᓈᒻᒪᖏᒻᒪᑕᒎᖅ. ᑕᐃᒪ ᓱᓇᐅᕝᕙ ᐃᓕᓵᖑᒐᓱᔅᓯᓇᕐᓂᕋᓗᐊᕋᒪ, ᑕᐃᔅᓱᒪᐃᓛ ᐊᖏᔪᖅᑳᕆᔭᑦᑕ ᐊᒻᒫᓕᐅᑉ.

    ᐊᐱᖅᓱᖅᑎ:

    ᐊᒻᒫᓕᐅᑉ?

    ᐃᑦᑐᐊᖓᑦ:

    ᐄ, ᐊᒻᒫᓕᐅᑉ

    ᐊᐱᖅᓱᖅᑎ: ᑕᐃᓐᓇ ᐊᒻᒫᓕᒃ ᐊᕝᕙᓂᐊᖅᑎᓄᑦ ᐊᐅᓚᑦᑎᔨᐅᖏᓐᓇᖃᑦᑕᓚᐅᖅᑲ?

    ᐃᑦᑐᐊᖓᑦ:

    ᐄ, ᖃᐅᔨᑎᓪᓗᖓᓕ ᐱᒋᔭᐅᖏᓐᓇᓚᐅᖅᑐᖅ, ᖃᓪᓗᓈᖃᕋᓗᐊᖅᑐᑎᒃ. ᑖᓐᓇ ᓲᕐᓗ ᒪᑯᓂᖓ ᓂᕿᖏᓐᓂᒃ ᖃᓪᓗᓈᑦ ᑲᒪᔨᑐᐃᓐᓇᐅᓗᐊᖅᑑᔮᖅᑐᖅ.

    ᐊᐱᖅᓱᖅᑎ:

    ᑖᓐᓇ ᖃᓪᓗᓈᖅ?

    ᐃᑦᑐᐊᖓᑦ:

    ᐄ, ᖄᓪᓗᓈᖅ, ᐊᐅᓚᑦᑎᔫᔮᓐᖏᑦᑐᖅ ᑕᒪᒃᑯᓂᖓ ᐊᖅᕙᒐᓲᑎᓂᒃ, ᓇᑦᑎᕋᓲᑎᓂᓪᓗ, ᑭᓱᓂᒃ ᓴᒃᑯᓂᒃ ᑲᒪᓪᓗᐊᖅᑑᔮᓚᐅᓐᖏᑦᑐᖅ ᑕᐃᓐᓇ, ᐊᒻᒫᓕᒃᑕᐃᒪ ᐊᖏᔪᖅᑳᓪᓚᕆᒋᓚᐅᖅᑕᖓᓕ ᑕᒪᒃᑯᓄᖓ ᓯᓚᓯᐅᑎᓄᑦ.

    ᐊᐱᖅᓱᖅᑎ:

    ᑕᐃᒪ ᖃᐅᔨᔭᐅᖃᑦᑕᓕᖅᐸᓪᓕᐊᓕᕋᕕᑦ ᐊᖅᕙᓂᐊᖅᑎᑯᓐᓄᑦ ᓱᕈᓯᐅᓪᓗᑎᖏᓛᒃ ᓱᓇᓕᕆᖃᑦᑕᓚᐅᖅᑭᓪᓕ ᑕᕝᕙᓂ ᐊᖅᕙᓂᐊᖅᑎᓪᓗᒋᑦ?

    ᐃᑦᑐᐊᖓᑦ:

    ᐊᕝᕙᓂᐊᖅᑎᓪᓗᒋᑦ ᐃᓚᓕᐅᑎᓚᐅᕐᓇᖓᓕ ᑕᒫᓂ ᐅᐃᕖᓴᖅᑎᕈᓗᑐᐃᓐᓇᐅᓚᐅᕐᒥᔪᖓ ᐃᓛᓪᓕ ᓄᓇᓕᒻᒥ, ᐃᓛ ᐃᓚᐅᔭᖅᑐᐊᓘᓕᕋᓗᐊᖅᑎᓪᓗᖓ ᐱᓇᓱᐊᖃᑕᐅᓕᕋᓗᐊᖅᑐᖓ ᑭᓯᐊᓂ ᑭᓱᓗᑦᑎᓪᓗᒋᑦ ᐊᖑᓚᐅᕋᒃᑭᑦ...

    ᐃᑦᑐᐊᖓᑦ ᐊᒃᓵᔪᖅ (1906-1996), ᑎᓂᔾᔪᐊᖅᕕᒻᒥ ᐃᓐᓇᒻᒪᕆᒃ ᑕᑯᔅᓴᐅᔪ

    ᐃᑦᑐᐊᖓᑦ ᐊᒃᓵᔪᖅ (1901-1996) ᐃᖅᑲᐅᒪᑦᑎᔪᖅ ᓯᒃᑳᑦᑎᒃᑯᒥᐅᑕᕐᓂᒃ ᐊᖅᕕᒐᓱᐊᖅᑎᐅᖃᑦᑕᖅᑐᒥᓂᕐᓂᒃ ᕿᑭᖅᑕᓂ ᐊᖅᕕᓂᐊᖅᕕᒻᒥ 1900 ᐊᕐᕌᒍᐃᑦ ᐱᒋᐊᓕᕋᑖᒥᓂᐅᑎᓪᓗᒋᑦ.

  • ᐃᑦᑐᐊᖓᑦ ᐊᒃᓵᔪᖅ (1906-1996), ᑎᓂᔾᔪᐊᖅᕕᒻᒥ ᐃᓐᓇᒻᒪᕆᒃ ᑕᑯᔅᓴᐅᔪ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᐃᑦᑐᐊᖓᑦ:

    ᖁᑭᐅᓪᓗᑎᓪᓗᒋᓪᓘᓐᓃᑦ, ᐊᖑᑎᒥᓂᕐᒪ ᑭᓯᐊᓂ ᖁᑭᐅᑎᒥᓂᖓᓂ ᖁᑭᐅᑎᖃᓐᖑᐊᕈᓗᒐᓱᑉᐸᑦᑐᖓ, ᐊᑐᐃᓐᓇᕐᓇᒍᑦᑕᐅᖅ, ᓴᒃᑯᖃᓐᖏᒻᒪᓐ. ᑕᐃᒫᒃ ᐃᓚᓕᐅᔾᔭᐅᓕᔪᔪᖓ ᐃᒫᒃ ᐃᐳᖃᑦᑕᓕᓂᐅᓐᖏᒻᒪᕆᑦᑐᖓᓘᓐᓃᑦ ᑭᓯᐊᓂ ᐃᓚᓕᐅᔾᔭᐅᒐᒪ ᐃᒫᒃ ᐱᕈᕇᓐᖏᑦᑐᕈᓘᓯᒪᒐᒪ, ᐱᕈᖅᓯᒪᓗᐊᓐᖏᓐᓇᒪᐃᓛᒃ, ᐃᐳᐃᓐᓈᑎᓪᓗᒋᓪᓕ ᐃᑭᒪᔪᔅᓴᐅᓚᐅᕋᓗᐊᖅᑐᖓ ᑕᒪᓐᓇ ᐱᔭᖅᑭᐅᑎᒋᓐᖏᑖᓗᒋᑲᐃᓐᓇᓚᐅᖅᓯᒪᒐᒃᑯ ᐃᓚᓕᐅᔾᔭᐅᒐᒪ.

    ᐊᐱᖅᓱᖅᑎ:

    ᐊᕝᕙᓐᓂᐊᖃᑦᑕᖅᑐᑦ ᑖᒃᑯᐊ ᐊᐅᓚᐅᑎᖃᓐᖏᑎᐊᖅᑐᑎᒃ?

    ᐃᑦᑐᐊᖓᑦ:

    ᐄ, ᐊᐅᓚᐅᑎᓂᒃ ᖃᐅᔨᓚᐅᓐᖏᑦᑐᖓ ᓱᕈᓯᐅᑎᓪᓗᖓ. ᑭᓯᐊᓂ ᑕᑲᓄᖓ ᑕᐃᓐᓇ ᑐᔪᐃᔨᖓᓐ ᐊᐅᓚᐅᑎᓕᒻᒥᓐ ᐅᒥᐊᖅᑕᖃᕐᒪᑕ ᒥᑭᔪᑯᓗᒻᒥᓐ, ᑕᐃᒪ ᐊᐅᓚᐅᑎᓕᒻᒥ ᐅᒥᐊᑐᐃᓐᓇᕐᒥ ᖃᐅᔨᔾᔪᑎᒋᓚᐅᖅᓯᒪᔭᕋ.

    ᐊᐱᖅᓱᖅᑎ:

    ᖃᓄᕐᓂ ᑕᐃᒪ ᑖᒃᑯᐊ ᐊᖅᕙᓐᓂᐊᖅᑏᑦ ᐊᐅᓚᐅᑎᖃᓐᖏᑦᑐᑎᒃ ᐊᓐᖑᑎᔪᓐᓇᖅᓯᖃᑦᑕᓚᐅᖅᑲᑦ ᐊᖅᕕᒻᒧᓐ?

    ᐃᑦᑐᐊᖓᑦ:

    ᐃᒃᑯᐊᓕ, ᕿᒫᓐᖏᒪᓪᓕ ᑭᓱᒥ ᖃᐅᔨᓚᐅᕋᓂ, ᐊᖅᕕᖅ. ᐃᖏᕐᕋᓐᖏᑐᐊᕋᒥ, ᐃᒻᒥᓂᒃ ᐃᖏᕐᕋᓐᖏᑐᐊᕋᒥ ᖃᐅᔨᓯᒪᓐᖏᓐᓇᒥ, ᕿᑲᕐᖓᓐ. ᐃᖏᕐᕋᐅᔮᖅᔪᑦᑐᐊᓘᒐᓗᐊᕐᖏᓛᒃ, ᕿᑲᕐᖓᓐ, ᐊᓄᕌᖅᑎᓐᓇᒍ. ᐃᒫᒃ ᕿᒫᓐᖏᓐᓇᒥᓗ ᐃᒻᒥᓂᓪᓗ ᐃᖏᕐᕋᖏᓐᓇᒥ, ᑕᒫᓂ ᐃᖏᕐᕋᔪᐊᓘᓐᖏᒪᓪᓕ ᐅᐸᑦᑕᐅᑐᐃᓐᓇᓪᓚᕆᑦᑐᖅ ᐃᓛᓐᓂᑦ ᐅᐱᓐᓇᕋᓂ ᐊᖅᑲᕐᒪᑕᐃᒪ ᖃᒪᔭᖅ, ᖃᐅᔨᒪᕕᓪᓖ ᖃᒪᔪᒥᒃ?

    ᐊᐱᖅᓱᖅᑎ:

    ᖃᒪᔪᒥᒃ ᖃᐅᔨᒪᓐᖏᑎᐊᕐᒥᔪᖓ.

    ᐃᑦᑐᐊᖓᑦ:

    ᐅᑕᖅᑭᔭᖓ ᐳᐃᓂᐊᕐᓂᖓᓂᑦ. ᐅᑕᖅᑭᔭᖓ ᐳᐃᔭᕆᐊᖓ. ᐸᕐᓇᓯᒪᑦᑎᐊᓕᖅᑐᑦ ᑕᒪᒃᑯᐊ ᐋᖅᑭᓱᖅᓯᒪᓕᖅᑐᑦ ᐊᓕᒃᑯᖏᑦ ᓈᒪᑦᑎᐊᓕᖅᑐᑎᒃ ᐅᑕᖅᑭᑐᐃᓐᓇᓕᖅᑯᑦ ᑕᕝᕙ. ᐅᖅᓱᐊᖅᑐᐊᓘᒻᒪᓐ ᑕᐃᒃᑯᓄᖓ ᐊᖕᒎᑎᓄᑦ ᑭᓯᐊᓂ ᑐᓴᕐᓂᐅᓴᒻᒥᒪᒡᒎᖅ ᓴᕙᓗᓗᐊᖅᑐᒥᒃ.

    ᐊᐱᖅᓱᖅᑎ:

    ᐊᖑᐊᖅᑐᑎ ᑭᓯᐊᓂ ᑕᐃᒫᒃ ᑖᕗᓐᖓᐅᔭᖅᑐᑦ?

    ᐃᑦᑐᐊᖓᑦ:

    ᐄ, ᐳᑦᑕᓕᕐᖓᓐ, ᑕᕝᕙᓕ ᑕᐃᒫᒃ ᑕᒪᓐᓇ ᐅᖅᓱᐊᕐᒪᓐ ᑕᐃᒪᐃᑦᑐᒧᓐ ᐱᔭᐅᒻᒪᓐ, ᐅᖅᓱᐊᖏᒻᒪᓪᓕ ᒪᓕᒐᔮᑦᑐᕈᓘᒻᒪᓐ ᐃᐳᒻᒧᓐ, ᐃᒫᒃ ᐊᒃᓱᐊᓗᒃ ᐃᐳᖃᑕᐅᖁᔭᐅᑐᐃᓐᓇᖅᑐᐊᓘᓯᒪᕗᖓᓕ ᐊᒃᓱᐊᓘᖅᑎᑕᐅᓪᓗᑕ ᐳᑦᑕᓂᖓᓂ. ᑕᕝᕗᖓᓕ ᐊᓱᐃᓪᓛ ᐱᖃᑕᐅᒐᒪ ᑕᕝᕙ ᐱᒋᐊᓐᖑᓱᑦᑐᖅ ᑕᕝᕙᑦᑎᐊᖑᒻᒪᓐ, ᐊᕙᓐᖓᑦ ᐲᖅᑕᐅᒐᒪ ᐃᔅᓱᒪᓐᖓᓐ ᐊᑦᑐᓈᕌᓗᐃᑦ ᓯᐊᓐᓂᐊᓗᐃᑦ ᐃᓂᖓᓃᒃᑲᒪ, ᑕᐃᑯᓐᖓᖅᑕᐅᒐᒪ ᑕᐃᑯᓐᖓᖅᑐᖃᖔᖅᑐᓂ ᐃᓂᓐᓄᑦ, ᑕᕝᕙᓕ ᑖᓐᓇ ᑕᑯᓐᓇᕋᒃᑯ, ᐊᒃᓲᓚᔭᐅᓪᓗᖓ ᓱᓕ, ᕿᕕᐊᕐᓂᐅᓴᔪᐊᓗᑐᐃᓐᓇᐅᒐᒪ, ᐊᔅᓱᕈᑦᑕᑐᐃᓐᓇᕇᖅᑕᐅᖃᑦᑕᔪᒐᒪ, ᐃᓅᓱᓗᐊᒧᖅᑲᐃᓐᓇ ᖃᐅᔨᒪᓐᖏᒧᓐ. ᐊᓱᐃᓪᓛᒃ ᑕᕝᕙ ᑕᕝᕙᑦᑎᐊᕌᓘᓕᕐᖓᓐ ᖁᑭᕐᒪᒍ, ᑕᐃᓐᓇ ᓇᐅᓕᒃᑲᓐᓂᕈᓐᓇᖅᑐᓂᐅᒃ, ᑕᕝᕙᓕ ᐊᓱᐃᓪᓛᒃ ᕿᓗᖅᑭᓚᐅᔾᔮᓐᖏᓚᕐᓕ, ᐄ ᑕᐃᓐᓇ ᐃᑦᑐᕋᖅ ᐃᑦᑐᕋᕐᒥᒃ ᑕᐃᔭᕗᑦ, ᓯᕗᐊᑕ ᖄᖓᓂ ᐊᓕᖅ, ᖁᑭᐅᑎᖓᑕ ᐊᓕᖓ. ᑕᐃᓐᓇ ᕿᓗᖅᑭᓚᐅᓐᖏᓐᓂᖓᓂ, ᑕᒪᓐᓇ ᐊᓕᒻᒪᕆᐊᓗᒃ ᐃᑯᖓ ᐊᓂᒡᒍᖅᓯᒪᔪᖅ ᕿᓚᔅᓱᖅᓯᒪᔪᖅ ᓯᕗᐊᓄᑦ, ᓯᕗᑉ ᐃᒪᐃᓕᖓᓂᖓᓄ ᐅᖓᑖᓄᑦ, ᑕᐃᒃᑯᐊ ᕿᓕᕐᓂᐊᓗᖏᑦ, ᕿᓗᖅᑭᑦᑐᐊᓘᒻᒪᓪᓕ ᑭᓯᐊᓂ ᐊᔅᓱᐊᓘᖅᑐᖅ.

    ᐊᐱᖅᓱᖅᑎ:

    ᐊᒃᓱᕈᑲᓪᓚᑦᑐᐊᓘᒐᒦ?

    ᐃᑦᑐᐊᖓᑦ:

    ᐋ, ᐊᔅᓱᕈᑲᓪᓚᑦᑐᐊᓗᒃ. ᑕᐃᑲᓗ ᐃᓐᓇ ᐅᖓᑖ ᑕᐃᓐᓇ ᐊᑐᐃᓐᓇᕆᓐᖏᓇᑦᑎᒃᑯ, ᑕᐃᓐᓇ ᐅᖓᑕᖏᖅᓯᒪᔭᖓ ᐊᓕᕐᒥᑦ ᑕᕝᕙᓐᖓᓐ ᐊᐳᓐᖓᓐ, ᑕᐃᓐᓇ ᐲᔾᔭᐃᒃᑯᓰᓯᒪᔪᐊᓘᒻᒥᒻᒪᓐ ᑕᐃᓐᓇ ᐊᖁᑦᑐᖅ. ᑖᓐᓇ ᐅᕘᓇ ᓯᐊᑦᑐᐊᓘᒻᒪᓐ, ᐸᐅᓐᖓᔾᔭᐃᖅᓯᒪᔭᖓ.

    ᐊᐱᖅᓱᖅᑎ:

    ᐃᒪᐃᓕᖓᔮᓗᑐᐃᓐᓇᕆᓕᖅᑕᖓᓕ?

    ᐃᑦᑐᐊᖓᑦ:

    ᐄ, ᐃᒪᐃᓕᖓᔮᓗᐊᓕ, ᐅᓇ ᐃᒪᐃᓕᐅᖅᑐᐊᓘᒻᒪᓐ, ᒪᓐᓇ ᓯᐊᑦᑐᐊᓘᒻᒪᓐ, ᑖᓐᓇ ᑕᐃᒪᐃᓕᐅᖅᑐᐊᓘᒻᒪᓐ, ᐃᒫᓂᓪᓗ ᑕᐃᒪ ᐊᓯᐊ ᑕᐅᓇᓐᖓᓐ ᑯᕝᕕᓴᖅᑐᐊᓗᒃ.

    ᐊᐱᖅᓱᖅᑎ:

    ᑯᕝᕕᓴᖅᑐᖅ?

    ᐃᑦᑐᐊᖓᑦ:

    ᐄ, ᐃᒫᓂ ᑕᐅᓇᓐᖓ ᖃᓗᔪᐊᓘᓯᒪᔪᖅ, ᑕᐃᑲ ᓄᖅᑲᐅᒥᑐᐃᓐᓇᕋᐃᒻᒪᓐ ᐳᑦᑐᑐᐊᓘᓕᖃᑦᑕᕐᖓᓐ ᐅᓇ ᐅᖓᑕᖏᖅᓯᒪᔭᖓ, ᐃᖏᕐᕋᔪᐊᓗᒃ. ᐅᒥᐊᓪᓗ ᐊᐃᑉᐸᖏᑦ ᑕᕝᕙᓃᓕᕇᖅᑐᑦ, ᕿᒪᑦᑕᐅᔭᐃᖅᓯᒪᔪᑦ, ᐄ.

    ᐊᐱᖅᓱᖅᑎ:

    ᑖᓐᓇᓕ ᑭᓯᐊᓂ ᐊᖅᕕᒃ ᑖᔅᓱᒪ ᓲᕐᓗ ᐊᒻᒫᓕᐅᑉ ᓇᐅᓕᑦᑕᖓᕙ

    ᐃᑦᑐᐊᖓᑦ:

    ᐊᓯᐊᓄᓪᓕ ᑯᓪᓘᒻ, ᑯᓪᓗᒧᓪᓕᑦᑕᐅᖅ ᐱᔭᐅᔪᔪᖅ.

    ᐊᐱᖅᓱᖅᑎ:

    ᑕᐃᓐᓇᓕ ᓱᓇᓕᕆᔨᐅᓪᓗᓂ ᐊᒻᒫᓕᒃ?

    ᐃᑦᑐᐊᖓᑦ:

    ᐄ, ᐱᖃᑎᐊᓗᒃ, ᐱᖃᑎᐊᓘᓕᖅᐸᑦᑐᖅ, ᓯᕗᑎᑐᖃᒥᓂᐊᓘᒐᒥ.

    ᐅᖃᖅᑎ:

    ᑖᒃᑯᐊᓕ ᑐᓴᖅᓴᐅᑲᓐᓂᓛᕐᒪᑕ ᑐᑯᒃᓴᐅᓗᑎᒃ ᐱᓇᓱᐊᕈᓯᒋᓛᖅᑕᑎᓐᓂ ᐅᓂᒃᑳᖅᑐᑦ ᐊᖅᕙᓐᓂᐊᕐᓂᐅᑉ ᒥᔅᓵᓄᑦ ᒫᓐᓇᓕ ᑖᒃᑯᐊ ᐊᔾᔨᓐᖑᐊᑐᖃᐃᑦ ᑕᐃᑦᑐᓴᓂ ᐊᔾᔨᓕᐅᒐᒥᓃᑦ ᑕᑯᑦᓴᐅᑲᐃᓐᓇᖅᑐᓐ.

    ᐃᑦᑐᐊᖓᑦ ᐊᒃᓵᔪᖅ (1906-1996), ᑎᓂᔾᔪᐊᖅᕕᒻᒥ ᐃᓐᓇᒻᒪᕆᒃ ᑕᑯᔅᓴᐅᔪ

    ᐃᑦᑐᐊᖓᑦ ᐊᒃᓵᔪᖅ (1901-1996) ᐅᖃᐅᓯᓕᒃ ᐊᖅᕕᒐᓱᐊᕐᓂᖅ ᖃᓄᖅ ᐱᑦᑎᐊᖅᑕᐅᒋᐊᖃᕐᓂᕐᒪᖔᖅ.

  • ᓴᐃᒻᒪᑕ ᒪᐃᑯ, ᐱᕙᓪᓕᐊᔪᓕᕆᔨ, ᐃᓄᐃᑦ ᑕᑯᓐᓇᕋᒃᓴᓕᕆᔨᒃᑯᖏᓐ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᔪᐊᕕ ᐊᓕᕙᖅᑕᖅ

    ᔪᐊᕕ:

    ᖃᓄᐃᓕᐅᖅᕕᐅᖃᑦᑕᖅᑐᒥᓂᐅᒻᒪᖔᑕ ᓄᖅᑲᖃᑦᑕᕐᓗᓄᒃ ᐅᓂᒃᑲᐅᑎᕙᓪᓕᐊᓂᐊᕋᒃᑭᑦ, ᑕᐃᒃᑯᓇᓐᖓᑦ ᐃᓐᓇᕆᔭᑦᑎᓐᓂᒃ

    ᑐᓴᐅᒪᔭᓐᓂᒃ.

    ᐊᐱᖅᓱᖅᑎ:

    ᐊᑏᕌᓗᒃ

    ᔪᐊᕕ:

    ᑕᐃᒪ ᐅᓂᒃᑲᐅᔾᔨᖃᑦᑕᓲᖑᒐᒪ ᖃᓪᓗᓈᓂᓪᓗ, ᖃᓪᓗᓈᓄᓕᓛ ᐅᐸᑦᑕᐅᒐᓚᓗᐊᕐᓂᖅᓴᐅᓲᖅ, ᐃᓄᓐᓄᑦᑕᐅᖅ ᐅᐸᑦᑕᐅᓲᖑᒐᓗᐊᖅ ᖃᓪᓗᓈᑦ ᐊᒥᓲᓂᖅᓴᐅᓲᑦ ᐊᐅᔭᒃᑯᑦ, ᐅᑭᐅᒃᑯᓪᓕ ᐅᐸᑦᑕᐅᓗᐊᖃᑦᑕᖏᑦᑐᖅ ᖃᓪᓗᓈᓄᑦ.

    ᐊᐱᖅᓱᖅᑎ:

    ᒫᓐᓇᓖ ᓄᓇᒋᔭᐅᖃᑦᑕᔾᔭᒍᓐᓃᖅᑐᖅ?

    ᔪᐊᕕ:

    ᐄ, ᑕᕝᕙᓂᒥᐅᑕᖅᑕᖃᕈᓐᓃᖅᑐᖅ ᒫᓐᓇ ᑭᓯᐊᓂ ᐹᓂ ᖃᓂᒋᔮᓂ ᓄᓇᓕᕋᓛᖅᑕᖃᕐᒥᔫᒐᓗᐊᖅ ᐃᓛᒃ ᐅᑭᐅᒃᑯᑦ ᑕᒫᓂᒥᐅᑕᐅᖏᓐᓇᖅᑐᐃᑦ, ᑕᕝᕙᓂᐅᓐᖏᑦᑐᖅ ᑖᔅᓱᒪ ᕿᑭᖅᑕᐅᑉ ᐃᓚᖓᓂᐅᓐᖏᑦᑐᖅ.

    ᐊᐱᖅᓱᖅᑎ:

    ᑭᑦᑐᕆᐊᓕᕈᓘᒃ?

    ᔪᐊᕕ:

    ᑭᑦᑐᕆᐊᖅᓯᑎᐅᒻᒪᑦᑕᐅᖅ ᑖᓐᓇ ᓄᓇᒋᔭᖅ, ᐃᓛ ᒪᑯᐊ ᐱᕈᖅᕕᐅᓯᒪᓂᖓᓄᑦ, ᑕᐃᒪ ᐅᖃᕋᑖᕋᒪ ᒪᑯᐊ, ᓄᖅᑲᖃᑦᑕᕐᓗᑕ, ᓄᖅᑲᖃᑦᑕᕐᓗᓄ ᐅᓂᒃᑲᐅᑎᖃᑦᑕᕐᓂᐊᕋᒃᑭᑦ, ᓯᕗᓪᓕᖅᐹᒥ ᑭᓯᐊᓂ ᑐᓴᖅᑎᒍᒪᑐᐃᓐᓇᕆᒃᑭᑦ, ᐃᓛ ᑕᐃᒪᐃᓕᐅᓲᖑᒐᒪ ᖃᓪᓗᓈᓄ ᐳᓛᕆᐊᖅᑐᓄᑦ. ᒫᓐᖓᓐ ᑭᓱᑐᐃᓐᓇᕐᒥᓐ ᐱᑐᖃᒥᓂᕐᒥᓘᓐᓃᑦ ᑎᒍᖃᑦᑕᖁᔨᓇᑕ ᑖᒃᑯᐊ ᑕᒫᓂᒥᐅᑕᒥᓃᑦ ᑭᖑᕚᑦᑎᓐᓄᑦᑕᐅᖅ ᑕᑯᔭᐅᖃᑦᑕᓛᕐᒥᒻᒪᑕ, ᑭᒃᑯᑐᐃᓐᓇᕐᓄᑦ ᐱᒋᔭᐅᒻᒪᑕ. ᑕᐃᒫ ᑎᒍᓯᖃᑦᑕᖁᔨᓲᖑᓐᖏᑦᑐᒍᑦ ᑕᒫᓂ ᐊᒻᒪᑦᑕᐅᖅ ᓴᓂᓐᓂᒃ ᒪᐅᖓᑐᐃᓐᓇᖅ ᐃᒋᑦᑎᖃᑦᑕᖁᔨᒐᑕ, ᑖᒃᑯᐊ ᓴᓃᑦ, ᐅᒥᐊᒥᓕ ᓴᓂᒃᑯᕕᑦᑕᖃᕐᖓᓐ, ᐃᓛ ᓄᓇᒋᔭᖅᐳᑦ ᓴᓗᒪᑎᒐᓱᒋᐊᖃᕋᑦᑎᒍ, ᓲᕐᓗ ᐃᒪᐃᑦᑐᓂᒃ ᑕᑯᖃᑦᑕᖏᓪᓗᑕ, ᓴᐅᓂᕐᓂᓘᓐᓃᑦ, ᑕᕝᕙ ᑖᒃᑯᐊ ᑕᕝᕙᓃᖏᓐᓇᕋᓱᐊᕐᖓᑕ. ᐊᒻᒪᓗ ᒪᐅᓇ ᐱᓱᕝᕕᐅᖏᑦᑐᒃᑯᑦ ᓇᐅᒃᑯᕈᓘᔭᑐᐃᓐᓇᖅ ᐱᓱᖃᑦᑕᖁᔨᓲᖑᓐᖏᒻᒥᔪᒍᑦ ᑕᒫᓂ ᓱᕋᐃᓂᐅᓴᓂᖏᓐᓄᑦ, ᒫᓂ ᑕᕐᕆᓯᒪᑐᐃᓐᓇᕐᖓᑕ ᑕᐃᒃᑯᐊ ᐅᐊᑦᑎᐊᕈᕐᓂᓴᐃᑦ, ᐃᓛ ᐱᑐᖃᒥᓃᑦ. ᑖᕗᓐᖓᐸᓪᓕᐊᓗᓄᑦ ᐅᖃᐅᑎᕙᓪᓕᐊᓂᐊᖅᑲᒋᑦ.

    ᑕᐃᒪ ᐊᖅᕕᐅᑉ ᐅᖅᓱᖏᑦ ᐅᒥᐊᕐᔪᐊᒃᑯᑦ ᐊᐅᓪᓚᕈᔾᔭᐅᖃᑦᑕᓚᐅᖅᓯᒪᒻᒪᑕ, ᑕᐃᔅᓱᒪᓂ ᐊᖅᕙᒐᓱᑉᐸᓂᕐᖓᑕ ᐅᖅᓱᖓᓄᑦ ᑭᓯᐊᓂ ᓲᕐᓗ ᒪᓐᓇ ᐃᖅᑲᓇᐃᔭᖅᕕᐅᓗᐊᖅᓯᒪᒻᒪᓐ ᒪᑯᐊᓗᑦᑕᐅᖅ ᓱᖅᑲᐃᑦ ᐊᐅᓪᓚᖅᑎᑐᐃᓐᓇᕆᐊᖃᓕᖅᑐᑦ ᕿᓚᔅᓱᖅᓯᒪᓕᖅᑐᖅ ᐊᒻᒪᓗ ᑭᓱᑐᐃᓐᓇᐃᑦ ᓴᓇᒋᐊᖃᐃᓐᓇᓲᖑᒻᒪᑕ, ᑖᓐᓇᑦᑕᐅᖅ ᓴᓇᓐᖑᐊᖅᑐᖅ, ᐊᒻᒪᓗ ᐅᒥᐊᑕᖃᖅᑐᓂ ᑕᒫᓂ ᐳᓯᓐᖓᔪᓂᒃ, ᐊᕝᕙᒐᓱᐊᕈᑎᓂᒃ. ᑖᒃᑯᐊ ᐅᒦᖅᑭᕕᒥᓂᖏᑦ ᐅᓇᓂ ᑕᑯᔪᓐᓇᓂᐊᖅᑕᕗᑦ ᑕᑯᔭᖅᑐᑲᐃᓐᓇᕈᓐᓇᓂᐊᕐᒥᔭᕗᑦ ᑕᐅᓇᓂ. ᑕᒫᓂ ᓄᖅᑲᖃᑦᑕᓂᑦᑎᓐᓂ ᐊᐱᖅᑯᑎᔅᓴᖃᕋᐃᒍᕕᑦ ᐊᐱᕆᖃᑦᑕᕐᓗᑎᑦ.

    ᐊᐱᖅᓱᖅᑎ:

    ᐄ, ᑕᐃᒃᑯᐊᓕ ᒫᓐᓇ ᑕᒫᓂ ᓯᓈᓂ ᐃᖅᑲᓇᐃᔭᖅᑎᖏᑦ, ᐃᓛ ᐃᓄᐃᑦ ᐃᑲᔪᖅᑎᐅᕙᑦᑐᒥᓃᑦ ᑖᒃᑯᓄᖓ ᖃᓪᓗᓈᓄ? ᐅᕝᕙᓗ ᓂᕈᐊᖅᑕᐅᓯᒪᓪᓗᑎᒃ, ᑕᒫᓃᑦᑕᐅᑎᒋᔪᒥᓃᓪᓘᓐᓃᑦ, ᖃᓄᕐᓕ ᑲᑎᓚᐅᖅᓯᒪᓐᓂᕐᖓᑕ ᑖᒃᑯᐊ ᖃᓪᓗᓈᑦ ᐊᖅᕙᓂᐊᖅᑎᖏᑦ ᑖᒃᑯᐊᓗ ᒫᓂ ᐃᓄᐃᑦ ᓄᓇᖃᖅᑐᒥᓃᑦ?

    ᔪᐊᕕ:

    ᒫᓂᒥᐅᑕᖅᑕᖃᖅᑎᓪᓗᒍ ᑕᕝᕙᓂ ᕿᑭᖅᑕᓂ, ᐊᖏᔪᖅᑳᖃᖃᑦᑕᓚᐅᖅᓯᒪᒻᒥᔪᖅ ᐃᓄᒻᒥᒃ ᐃᓚᒃ ᓖᑕ, ᑕᐃᒃᑯᐊ ᓯᕗᓪᖅᑎᖓᑦ ᑕᐃᒪᐃᖃᑦᑕᓚᐅᖅᓯᒪᔪᖅ ᑕᕝᕙᓂ, ᓲᕐᓗ ᑖᒃᑯᐊ ᖃᓪᓗᓈᖏᓐᓇᐃᑦ ᐊᖅᕕᒐᓱᖃᑦᑕᓂᓐᖏᒻᒪᑕ ᐊᒻᒪᓗ ᐃᓄᐃᓐᓇᐃᑦ ᐊᖅᕙᒐᓱᖃᑦᑕᕋᑎᒃ, ᑖᒃᑯᐊ ᑲᑎᒻᒪᓪᓗᑎᒃ ᐃᑲᔪᖅᑎᒌᑦᑐᑎᒃ ᐊᖅᕙᒐᓱᖃᑦᑕᓚᐅᖅᓯᒪᔪᑦ. ᖃᓪᓗᓈᓪᓕ ᐊᕝᕙᒐᓱᐊᖅᑐᑎᒃ ᓂᕿᖓᓂᒃ ᐱᓗᐊᓐᖏᒻᒪᑕ, ᑖᒃᑯᓄᖓᓕ ᑭᓯᐊᓂ ᐃᓄᓐᓄ ᓄᓇᖃᖅᑐᓄᑦ, ᒪᑦᑕᖏᓐᓄᓪᓗ ᐱᔭᐅᓗᐊᓐᖑᐊᖃᑦᑕᖅᑐᒥᓃᑦ. ᑖᒃᑯᐊᓕ ᒪᕐᕈᐃᓐᓈᒃ ᐊᖅᕕᒻᒥᓐ ᐱᔭᐅᒐᓱᓗᐊᓐᖑᐊᕐᖓᑎᒃ, ᐅᖅᓱᖓᓄ ᐊᒻᒪᓗ ᓱᖅᑲᖏᑦ. ᑕᕝᕙ ᑖᒃᑯᐊ ᑕᕝᕙ ᒫᓃᑦᑐᑦ ᐃᓱᒪᒋᓐᖑᐊᕈᓐᓇᖅᑕᕗᑦ ᑕᐃᔅᓱᒪᓂ ᖃᓄᐃᓕᐅᖃᑦᑕᓂᕐᒪᖔᑕ ᓯᕗᓕᖅᐳᑦ. ᐅᓄᖓ........ᐃᓚᖓᓂᑦ ᐅᖃᐅᑎᒃᑲᓂᕐᓂᐊᕆᕙᒋᑦ, ᒫᓃᑦᑐᖃᒃᑲᓂᕐᒥᔪᖅ.

    ᐊᐱᖅᓱᖅᑎ:

    ᑖᓐᓇᓕ ᑕᕝᕙᓂ ᕿᑭᖅᑕᓂ ᑕᑯᔭᔅᓴᐅᒻᒪᑕᐃᓛᒃ ᑭᒪᑦᑕᐅᓯᒪᔪᑦ ᑕᐃᔅᓱᒪᓂ ᐊᑐᖅᑕᐅᕙᓚᐅᖅᑐᑦ ᐃᓅᓯᕆᔭᐅᕙᓚᐅᖅᑐᑦ, ᑖᒃᑯᐊᓕ ᒫᓐᓇ ᓵᑦᑎᓃᑦᑐᑦ ᓯᕗᕋᑦᑎᓃᑦᑐᑦ, ᓴᐅᓂᖏᑦ, ᐃᓛ ᓴᐅᓃᑦ ᐊᖅᕕᒻᒧᓐ?

    ᔪᐊᕕ:

    ᐄ ᑖᒃᑯᐊ ᓴᐅᓃᑦ ᐊᖅᕕᒻᒧᓐ ᐊᒻᒪᓗ ᑭᐊᓯᑕᖃᖅᑐᓂ ᒥᑭᔪᒥᓂᕐᒥ, ᐊᒻᒪᓗ ᐊᓪᓕᕈᖓᑕ ᐃᓚᒥᓂᖏᓐ. ᑕᑯᒐᑦᑎᒍ ᑭᓪᓗᑐᖅᓯᒪᔪᖅ ᑕᐃᔅᓱᒪᓂᓕ ᓴᓇᔭᐅᖃᑦᑕᓚᐅᖅᓯᒪᒻᒪᑕ ᐊᖅᕕᐅᑉ ᓴᐅᓂᖏᑦ ᖃᓇᓕᐊᖑᓪᓗᑎᓪᓗ ᐊᒻᒪᓗ ᖃᒧᑏᓐᓄ ᐱᕐᕌᓕᐊᖑᓪᓗᑎᒃ ᐊᒻᒪᓗ ᑭᖑᓂᖓᒍᑦ ᒫᓂ ᐃᓄᐃᑦ ᑯᐊᐸᒥᓂ ᓴᖅᑮᓕᕐᖓᑕ ᓴᓇᓐᖑᐊᕋᔅᓴᒥᓂᒃ ᑮᓇᐅᔭᓕᐅᕈᑎᒋᒐᓱᐊᖅᑐᒍ ᑕᒫᓐᖓ ᓴᐅᓂᕐᓂ ᐱᖃᑦᑕᓚᐅᖅᓯᒪᒻᒪᑕ ᐅᕙᓂ ᓴᐅᓂᖅᑕᖃᓗᐊᓐᖏᓚᖅ ᑕᕝᕙᓂ ᕿᑭᖅᑕᓂ, ᑕᒪᒃᑯᐊ ᐊᑐᖅᑕᐅᖃᑦᑕᖅᓯᒪᒻᒪᑕ ᓴᐅᓂᖏᑦᑕᐅᖅ ᐃᓄᓐᓄᑦ.

    ᓴᐃᒻᒪᑕ ᒪᐃᑯ, ᐱᕙᓪᓕᐊᔪᓕᕆᔨ, ᐃᓄᐃᑦ ᑕᑯᓐᓇᕋᒃᓴᓕᕆᔨᒃᑯᖏᓐ

    ᐅᓂᒃᑳᖅᕕᐅᓪᓗᓂ ᕿᒥᕐᕈᐊᖅᑎᑕᖅ ᕿᑭᖅᑕᓂ ᐊᖅᕕᓂᐊᖅᕕᒥᓂᕐᒥᒃ, ᐅᓪᓗᒥᐅᓕᖅᑐᖅ ᓄᓇᕗᒻᒥ ᒥᕐᖑᐃᓯᕐᕕᐅᓕᖅᑐᒥ.

  • ᓴᐃᒻᒪᑕ ᒪᐃᑯ, ᐱᕙᓪᓕᐊᔪᓕᕆᔨ, ᐃᓄᐃᑦ ᑕᑯᓐᓇᕋᒃᓴᓕᕆᔨᒃᑯᖏᓐ&
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᔪᐊᕕ:

    ᐄ, ᑕᐃᒃᑯᐊ ᓱᖅᑲᖏᑦ ᐊᑐᖅᑕᐅᑲᑦᑕᓚᐅᖅᓯᒪᔪᑦ ᓯᓚᓗᒐᐃᑦᑯᑎᓄ ᑎᒋᓐᖓᖅᑯᑎᓕᐊᖑᓪᓗᑎᒃ ᐊᒻᒪᓗ ᐃᐸᕋᐅᑕᓕᐊᖑᓪᓗᑎᒃ ᕿᒧᔅᓯᐅᑎᓄᑦ ᐊᒻᒪᓗ ᑯᐊᓴᑦ ᒪᐅᖓ ᓇᕿᔾᔪᑎᓕᐊᖑᓪᓗᑎᒃ ᓈᕐᒧᓐ, ᑕᐃᒃᑯᐊᖃᐃ ᖃᓪᓗᓈ ᖁᐃᓂᓗᐊᓐᖑᐊᕐᓂᖏᑦ ᐊᒥᑦᑑᔮᕈᓐᓇᕐᖓᑕ ᑕᐃᒪᐃᑦᑐᒧᓐ ᑕᐃᒃᑯᓄᖓ ᑯᐊᓴᑦᖑᓂᕋᖅᑕᐅᔪᓄᑦ ᒫᓂ ᐊᑐᖅᑕᐅᖃᑦᑕᓲᖑᓐᖏᒻᒥᒪᑕ, ᑕᐃᒪᐃᑦᑐᓕᐊᖑᖃᑦᑕᖅᓯᒪᔪᓐ. ᑕᐃᒃᑯᐊ ᐅᖅᓱᖏᑦ ᐲᔭᖅᑕᐅᓪᓗᑎᒃ, ᐃᓛᒃ ᐅᕙᓂ ᐊᒻᒪ ᒪᓐᓇ ᐅᖅᓱᓕᐅᖅᕕᒥᓂᐅᓗᐊᕐᖓᓐ. ᐊᖏᔫᑎᑦ ᐴᖅᑲᖅᑕᐅᖃᑦᑕᓚᐅᖅᓯᒪᔪᑦ ᐅᑯᓄᖓ ᑭᑦᑑᓇᕐᓄᑦ, ᑭᑦᑑᕐᓇᐅᓂᕋᖅᑕᐅᒻᒪᑕ, ᐊᖏᔫᑕᐅᓪᓗᑎᒃ ᑕᕝᕙᓐᖓᓐ. ᐃᒪᐃᑎᓪᓗᒍ ᐊᕝᕙᑦᑐᖃᖅᑲᑦ. ᑕᐃᒪ ᐅᒥᐊᕐᔪᐊ ᑎᑭᒐᓱᐊᕐᓂᖓᓂ, ᑕᕝᕙᓂ ᐃᓐᓇᐅᓯᑦᑎᐊᖑᓕᖅᑐᖅ ᑕᒪᓐᓇ ᐅᖅᓲᓂᖓ ᐲᔭᖅᓯᐊᖑᓕᖅᑐᖅ ᑖᓐᓇ ᐊᑯᓂᐅᓂᖅᓴᐅᓪᓗᓂ. ᐊᖏᔫᑎᓪᓕ ᐴᖅᑲᖅᑕᐅᖏᓐᓇᖅᑐᑎᒃ. ᑭᓯᐊᓂ ᐅᖅᓱᓕᐅᖅᑕᐅᓪᓗᑎᒃ ᐅᕙᓂ, ᐅᑯᓇᓂ ᒪᕐᕉᓐᓂ, ᑕᐃᒪ ᐃᒐᔪᐅᑦᑕᖅᑯᑦ ᒥᑭᔫᑕᐅᓂᖅᓴᐅᓪᓗᑎᒃ, ᐅᖅᓱᖏᑦ ᒥᑭᔫᑕᐅᓂᖅᓴᐅᓪᓗᑎᒃ ᓱᒃᑲᓕᓂᖅᓴᐅᓪᓗᓂᓗ, ᓱᑲᓐᓂᓴᐅᓪᓗᓂ. ᑕᐃᒪᓕ ᖃᑦᑕᐅᔭᒧᓐ ᐴᖅᑲᑕᐅᑦᑕᓕᕆᕗᑦ. ᑖᒃᑯᓇᓐᖓᑦ ᑕᒪᒃᑮᓐᓂ ᖃᑦᑕᐅᔭᒧ ᐴᖅᑲᑕᐅᒻᒪᑕ, ᑖᓐᓇ ᐅᖅᓱᖓ ᖃᓪᓗᓈᓄ ᐊᐅᓪᓚᖅᑎᑕᐅᓪᓗᓂ. ᖃᓪᓗᓈᓄ ᐊᐅᓪᓚᖅᑎᑕᐅᒐᒥ ᑕᐃᒪ ᐅᖅᓱᖅᑎᕈᑎᓕᐊᖑᓪᓗᓂ, ᐊᐅᓚᐅᑎᓄᓪᓗ ᐅᖅᓱᖅᑎᕈᑎᓕᐊᖑᓪᓗᓂ ᐊᒻᒪᓗ ᐅᖅᓱᔅᓴᓕᐊᖑᓪᓗᓂ ᖁᓪᓕᕐᒧ ᐊᒻᒪᓗ ᐃᓚᖓᒍᑦ ᐅᐊᓴᐅᑎᓕᐊᖑᕙᑦᑐᓂ ᐃᓛ ᑭᓱᑐᐃᓐᓇᖅ ᑖᓐᓇ ᓴᓇᔭᐅᖃᑦᑕᖅᓯᒪᔪᖅ. ᐊᒻᒪᑦᑕᐅ ᐊᖅᕕᐅᑉ ᓴᐅᓂᖏᑦ ᐊᑐᖅᑕᐅᖃᑦᑕᖅᓯᒪᒻᒥᔪᑦ ᑕᒫᓂ ᐃᓄᓐᓄᓐ. ᖃᒧᑎᒋᔭᐅᖃᑦᑕᓚᐅᖅᓯᒪᔪᑦ, ᖃᒧᓯᐊᖑᑦᑕᖅᑯᖅ ᓇᐳᓕᐊᖑᓪᓗᓂᓗ ᐊᒻᒪᓗ ᐃᐳᒻᒧᓐ ᒧᓕᓕᐊᖑᓪᓗᓂ, ᑖᒃᑯᐊ ᓴᐅᓂᖏᑦ ᐊᑐᖅᑕᐅᖃᑦᑕᓚᐅᖅᓯᒪᔪᑦ ᒫᓂ ᐊᒻᒪᓗ ᓂᕿᖓ ᐱᔭᐅᖃᑦᑕᖅᓯᒪᒻᒥᔪᖅᑕᐅᖅ ᐃᓛᓐᓂᒃᑯᑦ ᐃᒐᔭᐅᕙᑦᑐᑎᒃ ᓂᒃᑯᓕᐊᖑᕙᑦᑐᑎᓪᓗ ᐃᓄᓐᓄᓪᓗ ᓂᕿᒋᔭᐅᓪᓗᑎᒃ ᐊᒻᒪᓗᑦᑕᐅᖅ ᕿᒻᒥᖏᑦ ᓂᕆᒋᐊᖃᕐᒥᒻᒪᑕ ᕿᒥᖅᑯᑎᔅᓴᓕᐊᖑᖃᑦᑕᓚᐅᖅᓯᒪᒻᒥᔪᓐ. ᑕᐃᒫᒃ ᑖᒃᑯᐊ ᐊᖅᕕᐅᑉ ᑭᓱᓕᒫᖏᑦ ᐅᐊᑦᑎᐊᕈ ᐊᑐᖅᑕᐅᖃᑦᑕᓚᐅᖅᓯᒪᔪᑦ ᐊᖅᕙᒐᓱᖃᑦᑕᓚᐅᖅᓯᒪᒻᒪᑕ ᐅᖅᓱᐊᓗᓐᓂᐊᖅᑏᑦ ᑕᐃᒃᑯᐊ ᑎᑭᓚᐅᖅᑎᓐᓇᒋᑦ, ᑭᓯᐊᓂ ᐅᖅᓱᐊᓗᓐᓂᐊᖅᑏᑦ ᓴᖅᑭᕐᖓᑕ ᐊᖅᕙᒐᓱᐊᕈᓐᓃᖅᓯᒪᔪᓐ ᑕᒫᓂ.

    ᐊᐱᖅᓱᖅᑎ:

    ᓱᓇᑦᑕᐅᖅ?

    ᔪᐊᕕ:

    ᓱᓕ ᒫᓂ ᐊᓯᖏᓐᓂᑦ-ᓂᐊᕆᕗᖅ ᑕᐃᒃᑯᐊ ᐃᖅᑲᓇᐃᔭᖅᕕᐅᖃᑦᑕᕐᓂᑯᐃᑦ ᑕᒫᓂ. ᐊᐱᖅᓱᖅᑎ:

    ᒪᓐᓇᓕ ᑐᐱᖅᕕᒥᓂᖅᔫᔮᖅᑐᓂᓗ, ᒪᓐᓇᖃᐃ ᐃᓪᓗᖃᖅᕕᒥᓂᖅ?

    ᐊᐱᖅᓱᖅᑎ:

    ᒪᓐᓇᓕ ᑐᐱᖅᕕᒥᓂᖅᔫᔮᖅᑐᓂᓗ, ᒪᓐᓇᖃᐃ ᐃᓪᓗᖃᖅᕕᒥᓂᖅ?

    ᔪᐊᕕ:

    ᐄ ᑕᐃᒃᑯᓇᓐᖓᓐ ᒥᐊᓕᒐᕐᓂᒃ ᐃᖅᑲᓇᐃᔭᖅᕕᐅᖃᑦᑕᖅᑐᒥᓂᐅᒻᒪᓐ, ᒥᐊᓕᒐᐃᑦ ᐃᓪᓗᖃᖅᕕᒥᓂᖓᓐ, ᐃᖅᑲᓇᐃᔭᖅᑎᖏᓐᓄᓪᓗ ᐊᖏᕐᕋᕆᔭᐅᓪᓗᓂ ᐊᒻᒪᓗ ᐃᖅᑲᓇᐃᔭᖅᕕᐅᕙᑦᑐᓂᓗ ᑖᒃᑯᓇᓐᖓ ᒫᓐᓇ ᓇᔪᖅᑕᕗᑦ ᒥᐊᓕᒐᐃᑦ ᐃᓪᓗᖃᖅᕕᒥᓂᖓᓐ, ᐅᕙᓂ ᓴᐃᒻᒪᑎᖃᕐᒥᔫᒐᓗᐊᑦ ᑭᓯᐊᓂ ᑕᑯᔅᓴᐅᑎᐊᓐᖏᒻᒪᓐ. ᑕᒫᓂ 1860ᖑᑎᓪᓗᒍ ᑕᒫᓃᓚᐅᖅᓯᒪᒻᒪᑕ ᑖᒃᑯᐊ ᒥᐊᓕᒐᕐᒥᐅᓐ 26ᓂ ᓴᐃᒻᒪᑎᒋᔭᖓ ᐅᓪᓗᕆᐊᓐᖑᐊᖃᖅᑎᓪᓗᒍ, ᒫᓐᓇᓕ 52ᓂ ᐅᓪᓗᕆᐊᓐᖑᐊᖃᓕᖅᑐᖅ ᑖᒃᑯᐊ 52ᓂ ᓄᓇᖁᑎᖃᓕᕋᒥᒃ 52 ᓯᑕᐃᑦᔅᖑᓕᕐᖓᑕ.

    ᐊᐱᖅᓱᖅᑎ:

    ᒪᓐᓇᓕᑭᐊ ᓇᔪᖅᑕᕗᑦ, ᖃᒻᒪᖃᖅᕕᒥᓂᖅ?

    ᔪᐊᕕ:

    ᔨᐊ, ᖃᒻᒪᖃᖅᕕᒥᓂᖅ ᐃᓄᒻᒧᑦ, ᐃᓄᓐᓄᑦ, ᒫᓐᓇ ᐸᓐᓂᖅᑑᒥ ᓄᓇᖃᖅᑐᖅ ᑕᕝᕙᓂ ᖃᒻᒪᖃᓚᐅᖅᓯᒪᔪᖅ. ᑕᐃᒪᓗ ᐃᓱᒪᔪᔅᓴᐅᖅᑲᐅᒐᕕᑦ ᑕᕝᕙᓂ ᒪᑯᓂᖓ ᐃᓪᓗᒥᓃ ᑕᐃᒃᑯᐊ ᓇᒧᓐᖔᓂᕐᒪᖔᑕᓕ. ᐅᕙᓂ ᑕᕝᕙ ᓇᔪᖅᑕᕗᒃ ᖃᒻᒪᓕᐊᒥᓂᐅᒻᒪᓐ ᒫᓐᖓ ᐅᒥᐊᕐᔪᐊᒥᓂᕐᒥᒃ, ᐅᒥᐊᕐᔪᐊᒥᓂᕐᒥᓪᓗ ᐊᒻᒪᓗ ᑕᐃᒃᑯᓇᓐᖓ ᐃᖅᑲᓇᐃᔭᖅᕕᐅᕙᑦᑐᒥᓂᕐᓂᒃ. ᑕᐃᔅᓱᒪᓂ ᐅᐊᑦᑎᐊᕈ ᐃᓄᐃᑦ ᓯᕗᓕᖅᐳᑦ ᑕᒫᓐᖓ ᑭᓱᑐᐃᓐᓇᕐᒥ ᕿᔪᒻᒥᓘᓐᓃ ᑕᑯᒐᒥᒃ ᕿᒪᐃᓐᓇᐃᓂᐅᓴᕙᓚᐅᓐᖏᒻᒪᑕ ᐊᐅᓪᓛᓕᕋᒥᓪᓗ ᓄᓇᐅᑉ ᐊᓯᐊᓄᑦ ᓇᔅᓴᖅᑐᒋᑦ. ᑖᒃᑯᐊ ᖃᒻᒪᓕᐊᒥᓂᖅᑕᐅᖅ ᑕᒪᒃᑯᐊ ᕿᔫᓂᖏᑦ ᐅᒥᐊᕐᔪᐊᒥᓂᕐᒦᖔᖅᓯᒪᓪᓗᑎᒃ, ᐊᒻᒪᓗ ᖃᓪᓗᓈᓄ ᕿᒪᑦᑕᒥᓂᕐᓂᒃ. ᑕᒪᒃᑯᐊ ᓴᕕᕋᔭᐅᓂᖏᑦ ᐅᒥᐊᕐᔪᐊᒥᓂᐅᑦᑕᖅᑯᑦ ᐃᓚᖏᓪᓗ ᖃᓪᓗᓈᓄ ᐃᓪᓗᒋᔭᐅᔪᒥᓂᕐᓂᒃ. ᐃᓚᖏ ᒫᓃᒍᓐᓃᕐᖓᑕ, ᓄᓇᐅᑉ ᐃᓯᐊᓄ ᐊᐅᓪᓛᕐᖓᑕ ᑕᐃᒃᑯᐊ ᓇᔅᓴᖃᑦᑕᖅᑕᒥᓂᐅᒻᒪᑕ.

    ᐊᐱᖅᓱᖅᑎ:

    ᒫᓐᓇᓕ ᑖᓐᓇ ᖃᖓᑭᐊᖅ ᕿᒪᑦᑕᒥᓂᖅ?

    ᔪᐊᕕ:

    ᒫᓂ 1925ᖑᑎᓪᓗᒍᖃᐃ, 1926ᓗ ᐊᑐᖅᑎᓪᓗᒍ ᑕᒫᓂᒥᐅᑕᐅᒍᓐᓃᕐᖓᑕ ᕿᒪᑦᑕᒥᓂ ᑖᓐᓇ.

    ᐊᐱᖅᓱᖅᑎ:

    ᑭᒃᑯᓪᓕᐅᓇ, ᑭᐊᓪᓕᐅᓇ ᖃᒻᒪᖃᖅᕕᒥᓂᖓ?

    ᔪᐊᕕ:

    ᓯᕗᓪᓕᕐᒥ ᖃᒻᒪᖃᖅᕕᒥᓂᖓ ᐃᓐᓇᑐᖃᕆᔭᑯᓗᑉᐳᓐ ᐸᓐᓂᖅᑑᒥ ᐃᑦᑐᐊᖓᓐ ᐅᕙᓂ ᐃᓅᓚᐅᖅᓯᒪᒻᒪᓐ, ᓱᕈᓯᐅᓚᐅᖅᓯᒪᓪᓗᓂᓗ.

    ᓴᐃᒻᒪᑕ ᒪᐃᑯ, ᐱᕙᓪᓕᐊᔪᓕᕆᔨ, ᐃᓄᐃᑦ ᑕᑯᓐᓇᕋᒃᓴᓕᕆᔨᒃᑯᖏᓐ&

    ᐅᓂᒃᑳᖅᕕᐅᓪᓗᓂ ᕿᒥᕐᕈᐊᖅᑎᑕᖅ ᕿᑭᖅᑕᓂ ᐊᖅᕕᓂᐊᖅᕕᒥᓂᕐᒥᒃ, ᐅᓪᓗᒥᐅᓕᖅᑐᖅ ᓄᓇᕗᒻᒥ ᒥᕐᖑᐃᓯᕐᕕᐅᓕᖅᑐᒥ.

  • ᐊᑯᓕᐊᖅ: ᓄᖅᑲᖅᕕᐅᕙᑦᑐᒥᓂᖅ ᑲᖏᖅᑐᐊᓗᓕᐊᖅᐸᓪᓕᐊᔪᓄᑦ
  • ᐋᓐ ᒥᑭᔾᔪᒃ ᕼᐊᓐᓴᓐ, ᓄᓇᕗᑦ ᑲᒥᓴᓇᖓ ᐅᐃᒍᓕᐅᑉ ᓯᕗᓪᓕᖅᐹᖓ, 4
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᐊᐱᖅᓱᖅᑕᐅᑦᓱᓂ ᐅᖃᐅᓯᒥᓂᖏᓐᐋᓐ ᐃᖅᑲᒋᓇᖅᑐᖅ ᐋᓐ ᒥᑭᔾᔪᒃ ᕼᐊᓐᓴᓐ

    ᑐᓴᐅᒪᔭᒃᑲᓕ ᑕᐃᒃᑯᐊ ᑭᒻᒥᕈᒻᒥᐅᖃᑦᑕᓚᐅᕋᒪ. ᑕᒡᒐ ᑭᒻᒥᕈᑎᐅᑉ ᓯᓚᑖᓂ ᐃᓅᑦᑕᕐᓂᕋᒪ ᐊᒻᒪᓗ ᐅᓂᒃᑳᖅᑲᐅᒋᓪᓗᖓ ᑕᐃᒃᑯᐊ ᓯᕗᓕᒃᑲ ᐃᑲᔪᖃᖃᑦᑕᒥᓂᐅᓂᕋᖅᑐᒋᑦ ᐊᕐᕕᓐᓂᐊᖅᑎᓂᒃ, ᑕᐃᒪᓐᓇ ᑐᓴᐅᒪᔭᕋ.

    ᑕᐃᓐᓇᑦᑕᐅᖅ ᑭᒻᒥᕈᑦ ᓯᕗᓪᓕᖅᐹᖑᓂᖑᒥᓂᐅᓐᓂᕐᖓᑦ ᑕᐃᒃᑯᐊ ᐊᕐᕕᓐᓂᐊᖅᑐᐃᑦ ᑎᑭᖃᑦᑕᓕᖅᑎᓪᓗᒋᑦ. ᐃᒫᒃ ᑐᓴᐅᒪᓇᖅᑐᖅ ᑕᒪᒃᑯᐊ ᐃᓄᐃᑦ ᐃᓄᕋᓴᐃᑦ ᐃᑲᔪᖅᑎᒋᔭᐅᔪᒪᖃᑦᑕᕐᓂᕐᖓᑕ. ᐅᐱᓐᓇᕋᓂ ᖃᐅᔨᒪᓂᖅᓴᐅᒻᒪᑕ ᑕᒪᒃᑯᓂᖓ ᑎᑭᑐᐃᓐᓇᖃᑦᑕᖅᑐᓂᒃ. ᑕᒪᒃᑯᐊᓕ ᐃᓄᐃᑦ ᑕᒫᓂ ᓄᓇᒥᐅᖑᑦᑕᕋᒥᒃ ᖃᐅᔨᒪᑦᑎᐊᕋᒥᒃ ᓄᓇᓕᒫᓂᒃ, ᕿᑭᖅᑕᓂᒃ, ᑰᖕᓂᒃ, ᑕᓯᕐᓂᒃ ᓱᓇᓕᒫᑦᑎᐊᓂᒃ, ᐅᐱᓐᓇᕋᓂ ᐃᑲᔪᑦᑎᒋᔭᐅᖃᑦᑕᕐᓂᕐᖓᑕ ᐊᒻᒪᓗ ᐃᓕᓐᓂᐊᖅᑎᑦᑎᑦᑎᐊᖅᓱᑎᒃ. ᑕᐃᒃᑯᐊ ᐃᓄᐃᑦ ᐃᑲᔪᖃᑦᑕᖅᑕᒥᓂᕐᓄᑦ ᑕᒪᒃᑯᓂᖓ ᐊᕐᕕᓐᓂᐊᑦᑏ ᐃᓅᖃᑦᑕᖅᑐᒥᓃᑦ. ᐃᒫᒃ ᔭᒐᓚᖓᓂᖅᑎᓪᓗᒋᓪᓘᓐᓃᑦ ᑳᓕᖅᑎᓪᓗᒋᓪᓘᓐᓃᑦ, ᕿᐅᒐᓚᖓᓕᖅᑎᓪᓗᒋᓪᓘᓐᓃᑦ ᐃᑲᔪᖅᑕᐅᖃᑦᑕᖅᑐᒥᓂᐅᒻᒪᑕ.

    ᑕᐃᒃᑯᐊ ᐊᖑᑏᑦ ᐃᑲᔪᖅᑎᑑᙱᑦᑐᙴᖅ ᑕᐃᒪ ᑕᒪᒃᑯᐊ ᐊᕐᓇᓂᒃ ᕿᒻᒥᓂᓪᓗ ᐊᑦᓱᐊᓗᒃ ᐃᑲᔪᖃᑦᑕᖅᑐᒥᓂᐅᒻᒥᔪᑦ. ᑕᐃᒃᑯᐊ ᐊᕐᓇᐃᑦ ᒪᑯᓂᖓ ᒥᖅᓱᖅᑎᐅᒻᒪᑕ ᑲᒥᖕᓂᒃ, ᐊᓐᓄᕌᓂᒃ ᒥᖅᓱᖅᑎᐅᕙᒃᑐᑎᒃ ᓇᒃᓴᖅᑕᐅᖃᑦᑕᖅᑐᒥᓂᐅᒻᒪᑕ, ᑕᐃᒫᒃ ᑕᒪᓐᓇ ᑐᓴᐅᒪᓇᕐᒥᔪᖅ.

    ᑕᐃᒪᒎᖅ ᓂᕆᐅᒋᔭᐅᖃᑦᑕᓕᒐᐃᒻᒪᑕ ᑕᐃᒃᑯᐊ ᐊᕐᕕᓐᓂᐊᖅᑎᐊᓗᐃᑦ ᑎᑭᓚᐅᖃᑦᑕᕆᐊᕐᓂᐊᕐᒥᒻᒪᑕ ᓯᓚ ᐃᒪᐃᓕᕋᐃᒻᒪᑦ ᐊᐅᔭᐅᓕᕋᐃᒻᒪᑦ. ᑕᐃᒪ ᐃᓄᕋᓴᐃᑦ ᓂᕆᐅᑦᑕᓕᕋᐃᒐᒥᒃ ᐊᕐᕕᓐᓂᐊᖅᑎᐊᓗᓐᓂᒃ ᑎᑭᒍᒫᕐᓂᐊᖃᑦᑕᖅᑐᒥᓂᐅᒻᒪᑕ ᐃᒪᐃᑦᑑᓕᖅᑲᑦ ᓯᓚ ᐊᐅᔭᐅᓕᖅᐸᑦ.

    ᐊᓱᐃᓪᓛᒎᖅ ᓂᕆᐅᓐᓇᖅᓯᑦᑕᕋᐃᒻᒪᑕ ᑕᐃᒃᑯᐊ ᐅᒥᐊᕐᔪᐊᑦ. ᐃᓄᐃᑦ ᑲᑎᖃᑦᑕᖅᑐᒥᓂᐅᒻᒪᑕ ᓄᓇᒥ ᐊᑕᐅᓯᕐᒥ, ᑕᐃᑲᓂ ᑲᑎᕝᕕᒋᓛᕐᓂᐊᖅᑕᖓᓐᓂ ᑲᑎᓲᖑᓐᓂᕐᖓᑕ. ᐅᑕᖅᑭᐅᑎᓪᓗᒋᑦ ᑕᒪᒃᑯᓂᖓ ᐅᒥᐊᕐᔪᐊᓂᒃ ᓂᕆᐅᒋᔭᐅᓕᖅᑐᓂᒃ. ᐃᒫᒃ ᑕᐃᑦᓱᒪᓂᐊᓘᒻᒪᑦ ᖃᖅᑲᓕᐊᖅᑎᖃᖃᑦᑕᖅᑐᑎᓪᓗᒍ ᖃᖅᑲᓕᐊᑦᑎᓂᒃ ᐃᓄᒻᒥᒃ. ᑕᐃᒫᖅᑲᐃ ᓇᓪᓕᑭᑖᖅᑐᑎᒃ ᖃᖅᑲᓕᐊᖃᑦᑕᖅᑐᒥᓃᑦ ᐅᒥᐊᕐᔪᐊᒥᑦ ᑕᑯᖅᑳᕈᒪᒧᑦ. ᑕᐃᒪ ᐊᓱᐃᓪᓛᒃ ᑐᓴᐅᒪᓇᕐᒥᔪᖅ ᐃᓅᖃᑎᑦᑎᓐᓂ.

    ᑕᐃᒃᑯᐊ ᓯᕗᓕᒋᐊᒃᑲᓐᓂᒥᓂᕗᑦ ᑕᐃᒪᒎᖅ ᓇᐃᒪᓲᒥᓂᒻᒪᕆᐅᓘᓐᓂᕐᖓᑕ ᐅᒥᐊᕐᔪᐊᓱᓐᓂᒥᒃ ᐃᓯᐊᖓᓂᒃ, ᐅᒥᐊᕐᔪᐊᖅ ᑖᕙᓂᐊᓘᑎᓪᓗᒍ ᓱᓕ. ᖃᐅᑉᐸᓘᓐᓃᑦ ᑎᑭᓛᕐᓂᐊᖅᑎᓪᓗᒍ ᓱᓕ ᓇᐃᒪᖃᑦᑕᓕᕐᖓᑕ ᐃᓯᐊᕐᓂᕐᒥᒃ. ᐅᒥᐊᕐᔪᐊᖅ ᖃᐅᑉᐸᑦ ᖃᐅᑉᐸᓵᕐᓘᓐᓃᑦ ᑎᑭᑦᑕᓛᓕᖅᑯᖅ, ᑕᐃᒫᒃ ᑕᐃᒪᐃᖃᑦᑕᖅᑐᒥᓃᑦ ᓯᕗᓕᕗᑦ. ᑕᒪᓐᓇ ᑐᓴᐅᒪᓇᖃᑦᑕᕐᒪᑦ.

    ᑕᐃᒫᒃ ᑐᓴᖅᓴᐅᓐᓇᖅᑐᕕᖔᓘᖃᑦᑕᓚᐅᖅᓯᒪᒻᒪᑦ ᐅᕕᒃᑲᐅᒃᑲᓐᓂᖅᑐᓂ ᐃᓅᖃᑎᑦᑎᓐᓂᒃ, ᐅᐱᓐᓇᕋᓂ ᓯᕗᓕᓕᐊᓘᒐᑦᑕ. ᑕᐃᓐᓇ ᓯᕗᓕᕗᑦ, ᐊᓂ ᑭᒪᓗᒃ ᑕᐃᑦᑕᖅᑲᐅᒐᒃᑯ ᐊᒻᒪ ᔮᓂ ᐴ, ᑲᓪᓛᕐᔪᒡᓗ. ᑲᓪᓛᕐᔪᒎᖅ ᐊᑖᑕᖃᖅᑐᒥᓂᐅᒻᒪᑦ ᐊᕐᕕᓐᓂᐊᖅᑎᒥᒃ, ᐊᓪᓛᑦ ᐊᖓᔪᖅᑳᕆᔭᐅᔪᒥᒃ. ᐅᒥᐊᓕᖅᑕᓂᒃ ᑕᐃᖃᑦᑕᓚᐅᖅᓯᒪᔭᕗᑦ.

    ᑕᐃᓐᓇ ᐊᑖᑕᒥᓂᖓ ᓇᓪᓂᐊᖑᓐᓂᕐᒪᖔᑦ ᓯᑳᑎᐅᓐᓂᕐᒪᖔᓪᓘᓐᓃᑦ ᐊᐃᕆᔅᒥᓂᐅᒪᖔᓪᓘᓐᓃᑦ ᖃᐅᔨᒪᙱᑐᐃᓐᓇᖅᑐᙴᖅ. ᐅᕙᖓ ᓇᒻᒥᓂᖅ ᑐᓴᐅᒪᑦᑎᐊᖅᑐᖓᓕ ᖃᓪᓗᓈᒥᒃ ᓯᕗᓕᖃᖅᑐᑦ. ᐊᒻᒪᓗ ᑕᐃᒃᑯᐊ ᐊᓯᑯᓗᕗᑦ ᐃᓚᕗᑦ ᓯᕗᓕᖃᖅᑐᑎᑦᑕᐅᖅ ᐊᕐᕕᓂᐊᖅᑎᓂᒃ, ᑕᐃᑲᓂᓕ ᑭᒻᒥᕈᒻ ᐃᓛᒃ. ᑕᐃᒪᓐᓇ ᖃᐅᔨᒪᓇᖅᑐᖅ.

    ᐊᑦᓱᐊᓗᒃ ᑐᓴᕆᐊᕈᒥᓇᖅᑕᖅᑐᑦ ᑕᒪᒃᑯᓂᖓ ᐅᓪᓗᒥᒧᑦ ᓱᓕ ᖃᓄᐃᓕᐅᖃᑦᑕᖅᑐᒥᓂᐅᒻᒪᖔᑕ ᐊᕐᕕᓐᓂᐊᖅᑏᑦ ᑕᐃᑲᓂ ᑭᒻᒥᕈᒻᒥ ᐃᓛᒃ. ᑕᐃᓐᓇ ᐅᓂᒃᑳᖃᑦᑕᓚᐅᖅᓯᒪᒻᒥᒻᒪᑦ ᐃᓚᒋᓚᐅᖅᓯᒪᔭᕗᑦ ᑎᒥᓛᖅ, ᑎᒥᓛᖑᓚᐅᖅᓯᒪᔪᖅ. ᐃᔪᕐᓇᕋᓗᒃᑐᓂᓪᓗ ᐅᓂᒃᑳᓯᕙᑦᑐᓂ − ᖃᑦᑕᓚᐅᖅᓯᒪᒻᒪᑦ ᑭᒻᒥᕈᒻᒥ ᑐᓴᐅᒪᔭᖏᓐᓂᒃ.

    ᐃᒫᒃ, ᑕᐃᒃᑯᐊᒎᖅ ᐱᑖᕈᒪᒧᑦ ᒪᑯᓂᖓ ᖃᓪᓗᓈᖅᑕᒐᓚᓐᓂᒃ ᐃᕐᖑᓯᕐᓂᒃ, ᑏᓕᐅᕈᑎᓂᒃ, ᓴᒃᑯᓂᒃ ᓴᕕᓐᓂᒃ, ᕿᐱᓐᓂᒃ. ᖃᓪᓗᓈᖅᑕᕋᓚᓐᓂᒃ ᐱᒍᒪᒧᑦ ᓄᓕᐊᓂ ᑕᐅᖅᓯᐅᑎᖃᖃᑦᑕᒥᓂᖏᑦ ᑕᐃᒃᑯᓄᖓ ᑎᑭᓯᒪᔪᓄᑦ ᐊᒻᒪᓗ ᐊᖓᔪᖅᑳᐅᑎᓄᓪᓗᖃᐃ ᐅᒥᐊᓕᒃᑕᓕᖕᓄᑦ ᐅᕝᕙᓘᓐᓃᑦ ᖃᓪᓗᓈᑐᐃᓐᓇᕐᒧᑦ. ᑕᐃᒃᑯᐊᒎᖅ ᐊᕐᓇᖅᓯᐅᒍᒪᓕᕋᐃᒐᒥᒃ ᐊᕐᕕᓐᓂᐊᖅᑏᑦ ᐅᒥᐊᕐᔪᐊᓂᓪᓘᓐᓃᑦ ᑎᑭᓯᒪᔪᑦ, ᓄᓕᐊᖏᓐᓂᒃ ᐊᑐᑲᐃᓐᓇᕈᒪᙱᒃᑲᓗᐊᕐᒪᖔᑕ ᐊᐱᕆᖃᑦᑕᕐᓂᕐᒥᒻᒪᑕ, ᑎᒥᓛᖅ ᐅᓂᒃᑳᖃᑦᑕᓚᐅᖅᓯᒪᔪᖅ. ᐊᓱᐃᓛᒍᖅ ᑕᐃᒃᑯᐊ ᓄᓕᐊᓖᑦ ᐊᖏᑲᐃᓐᓇᖃᑦᑕᓚᐅᖅᓯᒪᔪᑦ ᐱᑖᕌᕐᔪᒍᒪᒧᑦ ᖃᓪᓗᓈᖅᑕᕋᓚᓐᓂᒃ, ᑏᒥᓪᓘᓐᓃᑦ, ᑐᐸᑭᒥᓪᓘᓐᓃᑦ, ᕿᐱᓐᓂᓘᓐᓃᑦ, ᑕᒪᒃᑯᓂᖓ ᖃᓪᓗᓈᖅᑕᕋᓚᓐᓂᒃ. ᐅᓂᒃᑳᓕᕋᐃᒻᒪᑦ ᑕᒪᑐᒥᖓ ᐃᔪᕐᓇᖃᑦᑕᓚᐅᖅᓯᒪᔪᖅ.

    ᐋᓐ ᒥᑭᔾᔪᒃ ᕼᐊᓐᓴᓐ, ᓄᓇᕗᑦ ᑲᒥᓴᓇᖓ ᐅᐃᒍᓕᐅᑉ ᓯᕗᓪᓕᖅᐹᖓ, 4

    ᑭᒻᒥᕈᕐᒥᐅᑕᐃᑦ ᓯᕗᓂᖃᖅᓯᒪᒻᒪᑕ ᖃᐅᔨᒪᔭᐅᔪᓂᒃ ᐃᖅᑲᓇᐃᔭᖃᑎᖃᖃᑦᑕᕐᓂᒥᓂᕐᒥᒃ ᑲᑎᒻᒪᑦᑎᖃᑦᑕᕐᓂᒥᓂᕐᓂᓪᓗ ᐊᖅᕕᒐᓱᐊᖅᑎᓂᒃ. ᐋᓐ ᕼᐊᓐᓴ ᑕᐃᑲᓂ ᓄᓇᖃᓚᐅᖅᓯᒪᒻᒪᓐ ᐊᒻᒪᓗ ᓂᕕᐊᖅᓯᐊᖑᓪᓗᓂ ᐊᒥᓱᓂᒃ ᐅᓂᒃᑳᓂᒃ ᑐᓵᕙᑦᑐᒥᓂᐅᓪᓗᓂ ᐊᖅᕕᒐᓱᐊᖅᑐᖃᖃᑦᑕᑎᓪᓗᒍ ᐊᑐᖅᑕᒥᓂᕐᓂᒃ.

  • ᑕᕙᔪ. ᒋᓕᔅ ᕌᔅ, ᓄᓇᓕᕆᓂᕐᒧᓐ ᓯᓚᑦᑐᓴᖅᕕᔾᔪᐊᒥ ᐃᓕᓴᐃᔨᒥᓂᖅ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᕗᕆᐊᑦ ᑳᓚᐳᕆᐊᑦᑕ

    ᒪᑐᐃᖅᑕᐅᑎᓪᓗᒍ ᕼᐊᑦᓴᓐ ᐲ ᑲᖏᖅᖣᔭᖓ ᐊᕐᕙᒐᓱᖕᓂᕐᒧᑦ 1860ᒥ ᐱᕕᒡᔪᐊᖑᓚᐅᖅᐳᖅ. ᒪᕐᕉᒃ ᓅ ᐱᑦᕗᑦ ᐅᒥᐊᕐᔪᐊᒃ ᐊᑐᖅᑕᐅᓪᓗᑎᒃ, ᑲᐱᑕᐃᖏᒃ ᓅ ᓚᓐᑕᓐᒥᐅᑕᐅᓚᐅᕐᒪᑎᒃ ᐊᕐᕙᖕᓂᐊᖅᑏᒃ. ᐱᖃᑖ

    ᑯᕆᔅᑎᕗ ᓵᐳᓪᒥᒃ ᐊᑎᖃᓚᐅᖅᐳᖅ, ᒪᒃᓕᓚᓐᒦᓐᓂᑯ (ᐅᓂᒃᑲᐅᓯᐅᓯᒪᖃᓯᐅᑎᔪᖅ ᒪᒃᓕᓚᓐᓕᕆᔪᓂ). ᑕᐃᒪᙵᓂᑦ ᒪᑐᐃᕐᒪᑦ 1860ᒥᑦ ᐃᓱᓕᓐᓂᖓ ᑎᑭᖢᒍ 1890ᖏᓐᓄᑦ ᐊᕐᕙᒐᓱᖕᓂᖅ ᐅᑭᐅᖅᑕᖅᑐᒥ

    ᐊᕝᕙᖏᑕ ᐅᖓᑖᓄᑦ ᑮᓇᐅᔭᑎᒍ ᐱᕈᕆᐊᕈᑕᐅᓂᑰᕗᖅ ᐅᐸᒃᑕᐅᕙᒃᑐᓪᓗ ᐱᖃᓯᐅᑎᓪᓗᒋᑦ.

    ᓄᓇᓕᖏᓐᓄᑦ ᐊᕐᕙᒐᓱᖕᓂᓕᕆᓂᖅ ᒪᑭᒪᓕᐅᑕᐅᓂᑰᕗᖅ.

    ᑲᐱᑕᐃᓐ ᔪᐊᔾ ᑰᒧ ᐃᓅᓕᕐᓂᑰᕗᖅ 1858ᒥ. ᑯᐃᐱᒃᒥ ᓄᓇᖃᕐᓂᑯ. ᓱᕈᓯᐅᓂᖓ ᓇᓗᓇᒐᓚᒃᑑᒐᓗᐊᖅ.

    ᐊᑖᑕᖓ ᐅᒥᐊᖅᑐᕐᓯᒪᓪᓗᓂ ᐅᑎᙱᓴᐃᓐᓇᖅᑐᕕᓂᖅ ᐃᓅᕋᑖᕕᓂᐅᑎᓪᓗᒍ ᔪᐊᔾ. ᐊᓈᓇᖓ ᐃᖕᓚᓐᒥᐅᕕᓂᖅ. ᒥᐊᓕᒐᕐᓄᐊᕐᓂᖅᒪᓪᓕ ᖃᓅᒐᓗᐊᑭᐊᖅ. ᐊᒃᓱᕈᕐᓇᖅᑐᖅᓯᐅᖅᐸᒃᑐᕕᓃᒃ ᐊᓈᓇᒌᒃ. ᐃᓕᐊᕐᔪᒃᓯᐅᑎᑎᒍᑦ ᖃᐅᔨᒪᓇᖅᑐᖅ ᐃᖅᑲᓇᐃᔭᖅᑎᕕᓂᐅᔭᕆᐊᖓᓂᒃ ᐱᒡᒐᕐᓇᖅᑐᒃᑯᑦ ᓄᒃᑕᖅᐸᒃᑐᕕᓂᖅ ᓄᓇᓕᖕᓄᑦ, ᐅᐊᓴᖅᑎᐅᓪᓗᓂ ᐃᖅᑲᓇᐃᔭᖅᐸᒃᑐᕕᓂᖅ,

    ᐱᕈᖅᓰᕕᐅᖕᒪᑦ ᑕᐃᔅᓱᒪᓂ. ᔪᐊᔾ ᑰᒧ ᐱᕈᕐᓂᑰᕗᖅ ᐱᕈᖅᓰᕕᐅᔪᒥ, ᒥᐊᓂᖅᓯᔨᐅᕙᖢᓂ 17ᓂᒃ ᐅᑭᐅᖃᓕᖅᖢᓂ, ᐊᐃᑉᕆᓕ 1875ᒥ. ᑕᐃᔅᓱᒪᓂ, ᑭᓱᒨᒐᓗᐊᑭᐊᖅ, ᕿᒪᐃᓚᐅᕐᒪᑦ ᐱᕈᖅᓰᕕᖕᒥᒃ, ᐱᓱᒃᑐᕕᓂᐅᓪᓗᓂᓗ ᓅ ᓚᓐᑕᓐᒧᑦ ᐅᒥᐊᕐᔪᐊᒃᑰᓕᕐᓂᖅᖢᓂᓗ ᐅᑭᐅᖅᑕᖅᑐᒧᑦ ᐃᓚᐅᓪᓗᓂ

    ᐊᕐᕙᒐᓱᒃᑎᓂ. ᐱᒋᐊᕐᓂᕆᓚᐅᕐᒪᒍᓕ ᐊᕐᕙᖕᓂᐊᖅᑎᐅᓂᕐᒥᒃ ᐅᒥᐊᖅᑐᖅᑎᐅᓂᕐᒧᓪᓗ, ᓯᕗᓪᓕᖅᐹᒥᒡᓗ

    ᐅᑭᐅᖅᑕᖅᑐᒧᐊᕆᐅᖅᖢᓂ.

    ᑰᒧ ᓯᕗᓪᓕᖅᐹᒥᒃ ᑲᐱᑕᐃᖑᓕᖅᖢᓂ, 1895ᒥ, ᐄᕋᒃᑯᑦ, ᐊᐅᓪᓚᓚᐅᖅᐳᖅ ᐅᒥᐊᕐᔪᐊᖅ ᑕᒪᓐᓇ ᖃᐅᔨᒪᔭᒻᒪᕆᒋᓪᓗᓂᐅᒃ. ᕼᐊᑦᓴᓐ ᐲᒧᐊᓚᐅᖅᐳᖅ, ᐊᕐᕌᒍᑦᑕᕌᖓᓪᓗ ᐱᒃᑯᓴᒻᒪᕆᓚᐅᖅᐳᖅ. ᐅᑎᖅᑕᖅᐸᒃᖢᓂ, ᕼᐊᑦᓴᓐ ᐲᒧᐊᖅᑕᓚᐅᖅᐳᖅ.

    ᓄᐊᑦᑎᕙᓚᐅᕐᒪᑦ ᐱᕈᖅᑐᖏᓐᓂᒃ ᕼᐊᑦᓴᓐ ᐲᒥᑦ ᐊᒻᒪᓗ

    ᕿᑭᖅᑖᓘᑉ ᒥᒃᓵᓂᑦ 1890ᖏᓐᓂ. ᐃᓅᓯᕐᒥᓂ ᓱᓇᐅᕝᕙ ᐱᓕᕆᐊᕆᓂᐊᓕᖅᑕᒥᓂ ᑲᔪᓰᓐᓇᓚᐅᖅᐳᖅ,

    ᐃᓄᐃᑦ ᐃᓕᖅᑯᓯᖏᓐᓂᒃ ᐅᓂᒃᑲᐅᓯᓕᐅᖅᐸᒃᖢᓂ ᐃᓕᑉᐸᓪᓕᐊᔭᒥᓂᒃ. ᐱᕕᒡᔪᐊᖏᖢᓂ ᐱᒋᐊᕈᑎᒥᓂᒃ

    ᓄᐊᑦᑎᕙᓪᓕᐊᕌᕐᔪᒃᐸᒃᖢᓂ ᑕᐅᖅᓯᕈᑎᒃᓴᒥᓂᒃ ᐱᖁᑎᑐᖃᐅᓕᖅᑐᑦ ᐊᑐᖅᑕᐅᕙᒃᑐᕕᓃᑦ ᐃᓄᖕᓄᑦ.

    1897ᒥ ᐊᓯᔾᔨᕆᐊᕈᑎᖃᓚᐅᖅᐳᖅ ᑰᒨᑉ ᐃᓅᓯᖓ. 1897ᐅᓕᖅᑎᓪᓗᒍ, ᐊᖑᑦ ᑕᐃᔭᖅ ᕗᕌᖕᒃ ᐴᐊᔅ,

    ᐃᓕᖅᑯᓯᑐᖃᓕᕆᔨᒻᒪᕆᒃ ᒥᐊᓕᒐᕐᓂ ᖃᐅᔨᒪᔨᑕᖅ, ᐃᓕᖅᑯᓯᑐᖃᓕᕆᓂᕐᒥᒃ ᐃᓕᓯᒪᔪᒻᒪᕆᒃ, ᓯᐸᐃᓱᒥᒃ

    ᑲᐱᑕᐃᕕᓂᕐᒥᒃ ᑲᓱᖅᓯᓚᐅᖅᐳᖅ, ᑐᑭᓯᒃᑲᓐᓂᕈᒪᓪᓗᓂ ᐃᓄᐃᑦ ᐃᓕᖅᑯᓯᖓᓂᒃ ᐅᑭᐅᖅᑕᖅᑐᒥᐅᓂᒃ.

    ᑲᐱᑕᐃᕕᓂᖅ ᑭᐅᓚᐅᖅᐳᖅ ᓄᖅᑲᕐᓂᑰᓕᕐᓂᕋᖅᖢᓂ ᑲᐱᑕᐃᓐ ᑰᒧᒧᑦ ᑎᒃᑯᐊᕈᑎᓪᓗᓂᐅᒃ.

    ᐳᐊᔅ ᑐᐱᖅᓲᒪᓕᓚᐅᖅᑐᖅ ᑭᖑᓪᓕᕐᒥ ᐅᒥᐊᖅᑐᓕᕐᒥᒃᐸᑦ ᑰᒧ,\"ᐊᔾᔨᓕᐅᕆᓗᑎᑦ, ᓇᓗᓇᐃᖅᑐᖅᓯᒪᐅᕐᓗᒋᑦ, ᑮᓇᑉᐸᓕᐅᕆᕙᒡᓗᑎᓪᓗ ᒪᕋᐅᔭᕐᒥᒃ ᑮᓇᖏᓐᓂᒃ\". ᑕᐃᒪᐃᓕᐅᕐᓂᒃᑯᑦ, ᓇᓗᓇᐃᖅᑐᐃᖃᑦᑕᕐᓂᖓ ᐱᑐᐃᓐᓇᐅᔪᓃᓚᐅᖅᐳᖅ. ᑰᒧ ᓇᓗᓇᐃᓯᒪᔪᓂᒃ ᑎᑎᕋᖅᐸᓪᓕᐊᕙᓚᐅᖅᐳᖅ ᐃᓄᐃᑦ ᐃᓕᖅᖁᓯᖏᓐᓂᒃ.

    ᐅᓂᑳᖅᓯᐅᖅᐸᒃᖢᓂ, ᓯᕗᓕᖏᑕ ᒥᒃᓵᓄᑦ ᐅᓂᑳᖅᓯᐅᖅᐸᒃᖢᓂ, ᕗᕌᖕᑭᓕᓐ ᓄᒃᑕᕐᓂᕕᓂᖏᓐᓂᒃ ᐅᓂᑳᖅᓯᐅᖅᐸᒃᑭᓪᓗᓂ, ᑎᑎᕋᐅᔭᖅᐸᒃᖢᓂ, ᓄᓇᙳᐊᓕᐅᖅᐸᒃᖢᓂ, ᑭᓱᑐᐃᓐᓈᓗᖕᓂᒃ ᐱᔪᓐᓇᖅᑕᒥᓂᒃ ᓄᐊᑦᑎᓇᓱᒃᐸᒃᖢᓂ. ᓄᐊᑕᓕᒫᐸᓗᖏᑦ ᒥᐊᓕᒐᐃᑦ ᐃᓕᖅᑯᓯᑐᖃᓕᕆᔨᖏᓐᓄᑦ ᐊᒡᒋᓯᕙᒃᑕᕕᓂᖏᑦ.

    1907ᐅᓕᖅᑎᓪᓗᒍ 1908ᒥᓘᕝᕙᑭᐊᖅ, ᐅᓄᕐᓂᖅᐹᓂᒃ ᐅᑭᐅᖅᑕᖅᑐᒥᐅᑕᕐᓂᒃ ᓄᐊᑦᑎᓯᒪᓕᓚᐅᖅᐳᑦ

    ᓯᓚᕐᔪᐊᕐᒥᐅᓕᒫᓂ, ᑕᒪᒃᑭᐸᓗᒃᖢᑎᒃ ᑰᒨᑉ ᓄᐊᖃᑦᑕᖅᑕᕕᓂᖏᓐᓂᒃ ᐊᒻᒪᓗ ᕌᐳᑦ ᐱᐅᕆᐅᑉ. ᑰᒧ

    ᑕᐃᔭᐅᓕᓚᐅᖅᐳᖅ ᐃᓕᖅᑯᓯᑐᖃᓕᕆᔨᒥᒃ. ᑲᔪᓰᓐᓇᓚᐅᖅᐳᖅ ᐊᕐᕙᒐᓱᖕᓂᖓ ᑮᓇᐅᔭᓕᐅᕈᑎᒋᓪᓗᒍ,

    ᑭᓯᐊᓂ ᐱᖃᑦᑎᓚᐅᖅᐳᖅ ᐃᖅᑲᓇᐃᔮᒃᓴᖓ ᐃᓕᖅᑯᓯᑐᖃᓕᕆᔨᐅᓂᕐᒥᒃ.

    ᑐᐊᕋᑎ ᕼ. ᐄᐳ

    ᐃᓄᑦᑎᐊᕚᓗᑦᑕᖃᓚᐅᖅᓯᒪᔪᖅ, ᓕᐊ ᐊᕐᓇᐅᔭᖅ, ᓇᐅᔮᕐᒥᐅᖅ - ᑭᖑᕚᖏᑦ ᓱᓕ ᑕᐃᑲᓂ ᐃᓅᔪᑦ - ᑕᐃᓐᓇ ᓕᐊ ᐊᖅᕕᒐᓲᑎᓂ ᐅᒥᐊᕐᔪᐊᓂ ᐃᑭᒪᕙᑦᑐᒥᓂᖅ ᐃᓅᓱᑦᑑᓪᓗᓂ. ᐅᓂᒃᑳᖃᕕᐅᑎᑉᐸᔪᔪᖅ ᐊᒥᐊᓕᑲᒃᑯᑦ ᑳᑉᑕᒥᓂᖓᓂᒃ ᔪᐊᔾ ᑰᒧᒥᓐ, ᑭᓯᐊᓂᓕᒎᖅ ᖃᐅᔨᒪᓂᖅᓴᒥᓂᕆᓪᓗᒋᒃ ᒧᕆᒥ ᐊᑎᕈᓯᓖᒃ ᓄᑲᕇᒃ ᐋᓕᐊᒃᓵᓐᑐ ᐊᒻᒪᓗ ᔮᓐ. ᐋᓕᐊᒃᓵᓐᑐ ᒧᕆᐅᑉ ᐸᓂᒥᓂᖓᒎᖅ, ᑭᓯᐊᓂᓕᒎᖅ ᐱᖃᑎᖃᕐᓂᖅᓴᐅᕙᑦᑐᒥᓂᖅ \"ᓇᑯᖓᔪᖅ\"-ᒥᑦ - ᔮᓐ ᒧᕆ ᐃᔨᖓ ᒪᑐᐊᖅᒪᕙᓐᓂᕐᖓᓐ. ᑰᒨᑉ ᐃᓄᑦᑎᑐᑦ ᐊᑎᒥᓂᖓ \"ᐊᖓᒃᑯᖅ\" ᐱᔾᔪᑎᒋᓪᓗᒍ ᑕᐸᐃᖅᑎᑦᑎᕙᓐᓂᕐᖓᓐ ᐃᓄᓐᓂᒃ ᐊᔾᔨᓐᖑᐊᒥᓄᑦ ᐅᒥᐊᕐᔪᐊᒥᓂ ᐊᔾᔨᓕᐅᖅᐸᑦᑕᒥᓂᖏᓐᓄᑦ (ᑰᒨᑉ ᐊᔾᔨᓐᖑᐊᖁᑎᖏᑦ ᐱᐅᓕᑦᑎᓂᑦᑎᐊᕚᓘᕗᑦ ᐃᓄᐃᑦ ᐃᓅᓯᕆᕙᑦᑕᒥᓂᖏᓐᓂᒃ ᑕᐃᔅᓱᒪᓂ) ᐊᒻᒪᓗ ᓕᐊᑉ ᐅᖃᐅᑎᔪᒑᖓ \"ᐆ, ᑰᒧ ᑕᐃᓐᓇ ᐊᖓᒃᑯᐊᓗᒃ! ᐸᐃᑉᐹᕈᓗᑐᐃᓐᓇᕐᓂᒃ ᐊᔾᔨᓐᖑᐊᓂᒃ ᓴᖅᑭᑎᑦᑎᕙᔪᔪᖅ! ᑕᐃᒃᑯᐊ ᑳᑉᑕᐃᑦ, ᑰᒧ ᐊᒻᒪᓗ ᐋᓕᐊᒃᓵᓐᑐ ᐊᒻᒪ ᔮᓐ ᒧᕆ, ᐃᓛᒃᑯᑦ ᐃᓄᖁᑎᖃᖅᐸᓚᐅᖅᑐᑦ ᐅᒥᐊᕐᔪᐊᑦ ᑎᑭᓯᒪᓕᕋᐃᒻᒪᑕ, ᐃᓄᐃᓪᓕ ᑐᓐᖓᓇᖃᑦᑕᐅᑏᓐᓇᕋᓗᐊᖅᑎᓪᓗᒋᑦ, ᐃᓚᔮᕇᖏᓐᓇᕈᔫᒐᒥᒃ, ᑲᑎᓗᐊᖅᐸᓂᓐᖏᑦᑐᑦ ᐊᖅᕕᒐᓱᐊᖅᑐᖃᖅᑎᓪᓗᒍ. ᑳᑉᑕᐃᑦ ᐃᓱᒫᓗᕈᔪᑉᐸᓂᕐᖓᑕ ᐊᓯᖏᑦ ᑳᑉᑕᐅᖃᑎᖏᑦ ᐊᖑᑎᖁᑎᖏᓐᓂᒃ ᐋᑦᑎᑕᖅᐱᐊᕐᖓᑕ. ᐊᑭᑦᑐᕋᐅᑎᓂᕐᓕ ᐱᔾᔪᑕᐅᓪᓗᓂ ᐊᑭᕋᕇᕌᓘᔪᓐᖏᑦᑑᒐᓗᐊᑦ, ᑭᓯᐊᓂᓕ ᑐᓐᖓᓇᖃᑦᑕᐅᑎᑦᑎᐊᖅᐸᔪᓐᖏᑦᑐᑦ.

    ᑕᕙᔪ. ᒋᓕᔅ ᕌᔅ, ᓄᓇᓕᕆᓂᕐᒧᓐ ᓯᓚᑦᑐᓴᖅᕕᔾᔪᐊᒥ ᐃᓕᓴᐃᔨᒥᓂᖅ

    ᒋᓕᔅ ᕌ ᐅᖃᐅᓯᖏᑦ ᒪᓕᑦᑐᒋᑦ, ᑕᒪᓐᓇ ᕼᐊᑦᓴᓐ ᓯᑐᕋᐃᑦ ᐊᖅᑯᓴᕆᐊᓪᓗᐊᑕᐅᕙᓚᐅᖅᑐᖅ ᐊᖅᕕᒐᓱᐊᖅᑎᓄᑦ ᐱᒐᓱᐊᖅᕕᐅᓗᐊᖅᐸᒐᓂ. ᐳᓕᐊᑦ ᑳᓚᕗᕆᐊᑕ ᓇᓗᓇᐃᖅᑐᐃᔪᖅ ᑕᐃᔅᓱᒪᓂᒎᖅ ᐊᖅᕕᒐᓱᐊᖅᑏᑦ ᓄᓇᒥ ᐊᖅᕕᒐᓱᐊᖅᕕᓕᐅᓕᖅᑎᓪᓗᒋᑦ, ᑐᕚᖃᓕᖅᐸᓪᓕᐊᑐᐃᓐᓇᖅᑐᒥᓃᑦ ᐃᓄᓐᓂᒃ ᐊᖅᕕᒐᓱᐊᖅᑎᖁᑎᖃᕐᓂᕐᒥᒃ. ᑐᐊᕋᑎ ᐄᐳᕐ ᐅᖃᐅᓯᓕᒃ ᐊᒥᐊᓕᑲᒥᐅᓄᑦ ᐊᖅᕕᒐᓱᐊᖅᕕᒥᓂᕐᒥᒃ ᐊᑯᓕᐊᕐᒥ ᕼᐊᑦᓴᓐ ᓯᑐᕋᐃᑦᒥ ᐊᒻᒪᓗ ᖃᓄᑦ ᑕᒫᓂ ᔮᓂᕘ ᐃᓅᒍᓐᓃᓂᕐᒪᖔᖅ.

  • ᐊᕝᕙᒐᓱᐊᕐᓂᐅᑉ ᐅᓪᓗᖏᑦ ᑭᖑᓪᓕᖅᐹᒥᓃᑦ
  • ᑕᕙᔪ. ᒋᓕᔅ ᕌᔅ, ᓄᓇᓕᕆᓂᕐᒧᓐ ᓯᓚᑦᑐᓴᖅᕕᔾᔪᐊᒥ ᐃᓕᓴᐃᔨᒥᓂᖅ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᐊᐱᖅᓱᕐᓂᒥᓂᖅ ᑕᕙᔪ.ᒋᓕᔅ ᕌᔅᒥᑦ, ᖃᐅᔨᒪᔨᑕᕐᒥᒃ

    ᑲᖏᖅᓱᐊᓗᒃᑰᕐᖓᐅᑕᐅᔪᖅ ᐊᑐᖅᑕᐅᓂᑰᕗᖅ 1860ᒥ. ᓇᓂᓯᓚᐅᖅᑐᖓ ᑲᖏᖅᓱᐊᓗᑰᕐᓂᑰᔪᒥᒃ 1857ᐅᑎᓪᓗᒍ, ᑐᓴᐅᒪᖏᑦᑎᐊᕋᒃᑯᓕ. ᕿᓂᖅᑕᐅᖃᑦᑕᖅᐸᓪᓕᐊᓕᓚᐅᖅᓯᒪᖕᒪᑦ ᑕᒪᓐᓇ 1860ᖏᓐᓂ. ᑲᒻᐸᓂᒃᑯᓐᓂᑦ ᐅᐸᒃᑕᐅᒋᐊᕐᓂᑰᒐᓗᐊᖅ ᐅᖅᑯᖅᐸᓯᖕᓂᖅᓴᒧᑦ, ᑭᓯᐊᓂᓕ ᐅᑮᓚᐅᖅᓯᒪᖏᒻᒪᑕ. ᑰᒡᔪᐊᕌᓗᖕᒧᐊᕐᓂᑰᒐᓗᐊᑦ ᐅᑎᕐᔭᕆᐊᖅᖢᑎᒡᓗ. ᐱᓂᕐᓗᖓᓴᓚᐅᖅᓯᒪᖕᒪᑕᓕ, ᒥᐊᓕᒐᐃᑦ ᐊᕐᕙᖕᓂᐊᖅᑏᑦ ᐅᑮᓕᓚᐅᖅᑐᑦ ᑕᐅᕙᓂ.

    ᒥᐊᓕᒐᐃᑦ ᓴᓇᒃᓴᕐᕕᖕᓂᒃ ᓇᑉᐸᐃᓚᐅᖅᑑᒐᓗᐊᑦ ᓯᒡᔭᖏᓐᓂ. ᓯᒃᑯᔾᔭᐅᔪᖃᕐᒪᓪᓕ, ᓯᕐᓗᐊᓕᐅᓕᓚᐅᖅᑐᑦ ᓂᕿᒃᑯᕕᒃᓴᓂᒃ ᐱᕐᕈᓗᑳᓪᓚᒃᐸᑦ ᐅᒥᐊᕐᔪᐊᖅ ᓇᐅᑦᑎᐅᒪᓇᓱᒃᖢᒍ. ᐊᕐᕙᖕᓂᐊᖅᑐᖅᓯᐅᑎᓂᒃ ᐃᓕᒃᑯᐊᖃᓕᓚᐅᖅᑐᑦ. ᐃᓚᖏᑦ ᐅᒥᐊᕐᔪᐊᑦ ᐃᒡᓗᓕᐅᓚᐅᖅᑐᑦ, ᓯᕐᓗᐊᓂᒡᓗ, ᓯᒡᔭᖏᓐᓂ.

    ᔪᐊᔾ ᑰᒨᑉ ᑕᐃᔅᓱᒪᓂᐅᖕᒪᑦ, ᖃᐅᔨᒪᔭᐅᓂᖅᐸᐅᓯᒪᔪᖅ ᐊᕐᕙᖕᓂᐊᖅᑎᐅᕙᒃᑐᓕᒫᓂ ᑲᖏᖅᓱᐊᓗᒃᐸᓯᖕᒥ. ᖃᑦᑎᒃᑕᓕᖕᒥ ᐅᒥᐊᖃᖅᖢᓂ, ᑲᖏᖅᖣᒪᓂᖓᓂᓗ, ᐊᒻᒪᓗ ᐊᕐᕙᒐᓲᑏᑦ ᑲᖏᕙᕈᓐᓇᖅᓯᕙᒃᖢᑎᒃ ᓇᐅᔮᓄᑦ ᐅᑎᖅᐸᒃᖢᑎᒃ, ᐊᕐᕕᖅᓯᐅᖅᑐᑦ. ᐅᒥᐊᕐᒥᖕᓂ ᐅᓕᖃᖅᐸᓕᓚᐅᖅᑐᑦ ᓯᓂᒃᑕᖃᑦᑕᕈᒪᒧᑦ ᐃᓗᐊᓂ. ᓯᑯᒧᑦ ᖃᑭᑕᐅᓪᓗᑎᒃ ᐃᓗᐊᓂ ᓯᓂᒃᐸᒃᖢᑎᒃ. ᓂᖅᖠᐅᖅᐸᒃᖢᑎᒃᓗ. ᐊᖏᕐᕋᕆᓪᓗᒋᑦ ᓄᒃᑕᕈᑎᒋᓪᓗᒋᓪᓗ.

    ᐊᕐᕙᒐᓱᒡᕕᖓ ᐱᕕᑭᑦᑑᓚᐅᖅᓯᒪᕗᖅ. ᐊᕙᑎᑦ ᖁᓕᐅᓪᓗᐊᖅᑐᑦ ᒥᐊᓕᒐᐃᑦ ᓯᒃᑳᔅᓰᓪᓗ ᑲᖏᖅᓱᐊᓗᖕᒧᐊᖅᐸᓚᐅᕐᒪᑕ. ᐊᕙᑎᑦ ᑎᓴᒪᐅᔪᖅᑐᑦ ᐊᕐᕙᒃᑕᐅᕙᒃᖢᑎᒃ. ᕿᓚᒥᑯᓗᒃ ᐊᑑᑎᔪᕕᓂᐅᒐᓗᐊᖅ ᐊᕐᕙᒐᓱᖕᓂᖅ ᑭᓯᐊᓂ ᐃᓄᖏᓐᓄᑦ ᐊᒃᓱᐊᓗᒃ ᐊᒃᑐᐃᔪᕕᓂᖅ. ᓄᓱᒃᑕᐅᔪᑎᑐᑦ ᐱᓐᓂᕐᒪᑕ ᐃᓄᖏᑦ ᓇᐅᔮᕐᒥᐅᑦ, ᐅᖅᓱᕆᐊᖕᒥᐅᑦ, ᓇᒥᑐᐃᓐᓈᖅᑐᑦ ᐊᕐᕙᖕᓂᐊᕐᕕᖕᓂ. ᑲᑎᖅᓱᖅᑕᐅᓂᕐᒧᑐᐊᖑᖏᑦᑐᖅ, ᐃᓅᖃᑎᒌᓪᓕ ᖃᐅᑕᒫᑦ, ᑕᑯᖃᑦᑕᐅᑎᕙᒃᖢᑎᒃ ᖃᓪᓗᓈᓪᓗ ᐱᖁᑎᖏᓐᓂᒃ ᐊᑐᐃᓐᓇᖃᐅᓕᖅᖢᑎᒃ. ᐱᖁᑏᑦ ᐊᑐᖅᑕᐅᕙᓪᓕᐊᑐᐃᓐᓇᓚᐅᖅᑐᑦ. ᑖᒃᑯᐊ ᓄᓇᖅᑲᑎᒌᖏᑦᑐᑦ, ᐃᒡᓗᓕᖕᒥᐅᑦ, ᓇᑦᑎᓕᖕᒥᐅᑦ, ᖃᐃᕐᓂᕐᖕᒥᐅᑦ, ᐊᐃᕕᓕᖕᒥᐅᓪᓗ ᐱᖃᓐᓇᕇᖏᒃᑲᓗᐊᕋᒥᒃ ᐊᕐᕙᖕᓂᐊᓚᐅᖅᑳᙱᑎᓪᓗᒋᑦ, ᖃᐅᔨᕙᓪᓕᐊᓕᓚᐅᖅᑐᑦ ᐃᑲᔪᖃᑎᒌᒍᒪᓪᓗᑎᒃ, ᐊᓱᐃᓛᒡᓗ. ᐃᓗᐊᖏᔾᔪᑎᖏᑦ ᐊᔾᔨᒌᖏᔾᔪᑎᖏᓪᓗ ᐊᑲᐅᓯᓚᐅᖅᑐᑦ. ᑐᒃᑐᓕᖕᒥᐅᑕᐅᒐᓗᐊᑦ ᐊᕐᕙᖕᓂᐊᖅᑎᓂᒃ ᐃᖅᑲᓇᐃᔭᖃᑎᖃᖅᐸᓕᖅᖢᑎᒃ ᓇᐅᔮᕐᒥᐅᑕᓂᒃ, ᓴᓂᕋᔭᖕᒥᐅᑦ ᑕᕆᐅᖓᓂᑦ ᓯᑯᓯᓚᕐᒥᐅᑦ ᑕᕆᐅᖓᓄ ᑎᑭᓪᓗᒍ, ᐱᖃᑎᒋᓪᓗᒋᑦ ᐃᒡᓗᓕᖕᒥᐅᑦ.

    ᐊᓯᐊᓂᕐᒥᐅᖃᓚᐅᖅᓯᒪᖕᒪᑦ, ᓴᓪᓕᕐᒥᐅᓂᒃ, ᓄᓇᖃᖅᖢᑎᒃ ᓴᓪᓕᕐᒥ. 1902ᖑᑎᓪᓗᒍ, ᑎᓴᒪᐃᓐᓇᕐᓂᒃ ᐊᒥᐊᒃᑯᓚᐅᖅᓯᒪᔪᑦ ᖃᓂᒻᒪᓯᕐᒧᑦ ᓯᒃᑳᔅᓯᓂᑦ ᐊᐃᑦᑐᕐᓗᒃᑕᐅᔪᑦ ᐅᒥᐊᕐᔪᐊᒃᑯᑦ ᐋᒃᑎᕝᒥᒃ ᑕᐃᔭᖅ. ᐊᕙᑎᑦ ᐱᖓᓱᑲᓴᐃᑦ ᐃᓅᔪᓐᓃᖅᖢᑎᒃ ᖃᓂᒪᓇᕐᒧᑦ. ᖃᓂᒻᒪᓯᕕᓂᖅ ᓇᓗᔭᐅᔪᖅ ᓱᓕ. ᐃᓚᖏᑦ ᐆᒪᔾᔨᓐᓂᕋᐃᓪᓗᑎᒃ ᓄᓕᐊᕐᓂᒃᑯᑦ ᐊᐃᑦᑐᕐᓗᖕᓂᕋᐃᔪᓪᓗ. ᐅᕙᖓᓕ, ᓈᙳᓇᖅᑐᒨᕋᓱᒋᔭᒃᑲ.

    ᑲᒻᐸᓂᒃᑯᑦ ᐊᐅᓚᑦᑎᓚᐅᖅᐳᑦ ᑕᒪᐃᓐᓂᒃ ᐊᖏᔪᕐᔪᐊᕌᓗᖕᒥᒃ ᓄᓇᒥᒃ. ᒥᐊᓕᒐᕐᒥᐅᑦ ᐃᒪᖏᓐᓄᐊᕈᓐᓇᕋᓱᒋᓚᐅᕐᒪᑕ ᑭᖏᖅᓱᐊᓗᖕᒧᑦ. ᓯᒃᑳᔅᓰᓪᓕ ᒪᑐᓯᒪᓂᕋᐃᓚᐅᖅᐳᑦ. "ᓄᓇᖁᑎᑦᑕ ᐃᒪᖁᑎᖓᓃᒻᒪᑦ. ᒥᐊᓕᒐᕐᒥᐅᓂᑦ ᐅᐸᒃᑕᐅᔭᕆᐊᖃᖏᑦᑐᖅ." ᒥᐊᓕᒐᐃᓪᓕ ᓱᓕ ᑎᑭᖃᑦᑕᐃᓐᓇᓚᐅᖅᐳᑦ. ᑕᐃᔅᓱᒪᓂᐅᑎᓪᓗᒍ ᐱᖓᓱᓂᒃ ᒪᐃᓕᐅᔪᓂᒃ ᐅᖓᓯᖕᓂᖃᕆᐊᖃᖅᐸᓚᐅᖅᐳᑦ ᓯᒡᔭᒥᑦ ᐅᐸᒃᑕᐅᔭᕆᐊᖃᖏᓐᓂᖓ. ᑭᓯᐊᓂᓕ ᑭᓲᓚᐅᖏᒻᒪᑦ ᐊᕐᕙᖕᓂᐊᖅᑏᑦ ᓯᒡᔭᒥ ᐱᓕᕆᔭᒃᓴᖃᓚᐅᕐᒪᑕ. ᐊᖑᓇᓱᒋᐊᖃᖅᖢᑎᒃ ᐅᒥᖕᒪᖕᓂᒃ ᑐᒃᑐᓂᒡᓗ, ᓯᕐᓗᐊᓕᐅᕐᓗᑎᒃᓗ ᐃᓄᖏᓐᓂᒡᓗ ᑕᑯᓗᑎᒃ. ᓄᓇᓕᑉᐸᓚᐅᖅᐳᑦ ᐱᖁᑕᐅᔪᒥᒃ ᑲᒻᐸᓂᒃᑯᓐᓄᑦ.

    ᓄᕐᖑᖅᐸᓯᐊᓂ 1800ᐃᑦ, 1892ᒥᐅᖅᑰᖅᑐᖅ, ᐊᑭᓖᓚᐅᖅᐳᑦ ᑲᒻᐸᓂᒃᑯᑦ ᐊᕐᕙᒐᓱᖁᔨᓪᓗᑎᒃ ᓚᓐᑕᓐᒥᖔᖅᖢᓂ ᐃᑲᕐᕋᕐᖕᒥ ᐊᑭᑦᑐᕋᐅᑎᖃᑎᖃᖁᓪᓗᒋᑦ ᒥᐊᓕᒐᕐᒥᐅᓂᒃ ᐊᕐᕙᒐᓱᖕᓂᒃᑯᑦ. ᐱᖃᓐᓇᕇᓗᐊᖏᒃᑲᓗᐊᖅᖢᑎᒃ ᑭᓯᐊᓂ ᐊᑭᕋᑦᑑᑎᓚᐅᖏᑦᑐᑦ. ᒥᐊᓕᒐᐃᑦ ᐃᓄᖕᓂᒃ ᐱᑦᑎᐊᕐᓂᖅᓴᐅᕙᓚᐅᕐᒪᑕ ᐊᒻᒪᓗ ᐊᔪᖏᓐᓂᖅᓴᐅᓪᓗᑎᒃ ᐊᕙᒐᓱᒋᐊᒥᒃ.

    ᑕᕙᔪ. ᒋᓕᔅ ᕌᔅ, ᓄᓇᓕᕆᓂᕐᒧᓐ ᓯᓚᑦᑐᓴᖅᕕᔾᔪᐊᒥ ᐃᓕᓴᐃᔨᒥᓂᖅ

    ᓴᓂᓕᖃᓐᖑᐊᑎᓪᓗᒍ ᐊᓯᖏᓐᓂᒃ ᐊᖅᕕᓂᐊᕐᓂᐅᖃᑦᑕᖅᓯᒪᔪᓂᒃ, ᕼᐊᑦᓴᓐ ᕙᐃᒥ ᐊᖅᕕᓂᐊᕐᓂᒥᓂᖅ ᐱᒻᒪᕆᐊᓘᓐᓂᖏᑦᑐᖅ. ᐊᒥᓲᓂᖅᐹᕆᓗᒋᑦ ᐃᓱᒪᒋᒐᓱᐊᕐᓗᒋᑦ, ᒋᓕᔅ ᕌᔅ ᓇᓗᓴᐃᖅᑐᐃᔪᖅ, ᑕᒫᓂᐸᓗᑦ 800 ᐊᖅᕖᑦ ᐱᔭᒥᓃᑦ 1860ᒥᑦ 1915ᒧᓐ ᑲᑎᓕᒫᕐᓗᒋᑦ ᐅᒥᐊᕐᔪᐊᒃᑯᑦ ᑕᒪᐅᓐᖓᕆᐊᖅᑐᒥᓃᑦ 200ᖑᓪᓗᑎᒃ. ᑕᐃᒪᐃᒃᑲᓗᐊᖅᑎᓪᓗᒍᓕ ᐊᔅᓱᐊᓗᒃ ᐊᑦᑐᐃᓯᒪᔪᖅ ᐃᓄᓐᓂᒃ ᖃᓂᒋᔭᖓᓂ ᓄᓇᖃᖅᑐᒥᓂᕐᓂᒃ ᑲᑎᓯᕙᑦᑐᒥᓂᕐᓂᒃ ᑖᒃᑯᓂᖓ ᑭᖑᓪᓕᖅᐹᖑᔪᓂᒃ ᐊᖅᕕᒐᓱᐊᖅᑎᐅᔪᓂᒃ, ᑕᐃᔅᓱᒪᓃᓛᒃ ᐊᖅᕕᓂᐊᖅᑏᑦ ᑐᕚᖃᓪᓚᕆᑉᐸᓕᕐᓂᕐᖓᑕ ᐃᓄᐃᓐᓇᕈᔪᓐᓂᒃ ᐊᖅᕕᓂᐊᖅᑎᖁᑎᖃᓕᖅᑎᓪᓗᒋᑦ.

  • ᐳᓕᐊᑦ ᑳᓚᕗᕆᐊᑕ, ᒥᔅᑎᒃ ᓰᐳᐊᑦ ᑕᑯᔭᒐᖃᖅᕕᖓᑕ ᐊᖏᔪᖅᑳᖓ ᑐᐊ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᕗᕆᐊᑦ ᑳᓚᐳᕆᐊᑦᑕ

    ᒪᑐᐃᖅᑕᐅᑎᓪᓗᒍ ᕼᐊᑦᓴᓐ ᐲ ᑲᖏᖅᖣᔭᖓ ᐊᕐᕙᒐᓱᖕᓂᕐᒧᑦ 1860ᒥ ᐱᕕᒡᔪᐊᖑᓚᐅᖅᐳᖅ. ᒪᕐᕉᒃ ᓅ ᐱᑦᕗᑦ ᐅᒥᐊᕐᔪᐊᒃ ᐊᑐᖅᑕᐅᓪᓗᑎᒃ, ᑲᐱᑕᐃᖏᒃ ᓅ ᓚᓐᑕᓐᒥᐅᑕᐅᓚᐅᕐᒪᑎᒃ ᐊᕐᕙᖕᓂᐊᖅᑏᒃ. ᐱᖃᑖ

    ᑯᕆᔅᑎᕗ ᓵᐳᓪᒥᒃ ᐊᑎᖃᓚᐅᖅᐳᖅ, ᒪᒃᓕᓚᓐᒦᓐᓂᑯ (ᐅᓂᒃᑲᐅᓯᐅᓯᒪᖃᓯᐅᑎᔪᖅ ᒪᒃᓕᓚᓐᓕᕆᔪᓂ). ᑕᐃᒪᙵᓂᑦ ᒪᑐᐃᕐᒪᑦ 1860ᒥᑦ ᐃᓱᓕᓐᓂᖓ ᑎᑭᖢᒍ 1890ᖏᓐᓄᑦ ᐊᕐᕙᒐᓱᖕᓂᖅ ᐅᑭᐅᖅᑕᖅᑐᒥ

    ᐊᕝᕙᖏᑕ ᐅᖓᑖᓄᑦ ᑮᓇᐅᔭᑎᒍ ᐱᕈᕆᐊᕈᑕᐅᓂᑰᕗᖅ ᐅᐸᒃᑕᐅᕙᒃᑐᓪᓗ ᐱᖃᓯᐅᑎᓪᓗᒋᑦ.

    ᓄᓇᓕᖏᓐᓄᑦ ᐊᕐᕙᒐᓱᖕᓂᓕᕆᓂᖅ ᒪᑭᒪᓕᐅᑕᐅᓂᑰᕗᖅ.

    ᑲᐱᑕᐃᓐ ᔪᐊᔾ ᑰᒧ ᐃᓅᓕᕐᓂᑰᕗᖅ 1858ᒥ. ᑯᐃᐱᒃᒥ ᓄᓇᖃᕐᓂᑯ. ᓱᕈᓯᐅᓂᖓ ᓇᓗᓇᒐᓚᒃᑑᒐᓗᐊᖅ.

    ᐊᑖᑕᖓ ᐅᒥᐊᖅᑐᕐᓯᒪᓪᓗᓂ ᐅᑎᙱᓴᐃᓐᓇᖅᑐᕕᓂᖅ ᐃᓅᕋᑖᕕᓂᐅᑎᓪᓗᒍ ᔪᐊᔾ. ᐊᓈᓇᖓ ᐃᖕᓚᓐᒥᐅᕕᓂᖅ. ᒥᐊᓕᒐᕐᓄᐊᕐᓂᖅᒪᓪᓕ ᖃᓅᒐᓗᐊᑭᐊᖅ. ᐊᒃᓱᕈᕐᓇᖅᑐᖅᓯᐅᖅᐸᒃᑐᕕᓃᒃ ᐊᓈᓇᒌᒃ. ᐃᓕᐊᕐᔪᒃᓯᐅᑎᑎᒍᑦ ᖃᐅᔨᒪᓇᖅᑐᖅ ᐃᖅᑲᓇᐃᔭᖅᑎᕕᓂᐅᔭᕆᐊᖓᓂᒃ ᐱᒡᒐᕐᓇᖅᑐᒃᑯᑦ ᓄᒃᑕᖅᐸᒃᑐᕕᓂᖅ ᓄᓇᓕᖕᓄᑦ, ᐅᐊᓴᖅᑎᐅᓪᓗᓂ ᐃᖅᑲᓇᐃᔭᖅᐸᒃᑐᕕᓂᖅ,

    ᐱᕈᖅᓰᕕᐅᖕᒪᑦ ᑕᐃᔅᓱᒪᓂ. ᔪᐊᔾ ᑰᒧ ᐱᕈᕐᓂᑰᕗᖅ ᐱᕈᖅᓰᕕᐅᔪᒥ, ᒥᐊᓂᖅᓯᔨᐅᕙᖢᓂ 17ᓂᒃ ᐅᑭᐅᖃᓕᖅᖢᓂ, ᐊᐃᑉᕆᓕ 1875ᒥ. ᑕᐃᔅᓱᒪᓂ, ᑭᓱᒨᒐᓗᐊᑭᐊᖅ, ᕿᒪᐃᓚᐅᕐᒪᑦ ᐱᕈᖅᓰᕕᖕᒥᒃ, ᐱᓱᒃᑐᕕᓂᐅᓪᓗᓂᓗ ᓅ ᓚᓐᑕᓐᒧᑦ ᐅᒥᐊᕐᔪᐊᒃᑰᓕᕐᓂᖅᖢᓂᓗ ᐅᑭᐅᖅᑕᖅᑐᒧᑦ ᐃᓚᐅᓪᓗᓂ

    ᐊᕐᕙᒐᓱᒃᑎᓂ. ᐱᒋᐊᕐᓂᕆᓚᐅᕐᒪᒍᓕ ᐊᕐᕙᖕᓂᐊᖅᑎᐅᓂᕐᒥᒃ ᐅᒥᐊᖅᑐᖅᑎᐅᓂᕐᒧᓪᓗ, ᓯᕗᓪᓕᖅᐹᒥᒡᓗ

    ᐅᑭᐅᖅᑕᖅᑐᒧᐊᕆᐅᖅᖢᓂ.

    ᑰᒧ ᓯᕗᓪᓕᖅᐹᒥᒃ ᑲᐱᑕᐃᖑᓕᖅᖢᓂ, 1895ᒥ, ᐄᕋᒃᑯᑦ, ᐊᐅᓪᓚᓚᐅᖅᐳᖅ ᐅᒥᐊᕐᔪᐊᖅ ᑕᒪᓐᓇ ᖃᐅᔨᒪᔭᒻᒪᕆᒋᓪᓗᓂᐅᒃ. ᕼᐊᑦᓴᓐ ᐲᒧᐊᓚᐅᖅᐳᖅ, ᐊᕐᕌᒍᑦᑕᕌᖓᓪᓗ ᐱᒃᑯᓴᒻᒪᕆᓚᐅᖅᐳᖅ. ᐅᑎᖅᑕᖅᐸᒃᖢᓂ, ᕼᐊᑦᓴᓐ ᐲᒧᐊᖅᑕᓚᐅᖅᐳᖅ.

    ᓄᐊᑦᑎᕙᓚᐅᕐᒪᑦ ᐱᕈᖅᑐᖏᓐᓂᒃ ᕼᐊᑦᓴᓐ ᐲᒥᑦ ᐊᒻᒪᓗ

    ᕿᑭᖅᑖᓘᑉ ᒥᒃᓵᓂᑦ 1890ᖏᓐᓂ. ᐃᓅᓯᕐᒥᓂ ᓱᓇᐅᕝᕙ ᐱᓕᕆᐊᕆᓂᐊᓕᖅᑕᒥᓂ ᑲᔪᓰᓐᓇᓚᐅᖅᐳᖅ,

    ᐃᓄᐃᑦ ᐃᓕᖅᑯᓯᖏᓐᓂᒃ ᐅᓂᒃᑲᐅᓯᓕᐅᖅᐸᒃᖢᓂ ᐃᓕᑉᐸᓪᓕᐊᔭᒥᓂᒃ. ᐱᕕᒡᔪᐊᖏᖢᓂ ᐱᒋᐊᕈᑎᒥᓂᒃ

    ᓄᐊᑦᑎᕙᓪᓕᐊᕌᕐᔪᒃᐸᒃᖢᓂ ᑕᐅᖅᓯᕈᑎᒃᓴᒥᓂᒃ ᐱᖁᑎᑐᖃᐅᓕᖅᑐᑦ ᐊᑐᖅᑕᐅᕙᒃᑐᕕᓃᑦ ᐃᓄᖕᓄᑦ.

    1897ᒥ ᐊᓯᔾᔨᕆᐊᕈᑎᖃᓚᐅᖅᐳᖅ ᑰᒨᑉ ᐃᓅᓯᖓ. 1897ᐅᓕᖅᑎᓪᓗᒍ, ᐊᖑᑦ ᑕᐃᔭᖅ ᕗᕌᖕᒃ ᐴᐊᔅ,

    ᐃᓕᖅᑯᓯᑐᖃᓕᕆᔨᒻᒪᕆᒃ ᒥᐊᓕᒐᕐᓂ ᖃᐅᔨᒪᔨᑕᖅ, ᐃᓕᖅᑯᓯᑐᖃᓕᕆᓂᕐᒥᒃ ᐃᓕᓯᒪᔪᒻᒪᕆᒃ, ᓯᐸᐃᓱᒥᒃ

    ᑲᐱᑕᐃᕕᓂᕐᒥᒃ ᑲᓱᖅᓯᓚᐅᖅᐳᖅ, ᑐᑭᓯᒃᑲᓐᓂᕈᒪᓪᓗᓂ ᐃᓄᐃᑦ ᐃᓕᖅᑯᓯᖓᓂᒃ ᐅᑭᐅᖅᑕᖅᑐᒥᐅᓂᒃ.

    ᑲᐱᑕᐃᕕᓂᖅ ᑭᐅᓚᐅᖅᐳᖅ ᓄᖅᑲᕐᓂᑰᓕᕐᓂᕋᖅᖢᓂ ᑲᐱᑕᐃᓐ ᑰᒧᒧᑦ ᑎᒃᑯᐊᕈᑎᓪᓗᓂᐅᒃ.

    ᐳᐊᔅ ᑐᐱᖅᓲᒪᓕᓚᐅᖅᑐᖅ ᑭᖑᓪᓕᕐᒥ ᐅᒥᐊᖅᑐᓕᕐᒥᒃᐸᑦ ᑰᒧ,"ᐊᔾᔨᓕᐅᕆᓗᑎᑦ, ᓇᓗᓇᐃᖅᑐᖅᓯᒪᐅᕐᓗᒋᑦ, ᑮᓇᑉᐸᓕᐅᕆᕙᒡᓗᑎᓪᓗ ᒪᕋᐅᔭᕐᒥᒃ ᑮᓇᖏᓐᓂᒃ". ᑕᐃᒪᐃᓕᐅᕐᓂᒃᑯᑦ, ᓇᓗᓇᐃᖅᑐᐃᖃᑦᑕᕐᓂᖓ ᐱᑐᐃᓐᓇᐅᔪᓃᓚᐅᖅᐳᖅ. ᑰᒧ ᓇᓗᓇᐃᓯᒪᔪᓂᒃ ᑎᑎᕋᖅᐸᓪᓕᐊᕙᓚᐅᖅᐳᖅ ᐃᓄᐃᑦ ᐃᓕᖅᖁᓯᖏᓐᓂᒃ.

    ᐅᓂᑳᖅᓯᐅᖅᐸᒃᖢᓂ, ᓯᕗᓕᖏᑕ ᒥᒃᓵᓄᑦ ᐅᓂᑳᖅᓯᐅᖅᐸᒃᖢᓂ, ᕗᕌᖕᑭᓕᓐ ᓄᒃᑕᕐᓂᕕᓂᖏᓐᓂᒃ ᐅᓂᑳᖅᓯᐅᖅᐸᒃᑭᓪᓗᓂ, ᑎᑎᕋᐅᔭᖅᐸᒃᖢᓂ, ᓄᓇᙳᐊᓕᐅᖅᐸᒃᖢᓂ, ᑭᓱᑐᐃᓐᓈᓗᖕᓂᒃ ᐱᔪᓐᓇᖅᑕᒥᓂᒃ ᓄᐊᑦᑎᓇᓱᒃᐸᒃᖢᓂ. ᓄᐊᑕᓕᒫᐸᓗᖏᑦ ᒥᐊᓕᒐᐃᑦ ᐃᓕᖅᑯᓯᑐᖃᓕᕆᔨᖏᓐᓄᑦ ᐊᒡᒋᓯᕙᒃᑕᕕᓂᖏᑦ.

    1907ᐅᓕᖅᑎᓪᓗᒍ 1908ᒥᓘᕝᕙᑭᐊᖅ, ᐅᓄᕐᓂᖅᐹᓂᒃ ᐅᑭᐅᖅᑕᖅᑐᒥᐅᑕᕐᓂᒃ ᓄᐊᑦᑎᓯᒪᓕᓚᐅᖅᐳᑦ

    ᓯᓚᕐᔪᐊᕐᒥᐅᓕᒫᓂ, ᑕᒪᒃᑭᐸᓗᒃᖢᑎᒃ ᑰᒨᑉ ᓄᐊᖃᑦᑕᖅᑕᕕᓂᖏᓐᓂᒃ ᐊᒻᒪᓗ ᕌᐳᑦ ᐱᐅᕆᐅᑉ. ᑰᒧ

    ᑕᐃᔭᐅᓕᓚᐅᖅᐳᖅ ᐃᓕᖅᑯᓯᑐᖃᓕᕆᔨᒥᒃ. ᑲᔪᓰᓐᓇᓚᐅᖅᐳᖅ ᐊᕐᕙᒐᓱᖕᓂᖓ ᑮᓇᐅᔭᓕᐅᕈᑎᒋᓪᓗᒍ,

    ᑭᓯᐊᓂ ᐱᖃᑦᑎᓚᐅᖅᐳᖅ ᐃᖅᑲᓇᐃᔮᒃᓴᖓ ᐃᓕᖅᑯᓯᑐᖃᓕᕆᔨᐅᓂᕐᒥᒃ.

    ᑐᐊᕋᑎ ᕼ. ᐄᐳ

    ᐃᓄᑦᑎᐊᕚᓗᑦᑕᖃᓚᐅᖅᓯᒪᔪᖅ, ᓕᐊ ᐊᕐᓇᐅᔭᖅ, ᓇᐅᔮᕐᒥᐅᖅ - ᑭᖑᕚᖏᑦ ᓱᓕ ᑕᐃᑲᓂ ᐃᓅᔪᑦ - ᑕᐃᓐᓇ ᓕᐊ ᐊᖅᕕᒐᓲᑎᓂ ᐅᒥᐊᕐᔪᐊᓂ ᐃᑭᒪᕙᑦᑐᒥᓂᖅ ᐃᓅᓱᑦᑑᓪᓗᓂ. ᐅᓂᒃᑳᖃᕕᐅᑎᑉᐸᔪᔪᖅ ᐊᒥᐊᓕᑲᒃᑯᑦ ᑳᑉᑕᒥᓂᖓᓂᒃ ᔪᐊᔾ ᑰᒧᒥᓐ, ᑭᓯᐊᓂᓕᒎᖅ ᖃᐅᔨᒪᓂᖅᓴᒥᓂᕆᓪᓗᒋᒃ ᒧᕆᒥ ᐊᑎᕈᓯᓖᒃ ᓄᑲᕇᒃ ᐋᓕᐊᒃᓵᓐᑐ ᐊᒻᒪᓗ ᔮᓐ. ᐋᓕᐊᒃᓵᓐᑐ ᒧᕆᐅᑉ ᐸᓂᒥᓂᖓᒎᖅ, ᑭᓯᐊᓂᓕᒎᖅ ᐱᖃᑎᖃᕐᓂᖅᓴᐅᕙᑦᑐᒥᓂᖅ "ᓇᑯᖓᔪᖅ"-ᒥᑦ - ᔮᓐ ᒧᕆ ᐃᔨᖓ ᒪᑐᐊᖅᒪᕙᓐᓂᕐᖓᓐ. ᑰᒨᑉ ᐃᓄᑦᑎᑐᑦ ᐊᑎᒥᓂᖓ "ᐊᖓᒃᑯᖅ" ᐱᔾᔪᑎᒋᓪᓗᒍ ᑕᐸᐃᖅᑎᑦᑎᕙᓐᓂᕐᖓᓐ ᐃᓄᓐᓂᒃ ᐊᔾᔨᓐᖑᐊᒥᓄᑦ ᐅᒥᐊᕐᔪᐊᒥᓂ ᐊᔾᔨᓕᐅᖅᐸᑦᑕᒥᓂᖏᓐᓄᑦ (ᑰᒨᑉ ᐊᔾᔨᓐᖑᐊᖁᑎᖏᑦ ᐱᐅᓕᑦᑎᓂᑦᑎᐊᕚᓘᕗᑦ ᐃᓄᐃᑦ ᐃᓅᓯᕆᕙᑦᑕᒥᓂᖏᓐᓂᒃ ᑕᐃᔅᓱᒪᓂ) ᐊᒻᒪᓗ ᓕᐊᑉ ᐅᖃᐅᑎᔪᒑᖓ "ᐆ, ᑰᒧ ᑕᐃᓐᓇ ᐊᖓᒃᑯᐊᓗᒃ! ᐸᐃᑉᐹᕈᓗᑐᐃᓐᓇᕐᓂᒃ ᐊᔾᔨᓐᖑᐊᓂᒃ ᓴᖅᑭᑎᑦᑎᕙᔪᔪᖅ! ᑕᐃᒃᑯᐊ ᑳᑉᑕᐃᑦ, ᑰᒧ ᐊᒻᒪᓗ ᐋᓕᐊᒃᓵᓐᑐ ᐊᒻᒪ ᔮᓐ ᒧᕆ, ᐃᓛᒃᑯᑦ ᐃᓄᖁᑎᖃᖅᐸᓚᐅᖅᑐᑦ ᐅᒥᐊᕐᔪᐊᑦ ᑎᑭᓯᒪᓕᕋᐃᒻᒪᑕ, ᐃᓄᐃᓪᓕ ᑐᓐᖓᓇᖃᑦᑕᐅᑏᓐᓇᕋᓗᐊᖅᑎᓪᓗᒋᑦ, ᐃᓚᔮᕇᖏᓐᓇᕈᔫᒐᒥᒃ, ᑲᑎᓗᐊᖅᐸᓂᓐᖏᑦᑐᑦ ᐊᖅᕕᒐᓱᐊᖅᑐᖃᖅᑎᓪᓗᒍ. ᑳᑉᑕᐃᑦ ᐃᓱᒫᓗᕈᔪᑉᐸᓂᕐᖓᑕ ᐊᓯᖏᑦ ᑳᑉᑕᐅᖃᑎᖏᑦ ᐊᖑᑎᖁᑎᖏᓐᓂᒃ ᐋᑦᑎᑕᖅᐱᐊᕐᖓᑕ. ᐊᑭᑦᑐᕋᐅᑎᓂᕐᓕ ᐱᔾᔪᑕᐅᓪᓗᓂ ᐊᑭᕋᕇᕌᓘᔪᓐᖏᑦᑑᒐᓗᐊᑦ, ᑭᓯᐊᓂᓕ ᑐᓐᖓᓇᖃᑦᑕᐅᑎᑦᑎᐊᖅᐸᔪᓐᖏᑦᑐᑦ.

    ᐳᓕᐊᑦ ᑳᓚᕗᕆᐊᑕ, ᒥᔅᑎᒃ ᓰᐳᐊᑦ ᑕᑯᔭᒐᖃᖅᕕᖓᑕ ᐊᖏᔪᖅᑳᖓ ᑐᐊ

    ᐅᕙᓂ ᑕᕐᕆᔮᕋᓛᒥ, ᐳᓕᐊᑦ ᑳᓚᕗᕆᐊᑕ ᓴᖅᑮᔪᖅ ᖃᐅᔨᒪᔭᐅᓂᖅᐹᖑᔪᒥᒃ ᐊᒥᐊᓕᑲᒥᐅᑕᕐᒥᒃ ᐊᖅᕕᓂᐊᖅᑎᒥᒃ ᕼᐊᑦᓴᓐ ᕙᐃᒥ, ᑳᑉᑕᓐ ᔪᐊᔾ ᑰᒧᕐ. ᑕᐃᓐᓇ ᑰᒧᕐ ᑐᓴᐅᒪᔭᒻᒪᕆᐅᓕᕐᓂᕐᒪᓐ ᐱᔾᔪᑎᒋᓪᓗᒍ ᐊᑯᓂᒻᒪᕆᐊᓗᒃ ᐊᖅᕕᓂᐊᖅᑎᐅᓂᕐᖓᓐ ᕼᐊᑦᓴᓐ ᕙᐃᒥ, ᐊᒻᒪᓗᑦᑕᐅᖅ ᐃᖅᑲᓇᐃᔭᖃᑎᖃᕐᓂᕐᖓᓐ ᐳᓛᒡ ᕘᐋᔅᒥᒃ ᓂᐅ ᔪᐊᒃ ᑕᑯᔭᒐᖃᖅᕕᔾᔪᐊᖓᓂᑦ ᓄᓇᒥᐅᑕᒥᓂᕐᓄᑦ ᓄᐊᑦᑎᓪᓗᓂ ᐃᓄᐃᑦ ᐱᒥᓂᖏᓐᓂᒃ ᐱᑐᖃᕐᓂᒃ ᐊᒻᒪᓗ ᐃᓄᐃᑦ ᐅᓂᒃᑳᖏᓐᓂᒃ ᓄᐊᑦᑎᔪᒥᓂᐅᓂᖓᓄᑦ. ᑐᐊᕋᑎ ᐄᐳᕐ ᑲᑎᖃᑎᖃᕈᓐᓇᔪᒻᒪᓐ ᕼᐊᑦᓴᓐ ᕙᐃᒥ ᐃᓐᓇᒻᒪᕆᓐᓂᒃ ᖃᐅᔨᒪᔪᒥᓂᕐᓂᒃ ᑰᒧᒥᒃ. ᐃᓄᓐᓄᑦ ᐊᑎᖃᖅᑎᑕᒥᓂᖅ ᐊᖓᒃᑯᖅ, ᐱᔾᔪᑎᒋᓪᓗᒍ ᐊᔾᔨᓕᐅᕆᖃᑦᑕᓂᕐᖓᓐ ᐊᒻᒪᓗ ᐸᐃᑉᐹᑐᐃᓐᓇᕐᓂ ᐃᓄᐃᑦ ᐊᔾᔨᖏᓐᓂᒃ ᓴᖅᑭᑎᑦᑎᒍᓐᓇᓂᕐᖓᓐ.

  • ᖃᒻᒪᓃᓐᖔᕐᓗᓂ ᐊᖅᕕᒐᓱᐊᖅᕖᑦ ᑐᓚᑦᑕᖅᕕᖏᓐᓄᑦ, ᐊᐃᑉᐸᖏᑦ ᐱᓐᖏᓂᖅᓴᐅᓪᓗᑎᒃ ᑕᐅᖅᓯᕋᖅᑐᑦ
  • ᓯᑳᑦᓚᓐ ᐱᖃᑎᒋᓪᓗᒍ ᐄᔭᓐ ᐸᓕᐊᑦ, ᑕᓐᑎᐅᑉ ᓄᓇᓕᐸᐅᔭᖓᑕ ᐅᐊᑦ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᐃᐊᓐ ᕕᓕᐊ

    ᐃᐊᓐ ᕕᓕᐊᖑᔪᖓ (Ian Flett) ᑕᓐᑏ (Dundee) ᓄᓇᓕᐸᐅᔭᖓᑕ ᑐᖅᑯᖅᑐᐃᕕᖓᓂᒃ ᐱᑐᖃᒃᑯᕕᖓᓂ, ᑕᓐᑏ ᓯᑳᓚᓐᒥ. ᑐᓚᑦᑕᕐᕕᑐᖃᐅᓂᖅᐹᒦᑦᑐᒍᑦ ᓯᑳᓚᓐᒥ. ᑖᓐᓇ ᐊᑭᖃᕋᓂ ᑐᓚᑦᑕᕐᕕᐅᕙᑦᑐᕕᓂᖅ ᑖᕙᙵᓂᑐᖃᖅ ᐊᕐᕌᒍᐃᑦ ᑕᒫᓂ 1200 ᑐᖔᓂ. ᖃᓪᓗᓈᑦ ᐃᐅᕈᑉᒦᙶᖃᑦᑕᓕᖅᑎᓪᓗᒋᑦ ᑕᐅᖅᓰᖃᑦᑕᐅᑎᓂᕐᒥᒃ ᐱᔪᒪᔪᖃᖅᑐᐹᓘᑎᓪᓗᒍ ᑭᓯᐊᓂ ᐊᕐᕕᓂᐊᖃᑦᑕᕈᒪᓂᖅ ᐱᒋᐊᖅᐸᓪᓕᐊᓕᖅᑐᕕᓂᖅ ᐊᒥᐊᓕᒐᐃᑦ ᒐᕙᒪᖓ ᑮᓇᐅᔭᑎᒍᑦ ᐃᑲᔫᑕᐅᓂᐊᖅᑐᓂᒃ ᑐᓂᓯᖃᑦᑕᓕᕐᒪᑕ ᑖᒃᑯᓅᖓ ᐃᖃᓗᒐᓱᐊᕐᓂᕐᒧᑦ ᑲᕕᓯᓕᓐᓂᒃ ᐊᕐᕕᓂᐊᕐᓂᒧᓪᓗ ᓄᙳᐊᓂ 18−ᕼᐋᓐᓇᓚᐃᑦ ᐊᕐᕌᒍᖏᑕ. ᐊᑐᖅᑕᐅᕙᑦᑐᑐᖃᒥᓂᕐᓂ ᑎᑎᕋᖅᑕᐅᓯᒪᔪᓂ, ᖃᐅᔨᒍᓐᓇᖅᑕᕗᑦ ᖃᓄᑎᒋ ᑕᒪᓐᓇ ᐱᓪᓚᕆᐅᑎᑕᐅᕙᓐᓂᕐᒪᖔᖅ. ᒐᕙᒪᒃᑯᑦ ᑖᒃᓰᔭᖅᑎᑦᓯᖃᑦᑕᓂᙱᑦᑐᑦ ᐊᕐᕕᓂᐊᖅᑎᓂᒃ ᐊᕐᕙᒐᓱᐊᕐᕕᐅᕙᑦᑐᕕᓂᕐᒧᑦ ᐊᐃᒍᒪᓂᑯᒧᑦ. ᐱᒋᐊᕐᓂᖏᓐᓂ 19−ᕼᐋᓐᓇᓚᐃᑦ ᐊᕐᕌᒍᖏᑕ, ᐊᕐᕕᐅᑉ ᐅᖅᓱᖓ ᐅᖅᓱᖅᑎᕈᑎᑐᐊᖑᓐᓂᕐᒪᓐ ᐃᑯᒪᒋᔭᐅᓪᓗᓂᓗ. ᑎᑭᐅᔾᔭᐅᒋᐊᖃᖃᑦᑕᕐᓂᕐᒪᑕ ᐅᖓᓯᑦᑐᒦᙶᕈᔾᔭᐅᓪᓗᓂ ᑕᒪᓐᓇ ᑭᓪᓗᖅᑕᐅᓂᑰᓪᓗᓂ, ᓄᓇᕋᖅ ᑕᖏᓕᒃ ᐃᒻᒧᑎᑦᓴᔭᓕᐊᖑᕙᑦᑐᒥᓂᖅ ᐊᓯᖏᓐᓂᓪᓗ, ᐊᓪᓚᐃᑦ ᓄᓇᕋᑦᓴᔭᖓ ᕿᑐᓕᓴᕋᑦᓴᐅᒋᐊᖓ ᑭᓯᐊᓂ ᐅᖅᓱᒧᑦ ᖃᐅᔨᔭᒥᓂᖓᓐ, ᐊᕐᕕᐅᑉ ᐅᖅᓱᖓ ᕿᑐᓕᓴᐅᑕᐅᒍᒪᓪᓗᓂ ᓂᕈᐊᖅᑕᐅᕙᓐᓂᕐᒪᓐ. ᕿᑎᕋᐃᓕᖅᑎᓪᓗᒋᑦ 19−ᕼᐋᓐᓇᓚᐃᑦ ᐊᕐᕌᒍᖏᑦ, ᐊᕐᕕᓂᐊᕐᓂᖅ ᓄᓇᕋᓕᕆᓂᕐᓗ ᐊᓪᓚᐃᑦ ᓄᓇᕋᑦᓴᔭᖓᓂᒃ ᐊᑕᐅᑦᓯᒃᑰᖅᑐᒥᓂᖅ.

    ᐅᐱᓐᓇᕋᓂ ᐅᓪᓗᒥᐅᓕᖅᑐᖅ ᓱᕋᐃᓯᒪᕗᖅ ᐆᒪᔪᐃᑦ ᓇᔪᖓᖏᓐᓂᒃ ᐱᔾᔪᑎᒋᓪᓗᒍ [ᑭᖑᓂᖓᒎᓕᖅᑐᖅ] ᐊᕐᕙᓐᓂᐊᐸᓐᓂᕐᒪᑕ ᑲᓛᖡᑦ ᓄᓈᓂ ᐱᑕᖃᕈᓐᓃᖅᓱᑎᒃ, ᐅᑭᐅᖅᑕᖅᑐᒨᖅᑐᒥᓃᑦ ᐊᕐᕙᓐᓂᐊᖃᑦᑕᓕᖅᓱᑎᒃ ᐅᑭᐅᖅᑕᖅᑑᑉ ᐃᒪᖓᓂ. ᐊᕐᕙᓂᐊᖅᑏᑦ ᐅᑎᖅᑐᒥᓂᐅᑦᓱᑎᒃ ᐅᑎᕈᔾᔨᓪᓗᑎᒃ ᓇᑦᓯᖔᕐᓂᒃ.

    ᑕᒫᓂ ᕿᑎᕋᐃᓕᖅᑎᓪᓗᒋᑦ 19−ᕼᐋᓐᓇᓚᐃᑦ ᐊᕐᕌᒍᖏᑦ, ᑖᓐᓇ ᓄᓇᓕᐸᐅᔭᖅ ᐃᖅᑲᓇᐃᔭᕕᐅᓂᖅᐹᒥᓂᖅ ᐊᔪᖅᓴᕋᓂᓗ. ᐃᓚᖓᒍᑦ ᓴᖅᑭᑎᑦᓯᑲᓐᓂᕐᓂᐅᓪᓗᓂ. ᑕᓐᑏ ᑐᖏᓕᕆᔭᐅᓪᓗᓂ ᐊᔪᖅᓴᖏᓐᓂᐹᒥᓂᖅ ᓄᓇᓕᐅᓪᓗᓂ ᓯᑳᓪᓚᓐᒥ ᑭᖑᓂᖓᒍᑦ ᐃᐊᑎᓐᐴ (Edinburgh) ᓱᕋᑦᑕᐅᓚᐅᙱᓐᓂᖓᓂ ᑯᕌᒻᕕᓪᓕᐊᓐ (Cromwellian) ᐅᓇᑕᖅᑐᑦᓴᖏᓐᓄᑦ 1651−ᖑᑎᓪᓗᒍ ᐊᓱᐃᓪᓛᒃ ᐱᕙᓪᓕᐊᒃᑲᓐᓯᓐᓂᕐᒥᔪᖅ ᑕᐅᖅᓰᖃᑎᖃᖃᑦᑕᓂᕐᒥᒃ ᐃᐅᕈᑉᒥᒃ, ᐱᓗᐊᖅᑐᒥᒃ ᐊᓪᓚᓂᒃ ᑕᐅᖅᓰᖃᑎᖃᖃᑦᑕᑎᓪᓗᒋᑦ ᓄᓇᕋᕐᓂᒃ. ᑕᒪᒃᓱᒧᖓ ᓄᓇᕋᕐᒧᑦ, ᐅᖁᒪᐃᑦᑐᓕᕆᔾᔪᑎᑎᒍᓪᓗ ᑕᒪᒃᑯᓄᖓ ᐊᑐᖅᑕᐅᖃᑦᑕᖅᑐᑎᒍᑦ, ᕿᑎᕋᐃᓕᖅᑎᓪᓗᒋᑦ 19−ᕼᐋᓐᓇᓚᐃᑦ ᐊᕐᕌᒍᖏᑦ ᐱᒋᐊᒃᑲᓐᓂᓕᕐᓂᕐᒥᔪᖅ ᐱᕙᓪᓕᐊᓪᓗᓂ ᐱᒻᒪᕆᐅᓪᓗᓂ ᑐᓚᑦᑕᕐᕕᒃ ᑲᓇᖕᓇᒦᑦᑐᖅ ᓯᔾᔭᖓᑕ.

    ᐅᒥᐊᓕᐅᕐᓂᖅ ᐱᒻᒪᕆᐅᓐᓂᕐᒪᓐ ᐱᔾᔪᑎᒋᓪᓗᒍ ᓴᙱᔪᓂᒃ ᐅᒥᐊᓕᐅᕆᐊᖃᖅᐸᓂᕐᒪᑕ ᐊᕐᕙᕐᓂᐊᕈᑕᐅᒍᒫᕐᓂᐊᖅᑐᓂᒃ. ᐊᕐᕙᓐᓂᐊᕈᑕᐅᓂᐊᕐᓗᓂ ᐊᒥᖏᓐ ᐅᒥᐊᑦ ᑕᓯᔪᐊᒋᐊᖃᖅᐸᓂᕐᒪᑕ ᕿᕋᑕᓗᑎᒃ, ᓯᑯᓂᒃ ᐃᕗᔪᖃᖅᐸᑦ, ᖃᓪᓕᐅᑎᑐᐃᓐᓇᖃᑦᑕᕈᒫᕐᓂᐊᕐᓗᓂ ᓯᑰᑉ ᖄᖓᓄᑦ. ᐃᕗᔭᐅᕙᓐᓂᖏᑦᑐᑦ, ᓯᕗᓪᓖᑦ ᐅᒥᐊᒃᑯᑦ ᐅᖓᓯᑦᑐᓕᐊᖅᓱᑎᒃ ᐃᖏᕐᕋᔪᑦ ᐃᕗᔭᐅᕙᓐᓂᕐᒪᑕᓕ. ᐱᒋᐊᖅᑎᑦᓯᔪᒥᓃᑦ ᓯᐅᓯᐅᕈᓐᓇᖅᑐᒥᒃ ᐅᒥᔾᔨᐅᓂᕐᒥᒃ.

    ᐊᒥᓱᑦ ᓄᓇᓖᑦ ᑕᓐᑏᒥᐅᑦ ᒫᓐᓇᐅᔪᖅ ᐊᒃᑐᐊᓂᖃᕈᓐᓃᕐᓂᕐᒥᓐᓂᒃ ᐱᖅᑯᓯᑐᖃᕐᒥᓐᓄᑦ ᐃᑉᐱᒋᒻᒪᑕ, ᑕᓐᑏ ᑐᓚᑦᑕᕐᕕᐅᕙᒃᑐᒥᓂᖅ ᒫᓐᓇ ᐊᖅᑯᑎᓕᐊᕆᓯᒪᓕᖅᑐᖅ ᑐᓚᑦᑕᕐᕕᒃ ᑰᑉ ᓴᓂᐅᓂ. ᐱᓱᒃᑯᕕᑦ ᓯᓚᑖᒍᑦ ᑖᒃᓱᒪ ᓴᓇᔭᐅᓯᒪᔫᑉ ᑕᑯᒐᔭᖅᑐᑎᑦ ᐊᑎᖓᓂᒃ ᑕᐃᔭᐅᓪᓗᓂ ᓯᓈᓂ ᐱᓱᕝᕕᓕᐊᕆᓯᒪᔪᖅ, ᑕᑯᓐᓇᕋᓗᐊᕈᕕᐅᒃ ᓯᔾᔭ ᓱᓇᑕᖃᙱᑦᑐᖅ ᐊᖅᑯᑏᑦ ᐊᓯᐊᓐᓂᒃ ᐊᑐᕆᐊᓕᐊᕆᓯᒪᔪᓂᒃ ᐃᑳᕉᑎᒨᖓᔪᓂᒃ ᑕᐃᔭᐅᔪᒧᑦ Tay Road Bridge−ᒥᒃ. ᓂᑯᕐᕋᒍᕕᑦ ᓵᙵᓗᒋᑦ ᐊᖅᑯᑎᓕᐊᕆᓯᒪᔪᑦ Tay Road Bridge−ᒧᑦ, ᑕᑯᒍᓐᓇᖅᑕᑎᑦ ᓇᐅᒃᑯᑦ ᑎᑭᑉᐸᓂᕐᒪᖔᑕ ᐊᕐᕕᓂᐊᖅᑏᑦ 1-ᕼᐋᓐᓇᓚᐃᑦ ᐊᕐᕌᒍᐃᑦ ᐊᓂᒍᖅᓯᒪᓕᖅᑐᓂ. ᐃᓚᖓᒍᑦ, ᓂᑲᓪᓗᖓᓇᖅᑐᖅ ᐃᓕᓐᓂᐊᖅᑏᑦ ᖃᐅᔨᒍᓐᓃᕐᒪᑕ ᑕᒪᒃᓱᒧᖓ ᐊᒃᑐᐊᓂᕐᒥᒃ ᐊᑐᖅᑕᐅᕙᓐᓂᒥᓂᖓᒍᑦ ᓯᕗᓕᖏᓐᓄᑦ. ᑕᑯᓐᓇᕈᓐᓃᕐᒪᑕ ᑐᓚᑦᑕᕐᕕᐅᖃᑦᑕᖅᑐᒥᒃ, ᐊᑯᓐᓂᖓᓂ ᓄᓇᓕᐸᐅᔭᐅᑉ ᑲᓱᕐᕕᒋᒍᓐᓇᕋᔭᖅᓱᒍ ᐊᔪᖅᓴᖏᓐᓂᐅᕙᑦᑐᒥᓂᕐᒥᒃ ᐅᕙᑦᓯᐊᕈ.

    ᐃᓱᒪᔪᖓᓕ [ᐊᕐᕕᓂᐊᕐᓂᖅ] ᓲᕐᓗ ᐅᓇᑕᕆᐊᓯᔪᑎᑐᑦ, ᐱᔾᔪᑎᒋᓪᓗᒍ ᓄᓗᕋᐅᓴᒃᐸᓂᕐᒪᑕ ᑖᒃᑯᓇᖓᑦ ᐊᕐᕙᕐᓂᐊᕈᑎᓂᒃ ᐅᒥᐊᓂᒃ ᐃᖏᕐᕋᓯᓯᔪᓂᒃ ᐊᐅᓪᓚᓯᓪᓗᑎᒃ ᖃᐅᔨᒪᓇᑎᓪᓗ ᐅᑎᑦᑕᓛᕋᓗᐊᕐᒪᖔᑕ ᖃᓄᐃᒐᑎᒃ. ᐊᕐᕙᓂᐊᖅᑎᓄᑦ ᐅᒥᐊᑦ ᐃᓗᑐᕙᑦᑐᕕᓃᑦ ᑕᑭᔫᓪᓗᑎᒃ ᓇᐅᒃᑯᑎᑕᖃᖅᓱᑎᒃ. ᐅᓗᕆᐊᓇᖅᑐᐹᓘᕙᑦᑐᕕᓃᑦ. ᐊᕐᕕᒃ ᓴᖅᐱᒥᓄᑦ ᑏᒐᖅᓯᒍᓂ ᑐᖁᑕᐅᒐᔭᑎᑦ. ᐃᒫᖅᑎᑕᐅᓐᓂᕈᕕᑦ, ᐃᖃᕐᕌᓐᓂᒃ ᒪᕐᕉᓐᓂᒃ ᐊᕝᕙᒐᓂᓪᓗ ᐃᒫᓃᖏᓐᓇᕈᕕᑦ ᕿᕿᓗᑎᑦ ᑐᖁᒐᔭᖅᑐᑎᑦ. ᑖᒃᑯᓄᖓᓕ, ᓴᐱᙱᓂᕐᒥᒃ ᐱᓇᓱᐊᕐᓂᐅᕙᑦᑐᒥᓂᖅ ᐅᕕᒃᑲᓛᓄᑦ ᐊᖑᑎᓄᑦ ᐱᓗᐊᖅᑐᒥ ᐊᐅᓪᓚᓯᓪᓗᑎᒃ ᐊᕐᕕᓂᐊᖅᑏᑦ ᐅᒥᐊᖏᓐᓄᑦ. ᐊᐅᓪᓚᖅᓯᒪᓂᐊᓕᕐᓗᑎᒃ ᒪᕐᕉᓐᓂᒃ ᐱᖓᓱᓄᑦ ᑎᑭᑦᑐᓂᒃ ᐅᑮᓪᓗᑎᒃ ᐅᑎᖅᑎᑕᐅᒃᑲᓂᖏᓂᕐᒥᓐᓂ. ᐅᑎᕋᒥᒃ, ᐊᕐᕙᓐᓂᕈᑎᒃ, ᐊᕐᕖᑦ ᐊᒥᒐᖅᑎᓐᓇᒋᓪᓕ ᑕᐃᒃᓱᒪᓂ, ᐊᒃᓱᐃᒍᑎᒃᓴᖅᑕᓕᒥᓂᖅ. ᕿᒥᑦᕈᓂᑦᑎᒍᑦ ᑕᑯᓐᓇᖅᓯᒪᔭᕗᑦ ᓯᐊᑦᓚᒥᐅᑦ ᖃᓄᖅ ᑕᐃᓯᕙᓐᓂᕐᒪᖔᑕ ᐊᕐᕕᓂᐊᖅᑎᓂᒃ "ᑯᕕᐊᓱᒃᑐᑦ ᓱᕈᓰᑦ" ᖁᕕᐊᓱᑦᑐᑦ ᐊᖑᑏᑦ, ᐅᑎᖅᐸᓂᕐᒪᑕ ᐊᕐᕙᓂᐊᕐᓇᕇᖅᓯᒪᓕᕋᐃᒻᒪᓐ ᐊᒃᓱᐃᑦᑐᐹᓘᓕᖅᓱᑎᒃ. ᑎᐱᓗᑦᑐᐹᓘᓪᓗᑎᓪᓗ.

    ᐊᕐᕙᓂᐊᖅᑎᓄᑦ ᐅᒥᐊᑦ ᓴᓇᓯᒪᑦᓯᐊᕋᓗᐊᕋᒥᒃ, ᐃᓪᓗᖔᖓᓃᑦᑐᒥᓂᐅᑐᐊᕈᓂ ᓯᑰᑉ, ᐅᐸᓗᐃᔭᐅᕙᓐᓂᕐᒥᔪᑦ ᐃᕗᔭᐅᓪᓗᑎᒃ. ᑕᓐᑏ ᐊᑲᐅᓂᖅᐸᐅᕙᓐᓂᖏᑦᑐᖅ ᓱᖅᑲᓕᕆᕕᐅᓗᓂ, ᑭᓯᐊᓂ ᐊᓯᖏᑦ ᑐᓚᑦᑕᕐᕖᑦ ᓱᖅᑲᓕᕆᕕᐅᕙᑦᑐᕕᓃᑦ. ᐱᔪᒪᔭᐅᓗᐊᕐᓂᖏᓐᓄᑦ ᐊᕐᕕᐅᑉ ᓴᐅᓂᖏᑦ ᕿᕋᑦᑕᑯᑕᐅᓂᐊᕐᓗᑎᒃ ᐃᓗᓪᓕᕐᓄᑦ ᐊᕐᓇᐃᑦ ᐊᑐᖅᐸᑦᑕᕕᓂᖏᓐᓄᑦ ᐊᑕᔪᓕᖏᑕ ᐃᓗᓪᓕᖏᓐᓄᑦ ᐊᓐᓄᕌᖏᓐᓄᓘᓐᓃᑦ, ᑕᐃᒫᒃ ᑕᐃᔭᐅᕙᓐᓂᕐᒪᑕ ᓯᑳᓚᓐᒥ, ᐃᓗᓪᓖᑦ, ᐱᔾᔪᑕᐅᓪᓗᓂ ᓴᓇᒻᒪᖓ ᐊᓐᓄᕌᖏᑦᑕ, ᐊᕐᕖᑦ ᓄᖑᑕᐅᓗᐊᓚᕿᓐᓂᕐᒥᔪᑦ.

    ᐊᒥᓲᓂᖅᓴᐃᑦ, ᐃᖅᑲᓇᐃᔭᖅᑏᑦ ᐃᖅᑲᓇᐃᔭᖅᑎᑖᖑᕙᑦᑐᒥᓃᑦ ᓄᓇᓕᐅᖃᑕᐅᔪᑦ, ᓯᐊᑦᓚᓐᒥ (Shetland) ᐲᑐᕼᐃᐊᑦᒥᓗ, (Peterhead) ᓯᐊᑦᓚᓐᒥᐅᑦ ᐱᕈᖅᓴᖅᑕᐅᓂᑰᒻᒪᑕ ᐃᒪᕕᒻᒥ ᐱᔪᓐᓇᓂᕐᒥᒃ. ᐱᖅᑯᓯᖅᑕᖃᕐᒥᔪᑦ ᓴᖅᐱᓕᓐᓂᒃ ᑲᒪᔩᑦ ᑭᖑᕚᕇᓄᑦ. ᓯᐊᑦᓚᓐᒥ ᓱᓕ ᐅᒥᐊᖅᑕᖃᐅᕐᙵᒧᑦ ᐃᐳᒋᐊᓕᓐᓂᒃ ᐊᔾᔨᓴᐃᓐᓇᖏᓐᓂᒃ ᐅᓇᑕᖅᑎᐅᕙᑦᑐᕕᓃᑦ ᓴᕕᕐᔪᐊᓄᑦ ᐊᑐᖅᐸᑦᑕᕕᓂᖏᑦᑕ 12−ᕼᐊᓐᓇᓚᐃᑦ ᐊᕐᕌᒍᐃᑦ ᐊᑐᖅᑎᓪᓗᒋᓐ. ᐊᒃᐸᓯᑦᑐᐹᓘᕙᑦᑐᒥᓂᖅ ᓯᕗᐊ. ᓯᐊᑦᓚᓐᒥᐅᑦ ᐱᖅᑯᓯᓕᑐᖃᐃᑦ ᐊᖁᑎᒃᓯᐊᕙᐅᓂᕐᒥᒃ ᐃᒪᒃᑯᑦ. ᐊᒻᒪᓗᑦᑕᐅᖅ, ᐅᐊᒃᓂᒥ (Orkney) [ᐱᖃᑎᖃᖅᓱᑎᒃ] ᓂᐅᕕᖅᑎᑯᓐᓂᒃ, ᐱᖅᑯᓯᖃᖃᓯᐅᑎᒻᒥᔪᑎᑦᑕᐅᖅ ᐅᐊᑲᐃᑎᐊᑦᓴᔭᐃᑦ (Orkadians) ᓯᐊᑦᓚᒥᐅᓪᓗ ᐊᖁᑎᑦᓯᐊᕙᐅᓐᓂᕆᐊᖏᓐᓂᑦᑕᐅᖅ. ᐃᐳᒋᐊᓕᒻᒥ ᐅᒥᐊᕐᒥᒃ, ᐊᓄᕆᔪᐊᓘᒐᓗᐊᖅᐸᑦ ᓴᙱᔪᒥᒃ, ᐊᓂᒎᑎᒍᓐᓇᐸᑦᑐᕕᓃᑦ ᐊᖅᑯᓇᖅᑐᐊᓘᒐᓗᐊᖅᐸᑦ.

    ᐊᒥᓲᓗᐊᙱᑦᑐᓂᒃ ᐃᓄᒃᑕᖃᖅᑐᒃᓴᐅᕗᖅ ᐃᓗᕕᖅᑕᐅᓯᒪᔪᓂᒃ ᑕᒫᓂ ᐃᓗᕕᖃᕐᕕᒻᒥ. ᐊᐱᖅᑯᑎ ᑕᕝᕙ ᖃᓄᕐᓕ ᖃᐅᔨᒐᒃᓴᐅᒐᔭᕐᒪᑕ. ᐊᕙᑏᑦ ᐊᕐᕌᒍᐃᑦ ᐊᓂᒍᖅᓯᒪᓕᖅᑐᓂ ᐊᓪᓚᕝᕕᓕᐊᖅᑐᖃᓚᐅᖅᓯᒪᔪᖅ, ᓇᓂᓯᒐᓱᐊᖅᑐᒥᒃ ᐃᓚᒥᓂᒃ. ᐃᓄᐃᑦ ᐱᐅᔪᐊᓗᒻᒥᒃ ᐱᖅᑯᓯᖃᕐᒥᒻᒪᑕ ᑐᙵᓇᕐᓂᕐᒥᒃ ᐃᓅᖃᑎᒥᓐᓄᑦ. ᑐᙵᓱᑦᑎᑦᓯᕙᑦᑐᒥᓃᑦ ᑖᒃᑯᓇᙵᑦ [ᓯᑳᑦᓯᓂᒃ] ᐅᒥᐊᖅᑐᖅᑎᓂᒃ, ᐅᑮᓕᖅᑭᑦᑖᔪᓂᒃ ᐊᔪᖅᓯᐸᑦᑐᓂᓪᓗ ᐊᐳᒻᒥ, ᐃᓂᖃᖅᑎᑦᓱᓂᒋᑦ ᓇᔪᕐᓂᐊᖅᑕᖏᓐᓂᒃ ᑐᙵᓱᑦᑎᑦᓱᒋᓪᓗ. ᕿᑐᕐᖓᖅᑖᖅᑐᖃᖃᑦᑕᖅᓯᒪᓚᕿᔪᖅ ᑕᒪᓐᓇᐅᓂᖓᓄᑦ. ᐊᓱᐃᓪᓛᒃ ᑕᒪᒃᑯᐊ ᕿᑐᕐᖓᕆᔭᐅᔪᑦ ᐃᕐᖑᑕᕆᔭᐅᔪᓪᓗ ᑕᒪᐅᙵᖃᑦᑕᖅᓯᒪᔪᑦ ᑐᙵᓱᑦᑎᑕᐅᓂᐊᕐᓂᒥᓐᓂᒃ ᓂᕆᐅᓪᓗᑎᒃ. ᐅᒡᒍᓇᖅᑐᖅ, ᑐᙵᓱᑦᑎᑕᐅᖏᓐᓂᖓᓐ. ᑐᑭᓯᐊᓂᖅᑕᖃᖃᑦᑕᖅᓯᒪᙱᒻᒪᓐ ᓯᕗᓕᖏᓐ ᑲᒪᒋᔭᐅᑦᓯᐊᖃᑦᑕᖅᓯᒪᒋᐊᖏᑕ ᐃᑮᓇᖅᑐᐊᓗᒻᒥ ᐅᑭᐅᒥ. ᑕᒻᒪᖅᑐᖃᕐᓂᖓᓄᑦ ᑭᓯᐊᓂ ᓯᑳᑦᓰᑦ ᒐᕙᖏᑕ ᐊᐅᓚᔾᔪᓯᖓᑎᒍᑦ. ᐃᓱᒪᔪᖃᙱᑐᕐᓘᓐᓃᑦ ᓯᕗᓕᖏᑦ ᓇᓪᓕᒋᔭᐅᓐᓂᕆᐊᖏᑦ ᑲᒪᒋᔭᐅᑦᓯᐊᕐᓂᕆᐊᖏᓪᓗ ᐃᓂᖃᖅᑎᑕᐅᖃᑦᑕᕐᓂᖏᓐᓂᓪᓗ ᐊᖏᕐᕋᖃᖅᑎᑕᐅᑦᓱᑎᒃ ᐃᑮᓇᖅᑐᐊᓗᒻᒥ ᐅᑭᐅᒥ.

    ᓯᑳᑦᓚᓐ ᐱᖃᑎᒋᓪᓗᒍ ᐄᔭᓐ ᐸᓕᐊᑦ, ᑕᓐᑎᐅᑉ ᓄᓇᓕᐸᐅᔭᖓᑕ ᐅᐊᑦ

    ᐄᔭᓐ ᐸᓕᐊᑦ ᐅᓂᒃᑳᓕᒃ ᓇᓗᓇᐃᖅᑐᐃᓗᐊᕋᓂ ᑕᓐᑎᐅᑉ ᓄᓇᓕᐸᐅᔭᖓᑕ ᓯᕗᓂᕆᓯᒪᔭᖏᓐᓂᒃ ᓄᓇᕐᔪᐊᒥᐅᓕᒫᓄᑦ ᑐᓚᑦᑕᕕᔾᔪᐊᖑᓪᓗᓂ. ᐊᖅᕕᓂᐊᕐᓂᖅ ᐃᓚᒋᔭᐅᔪᒥᓂᖅ ᐱᒻᒪᕆᐅᖃᑕᐅᓪᓗᓂ ᑖᔅᓱᒪ ᖃᑭᒪᓂᒥᓂᖓᓄᑦ, ᐱᓗᐊᖅᑐᒥᒃ 1800 ᐊᕐᕌᒍᐃᑦ ᐃᓱᓕᑉᐸᓪᓕᐊᓕᖅᑎᓪᓗᒋᑦ ᑕᐃᒃᑯᐊ ᖃᓪᓗᓈᖅᑕᓕᐅᖅᑎᖏᑦ ᐊᖅᕕᐅᑉ ᐅᖅᓱᖓᓂᒃ ᐃᓚᓕᐅᔾᔨᒋᐊᖃᖃᑦᑕᑎᓪᓗᒋᑦ ᖃᓪᓗᓈᖅᑕᔅᓴᒧᓐ ᐱᕈᖅᑐᒥᓂᕐᒧᓐ. ᐄᔭᓐ ᐸᓕᐊᑦ ᓇᓗᓇᐃᖅᑐᐃᔪᖅ ᖃᓄᖅ ᐃᓄᐃᑦ ᑐᓐᖓᓇᖅᐸᓂᕐᒪᖔᑕ ᓯᒃᑳᑦᑎᓄᑦ ᐊᔪᓕᖅᓯᒪᔪᓄᑦ ᑖᕙᓂ ᐅᑭᐅᖅᑕᖅᑐᒥ.

  • ᓯᑳᑦᓚᓐ ᐱᐅᓇ ᕆᑎᐊᓪ, ᐊᖏᔪᖅᑳᑉ ᑐᖏᓕᖓ ᐋᕙᑦᓈᑦ ᑕᑯᔭᒐᖃᖅᕕᖓ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᐊᑎᕋ ᕕᐅᓇ ᕆᑎᐅᓪ. ᐱᑐᖃᓕᕆᔨᒧᑦ ᐃᑲᔪᖅᑎᐅᔪᖓ Arbuthnot ᑕᑯᑦᓱᒐᖃᕐᕕᒻᒥ ᐲᑐᕼᐃᐊᑦᒥ (Peterhead) ᑕᕝᕙᓃᓕᖅᑐᖓ ᑕᓪᓕᒪᑲᓴᓐᓂᒃ ᐊᕐᕌᒍᓂᒃ. ᑐᓴᕈᒪᔪᐹᓘᔪᖓ ᐊᕐᕙᓐᓂᐊᓂᐅᕙᑦᑐᒥᓂᕐᒥᒃ ᑐᑭᑖᖅᑎᑦᓯᒐᓱᐊᕐᓂᒥᓪᓗ ᑲᑎᖅᓱᐃᓂᒃᑯᑦ ᐱᖅᑯᓯᑐᖃᕗᑦ ᐳᐃᒍᖅᑕᐅᓂᐊᙱᒻᒪᓐ.

    ᐲᑐᕼᐃᐊᑦ ᓴᓇᔭᐅᓂᑰᒻᒪᓐ ᐊᕐᕙᓂᐊᕐᓂᕐᒧᓐ. ᐅᖃᐅᓯᖅᑕᖃᕐᒥᔪᖅ ᐲᑐᕼᐃᐊᑦ ᓴᓇᔭᐅᓚᐅᕐᓂᕆᐊᖓ ᐊᕐᕕᐅᑉ ᐅᖅᓱᖓᓂᒃ ᐅᐊᑦᓯᔭᐅᓪᓗᓂᓗ ᐊᕐᕕᐅᑉ ᓴᐅᓂᒥᓂᖓᓄᓐ. ᐊᒃᓱᔪᐹᓘᓐᓂᕐᒪᓐ, ᐊᔪᖅᓴᓪᓚᕆᑦᓱᓂ ᓄᓇᓕᒃ, ᐃᖃᓗᒐᓱᐊᕐᓂᒃᑯᑦ. ᐃᓄᐃᓐ ᐅᒥᐊᓪᓚᑐᖃᐅᖅᑎᓪᓗᒋᑦ ᒥᑭᔫᑎᓂᒃ ᐊᐅᓪᓚᕈᑎᖃᖅᐸᑦᓱᑎᒃ, ᐃᓅᓇᓱᐊᕈᑎᑦᓴᓕᐅᕐᕕᖃᕋᑎᒃ. ᑎᑭᑎᑦᓯᕙᔪᔪᖑᑦ ᐊᕐᕕᐅᕐ ᐅᖅᓱᖓᓂᒃ ᐱᒋᐊᕈᑎᒋᓪᓗᒍ, ᖃᐅᔨᓕᑕᐅᓐᓇᖅᓱᑕᓗ ᑮᓇᐅᔭᓕᐅᕐᓇᓂᖅᓴᐅᒋᐊᖓᓂᒃ ᓇᒻᒥᓂᖅ ᐊᐃᓗᒍ, ᑕᐃᒪᐃᓐᓂᖓᓄᓐ 1788−ᖑᑎᓪᓗᒍ, ᐅᒥᐊᓪᓚᓱᕈᓗᒃ, ᕌᐳᒻᒥᒃ (Robert) ᐊᑎᓕᒃ, ᐊᐅᓪᓚᓯᓚᐅᖅᓯᒪᔪᖅ ᐲᑐᕼᐃᐊᑦᒥᓐ (Peterhead) ᐊᕐᕙᓐᓂᐊᕆᐊᖅᑐᓯᑦᓱᓂ.

    ᑮᓇᐅᔭᓕᐅᓚᐅᖅᓯᒪᑎᑦᑐᑦ ᐊᕐᕌᒍᓂ ᖁᓕᓪᓗ ᒪᕐᕈᓪᓗᒐᓚᓐᓂᒃ. ᑐᑭᑖᖅᑐᒥᓃᑦ ᑲᔪᓯᑦᓯᐊᖏᓐᓂᖃᕆᐊᖓᓂᒃ. ᑲᒪᔨᖃᖅᑎᑕᐅᓪᓗᓂ ᐃᙵᓚᒥᐅᒥᒃ ᐊᖑᒻᒥᒃ, ᑕᐃᒪᐃᓐᓂᖓᓄᓐ ᐱᓇᓱᐊᒐᕆᑦᓯᐊᕐᓂᖏᑦᑕᖓᓐ ᐱᕙᓪᓕᐊᑎᓪᓗᓂᐅᒃ ᐲᑐᕼᐃᐊᑦ. ᐳᐃᒍᑐᐃᓐᓇᕈᒪᓕᖅᑕᒥᓂᖓ ᑕᒪᓐᓇ. ᑐᑭᑖᕈᑎᖃᓕᕐᓂᕐᒥᒐᒥᒃ ᓯᑳᑦᓯᓂᒃ ᑲᒪᔨᖃᖅᑎᒍᒪᓪᓗᓂᐅᒃ ᐲᑐᕼᐃᑦᒦᙶᖅᓯᒪᔪᓂᒃ, ᑕᐃᒪᐃᓐᓂᖅᓱᑎᓪᓗ. ᐅᓯᑲᑦᑕᐅᑎᐅᓂᐊᕐᓗᓂ ᑮᓇᐅᔭᓕᐅᕈᑕᐅᒍᓐᓇᖅᑐᓂᒃ ᓂᐅᕕᐊᑦᓴᑦᓴᓂᒃ ᐅᒥᐊᕐᒥᒃ ᐅᑎᕈᔾᔨᔪᒥᓃᑦ.

    ᑭᖑᒧᑦ ᐃᓱᒪᒍᓐᓃᖅᑐᒥᓃᑦ ᑕᒪᑐᒪ ᑐᖔᓂ. ᐊᒥᓱᑦ ᐃᓚᕙᓪᓕᐊᑐᐃᓐᓇᖅᓱᑎᒃ ᐱᓕᕆᖃᑕᐅᓕᖅᓱᑎᒃ ᑕᒪᒃᓱᒪᙵᓐ. ᐅᒥᐊᖅ ᕌᐳᑦ ᐃᓇᖏᖅᑕᐅᓪᓗᓂ ᕼᐆᑉᒧᓐ (Hope) ᖃᐅᔨᒪᔭᐅᑦᓯᐊᖅᑐᖅ ᐅᒥᐊᕐᔪᐊᖅ. ᑕᐃᑲᙵᓐ ᐱᖏᐊᖅᓱᓂ, ᐊᒻᒪᓗ ᐲᑐᕼᐃᐊᑦ [Peterhead] ᓯᕗᓕᖅᐸᓪᓕᐊᓂᖓ ᐊᖏᓪᓕᕙᓪᓕᐊᑐᐃᓐᓇᓕᖅᓱᓂ ᑐᓚᑦᑕᕐᕕᖃᕐᓂᕐᒥᒃ ᐊᕐᕙᓂᐊᕈᑕᐅᕙᑦᑐᓄᑦ ᐅᒥᐊᓄᑦ ᑕᐃᒃᓱᒨᓇ. ᐲᑐᕼᐃᐊᑦ ᑭᖑᒧᑦ ᕿᕕᐊᒃᑲᓐᓂᓚᐅᖅᓯᒪᙱᑦᑐᖅ ᑐᖔᒍᑦ.

    ᐊᖏᓂᖅᐸᐅᓚᐅᖅᓯᔪᖅ ᑕᒫᓂᒐᓚᖃᐃ 1850−ᖏᓐᓂ ᐊᑦᕌᒍᐃᑦ, ᑭᖑᓂᖓᒍᓪᓗ, ᐊᓯᐅᕙᓪᓕᐊᓕᓯᑦᓱᓂ. ᐃᖃᓗᕋᓚᐅᑎᓂᒃ ᐃᖃᓗᓕᕆᓂᖅ ᐱᓇᓱᐊᒐᐅᓕᖅᓱᓂ. ᑭᖑᓂᖓᒍᑦ ᑕᒪᒃᓱᒪ, ᑐᑭᑖᕈᑎᖃᓕᕐᓂᒥᒻᒪᑕ ᐊᑦᑕᓇᖏᓂᖅᓴᐅᒋᐊᖓ ᐅᒥᐊᓪᓚᑐᑰᖃᑦᑕᕐᓗᓂ, ᕿᒪᐅᒪᑦᓯᑯᑖᖏᓂᖅᓴᐅᖃᑦᑕᓂᐊᕐᓂᒥᓐᓂᓪᓗ ᑕᖅᑭᕋᓴᓂᒃ ᐃᓚᒥᓐᓂᒃ ᐊᑲᕆᓂᖅᓴᕆᑦᓱᒍ. ᑕᓐᑏᑎᑐᑐᐃᓐᓇᑦᓯᐊᖅ. ᐊᔪᕐᓇᖏᒻᒪᓐ ᑕᐃᑲᙵᕐᓗᓂ ᐊᐅᓪᓚᕿᐊᖅ.

    ᐅᒥᐊᖅ ᕌᐳᑦ ᐃᖏᕐᕋᓚᐅᖅᓯᒪᔪᖅ ᑕᐃᔭᑦᑎᓐᓄᑦ ᑯᑦᓯᑦᑐᒥᐅᓄᑦ ᐅᑭᐅᖅᑕᖅᑐᒧᓐ, ᕿᑭᖅᑖᓘᑉ ᐊᑯᑭᑦᑑᓪᓗ ᑲᓛᖡᑦ ᓄᓈᑕ ᐃᑭᕋᓴᖓᓄᑦ ᕿᑭᖅᑖᓘᒻᒧᓪᓗ. ᐊᕝᕙᖏᑕ ᐊᕝᕙᐃᓐᓇᕈᓗᖏᓐᓂᒃ ᐅᒥᐊᕐᒦᑦᑐᓂᒃ ᐃᓚᖃᓯᑦᓱᑎᒃ ᑕᒫᙶᖅᑐᓂᒃ, ᑕᕝᕙᖓᑦ ᐲᑐᕼᐃᐊᑦᒥᒃ. ᓘᕕᒃᓕᐊᖅᓱᑎᒃ [Lerwick] ᐃᓚᒃᑲᓂᖅᓱᑎᓪᓗ ᐊᕝᕙᖏᑕ ᐊᕝᕙᖏᓐᓂᒃ, ᑖᓐᓇ ᐅᒥᐊᖅ ᕌᐳᑦ [the Robert] ᖁᑦᓯᖅᑐᓕᐊᖅᑐᒥᓂᖅ ᖃᐅᔨᒪᓐᓂᕋᒥᒃ ᐊᕐᕙᓐᓂᐊᕈᒪᔭᓂ ᑕᒫᓃᒋᐊᖏᓐᓂᒃ. ᑕᐃᒃᑯᐊ ᐊᕐᕙᓐᓂᐊᐸᓐᓂᕋᒥᒋᓐ. ᑕᐃᔭᐅᕙᑦᑐᒥᓃᑦ ᑕᒃᑯᐊᓪᓗᐊᑦ ᐊᕐᕖᑦ ᐱᔾᔪᑎᒋᓪᓗᒍ ᑖᒃᑯᐊᓪᓗᐊᖑᓂᖏᓐᓄ ᐊᕐᕙᒐᓱᐊᕐᓗᒋᑦ. ᓱᒃᑲᐃᑦᑐᒥᒃ ᐊᐅᓚᕙᔪᒻᒪᑕ, ᓇᐅᓕᑦᑕᐅᓯᒪᓕᕋᒥᓪᓗ ᑐᖁᕙᔪᒻᒪᑕ, ᐳᑦᑕᓕᖅᓱᑎᒃ. ᑭᕕᒐᑎᒃ. ᓇᓗᓇᙱᓚᖅ ᐊᔪᕐᓇᖏᓐᓂᖅᓴᐅᕙᓐᓂᕆᐊᖏᑦ ᐅᓯᓕᐅᑎᓗᒋᓐ.

    ᐊᒥᓲᓗᐊᙱᑦᑐᓂᒃ ᐅᒥᐊᓕᐅᖅᑎᑕᖃᖅᐸᔪᔪᖅ ᑕᒫᓂ, ᐅᒥᔾᔨᐅᖅᑐᑦ ᐊᕐᕙᓂᐊᖅᑎᓄᑦ ᐅᒥᐊᖑᓂᐊᖅᑐᓂᒃ. ᓴᓇᕕᐅᕙᓐᓂᐊᖅᑐᒥᒃ ᐊᖅᑭᑦᓯᕕᐅᓯᒪᓪᓗᓂᑦᑕᐅᖅ ᕿᔪᓕᕆᕕᒻᒥᒃ, ᓴᓇᔩᑦ ᐃᑭᖃᑕᐅᓪᓗᑎᒃ ᐊᕐᕕᓂᐊᖅᑏᑦ ᐅᒥᐊᖏᓐᓄᓐ ᓴᓇᖃᓯᐅᑎᖃᑦᑕᕐᓂᐊᕐᓗᑎᑦᑕᐅᖅ ᐴᒃᓴᓂᒃ ᖃᑦᑕᐅᔭᓂᒃ ᐅᖅᓱᒃᑯᕕᐅᓂᐊᖅᑐᓂᒃ ᓄᓇᓕᒻᒥᓅᕈᑎᔭᒃᓴᒥᓐᓂᒃ. ᓴᓇᓯᒪᔪᓂᒃ ᑕᐅᖅᓰᖃᑦᑕᕐᓂᖅ ᐱᒻᒪᕆᐅᑎᑕᐅᖃᓯᐅᑎᔪᐹᓘᓚᐅᖅᓯᒪᓐᓂᒥᒻᒪᓐ. ᖃᑦᑕᐅᔭᐃᑦ ᓴᓇᕙᑦᓱᓂᔾᔪᒃ ᐊᐅᓪᓚᖏᓐᓂᕐᒥᓐᓂ, ᐅᓯᓕᖅᑐᓯᐊᖅᓱᒋᑦ, ᐃᓗᓪᓕᖅᑐᐸᓪᓕᐊᑦᓱᒋᓪᓗ ᐊᖅᑯᓵᖅᑕᒥᓐᓂᒃ. ᑭᓯᐊᓂ ᓴᓇᔨᓂᒃ ᐃᓚᐅᑎᑦᓯᕙᑦᓱᑎᒃ ᖃᑦᑕᐅᔭᐃᑦ ᖃᓄᐃᓕᙵᑕᓐᓂᖅᐸᑕ ᐋᖅᑭᑦᓱᐃᒍᓐᓇᕐᒪᑕ.

    ᑖᒃᑯᐊ ᐃᓚᒋᑦ ᒍᕋᐃᒃᑯᑦ (Grays) ᐃᓄᓐᓂᒃ ᐃᓚᖏᓐᓂᒃ ᐊᖏᕐᕋᐅᔾᔨᔪᒥᓃᑦ. ᐃᓪᓗᒥᐅᖃᑎᒋᑦᓱᓂᒋᑦ. ᑕᑯᕙᓪᓛᔭᐅᕙᑦᑐᕕᓃᑦ ᓄᓇᓕᒻᒥ. ᐲᑐᕼᐃᐊᑦ ᓄᓇᓕᓪᓚᑑᓚᐅᖅᓯᒪᒻᒪᓐ. ᐃᓄᐃᑦ ᑕᒫᓃᖏᓐᓇᖅᓱᑎᒃ ᓅᓚᐅᖅᓯᒪᒐᑎᒃ ᐲᑐᕼᐃᐊᑦᒥᒃ. ᐃᖅᑲᓇᐃᔭᖅᓱᑎᒃ ᐱᓕᕆᔪᒻᒪᕆᐅᓪᓗᑎᒃ ᐃᓅᓇᓱᐊᕈᑎᑦᓴᓕᐅᖅᓱᑎᓪᓗ. ᑕᐃᒪᐃᓐᓂᖓᓄᑦ ᑖᒃᑯᐊ ᑎᑭᕋᑖᑦ ᑕᑯᔭᕆᐅᖅᑕᐅᓚᐅᖅᓯᒪᔪᑦ ᑖᒃᑯᓄᖓ ᑕᑯᓐᓇᕈᒥᓇᕆᔭᐅᓪᓗᑎᓪᓗ. [ᐲᑐᕼᐃᐊᑦᒥ] ᑕᓚᕖᓴᖅᑕᖃᓚᐅᖅᓯᒪᙱᑦᑐᖅ, ᐸᐃᑉᐹᖅᑕᖃᓗᐊᕋᓂᓘᓐᓃᑦ. ᐊᒥᓱᐊᓗᐃᑦ [ᐲᑐᕼᐃᐊᑦᒥᐅᑦ] ᐅᖃᓕᒫᕈᓐᓇᓂᖏᒻᒪᑕ. ᐅᒡᒍᓇᖅᑑᒐᓗᐊᖅ ᑕᐃᒃᑯᐊ [ᐃᓄᐃᓐ] ᑐᖁᓚᐅᖅᓯᒪᓐᓂᕐᒪᑕ ᑕᒫᓂ ᖃᓂᒪᓐᓇᖅᑐᒧᓐ ᖃᓂᒪᓐᓇᖃᕈᑎᒋᓚᐅᖅᓯᒪᔭᑦᑎᓐᓄᓐ, ᓄᕙᓐᓃᑦ ᐊᓯᖏᓪᓗ ᐊᓂᒍᕈᓐᓇᖅᓯᒪᔭᕗᓐ. ᑭᓯᐊᓂ ᐃᓄᐃᑦ ᑕᒪᒃᓱᒥᖓ ᖃᓂᒪᓐᓇᓂᒃ ᐱᔪᓐᓃᕈᓐᓇᓂᖏᒻᒪᑕ. ᐃᓗᕕᖅᑕᐅᓯᒪᔪᓐ ᐲᑐᕼᐃᐊᑦ ᐃᓗᕕᖃᕐᕕᖓᓂ. ᖃᐅᔨᓯᒪᔪᖓ ᐃᓚᖏᓐ Balmoral-ᒨᕐᓂᕆᐊᖏᓐᓂᒃ ᑲᑎᓯᔭᖅᑐᖅᓱᑎᒃ ᑯᐃ ᕕᒃᑐᐊᕆᔭᒥᒃ. ᐲᑐᕼᐃᑦᒥᐅᒥᓂᐅᒻᒪᖔᑕᓘᓐᓃᑦ, ᐅᖃᐅᓯᕆᓪᓚᕆᒍᓐᓇᖏᑦᑕᒃᑲ, ᑭᓯᐊᓂ ᑯᐃ ᕕᒃᑐᐊᕆᔭ ᑲᑎᓯᔪᒥᓂᖅ ᐃᓚᖏᓐᓂᒃ.

    ᐅᒥᐊᕐᔪᐊᖅ ᐋᒃᑎᕝᒥᒃ (Active) ᐊᑎᓕᒃ ᓴᓇᔭᐅᓚᐅᖅᓯᒪᔪᖅ ᑕᒫᓂ. ᐊᒥᐊᓕᑦᑕᐃᑦ ᖃᐅᔨᒐᒥᒃ ᐃᖓᓚᒥᐅᑦ ᐊᑐᖅᑎᑦᓯᓗᐊᙱᒋᐊᖏᓐᓂᒃ ᐅᒥᐊᕐᔪᐊᕐᒥᒃ [ᐊᕐᕕᕐᓂᐊᖅᑎᓄᑦ ᐅᒥᐊᖅ] ᑐᑭᑖᕐᓂᓚᐅᖅᓯᒪᔪᑦ ᐋᓕᒃᓵᓐᑐ ᒋᐅᕆᒥᒃ (Alexander Geary) ᐅᒥᐊᓕᑦᑕᐅᖁᔨᓪᓗᑎᒃ (ᐅᒥᐊᓕᑦᑕᐅᖃᓯᐅᑎᔪᒥᓂᖅ ᕌᐳᑦ ᐅᒥᐊᕐᒥ ᐊᕐᕌᒍᒐᓴᓐᓂᒃ) ᑳᐱᑕᐃᕆᒍᒪᓪᓗᓂᐅᒃ, ᑲᔪᓯᓂᖃᑦᓯᐊᖅᑐᐹᓘᓚᐅᖅᓯᒪᓪᓗᓂᓗ ᑳᐱᑕᐃᕆᔭᐅᓪᓗᓂ.

    ᕌᐳᑦ ᒥᑭᓗᐊᓕᕐᒪᓐ, ᓴᓇᓚᐅᖅᓯᒪᔪᑦ ᕼᐆᑉᒥᒃ (Hope) ᖃᐅᔨᒪᔭᐅᑦᓯᐊᖅᓱᓂ ᑖᓐᓇ ᐊᕐᕙᓂᐊᖅᑎᓄᑦ ᐅᒥᐊᕐᔪᐊᖅ. ᐃᖏᕐᕋᑦᓯᐊᕐᓂᖃᓚᐅᖅᓯᒪᔪᖅ ᑖᓐᓇ. ᑕᐃᒃᓱᒨᓇ ᐱᒋᐊᓚᐅᖅᓯᒪᕗᖅ. ᕼᐆᑉ II (Hope II) ᐊᕐᕙᓂᐊᖅᑎᓄᑦ ᐅᒥᐊᕆᔭᐅᓕᕐᒥᑦᓱᓂ ᐊᒻᒪᓗ ᐊᔪᐃᓐᓇᖅᑐᒥᒃ (Perseverance) ᑕᐃᔭ, ᑕᒪᐅᖓᓕᒫᖅ Windward−ᒧᑦ ᓴᓇᔭᐅᓚᐅᖅᓯᒪᔪᖅ 1890−ᐅᑎᓪᓗᒍ. ᑭᖑᓪᓕᐹᕆᓚᐅᖅᓯᒪᔭᕗᑦ ᐅᒥᐊᕐᔪᐊᕆᓪᓗᑎᒍ, ᐊᖁᑕᐅᕙᓚᐅᖅᓯᒪᒻᒥᔪᖅᑕᐅᖅ (Grays) ᒐᕋᐃᔅᑯᓐᓄᑦ. ᑖᒃᑯᐊ ᒍᕋᐃᔅᑯᑦ ᐃᓚᒌᑦ ᐊᐅᓚᑦᓯᔨᐅᓚᐅᖅᓯᒪᒻᒪᑕ ᑕᒫᓂ. ᒍᕋᐃᔅᑯᑦ ᐃᓚᖓ ᑭᖑᓪᓕᐹᖅ ᑐᖁᒻᒪᓐ, ᐊᕐᕕᓂᐊᕐᓂᖅ ᑐᖁᖃᓯᐅᑎᓚᐅᖅᓯᒪᔪᖅ. ᐃᓅᓯᖃᕐᓂᖅ ᐲᑐᕼᐃᐊᑦᒥ ᑕᒪᒃᓱᒧᖓ ᖃᒥᖃᓯᐅᑎᓚᐅᖅᓯᒪᔪᖅ. ᑭᓯᐊᓂ ᐃᖃᓗᓪᓚᑐᓂᒃ ᐃᖃᓗᒐᓱᐊᕐᓂᖅ ᐱᒋᐊᓕᓚᐅᖅᓯᒪᔪᖅ.

    ᑕᓐᑏ ᓂᐅᕕᐊᐱᓚᐅᖅᓯᒪᔭᖏᑦ ᐃᓘᓐᓇᒐᓚᑎᒃ ᐅᒥᐊᑦ ᐱᔾᔪᑎᒋᓪᓗᒍ ᓴᙱᔫᓪᓗᑎᒃ ᓴᓇᔭᐅᓯᒪᓂᖏᓐᓄᓐ. ᓴᕕᕋᔭᓐᓂ ᐅᒥᐊᕐᔪᐊᓂᒃ ᐱᖃᓕᓚᐅᖅᓯᒪᒻᒥᔪᒍᓐ. ᐅᑭᐅᖅᑕᖅᑐᒦᓪᓗᓂ, ᑐᑭᑖᕈᑕᐅᓚᐅᖅᓯᒪᒻᒪᓐ ᓴᕕᕋᔭᒃ ᐊᑲᐅᒋᔭᐅᓪᓗᓂ, ᐊᐅᓚᑕᐅᔫᒃ ᖃᓛᖅᑐᒧᓐ ᓴᕕᕋᔭᐅᓪᓗᑎᓪᓗ. ᒪᕐᕉᓚᐅᖅᓯᒪᔫᒃ [ᓴᕕᕋᔮᒃ] ᐅᒥᐊᕐᔪᐊᒃ ᓴᓇᔮᒃ, ᐊᑎᓕᒃ Empress−ᖓᑦ ᐊᓪᓚᐃᑦ ᐃᓄᐃᓪᓗ. ᓴᕕᕋᔭᐃᓐᓇᐅᓚᐅᖅᓯᒪᔫᒃ ᑕᒪᑮᒃ ᐅᒥᐊᕐᔪᐊᒃ, ᑭᕕᔪᒥᓂᐅᓪᓗᑎᓪᓗ ᑕᒪᒃᑮᒃ ᐃᖏᕐᕋᑦᓱᑎᒃ ᐅᐸᑦᑕᒥᓐᓄᑦ ᓯᑯᓯᐅᓗᐊᕐᓂᑯᒥᓐᓄᑦ. ᐃᕗᔭᐅᓪᓗᑎᒃ. ᕿᔪᒃ ᓇᐹᖅᑐᔭ ᐊᐅᓚᔾᔭᒃᓴᕋᐃᑦᑎᓪᓗᒍ, ᓴᕕᕋᔭᒃ ᑕᐃᒪᐃᑦᑑᓐᓂᖏᒻᒪᓐ. ᓄᑎᒃᑲᒥᒃ ᑭᕕᔪᒥᓃᒃ. ᑕᐃᒃᑯᑐᐊᒃ ᓴᓇᔭᐅᓚᐅᖅᓯᒪᔪᒥᓃᒃ ᐊᓯᔾᔨᕋᑎᒃ.

    ᖃᓛᖅᑐᒧᑦ ᐊᐅᓚᑕᐅᔪᒥᒃ ᐅᒥᐊᖃᕈᒪᓕᕐᓂᕐᒪᑕ ᑖᒃᑯᐊ, ᓯᑯᓯᐅᕈᓐᓇᕐᕈᒪᓪᓗᑎᒃ, ᖃᓛᖅᑐᒧᑦ ᐊᐅᓚᑕᐅᔪᓂᒃ ᐊᐅᓚᐅᑎᓕᓐᓂᒃ ᐊᐅᓚᑎᑦᓯᓚᐅᖅᓯᒪᔪᑦ, ᐅᒥᐊᕐᔪᐊᓄᓪᓗ ᐋᖅᑭᑦᓱᒋᑦ. ᐊᕐᕕᓂᐊᕐᓇᕈᓐᓃᕋᐃᒻᒪᓐ ᓴᓇᔭᐅᒋᐊᖅᐸᑦᓱᑎᒃ ᐊᑐᐃᓐᓇᐅᓛᕐᒪᑕ ᐊᕐᕕᓂᐊᕐᓇᓯᒻᒥᑉᐸᑦ. ᐊᒥᓱᐃᑦ ᐊᕐᕌᒍᓕᖅᑭᐅᔭᐅᕙᓚᐅᖅᓯᒪᔪᑦ ᒪᕐᕉᓐᓄᑦ ᐊᕐᕕᓂᐊᕐᓈᓐᓄᓐ ᐊᑐᕈᓐᓇᖅᐸᒃᓱᑎᒃ. ᓇᑦᓯᓂᐊᕐᓂᒨᓕᓚᐅᖅᓯᒪᒻᒥᔪᓐ, ᐊᑯᓐᓂᖏᓐᓂ ᕕᐅᓪᓕᐊᓕᐅᑉ ᒪᐃᓪᓗ, ᐊᓱᐃᓪᓛᒃ ᐊᕐᕕᓂᐊᕐᓇᕐᒧᑦ, ᒫᑦᓯᒥ ᐱᒋᐊᕋᒥ ᓯᑦᑕᔾᕙᒧᑦ ᐋᒃᑑᕝᕙᒧᑦ ᑎᑭᑦᓱᒍ. ᐅᑎᕆᐊᖃᖃᑦᑕᓚᐅᖅᓯᒪᒻᒪᑕ ᓯᒃᑯᔾᔭᐅᖏᓐᓂᖏᓐᓂ. ᐊᔪᕐᓇᕐᒪᓐ ᐃᓚᖏᑦ ᓯᒃᑯᔾᔭᐅᕙᓚᐅᖅᓯᒪᔪᓐ ᐃᓛᓐᓂᒃᑯᑦ ᓱᕋᑦᑕᐅᒃᓱᑎᒃ.

    ᐊᒥᓱᑦ ᑕᐃᒪᐃᑦᑑᕙᓚᐅᖅᓯᒪᔪᑦ [ᐊᕐᕕᓂᐊᖅᑏᑦ ᑯᔭᒃᐸᑦᓱᑎᒃ] ᐃᓄᓐᓂᒃ ᐊᖑᑏᑦ ᐊᑯᓂᐅᓗᐊᖅᑐᖅ ᐊᕗᓯᒪᓂᕐᒧᓐ ᐊᖏᕐᕋᒥᓐᓂᒃ. ᐃᓄᐃᑦ ᓄᓕᐊᒥᓐᓂᒃ ᐊᑐᖅᑕᐅᑎᒃᓯᕙᑦᑐᕕᓃᑦ ᑐᙵᓇᖅᓱᑎᒃ. ᐊᒥᓱᐊᓗᐃᑦ ᐱᐊᕋᐃᑦ ᐃᓅᓕᖅᑐᒥᓃᑦ, ᑭᓯᐊᓂ ᑖᒃᑯᐊ ᕿᑐᕐᖓᕆᔭᐅᔪᓐ, ᖃᐅᔨᒪᓇᖅᐸᔪᔪᑦ ᐃᓄᓪᓚᕆᐅᙱᑦᑐᑦ, ᓇᓗᓇᖅᐸᔪᙱᑦᑐᑦ ᐊᐅᖃᕆᐊᖏᓐᓂᒃ ᐅᐊᕗᑎᒌᒥᒃ ᖃᓪᓗᓈᑉ ᐃᓅᓪᓗ ᐊᐅᖓᓂᒃ. ᐊᒥᓱᐊᓗᐃᑦ ᐃᓄᐃᑦ ᐅᖃᐅᓯᕆᕙᔪᔭᖏᓐ ᐲᑐᕼᐃᐊᑦᓴᔭᐅᒋᐊᖏᓐᓂᒃ ᑮᓇᖏᓐ ᖃᐅᔨᒪᒐᒥᓪᓕ ᐃᓄᓪᓚᕆᐅᓂᕐᒥᓐᓂᒃ. ᑭᓯᐊᓂ ᐃᓚᑖᒍᑦᓯᐊᖅᐸᔪᔪᑦ ᐃᓄᓐᓄᓐ ᐃᓚᒌᓄᓐ. ᖃᐅᔨᒪᔭᒃᑯᓪᓕ, ᐱᑕᖃᖅᓚᐅᖅᓯᓚᔪᙱᑦᑐᖅ ᐃᒪᐃᓕᔪᒥᒃ "ᐋᒡᒐ, ᐃᓚᒋᖏᑕᑦᑎᒋᓐ." ᐃᓄᐃᑦ ᐃᓚᒋᓕᐅᑎᑐᐃᓐᓇᖅᐸᔪᔭᖏᓐ ᐃᓘᓐᓇᑎᒃ. ᐊᑖᑕᒥᓐᓂ ᑭᓯᐊᓂ ᑕᑯᕙᔪᔪᓐ ᐅᑎᕋᐃᒻᒪᑕ ᐃᖃᓗᒐᓱᐊᕆᐊᖅᑐᑲᓐᓂᓕᕋᐃᒻᒪᑕ.

    ᖃᑦᓯᑦ ᑖᒃᑯᓇᓂ ᐊᖑᑎᓂ ᐅᖃᐅᔾᔨᓯᒪᒻᒪᖔᑕ ᓄᓕᐊᒥᓐᓂ [ᑕᒪᒃᓱᒪ ᒥᒃᓵᓄᑦ] ᐅᑎᕋᐃᒐᒥᒃ ᐊᖏᕐᕋᒥᓐᓄᓐ ᑎᑎᕋᖅᑕᐅᓯᒪᙱᑦᑐᑦ. ᓇᒻᒥᓂᕐᓕ, ᐅᖃᐅᔾᔨᒐᔭᖅᑐᕆᙱᑕᒃᑲ. ᐅᖃᐅᓯᖓ What tha dinna ken das na herm ya [ᖃᐅᔨᒪᙱᑕᐃᑦ ᐋᓐᓂᖅᑕᐅᒍᑎᒋᔾᔮᙱᑕᐃᑦ] ᐊᒃᓱᓪᓕ, ᐅᑭᐅᖅᑕᖅᑐᒥ, ᖃᖑᓲᑕᐅᓚᐅᖅᓯᒪᙱᑦᑐᖅ ᑕᒪᓐᓇ. ᐃᓄᑦᓯᐊᕚᓘᓚᐅᖅᓯᒪᔪᑦ, ᑭᓯᐊᓂ ᖃᐅᔨᒪᓇᕇᖅᑐᖅ ᑕᒪᓐᓇ...

    ᓯᑳᑦᓚᓐ ᐱᐅᓇ ᕆᑎᐊᓪ, ᐊᖏᔪᖅᑳᑉ ᑐᖏᓕᖓ ᐋᕙᑦᓈᑦ ᑕᑯᔭᒐᖃᖅᕕᖓ

    ᐱᐅᓇ ᕆᑎᐊᓪ, ᐊᖏᔪᖅᑳᑉ ᑐᖏᓕᖓ ᐲᑕᕼᐃᐊᑦᒥ ᐋᕙᑦᓈᑦ ᑕᑯᔭᒐᖃᖅᕕᖓᓂ, ᐅᓂᒃᑳᖄᕐᔪᑦᑐᖅ ᐱᖃᑕᐅᓂᒥᓂᖓᓂᒃ ᑖᔅᓱᒪ ᓄᓇᓕᕋᓛᖑᓂᖅᓴᐅᔫᑉ ᐅᐊᓐᓇᖅᐸᓯᖓᓃᑦᑑᑉ ᓯᑳᑦᑕᓚᓐᒥ ᑐᓚᑦᑕᖅᕕᐅᑉ ᐊᖅᕕᓂᐊᕐᓂᕐᒧᓐ ᑕᐃᒪᓐᖓᓂᑦ 1788ᒥᑦ. ᐃᖅᑲᐅᒪᑦᑎᔪᖅ ᐱᒻᒪᕆᐅᓂᒥᓂᖏᓐᓂᒃ ᐃᓄᐃᑦ ᐱᓕᕆᖃᑕᐅᓂᖏᑦ ᓯᒃᑳᑦᑎᒃᑯᑦ ᐊᖅᕕᓂᐊᖅᑎᖏᓐᓄᑦ ᐅᑭᐅᖅᑕᖅᑐᒦᖃᑦᑕᖅᑐᒥᓂᕐᓄᑦ ᑕᖅᑭᒐᓛᓗᓐᓂᒃ ᐃᓛᓐᓂᑯᓪᓗ ᐊᕐᕌᒍᒐᓛᓗᓐᓂᒃ ᐊᖏᕐᕋᖏᑦ ᐅᖓᓯᑦᑐᐊᓗᒻᒦᑦᑐᑎᒃ.

  • ᓯᑳᑦᓚᓐ ᐳᓛᕆᐊᖅᑐᑦ ᑎᔅᑲᕗᕆᒥᒃ ᐱᖃᑎᖃᖅᑐᑎᒃ ᐆᕈᓪ ᓯᑳᑦᒥᒃ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᑎᔅᑲᕗᕆ: ᐆᕈᓪ ᓯᑳᑦ

    ᐆᕈᓪ ᓯᑳᑦᖑᔪᖓ. ᕿᒥᕐᕈᐊᑎᑦᑎᔨᐅᔪᖓ ᐅᓂᒃᑳᑎᐅᓪᓗᖓ ᑎᔅᑲᕗᕆᒥ ᐊᒻᒪᓗ ᕿᒥᕐᕈᐊᑎᑦᑎᔨᐅᒻᒥᔪᖓ ᑕᕝᕙᓂ ᕗᑖᑦ ᕘᒃᔅᒥ. ᓇᑭᕈᓘᔮᓗᒻᒥᐅᑕᕐᓂᒃ ᓄᓇᕐᔪᐊᓕᒫᒥ ᕿᒥᕐᕈᐊᑎᑦᑎᕙᑦᑐᖓ ᐅᒥᐊᕐᔪᐊᑦᑎᐊᕚᓗᑦᑎᓐᓂᒃ, ᑖᓐᓇᐃᓛᒃ ᑕᑯᔭᒐᑦᑎᐊᕚᓗᒃ ᑕᓐᑎᐅᑉ ᓇᒥᕈᓘᔮᓗᒃ ᖃᐅᔨᒪᔭᐅᔾᔪᑎᒋᒻᒪᕆᑦᑕᖓ.

    ᑖᓐᓇᓕ ᐅᒥᐊᕐᔪᐊᖅ ᕼᐊᑦᓴᓐ ᕙᐃ ᑳᑉᐸᓂᒃᑯᓐᓄᑦ ᑲᓇᑕᒥ ᓂᐅᕕᐊᒥᓂᖅ 1905ᒥ ᐊᒻᒪᓗ ᐅᓯᑲᖅᑕᐅᑎᐅᓪᓗᓂ ᐊᑐᖅᑕᐅᕙᑦᑐᒥᓂᖅ. ᑲᓇᑕᒦᓐᖔᐸᑦᑐᒥᓂᖅ ᐅᓯᓪᓗᓂ ᕿᓯᖁᑎᖏᓐᓂᒃ ᐊᒥᖁᑎᖏᓐᓂᓪᓗ. ᐅᐃᕖᕐᔪᐊᑦ ᒐᕙᒪᒃᑯᖏᓐᓄᑦ ᐊᑐᖅᑐᐊᖅᑕᐅᓚᐅᖅᓯᒪᔪᖅ 1914ᒥ ᓄᓇᕐᔪᐊᕐᒥᐅᑦ ᐅᓇᑕᕕᔾᔪᐊᑎᓪᓗᒋᑦ ᓯᕗᓪᓕᖅᐹᒥᒃ ᐊᑐᖅᑕᒥᓂᐅᓪᓗᓂᓗ ᐅᓛᓵᒃᑯᑦ ᐃᒪᖁᑎᖓᓂ ᐹᓂᐊᓗᒃ. ᓴᓇᓯᒪᔪᖅ ᐊᖅᕕᒐᓲᑏᑦ ᐅᒥᐊᕐᔪᐊᑦ ᐊᔪᕆᑦᑕᐅᓪᓗᑎᒃ. ᑕᒪᓐᓇ ᐅᒥᐊᖅᑕᖓ ᑎᓴᒪᓂᒃ ᐊᔾᔨᒌᓪᖏᑦᑐᓂᒃ ᖃᓕᕇᓂᒃ ᕿᔪᑦᑕᓕᒃ.

    ᐅᓇ ᐅᑭᐅᖅ, ᐅᓇ ᐊᐅᔭ.

    ᖃᐅᔨᒪᓐᓂᖏᑦᑐᑦ ᑭᓱᓂᒃ ᓂᕆᐅᒋᐊᔅᓴᖅ ᓄᓇᕐᔪᐊᑉ ᐊᑖᓅᕈᑎᒃ, ᑭᓯᐊᓂᓕ ᐱᔾᔪᑎᒋᓪᓗᒍ ᑕᓐᑏ ᖃᐅᔨᒪᔭᒻᒪᕆᐊᓘᓐᓂᕐᖓᓐ ᐅᒥᐊᕐᔪᐊᓕᐅᖅᕕᐅᓂᖓᓄᑦ ᖃᐅᔨᒪᔭᒻᒪᕆᒥᓂᕐᓂᒃ ᐅᒥᐊᕐᔪᐊᓂᒃ ᐅᑭᐅᖅᑕᖅᑐᓕᐊᖅᐸᑦᑐᒥᓂᕐᓂᒃ, ᐃᓱᒪᓕᕐᓂᕐᖓᑕ 'ᐄᓛᒃ ᐱᐅᓂᖅᓴᐅᒐᔭᖅᐸᓪᓚᐅᔪᖅ ᐊᑐᕈᑦᑕ ᑕᓐᑏᒥᐅᑕᐃᑦ ᐅᒥᐊᕐᔪᐊᓕᐅᖅᑏᑦ ᖃᐅᔨᒪᓂᖏᓐᓂᒃ ᐅᒥᐊᕐᔪᐊᖏᓐᓂᓪᓗ ᐊᑐᖔᕐᓗᑕ, ᐊᑐᕋᓱᓐᖏᖔᕐᓗᑕ ᓴᕕᕋᔭᒻᒥᒃ ᐅᒥᐊᕐᔪᐊᒥᒃ ᐊᒻᒪᑐᐃᓐᓇᕆᐊᓕᒻᒥᒃ.'

    ᑕᐃᒪᓕ ᑭᖑᓪᓕᕐᒥ ᐸᕐᓇᑦᑐᒥᓃᑦ ᐹᓪᑲᓚᓐ ᕿᑭᖅᑕᖏᓐᓄᑦ, ᐊᖅᕕᒐᓱᓐᓂᕐᒥᒃ ᑭᓯᐊᓂ ᐱᔾᔪᑎᖃᖅᑐᑎᒃ. ᑕᐃᔅᓱᒪᓕᒥᓂᕐᓂ 1927ᒥ. ᑭᖑᓂᐊᒍᑦ ᐸᕐᓇᓂᕐᒥᔪᑦ ᐊᐅᓪᓚᖅᓯᒪᓂᐊᕐᓗᑎᒃ 1929ᒥᑦ 1931ᒧᓐ, ᑖᓐᓇᓕ ᐱᖓᔪᒥᓂᖓ ᖃᐅᔨᓴᕆᐊᕐᓂᖏᑕ, ᓄᓇᕐᔪᐊᑉ ᐊᑖᓄᑦ ᐅᑎᕋᓱᐊᖅᑐᑎᒃ ᑕᐅᓄᖓ ᖃᐅᔨᓴᕆᐊᖅᑐᑎᒃ ᑭᓱᕈᓘᔭᕐᓂᒃ. ᐅᑎᖅᑐᒥᓂᖅ 1931ᒥ ᐊᒻᒪᓗ ᑎᒻᔅ ᑰᖓᓂ ᐱᑐᔅᓯᒪᐃᓐᓇᓕᖅᑐᒥᓂᖅ, ᐃᓕᓐᓂᐊᖅᕕᐅᓪᓗᓂ ᓱᕈᓯᕐᓄᑦ ᐃᓄᓱᑦᑐᓄᓪᓗ ᐅᒥᐊᕐᔪᐊᕐᒥᐅᑕᔅᓴᓄᑦ.

    ᓯᑳᑦᓚᓐ ᐳᓛᕆᐊᖅᑐᑦ ᑎᔅᑲᕗᕆᒥᒃ ᐱᖃᑎᖃᖅᑐᑎᒃ ᐆᕈᓪ ᓯᑳᑦᒥᒃ

    ᐆᕈᓪ ᓯᑳᑦ ᕿᒥᕐᕈᐊᑎᑦᑎᔨᐅᔪᖅ ᐅᓂᒃᑳᖅᑎᐅᓪᓗᓂ ᕗᑖᓐ ᕘᒃᔅᒥ ᑕᓐᑏᒥ ᓯᑳᑦᓚᓐᒥ. ᓇᓗᓇᐃᖅᓯᔪᖅ ᐅᕙᓂ ᖃᓄᖅ ᑖᓐᓇ ᐅᒥᐊᕐᔪᐊᖅ ᑎᔅᑲᕗᕆ ᓴᓇᔭᐅᓐᓂᕐᒪᖔᖅ ᐊᔪᕆᑦᑐᑎᒃ ᐊᖅᕕᒐᓱᐊᕈᑎᒥᒃ ᐅᒥᐊᕐᔪᐊᒥᒃ. ᓄᓇᕐᔪᐊᑉ ᑭᒻᒥᖓᓅᖅᑐᒥᓂᖅ ᓯᑳᑦᒥ ᐅᓯᓪᓗᓂ ᐊᒻᒪᓗ ᑭᖑᓂᐊᒍᑦ ᓂᐅᕕᐊᖑᓯᓐᓇᓕᖅᑐᒥᓂᐅᓪᓗᓂ ᕼᐊᑦᓴᓐ ᕙᐃ ᑳᑉᐸᓂᒃᑯᓐᓄᑦ ᑖᒃᑯᓄᖓᓗ ᐊᑐᖅᑕᐅᕙᑦᑐᒥᓂᐅᓪᓗᓂ ᐅᓯᑲᖅᑕᐅᑎᐅᓪᓗᓂ ᐅᓯᔭᐅᒋᐊᓕᓐᓂᒃ ᑲᓇᑕᒥᑦ ᓚᓐᑕᓐᒧᓐ.

  • ᓯᑳᑦᓚᓐ ᐳᓛᕆᐊᖅᑐᑦ ᕗᑖᓐᑦ ᕘᒃᔅᒧᓐ ᑕᓐᑏᒥ ᐄᔭᓐ ᓱᐊᑦ ᐱᖃᑎᒋ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᐃᔭᓐ ᓱᐊᑦ

    ᔫᑦ ᐱᕈᕐᖓᓐ ᓄᓇᒥᑦ ᑕᐃᒫᓪᓗ ᓯᓕᑦᑐᓂ ᑎᓯᔫᓪᓗᓂᓗ ᐊᒻᒪᓗ ᑎᓯᔪᕈᓘᓪᓗᓂ ᓄᕗᐊᒍᓪᓕ ᐊᒥᓐᓂᖅᓴᖅ ᐊᕿᓐᓂᓴᐅᓪᓗᓂᓗ ᐊᔅᓱᐊᓗᒃ. ᐊᑦᑐᐊᑦᑕᓕᕈᒃ ᑕᑉᐸᐅᓇ ᑎᓯᒐᓛᑦᑐᖅ, ᑭᓯᐊᓂᓕ ᓇᕿᑕᐅᓪᓗᑎᒃ ᐊᑕᐅᑦᑎᒃᑯᑦ ᑎᓯᔪᒻᒪᕆᐊᓗᐃᑦ. ᑕᐃᒪᓕ ᕿᐱᓪᓗᒍ ᓱᑲᒋᐊᕐᓗᒍᓗ, ᑕᒪᓐᓇ ᐱᕈᖅᑐᒥᓂᐅᑉ ᐃᓚᖓ ᖃᓕᕇᑦᑎᐸᓪᓕᐊᓪᓗᓂ ᓄᓱᐊᖃᑦᑕᐅᑎᓪᓗᑎᒃ ᐊᒻᒪᓗ ᑕᐃᒫᒃ ᐊᑦᑐᓈᓕᐊᔅᓴᐃᑦ ᑕᑎᑦᑎᐊᖅᑐᓂᒃ.

    ᑐᐊᕋᑎ ᕼ. ᐄᐳ

    ᖃᐅᔨᒪᕖᑦ ᓱᒻᒪᓐ ᑕᓐᑏᒥᐅᑕᐃᑦ ᐅᒥᐊᕐᔪᐊᑦ ᐊᖅᕕᒐᓱᐊᖏᓐᓇᓂᖅᑲᓐ ᐊᓯᖏᑦ ᐅᒥᐊᕐᔪᐊᑦ ᓄᖅᑲᖓᓕᖅᑎᓪᓗᒋᑦ? ᐱᔾᔪᑎᓕᒥᓂᖅ ᐊᖅᕕᐅᑉ ᐅᖅᓱᖓᓂᒃ ᐱᒋᐊᖃᖅᐸᓂᕐᖓᑕ ᐱᕈᖅᑐᒥᓂᕐᓂᒃ ᐃᑉᐱᐊᕐᔪᓕᐅᖅᑎᖏᓐᓄᑦ ᑕᐃᑲᓂ.

    ᐄᔭᓐ ᓱᐊᑦ

    ᑕᓐᑏ ᐱᒻᒪᕆᐊᓘᓚᐅᖅᑐᖅ ᑐᓚᑦᑕᖅᕕᐅᓪᓗᓂ 800ᓄ ᐊᕐᕌᒍᓄᑦ ᐊᒻᒪᓗ ᑕᐅᖅᓯᕋᐅᑎᖃᖅᐸᑦᑐᒥᓂᐅᓪᓗᑎᒃ ᐃᒪᕐᔪᐊᑉ ᐊᑭᐊᓂᒥᐅᑕᕐᓂᒃ ᐊᒻᒪᓗ ᐅᐊᓐᓇᖅᐸᓯᖓᓂᒥᐅᑕᕐᓂ. ᑕᐃᔅᓱᒪᓂᓕ 1500 ᐊᕐᕌᒍᑦ ᕿᑎᖏᓐᓂ ᑕᓐᑏ ᓯᒃᑳᑦᑎᒃᑯᑦ ᓄᓇᖓᓂ ᑐᖏᓕᕆᔭᒥᓂᖅ ᓄᓇᓕᖅᐸᐅᓛᒧᓐ. ᖃᑭᒪᔪᒻᒪᕆᒥᓂᐊᓗᒃ ᓄᓇᓕᖓ.

    ᐊᐱᖅᓱᖅᑐᖅ

    ᑕᐃᔅᓱᒪᓂ ᐊᖏᓂᖅᓴᐅᕙᓐᓂᖅᑲ ᐅᓪᓗᒥᓂᑦ?

    ᐄᔭᓐ ᓱᐊᑦ

    ᐋᒡᒐᐃ, ᐊᖏᓂᖅᓴᐅᓂᓐᖏᑦᑐᖅ, ᑭᓯᐊᓂᓕ ᖃᑭᒪᓂᖅᓴᒻᒪᕆᐊᓗᒃ. ᑭᓯᐊᓂᓕ ᐊᒥᓱᑦ ᐊᔾᔨᒌᓐᖏᑦᑐᑦ ᓴᖅᑭᓂᕐᖓᑕ. ᑕᒪᒃᑮᒃ ᐊᑭᕋᕇᒃ ᓄᓇᖅᑲᑎᒌᑦ ᐅᓇᑕᖅᑎᓪᓗᒋᑦ ᐃᓗᓖᔭᐃᓐᓂᕐᖓᑎᒃ ᑕᓐᑏᒥᒃ, ᓱᕋᐃᓪᓗᑎᒃ ᑕᓐᑏᒥᒃ. ᐊᕐᕌᒍᓪᓕ ᐊᒥᓲᓐᖏᑦᑐᑦ ᓈᓕᕐᒥᑎᓪᓗᒋᑦ ᐊᓐᓂᐊᓐᓈᓗᒻᒧᓐ ᓱᒃᑯᑕᐅᓐᓂᕐᒥᔪᖅ ᓄᓇᓕᕐᔪᐊᖓᓗ ᐃᓄᐃᒍᑎᑲᓴᑦᑐᓂ ᐱᒋᐊᒃᑲᓐᓂᕆᐊᓕᒥᓂᐅᓪᓗᑎᒃ, ᑭᓯᐊᓂᓕ ᐅᑎᓚᐅᖅᓯᒪᒍᓐᓃᖅᑐᒥᓂᖅ ᖃᑭᒪᓂᕆᕙᔪᔭᖓᓄᑦ. ᑕᐃᔅᓱᒪᓂᓕ ᖃᓪᓗᓈᖅᑕᓕᐅᖃᑦᑕᖅᑐᑦ ᐊᒥᓱᐊᓘᓕᖅᑎᓪᓗᒋᑦ, ᐊᒥᐊᓕᑲᒥᐅᑕᐃᑦ ᓄᓇᖅᑲᑎᒌᑦ ᐅᓇᑕᖃᑦᑕᐅᑎᑎᓪᓗᒋᑦ ᑕᒪᒃᑯᐊ ᖃᓪᓗᓈᖅᑕᓕᐅᖅᑏᑦ ᖃᑭᒪᔪᒻᒪᕆᒥᓂᐊᓗᐃᑦ.

    ᑐᐊᕋᑎ ᕼ. ᐄᐳ

    ᓯᑳᑦᑎᒃᑯᑦ ᓄᓇᖓᓅᕋᒪ, ᐊᐱᖅᓱᔪᒐᒃᑯ ᐅᓪᓗᒥᐅᓕᖅᑐᖅ ᒥᔅᑐ ᑭᓂᔅᖑᔪᖅ, ᑕᐃᓐᓇ ᓇᒻᒥᓂᖃᐅᑎ ᓱᓕ ᑕᐃᑲᓃᑦᑐᖅ. ᓱᓕ ᐊᐅᓚᔪᖅ, ᑭᐊᓂᓕ ᒫᓐᓇ ᓇᒻᒥᓂᖃᐅᑎᖓ ᐊᖅᕕᒐᓱᐊᖅᑎᐅᒍᓐᓃᖅᑐᖅ. ᐅᖅᓱᐊᓗᓐᓂᐊᑎᒃᑯᓐᓄᑦ ᓱᓇᒃᑯᑖᖏᓐᓂᒃ ᐅᓯᑲᖅᑕᖅᑏᑦ! ᒥᔅᑐ ᑭᓂᔅ ᑲᑎᓚᐅᖅᑕᕋ ᐅᖃᓚᐅᖅᑐᓂᓗ "ᖃᐅᔨᒪᕖᑦ ᓱᒻᒪᓐ ᑕᓐᑎᒥᐅᑕᐃᑦ ᐊᖅᕕᒐᓱᐊᖅᑏᑦ ᐊᖅᕕᒐᓱᐊᕐᓂᕐᒧᓐ ᐱᖃᑕᐅᒻᒪᕆᓐᓂᕐᒪᖔᑕ ᐊᒻᒪᓗ ᐊᑯᓂᐊᓗᑦ ᓴᒃᑯᑦᑕᐅᓐᓂᕋᓂ?, ᐅᖃᖅᑐᖓᓗ "ᐄ ᐊᔅᓱᐊᓗᒃ" ᐅᖃᖅᑐᓂᓗ "ᐋᒡᒐᐃ ᖃᐅᔨᒪᓐᖏᑦᑐᑎᑦ". ᐅᖃᐅᑎᓕᔪᒑᖓᓕ ᐱᔾᔪᑎᓕᒥᓃᑦ ᐊᑦᑐᓈᓕᐅᖅᑎᓂᒃ ᐃᑉᐱᐊᕐᔪᒐᔭᓕᐅᖅᑎᓂᓪᓗ ᓇᒻᒥᓂᖃᐅᑎᓄᑦ.

    ᓯᑳᑦᓚᓐ ᐳᓛᕆᐊᖅᑐᑦ ᕗᑖᓐᑦ ᕘᒃᔅᒧᓐ ᑕᓐᑏᒥ ᐄᔭᓐ ᓱᐊᑦ ᐱᖃᑎᒋ

    ᐄᔭᓐ ᓱᐊᑦ ᕿᒥᕐᕈᐊᑎᑦᑎᔨᐅᔪᖅ ᐅᓂᒃᑳᑎᐅᓪᓗᓂ ᕗᑖᓐ ᕘᒃᔅᒥ, ᑕᕝᕙᓂ ᖃᓪᓗᓈᖅᑕᓕᐅᖅᕕᒥᓂᕐᒥ ᑕᓐᑏᒥ. ᓇᓗᓇᐃᖅᓯᔪᖅ ᐱᒻᒪᕆᐅᓂᒥᓂᖏᓐᓂᒃ ᖃᓪᓗᓈᖅᑕᓕᐅᖅᑏᑦ ᑕᓐᑎᐅᑉ ᖃᑭᒪᓂᖓᓄᑦ 1800ᒥ ᐱᒋᐊᓐᖓᕐᓂᓖᑦ ᐊᕐᕌᒍᐃᑦ ᐊᕝᕙᔅᓯᓗᐊᖅᓯᒪᓕᖅᑎᓪᓗᒋᑦ. ᑐᐊᕋᑎ ᐃᐊᑦᔅ ᐄᐳᕐ ᓇᓗᓇᐃᖅᓯᔪᖅ ᖃᓄᖅ ᑕᒪᓐᓇ ᖃᓪᓗᓈᖅᑕᔅᓴᑦ ᐊᖅᕕᐅᑉ ᐅᖅᓱᖓᓄᑦ ᕿᑐᒻᒪᓴᖅᑕᐅᕙᓐᓂᕐᒪᖔᑕ ᑕᐃᒫᓪᓗ ᑕᓐᑎᒥᐅᑕᐃᑦ ᐊᖅᕕᒐᓱᐊᖅᑏᑦ ᐃᖏᕐᕋᑦᑎᐊᕈᓐᓇᓂᕐᒪᖔᑕ ᖃᑭᒪᑦᑎᐊᕐᓗᑎᒃ 1800ᒥ ᐱᒋᐊᓐᖓᕐᓂᓖᑦ ᐊᕐᕌᒍᐃᑦ ᐃᓱᓕᓐᓂᖏᓐᓄᑦ.

  • ᓂᐅ ᐃᓐᖓᓚᓐ ᐳᓕᐊᑦ ᑳᓚᕗᕆᐊᑕ, ᒥᔅᑎᒃ ᓰᐳᐊᑦ ᑕᑯᔭᒐᖃᖅᕕᖓᑕ ȁ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᐊᑎᕋ ᕗᕆᐊᑦ ᑳᓚᕗᕆᑕ. ᑲᒪᔨᐅᔪᖓ ᑲᑎᖅᓱᒐᐅᓯᕝᕕᖕᒥ ᒥᔅᑎᒃ ᓰᐳᐊᑦᒥ. ᐅᑭᐅᒐᓴᖕᓄᑦ ᑕᕝᕙᓃᓕᖅᑐᖓ.

    ᖁᕕᐊᒋᓂᖅᐹᕆᓯᒪᔭᕋ ᐱᔪᒥᒋᓪᓗᒍᓗ ᐊᕐᕙᒐᓱᖕᓂᓕᕆᓂᐅᑉ ᒥᒃᓵᓄᑦ ᑐᑭᓯᓇᓱᒋᐊᒃᓴᖅ, ᐱᓗᐊᖅᑐᒥᒃ

    ᓅ ᓚᓐᑕᓐ ᖃᓄᐃᓕᐅᖃᑦᑕᕐᓂᕕᓂᖏᑕ ᐅᑭᐅᖅᑕᖅᑑᑉ ᑲᓇᖕᓇᖓᓂ ᐊᕐᕙᖕᓂᐊᖅᐸᒃᑐᕕᓂᕐᓂᒃ.

    ᓅ ᓚᓐᑕᓐᒥᐅᑦ ᐊᑯᓂᑲᓪᓚᒃ ᐊᕐᕙᒐᓱᒃᐸᖕᓂᕐᒪᑕ, ᓄᓇᑖᖅᑐᓕᖅᑎᓪᓗᒋᑦ ᐅᓇᑕᕕᒡᔪᐊᓚᐅᖄᖅᑎᓐᓇᒋᑦ ᓱᓕ. ᐊᕐᕙᖕᓂᐊᕐᓂᖅ ᓅ ᓚᓐᑕᓐᒥ ᒪᑭᒪᑦᑎᐊᓕᓚᐅᖅᓯᒪᕗᖅ 1845ᒥ. ᐊᕐᕙᖕᓂᕐᒧᑦ ᑲᒪᔩᑦ ᐅᒥᐊᓕᒃᑕᐅᔪᓪᓗ

    ᑮᓇᐅᔭᓕᐅᑦᑎᐊᓕᓚᐅᖅᓯᒪᕗᑦ. ᐱᕙᓪᓕᐊᓂᕐᒧᑦ ᐊᕐᕙᒐᓱᒡᕕᒃᓴᖅᓯᐅᓚᐅᖅᐳᑦ ᐅᐸᒃᓯᒪᙱᑕᒥᖕᓄᑦ.

    ᒥᐊᓕᒐᐃᑦ ᐱᕙᓪᓕᐊᓗᐊᖄᖅᑎᓐᓇᒋᑦ, ᑕᕆᐅᖓᓄᐊᕐᓂᑰᓪᓗᑎᒃ ᐊᑯᑭᑦᑑᑉ ᕿᑭᖅᑖᓘᓪᓗ ᐊᑯᓐᓂᖓᓄᑦ/ᐸᖕᓂᖅᑑᓪᓗ ᑲᖏᖅᖢᖓᓄᑦ, ᑭᓯᐊᓂ ᐅᐸᒃᑕᐅᓇᓵᓚᐅᖅᑐᖅ ᐅᑭᐅᓄᑦ 50ᓄᑦ 60ᓄᓪᓗ.. ᓇᖕᒥᓂᖃᖅᑎᐅᔪᑦ ᑕᐅᕗᖓ ᐆᒃᑐᒃᑲᓐᓂᕈᒪᓕᓚᐅᖅᑐᑦ. ᐅᒥᐊᕐᔪᐊᖅᑖᖅᖢᑎᒃ ᒪᒃᓕᓚᓐᒥᒃ ᑕᐃᔭᒥᒃ ᓇᐅᒃᑯᑎᓕᖕᒥᒃ ᐊᕐᕙᒐᓲᑎᓄᑦ, ᐊᒻᒪ 1846ᒥ, ᐊᑯᑭᑦᑐᑦ/ᐸᖕᓂᖅᑑᓪᓗ ᐃᒪᖏᓐᓄᙵᐅᓕᓚᐅᖅᑐᑦ.

    ᐱᕕᒡᔪᐊᖑᓚᐅᖅᑐᖅ ᐅᒥᐊᖅᑐᕐᓂᖓᑦ. ᑲᔪᓯᒃᑲᓐᓂᓕᓚᐅᕐᒪᑕ ᐊᕐᕙᒐᓱᖕᓂᕐᒥᒃ ᒥᐊᓕᒐᐃᑦ ᐅᑭᐅᖅᑕᖅᑐᒥ,

    ᒪᑭᒪᔾᔭᐅᑕᐅᓪᓗᓂ ᓅ ᓚᓐᑕᓐᒥᐅᑦ ᐊᕐᕙᖕᓂᐊᕐᓂᕐᒧᑦ, ᓇᖏᖅᓯᒋᐊᕈᑕᐅᒃᑲᓐᓂᕐᖢᓂᓗ ᑕᐅᕙᓂᕐᒥᐅᓄᑦ. ᐱᓕᕆᒋᐊᒻᒪᕆᓕᖅᖢᑎᒡᓗ ᐊᕙᒻᒧᒐᕐᓂᐅᔪᒥᒃ ᓅ ᓚᓐᑕᓐ ᐊᕐᕙᒐᓱᒃᑎᖏᓐᓄᑦ, ᐅᑭᐅᖅᑕᖅᑐᒥᒃ ᖃᐅᔨᓇᓱᒃᑎᓄᑦ ᐊᒻᒪᓗ ᐃᓄᐃᑦ ᐊᑯᕐᖓᓐᓄᑦ.

    ᐅᑭᐅᖅᑕᖅᑐᒥᐅᓂ ᐊᕐᕙᒐᓱᖕᓂᖅ ᐊᔾᔨᐅᓚᐅᙱᓚᖅ ᐊᕐᕙᒐᓱᖕᓂᐅᕙᒃᑐᓂᑦ. ᓱᖅᑲᓕᖕᓂᒃ ᐊᕐᕙᒐᓱᓚᐅᕐᒪᑕ

    ᓯᕗᓪᓕᖅᐹᒥᒃ. ᐅᖅᑰᔪᕐᒥᐅᑕᓂᒃ ᓱᖅᑲᖃᖏᑦᑐᓂᒃ ᐊᕐᕙᖕᓂᐊᖅᐸᒃᑐᕕᓂᐅᖕᒪᑕ ᐊᖏᔪᐊᓗᖕᓂᒃ. ᐊᒻᒪᑦᑕᐅᖅ

    ᐅᑭᐅᖅᑕᖅᑐᒥ ᐊᕐᕙᒐᓱᒃᖢᑎᒃ ᐊᖏᕐᕋᒥᖕᓄᑦ ᖃᓂᖅᓴᕐᓂᖅᓴᐅᓚᐅᕐᒪᑕ. ᓂᒡᓚᓱᖕᓂᖓᓄᑦ ᕿᒪᐃᔭᕆᐊᖃᓚᐅᙱᓚᑦ ᐅᒥᐊᕐᔪᐊᒥᖕᓂᑦ. ᐊᓯᖏᓐᓂ ᐃᓗᐊᖏᔾᔪᑎᖃᓚᐅᕐᒪᑕ, ᐅᑭᐅᖅᑕᖅᑐᒥᓕ,

    ᐅᒥᐊᒦᖏᓐᓇᕈᓐᓇᓚᐅᕐᒪᑕ ᕿᒫᕕᒃᓴᖃᙱᒧᑦ. ᐃᓱᒫᓗᒐᑎᒡᓗ ᐅᒥᐊᑉ ᐊᑖᒍᑦ ᑲᓐᓄᔭᓕᖅᓯᔭᕆᐊᒃᓴᖅ

    ᖁᐱᕐᕈᖅᑕᐅᔾᔮᖏᓐᓇᒥ ᓂᒡᓕᓇᓗᐊᕐᓂᖓᓄᑦ ᐃᒪᖅ.

    ᐅᑭᐅᖅᑕᖅᑐᒥ ᐱᕈᖅᐸᓪᓕᐊᖏᓐᓇᓚᐅᖅᐳᖅ ᐊᕐᕙᒐᓱᐊᕐᓂᖅ, ᐱᓗᐊᖅᑐᒥᒃ ᓅ ᓚᓐᑕᓐ ᐱᓂᐊᕐᓂᖓᒍᑦ.

    ᓅ ᐱᑦᕗᑦ ᐃᓚᖏᐅᑎᓕᓚᐅᖅᐳᖅ. ᐱᒃᑯᓈᒡᒋᓚᐅᖅᐳᖅ ᒪᒃᓕᓚᓐ ᑭᖑᓪᓕᖅᐹᒥᒃ ᐅᒥᐊᖅᑐᕐᒪᑦ. ᑎᓴᒪᐅᔪᖅᑐᙱᒐᖅᑐᓂᒃ ᐅᑭᐅᖅᑕᖅᑐᒧᐊᓚᐅᕐᒪᑦ. ᒪᒃᓕᓚᓐ ᐱᒻᒪᕆᐅᓚᐅᕐᒪᑦ ᐅᒥᐊᕐᔪᐊᓕᒫᓂᑦ, ᓯᕗᓪᓕᖅᐸᐅᓂᕐᒥᓅᖏᑦᑐᖅ, ᐱᔭᕆᐅᖅᓴᔾᔪᑕᐅᕙᓚᐅᕐᒪᓪᓕ ᐊᕐᕙᖕᓂᐊᖅᑎᒻᒪᕆᐅᓕᖅᐸᓪᓕᐊᔪᓄᑦ.

    ᓯᑦᓂ ᐳᑎᖕᑕᓐ, ᔪᐊᔾ ᑕᐃᓴᓐ ᐊᒻᒪ ᑯᕆᔅᑎᕗ ᓵᐳᓪ ᑕᒪᑮᑦ ᐅᒥᐊᕐᔪᐊᒃᑰᕐᓂᑰᕗᑦ ᒪᒃᓕᓚᒃᑯᑦ. ᐃᓕᖢᑎᒃ

    ᓲᕐᓗ ᐃᓕᓐᓂᐊᕐᕕᒃᑎᑐᑦ ᐱᓚᐅᕐᒪᑦ ᑖᓐᓇ ᐅᒥᐊᕐᔪᐊᖅ. ᒪᒃᓕᓚᓐ 1851ᖑᑎᓪᓗᒍ ᐅᒥᐊᖅᑐᕋᒥ, ᑲᐱᑕᐃᖓᑦ

    ᐆᒃᑐᕈᒪᓕᓚᐅᕐᒪᑦ ᐊᑐᖅᑕᐅᕙᖏᑦᑐᒥᒃ, ᕿᒪᐃᓪᓗᓂ ᐅᑮᓂᐊᖅᑐᓂᒃ ᐊᖑᑎᓂᒃ ᐅᑭᐅᖅᑕᖅᑐᒧᑦ. ᑖᒃᑯᐊ

    ᓯᕗᓪᓕᖅᐸᐅᓚᐅᖅᐳᑦ ᒥᐊᓕᒐᐃᑦ ᐱᔮᕆᓪᓗᑎᒃ ᐅᑮᓇᓱᒃᖢᑎᒃ ᐅᑭᐅᖅᑕᖅᑐᒥ. ᐃᓚᐅᓚᐅᖅᑐᖅ ᓯᑦᓂ ᐳᑎᖕᑕᓐ, ᑭᖑᓂᐊᒍᑦ ᐱᕕᒡᔪᐊᖑᓕᓚᐅᖅᑐᖅ. ᐊᓂᒍᐃᔪᓐᓇᓚᐅᖅᑐᑦ, ᐃᑲᔪᖅᑎᖃᓚᐅᕋᒥᒃ ᐃᓄᖕᓂᒃ.

    ᐃᓕᑦᑎᕕᒋᓪᓗᒋᑦ ᐅᑭᐅᖅᑕᖅᑐᒦᓐᓇᓱᒋᐊᒥᒃ, ᓂᕆᕙᒃᖢᑎᒃ ᓂᕆᔭᐅᕙᒃᑐᓂᒃ, ᐅᖅᑯᒃᓴᐅᓯᖏᑎᒍᑦ ᓂᒡᓚᓱᖕᒥ ᕿᐅᔭᓇᑎᒃ. 1851ᒥᕈᔪᒃ, ᐃᓄᖕᓂᒃ ᐱᐅᒃᓴᒻᒪᕆᓕᓚᐅᖅᓯᒪᕗᑦ.

    ᐃᓅᖃᑎᖃᕈᓐᓇᕐᓂᖅ ᐃᓄᖕᓂᒃ ᐱᒋᐊᕈᑕᐅᓚᐅᖅᐳᖅ ᐊᕐᕙᒐᓱᒃᑏᑦ ᖃᐅᔨᓴᕆᐊᖅᑏᓪᓗ ᐊᑯᕐᖓᓐᓂ. ᐊᖑᑏᑦ ᐅᒥᐊᖅᑐᖅᑐᕕᓃᑦ, ᕿᒪᒃᑎᓐᓂᑯᐃᑦ, ᐃᓕᑦᑎᓚᐅᕐᒪᑕ ᐃᓄᒃᑎᑐᑦ, ᖃᐅᔨᒪᖃᑕᐅᓕᖅᖢᑎᒃ ᖃᐅᔨᒪᓂᖏᑎᑐᑦ. ᓲᕐᓗ ᓵᓕ ᕗᕌᓐᓯᔅ ᕼᐋᓪ ᓅ ᓚᓐᑕᒧᐊᓚᐅᖅᐳᖅ; ᐅᖃᖃᑎᖃᓚᐅᕐᒪᑦ ᐅᑮᔪᕕᓂᕐᓂᒃ

    ᐃᓕᑦᑎᕕᒋᓪᓗᓂᒋᓪᓗ. ᑕᐃᑲᙵᓂᑦ ᐃᓄᐃᑦ ᐃᓅᓇᓱᐊᕈᓯᖏᓐᓂᒃ ᐊᒃᑐᐊᓂᖃᓕᕐᓂᖅᐳᑦ ᐃᒻᒪᑲᓪᓚᖕᓂᑦ

    ᒪᒃᓕᓚᓐᑯᑦ ᐃᓚᐅᓚᖅᑐᓂᑦ.

    ᓯᕗᓂᐊᒍᑦ ᐃᓅᖃᑎᖃᓪᓚᕆᖃᑦᑕᓚᐅᖏᒻᒪᑕ ᐃᓄᐃᑦ ᐊᕐᕙᖕᓂᐊᖅᑎᓄᑦ. ᑕᐅᖅᓯᕋᖅᐸᒃᑲᓗᐊᖅᖢᑎᒃ;

    ᒥᐊᓕᒐᐃᑦ ᓴᓇᓯᒪᕙᒌᖅᑐᓂᒃ ᐱᑎᑦᑎᖔᖅᐸᒃᖢᑎᒃ, ᑕᐅᖅᓰᕙᒃᖢᑎᒡᓗ ᐊᓐᓄᕌᓂᒃ ᓴᓇᐅᒐᐅᔪᓂᒃ ᐊᕐᓇᓄᑦ,

    ᑭᓯᐊᓂᓕ ᐱᕐᔪᐊᖑᓚᐅᖏᒻᒪᑦ ᑕᐅᖅᓯᕋᐅᑎᓂᖅ. ᐋᓪᓚᔪᐊᕇᖕᓂᖅᓴᐅᓚᐅᕐᒪᑕ ᓯᕗᓂᐊᒍᑦ ᑖᒃᑯᐊ.

    ᑭᖑᓂᐊᒍᑦ, 15ᒥᑦ ᐊᕙᑎᓪᓗ ᐅᑭᐅᑦ, ᐊᕐᕕᓕᕆᕝᕕᓕᐅᓚᐅᖅᓯᒪᕗᑦ ᒥᐊᓕᒐᐃᑦ ᐅᑭᐅᖅᑕᖅᑐᒥ, ᐱᓗᐊᖅᑐᒥᒃ ᐸᖕᓂᖅᑑᑉ ᑲᖏᖅᖢᐊᒍᑦ ᐊᒻᒪᓗ ᓴᓐᓂᕈᑎᐅᑉ ᖃᓂᒋᔮᓂ. ᐊᕐᕕᓕᕆᕕᖃᓕᖅᑎᓪᓗᒋᑦ, ᐃᓄᖕᓂᑦ ᐱᕈᕆᐊᕈᑎᖃᓚᐅᖅᐳᑦ ᐱᒻᒪᕆᐅᒍᓱᓕᖅᖢᑎᒡᓗ. ᐊᕐᕕᓕᕆᕝᕕᖕᓂᒃ ᐃᖅᑲᓇᐃᔮᖃᓕᕋᒥᒃ ᐃᓄᖃᐃᓐᓇᓕᓚᐅᖅᐳᑦ. ᒪᑭᒪᔾᔭᐅᑕᐅᓚᐅᕐᒪᑦ ᒥᐊᓕᒐᐃᑦ ᐃᓄᐃᓪᓗ ᐊᑯᕐᖓᓐᓂ.

    ᓂᐅ ᐃᓐᖓᓚᓐ ᐳᓕᐊᑦ ᑳᓚᕗᕆᐊᑕ, ᒥᔅᑎᒃ ᓰᐳᐊᑦ ᑕᑯᔭᒐᖃᖅᕕᖓᑕ ȁ

    ᐳᓕᐊᑦ ᑳᓚᕗᕆᐊᑕ, ᐊᖏᔪᖅᑳᕆᔭᐅᔪᖅ ᐱᑐᖃᖁᑎᖏᓐᓄᑦ ᒥᔅᑎᒃ ᓰᐳᐊᑦ ᑕᑯᔭᒐᖃᖅᕕᖓᓂ ᑲᓂᐊᑎᑲᑦᒥ. ᐅᓂᒃᑳᕆᔭᐅᓲᒥᒃ ᐅᓂᒃᑳᓕᒃ ᐅᑭᐅᖅᑕᖅᑐᒧᓐ ᐊᐅᓪᓚᖃᑦᑕᕐᓂᒥᓂᖓᓂᒃ ᐅᒥᐊᕐᔪᐊᖅ ᐊᑎᓕᒃ ᒪᑲᓕᐊᓚᓐ, ᑖᓐᓇ ᓂᐅ ᓚᓐᑕᓐᒥᐅᔅᓴᔭᖅ ᐊᖅᕕᒐᓱᐊᕈᑎ ᐅᒥᐊᕐᔪᐊᖅ. 1851ᒥ ᑭᖑᓪᓕᖅᐹᒥᒃ ᐅᒥᐊᖅᑐᕈᑕᐅᑎᓪᓗᒍ ᒪᑲᓕᐊᓚᓐ ᐱᔾᔪᑎᒻᒪᕆᐊᓘᓐᓂᖅᑯᖅ ᐃᓚᖏᑦ ᐅᒥᐊᕐᔪᐊᕐᒥᐅᑕᖁᑎᖏᑦ ᐅᑭᐊᓪᓕᔪᒥᓂᐅᑎᓪᓗᒋᑦ ᑎᓂᔾᔪᐊᖅᕕᒻᒥ ᐅᐱᕐᖓᓵᒃᑯᑦ ᐊᖅᕕᓂᒃ ᐱᒐᓱᐊᖅᕕᔅᓴᖅ ᓇᓚᐅᑦᑕᐅᒐᓱᐊᖅᑐᓂ. ᑕᐃᒪᓐᖓᓂᓪᓕ ᐊᖅᕕᓂᐊᖅᑏᑦ ᖃᐅᔨᓴᕆᐊᖅᑏᓪᓗ ᑕᒪᑐᒥᖓ ᐊᔪᕆᑉᐸᓕᖅᑐᒥᓃᑦ ᐊᖅᕕᒐᓱᐊᕐᓂᖅ ᐃᓱᓕᒐᓱᐊᕐᓂᓕᒫᖓᓄᑦ ᐊᑉᕌᒍᐃᑦ 1900ᒥ ᐱᒋᐊᓐᖓᕐᓂᓖᑦ ᐱᒋᐊᓕᖅᑎᓪᓗᒋᑦ.

  • ᓂᐅ ᐃᓐᖓᓚᓐ ᐳᓕᐊᑦ ᑳᓚᕗᕆᐊᑕ, ᒥᔅᑎᒃ ᓰᐳᐊᑦ ᑕᑯᔭᒐᖃᖅᕕᖓᑕ ȁ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᐃᓅᖃᑎᒌᒍᑕᐅᕚᓪᓕᓚᐅᕐᒪᑦ ᐱᕈᕆᐊᕈᑕᐅᓪᓗᓂ ᐊᒻᒪᓗ ᑕᑎᖃᕐᓂᖅ ᐃᓄᖕᓂᒃ ᐃᓚᓂᖅᓴᐃᓂᒃᑯᑦ

    ᐊᖏᓕᓪᓗᓂ. ᑲᐱᑕᐃᖑᔪᖅ ᔪᐊᔾ ᑰᒧ, ᑭᖑᓪᓕᖅᐸᐅᓪᓗᓂ ᓅ ᓚᓐᑕᓐᒥᐅᓂᑦ ᐊᕐᕙᖕᓂᐊᖅᑎᐅᓚᐅᓯᒪᔪᖅ,

    ᐱᕕᒡᔪᐊᒻᒪᕆᐅᓕᓚᐅᖅᓯᒪᕗᖅ ᐱᑐᐃᓐᓇᐅᔪᓐᓃᖅᖢᓂᓗ ᐃᓕᖅᑯᓯᐅᔪᖅ. ᑕᐃᔅᓱᒪᓂ, ᐃᓄᐃᑦ ᐱᓕᕆᔨᒋᔭᐅᔪᑦ ᐅᒥᐊᓕᒃᑕᐅᕙᓕᓚᐅᖅᓯᒪᕗᑦ ᐅᓄᖅᑐᓄᑦ ᐅᒥᐊᓄᑦ. ᐊᕐᕙᖕᓂᐊᕐᓂᖅ ᐊᓯᐅᕙᓪᓕᐊᓕᕋᓗᐊᖅᑎᓪᓗᒍ ᐅᑭᐅᒐᓴᐅᔪᓄᑦ, ᐃᓕᑦᑎᓯᒪᔪᓪᓗ ᓅ ᓚᓐᑕᓐᒥᐅᑦ ᐃᓅᓴᒃᖠᓪᓗᑎᒃ. ᑲᐱᑕᐃᖑᔪᖅ ᑰᒧ ᐅᑭᐅᖅᑕᖅᑐᒧᐊᕌᖓᑦ ᐃᓚᖃᖅᖢᓂ 14ᓂᒃ, ᒪᕐᕉᒃ ᐱᖓᓱᓪᓘᓐᓃᑦ ᑐᖓᓕᐅᓪᓗᑎᒃ ᐅᑭᐅᖅᑕᖅᑐᒧᐊᓚᐅᖅᓯᒪᔪᑐᐊᖑᕙᓚᐅᖅᐳᑦ ᐃᓚᐅᔪᓂ.

    ᐃᓄᐃᑦ ᖃᐅᔨᒪᓂᖅᓴᐅᒐᔪᓚᐅᖅᐳᑦ ᐊᕐᕙᒐᓱᐊᕐᓂᕐᒥᒃ, ᑕᒪᐃᑎᒍᑦ, ᑰᒨᑉ ᐃᖅᑲᓇᐃᔭᖅᑎᖏᓐᓂᑦ. ᐃᓄᐃᑦ

    ᓇᖕᒥᓂᖅᓱᕐᓂᖓᑦ ᐱᕈᓚᐅᖅᐳᖅ. ᐅᓄᕐᑐᑦ ᐊᕐᕙᒃᑕᐅᓂᑯᐃᑦ ᑭᖑᓪᓕᖅᐹᕈᔪᖏᓐᓂ ᐅᑭᐅᑦ, 1880ᓂᑦ 1910ᒧᑦ ᒥᒃᓴᐅᓴᒡᓗᒍ, ᐃᓄᖕᓂᑦ ᐱᓕᕆᔨᖏᓐᓂᓪᓗ ᐊᕐᕙᒃᑕᐅᓂᑰᕗᑦ. ᑕᐅᖅᓰᕙᒃᖢᑎᒃ, ᐱᖁᑎᓂᒃ ᐅᕝᕙᓘᓐᓃᑦ ᐅᒥᐊᖅᑖᖔᖅᐸᒃᖢᑎᒃ. ᐅᒥᐊᑦ ᐱᒃᑯᓇᓛᖑᕙᓚᐅᕐᒪᑕ ᑕᐅᖅᓯᕈᑕᐅᔭᕆᐊᖏᓐᓂᒃ. ᐊᖏᓛᖑᓪᓗᑎᒃ, ᐊᑭᑐᓛᖑᓪᓗᑎᒃ ᐊᓐᓂᕐᓇᕐᓂᖅᐸᐅᓪᓗᑎᒡᓗ. ᐊᔾᔨᓕᐊᕕᓂᖅᑕᖃᕆᕗᖅ ᑕᐃᔅᓱᒪᓂ 1903ᖑᑎᓪᓗᒍ ᐊᔾᔨᓕᐊᕕᓂᕐᒥᒃ ᐃᕋ ᐅᒥᐊᕐᔪᐊᕐᒥ ᐅᑮᑎᓪᓗᒋᑦ, ᖁᓕᑦ ᐅᒥᐊᑦ ᓯᑯᒦᑦᑐᑦ. ᐃᕋ ᐅᓯᔪᓐᓇᑐᐃᓐᓇᓚᐅᕐᒪᑦ ᑕᓪᓕᒪᓂᒃ ᐅᒥᐊᕐᓂᒃ, ᑕᓪᓕᒪᐅᔪᑦ ᐃᓄᖕᓂᒃ ᐱᒋᔭᐅᓪᓗᑎᒃ, ᐃᓄᐃᑦ ᑕᐃᔅᓱᒪᓂ

    ᐅᒥᐊᖅᑖᖅᑐᖅᐸᓪᓕᐊᓕᓚᐅᖅᓯᒪᖕᒪᑕ.

    ᑰᒧ ᑕᐃᔅᓱᒪᓂ, ᐃᓄᖕᓂᒃ ᐃᑲᔪᖅᑎᖃᕐᓂᖓ ᐱᒻᒪᕆᐅᓚᐅᖅᓯᒪᕗᖅ. ᐅᒥᐊᓕᒃᑕᑐᐃᓐᓇᐅᓇᑎᒃ ᐊᐅᓪᓚᐅᔾᔨᔨᐅᓪᓗᑎᒡᓗ. ᓄᓇᙳᐊᓕᐅᖅᑎᐅᓪᓗᑎᒃ, ᐊᓐᓇᐅᒪᑎᑦᑎᓪᓗᑎᒃ, ᓂᕿᖃᖅᑎᑦᑎᓪᓗᑎᒃ ᑐᒃᑐᕕᓂᕐᓂᒃ ᐃᖃᓗᖃᑎᑦᑎᓪᓗᑎᒡᓗ, ᐱᕐᓕᖅᑎᑕᐅᓇᑎᒃ ᐃᓅᓕᐊᖑᓯᓐᓈᑦ.

    ᐊᕐᓇᐃᑦ ᐊᓐᓄᕌᖃᖅᑎᑦᑎᓪᓗᑎᒃ ᑐᒃᑐᕋᔭ`ᖕᓂᒃ ᑲᒥᖃᐅᖅᖢᑎᒡᓗ ᕿᓯᖕᓂᒃ. ᖃᓪᓗᓈᕋᔭᖕᓂᑦ ᒥᐊᓕᒐᕐᓂᙶᕈᔾᔭᐅᓂᑯᓂᒃ ᐅᖅᑰᓂᖅᓴᐅᓪᓗᑎᒃ ᐊᓐᓇᐅᒪᓇᓲᑎᑦᑎᐊᕙᐅᓪᓗᑎᒃ. ᐱᑖᖅᑎᑕᐅᖔᖅᐸᓚᐅᕐᒪᑕ

    ᐊᑑᑎᖃᖅᑐᓂᒃ, ᐱᓗᐊᖅᑐᒥᒃ ᐊᖑᓇᓲᑎᕈᔪᖕᓂᒃ ᓲᕐᓗ ᖁᑭᐅᑎᓂᒃ, ᖃᕐᔪᖏᓐᓂᒡᓗ ᓱᓇᒐᕐᓂᒃ. ᐃᒡᒐᐅᔭᕐᓂᒃ

    ᓂᕐᔪᑎᓯᐅᕈᑎᒃᓴᖏᓐᓂᒃ, ᓂᖅᖠᐅᕈᑎᓴᓗᖕᓂᒃ ᐊᓯᒐᓚᖏᓐᓂᒡᓗ. ᑰᒧ ᓇᒃᓴᖅᑐᕈᓘᔭᖅᐸᓚᐅᕐᒪᑦ ᑕᐅᖅᓯᕈᑎᒃᓴᒥᓂᒃ. ᑕᐃᔅᓱᒪᓂ ᑰᒧ ᐋᕿᒃᓱᐃᓯᒪᑦᑎᐊᓕᓚᐅᖅᐳᖅ ᑕᐅᖅᓯᕋᐅᓯᕐᒥᒃ. ᐱᒃᑯᒋᔭᐅᕙᓚᐅᕐᒥᔪᑦ

    ᒥᖅᑯᓖᑦ ᑑᒑᓪᓗ ᐱᔭᐅᓂᖅᐸᐅᖃᑕᐅᓪᓗᑎᒃ.

    ᑕᐃᔅᓱᒪᓂ ᐊᕐᕕᕈᔪᐃᑦ ᐱᔭᐅᖏᓐᓂᖅᓴᐅᓕᓚᐅᖅᐳᑦ ᐊᑭᒃᖠᒐᒥᒃ. ᐊᑲᐅᓈᖏᑦᑕᕌᖓᑦ ᐊᕐᕕᐅᑉ ᐅᖅᓱᖓ

    ᐱᔭᐅᖏᑦᑎᐊᒻᒪᕆᒃᐸᓕᖅᑐᕕᓂᖅ. ᓱᖅᑲᖅ, ᐊᐅᒃᑕᔫᖑᖁᐃᔨᔪᖅ, ᐊᕐᕕᐅᑉ ᖃᓂᖓᓂᙶᖅᑐᖅ, ᐱᔭᐅᕙᓚᐅᖅᐳᖅ ᓂᐅᕐᕈᑎᒋᔭᐅᕙᓚᐅᕐᒪᑦ ᑭᓱᕈᓘᔭᕐᓄᑦ ᓴᓇᔭᐅᓪᓗᓂ: ᐊᕐᓇᐃᑦ ᐊᓐᓄᕌᖏᓐᓄᑦ, ᕿᒻᒥᕐᔪᐊᓄᑦ ᐃᐸᕋᐅᑕᓕᐊᖑᓪᓗᑎᒃ, ᐊᔭᐅᕈᑎᓄᑦ ᓄᖃᖅᓯᕋᓕᐊᖑᓪᓗᑎᒃ ᑕᒪᒃᑯᓄᖓᕈᓘᔭᖅ.

    ᓱᖅᑲᖅᓄᑦ ᑮᓇᐅᔭᓕᐅᕐᓇᕋᓗᐊᖅᖢᓂ ᑭᓯᐊᓂ ᐊᕐᕙᒐᓱᖕᓂᖅ ᓂᖏᕈᑕᐅᓗᐊᖅᐸᒍᓐᓃᓚᐅᖅᐳᖅ.

    ᐅᒥᐊᖅᑐᕐᓂᖅ ᓈᒻᒪᒃᓯᓕᕋᓱᖢᒍ, ᑰᒧ ᐃᓚᒋᔭᖏᓪᓗ ᑕᐅᖅᓰᓂᖅᓴᐅᕙᓕᓚᐅᖅᐳᑦ ᒥᖅᑯᓕᕈᔪᖕᓂᒃ ᓲᕐᓗ

    ᑎᕆᒐᓂᐊᕐᓂᒃ, ᖃᕝᕕᒑᕐᔪᖕᓂᒃ, ᐊᒪᕈᕋᔭᓄᑦ, ᑎᒍᔪᓐᓇᖅᑕᓕᒫᒥᖕᓂᒃᓗ. ᒥᖅᑯᓕᖕᓂᒃ ᑕᐅᖅᓯᕋᕐᓂᖅ ᐱᕕᒡᔪᐊᙳᓗᐊᒧᑦ, ᑭᖑᓪᓕᖅᐹᕈᔪᖏᓐᓂ ᐅᑭᐅᖅᑕᖅᑐᒧᐊᕋᒥᒃ, ᑰᒧ ᐅᒥᐊᕐᔪᐊᖓ

    ᓇᖕᒥᓂᕆᔭᐅᓚᐅᖅᓯᒪᕗᖅ ᓅ ᔪᐊᒃ ᓯᑎᒥᐅᑕᕐᓂᑦ ᒥᖅᑯᓕᕆᔨᐅᔪᓂᒃ ᐊᕐᕙᒐᓱᐊᖅᑎᐅᖏᑦᑐᓂᑦ.

    ᒥᖅᑯᓕᕈᔪᐃᑦ ᐱᔪᒪᔭᐅᓗᐊᒧᑦ ᑑᒑᓖᓪᓗ ᐊᐃᕕᐅᑉ ᕿᓚᓗᒐᐅᓪᓗ ᑑᒑᖏᑦ ᐱᖃᓯᐅᖢᒋᑦ.

    ᑰᒧ ᐃᓱᓕᑦᑎᓕᓚᐅᖅᐳᖅ ᑕᐅᖅᓯᕋᖅᑎᒻᒪᕆᐅᓕᖅᖢᓂ ᐊᕐᕙᖕᓂᐊᖅᑎᐅᓯᓐᓈᑦ ᐊᕐᕙᖕᓂᐊᕈᓃᖅᑎᓪᓗᒋᑦ. ᐃᓄᐃᓪᓗ ᖁᕝᕙᓯᒍᓐᓇᕐᓂᖓᑦ ᒪᑭᒪᑦᑎᐊᓕᓚᐅᖅᓯᒪᕗᖅ ᑕᐃᔅᓱᒪᓂᐅᑎᓪᓗᒍ.

    ᓅ ᓚᓐᑕᓐᒥᐅᑦ ᓯᕗᒃᑲᖅᑕᓚᐅᖅᓯᒪᕗᑦ ᐅᑭᐅᖅᑕᖅᑑᑉ ᐱᓇᖕᓇᖓᓂ ᐊᕐᕙᒐᓱᖕᓂᕐᒧᑦ. ᒪᑭᒪᓕᕈᑕᐅᓚᐅᕐᒪᑦ

    ᒥᐊᓕᒐᕐᒥᐅᓄᑦ ᑲᓇᑎᑲᑦᒥ. ᐱᒻᒪᕆᐅᒋᔭᐅᖏᓐᓇᓚᐅᖅᑑᒐᓗᐊᖅ ᐊᕐᕙᒐᓱᖕᓂᖅ, ᐅᑭᐅᖅᑕᖅᑐᒥᓪᓕ ᑖᒃᑯᐊ

    ᐱᕈᕆᐊᕈᑎᖃᓚᐅᕐᒪᑕ. ᓄᓇᓕᒋᔭᐅᔪᒧᑦ ᐊᕐᕙᒐᓱᒃᓂᖅ ᖁᕝᕙᓯᖕᓂᖅᐸᐅᓕᓚᐅᖅᓯᒪᕗᖅ 1845ᒥ. ᑭᓯᐊᓂ

    50ᓄᑦ ᐅᑭᐅᓄᑦ ᑲᔪᓰᓐᓇᖅᑎᑕᐅᒃᑲᓐᓂᓚᐅᕐᒪᑦ ᐅᑭᐅᖅᑕᖅᑐᒥᐅᑦ ᐊᕐᕙᒐᓱᖕᓂᖏᓐᓄᑦ.

    ᒪᑐᐃᖅᑕᐅᑎᓪᓗᒍ ᕼᐊᑦᓴᓐ ᐲ ᑲᖏᖅᖣᔭᖓ ᐊᕐᕙᒐᓱᖕᓂᕐᒧᑦ 1860ᒥ ᐱᕕᒡᔪᐊᖑᓚᐅᖅᐳᖅ. ᒪᕐᕉᒃ ᓅ ᐱᑦᕗᑦ ᐅᒥᐊᕐᔪᐊᒃ ᐊᑐᖅᑕᐅᓪᓗᑎᒃ, ᑲᐱᑕᐃᖏᒃ ᓅ ᓚᓐᑕᓐᒥᐅᑕᐅᓚᐅᕐᒪᑎᒃ ᐊᕐᕙᖕᓂᐊᖅᑏᒃ. ᐱᖃᑖ

    ᑯᕆᔅᑎᕗ ᓵᐳᓪᒥᒃ ᐊᑎᖃᓚᐅᖅᐳᖅ, ᒪᒃᓕᓚᓐᒦᓐᓂᑯ (ᐅᓂᒃᑲᐅᓯᐅᓯᒪᖃᓯᐅᑎᔪᖅ ᒪᒃᓕᓚᓐᓕᕆᔪᓂ). ᑕᐃᒪᙵᓂᑦ ᒪᑐᐃᕐᒪᑦ 1860ᒥᑦ ᐃᓱᓕᓐᓂᖓ ᑎᑭᖢᒍ 1890ᖏᓐᓄᑦ ᐊᕐᕙᒐᓱᖕᓂᖅ ᐅᑭᐅᖅᑕᖅᑐᒥ

    ᐊᕝᕙᖏᑕ ᐅᖓᑖᓄᑦ ᑮᓇᐅᔭᑎᒍ ᐱᕈᕆᐊᕈᑕᐅᓂᑰᕗᖅ ᐅᐸᒃᑕᐅᕙᒃᑐᓪᓗ ᐱᖃᓯᐅᑎᓪᓗᒋᑦ.

    ᓄᓇᓕᖏᓐᓄᑦ ᐊᕐᕙᒐᓱᖕᓂᓕᕆᓂᖅ ᒪᑭᒪᓕᐅᑕᐅᓂᑰᕗᖅ.

    ᐊᕐᕙᖕᓂᐊᕐᓂᖅ ᐃᓄᖏᓐᓄᑦ ᓱᖏᖅᓲᑎᑦᑎᐊᕙᐅᓚᐅᖅᐳᖅ, ᓴᖅᑭᔮᕐᓂᖏᑎᒍᑦ ᐃᖅᑲᓇᐃᔮᒃᓴᓄᓪᓗ. ᐋᓐᓂᐊᕕᒃ ᓄᓇᓕᖏᓐᓂ ᓴᓇᔭᐅᓂᑰᕗᖅ ᐊᕐᕙᖕᓂᐊᖅᑏᑦ ᓇᖕᒥᓂᖃᖅᑎᒋᔭᖏᓐᓄᑦ. ᐃᓗᕕᖃᕐᕖᑦ, ᐃᒡᓗᐊᓗᐃᑦ ᐃᑲᔪᖅᑕᐅᕕᒐᓚᐃᑦ ᐃᓗᓯᕐᓗᒃᑐᓄᑦ ᑮᓇᐅᔭᓕᕆᔨᖏᓐᓄᑦ ᐊᕐᕙᖕᓂᐊᖅᑏᑦ ᓴᓇᔭᐅᓂᑰᒋᕗᑦ.

    ᐅᓄᖅᑐᐊᓗᐃᓪᓗ ᐃᖅᑲᓇᐃᔭᖅᑎᒋᔭᐅᓚᐅᖅᐳᑦ ᐊᕐᕙᒐᓱᖕᓂᓕᕆᓂᕐᒧᑦ, ᐊᕐᕙᒐᓱᒃᑎᑐᐊᖑᖏᑦᑐᑦ,

    ᐅᒥᐊᕐᔪᐊᓕᐅᖅᑏᑦ, ᑎᖏᕐᕋᐅᓯᐅᖅᑏᑦ, ᓯᒥᒃᑐᐃᔩᑦ ᐅᒥᐊᕐᔪᐊᓂᒃ, ᖃᑦᑕᐅᔭᓕᐅᖅᑏᑦ, ᖁᑭᐅᑦᑕᐅᔭᓕᐅᖅᑏᑦ ᓱᒋᐃᑎᖏᓐᓂᒃ ᐊᕐᕙᒐᓲᑎᓄᑦ, ᐱᖁᑎᓕᐅᑦᑏᑦ ᐅᒥᐊᕐᔪᐊᓄᑦ ᓂᕿᓕᕆᔩᓪᓗ ᓇᐅᑦᑎᐅᒪᔾᔪᑎᒃᓴᖏᓐᓄᑦ ᐊᓐᓄᕌᓕᐅᖅᑏᓪᓗ. ᐊᕐᕙᒐᓱᐊᕐᓂᖅ ᐊᖏᔪᒻᒪᕆᐅᓚᐅᕐᐳᖅ ᒥᐊᓕᒐᕐᒥᐅᓄᑦ ᓅ ᓚᓐᑕᓐᒥ ᑲᓇᑎᑲᑦᒥᐅᓄᓪᓗ.

    ᐃᓱᓕᓐᓂᖃᓚᐅᕐᒪᓪᓕ ᑭᖑᓪᓕᖅᐹᒥᒃ ᐅᑭᐅᖅᑕᖅᑐᒧᐊᖅᑐᖃᖅᑎᓪᓗᒍ 1892ᒥ.

    ᓂᐅ ᐃᓐᖓᓚᓐ ᐳᓕᐊᑦ ᑳᓚᕗᕆᐊᑕ, ᒥᔅᑎᒃ ᓰᐳᐊᑦ ᑕᑯᔭᒐᖃᖅᕕᖓᑕ ȁ

    ᑕᐃᔅᓱᒪᓂ ᔪᐊᔾ ᑰᒧᕐ ᐊᖅᕕᓐᓂᐊᕈᑎᒧᓐ ᐅᒥᐊᕐᔪᐊᕐᒧᓐ ᑳᑉᑕᓐᕈᖅᑎᓪᓗᒍ 1895ᒥ, ᐊᖅᕕᓂᐊᖅᑏᑦ ᑐᕚᖃᓪᓚᕆᑉᐸᑦᑐᒥᓃᑦ ᐃᓄᓐᓂᒃ ᐊᖅᕕᓐᓂᒃ ᐱᑎᑦᑎᒐᓱᐊᖅᑐᑎᒃ ᓱᖃᐃᔭᐃᑎᑦᑎᕙᑦᑐᑎᓪᓗ. ᑕᐃᒃᑯᐊ ᐊᖅᕕᓂᐊᖅᑏᑦ ᐅᒥᐊᕐᔪᐊᕐᒥᐅᑕᖁᑎᖏᑦ ᑕᐃᔅᓱᒪᓂ ᖃᑦᑏᓐᓇᒍᑕᐅᓂᖅᓴᐅᖃᑦᑕᖅᑐᒥᓃᑦ ᐊᒻᒪᓗ ᐊᑕᖏᐸᓗᑦᑐᑎᒃ ᐅᒥᐊᕐᔪᐊᒥᐅᑕᐃᑦ ᐊᖅᕕᓐᓂᐊᓚᐅᖅᓯᒪᓐᖏᑦᑐᒥᓂᐅᓪᓗᑎᒃ. ᑕᐃᔅᓱᒪᓂᓕ ᓂᐅᕕᐊᒥᓃᑦ ᑭᓱᕈᓘᔭᐃᑦ ᐃᓄᐃᑦ ᓄᓇᓕᖏᓐᓄᑦ ᐃᓯᖃᑦᑕᐸᓪᓕᐊᓕᖅᑐᒥᓃᑦ.

  • ᓂᐅ ᐃᓐᖓᓚᓐ ᐳᓕᐊᑦ ᑳᓚᕗᕆᐊᑕ, ᒥᔅᑎᒃ ᓰᐳᐊᑦ ᑕᑯᔭᒐᖃᖅᕕᖓᑕ ȁ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᑲᐱᑕᐃᓐ ᔪᐊᔾ ᑰᒧ ᐃᓅᓕᕐᓂᑰᕗᖅ 1858ᒥ. ᑯᐃᐱᒃᒥ ᓄᓇᖃᕐᓂᑯ. ᓱᕈᓯᐅᓂᖓ ᓇᓗᓇᒐᓚᒃᑑᒐᓗᐊᖅ.

    ᐊᑖᑕᖓ ᐅᒥᐊᖅᑐᕐᓯᒪᓪᓗᓂ ᐅᑎᙱᓴᐃᓐᓇᖅᑐᕕᓂᖅ ᐃᓅᕋᑖᕕᓂᐅᑎᓪᓗᒍ ᔪᐊᔾ. ᐊᓈᓇᖓ ᐃᖕᓚᓐᒥᐅᕕᓂᖅ. ᒥᐊᓕᒐᕐᓄᐊᕐᓂᖅᒪᓪᓕ ᖃᓅᒐᓗᐊᑭᐊᖅ. ᐊᒃᓱᕈᕐᓇᖅᑐᖅᓯᐅᖅᐸᒃᑐᕕᓃᒃ ᐊᓈᓇᒌᒃ. ᐃᓕᐊᕐᔪᒃᓯᐅᑎᑎᒍᑦ ᖃᐅᔨᒪᓇᖅᑐᖅ ᐃᖅᑲᓇᐃᔭᖅᑎᕕᓂᐅᔭᕆᐊᖓᓂᒃ ᐱᒡᒐᕐᓇᖅᑐᒃᑯᑦ ᓄᒃᑕᖅᐸᒃᑐᕕᓂᖅ ᓄᓇᓕᖕᓄᑦ, ᐅᐊᓴᖅᑎᐅᓪᓗᓂ ᐃᖅᑲᓇᐃᔭᖅᐸᒃᑐᕕᓂᖅ, 1860ᖏᓐᓂ ᐊᒃᓱᕈᖅᑐᕕᓂᖅ ᔪᐊᔾᓗ ᓇᒃᓴᑲᑕᒋᓪᓗᓂᐅᒃ. ᓱᕈᓯᐅᓂᕕᓂᖓ ᐊᒃᓱᕈᕐᓇᖅᑐᒃᑰᖅᓂᑯ.

    ᖁᓕᐅᙱᒐᖅᑐᓂᒃ ᐅᑭᐅᖃᓕᖅᑎᓪᓗᒍ ᐊᓈᓇᖓᑕ ᓱᕈᓯᒃᑯᕕᖕᒧᐊᖅᑕᕕᓂᖓ ᕼᐊᑦᕗᑦ ᑲᓇᑎᑲᑦᒥ.

    ᓴᐱᓕᕐᓂᕋᒥᒃ. ᐅᑭᐅᒐᓴᐅᓗᐊᖏᑑᒐᓗᐊᓂᒃ, ᐃᓕᓐᓂᐊᒐᓛᒃᑐᕕᓂᖅ ᑎᒍᐊᙳᐊᖅᑖᖑᓚᐅᖄᕋᓂ ᐅᐊᖕᓇᖓᓂᕐᒥᐅᑕᕐᒧᑦ ᕼᐋᑕᒻ ᓄᓇᖓᓂᑦ, 35 ᒪᐃᓕᓂᒃ ᐅᖓᓯᖕᓂᓕᒃ ᒥᔅᑎᒃ ᑲᓇᑎᑲᑦ ᑰᖓᓂᑦ. ᐱᕈᖅᓰᕕᐅᖕᒪᑦ ᑕᐃᔅᓱᒪᓂ. ᔪᐊᔾ ᑰᒧ ᐱᕈᕐᓂᑰᕗᖅ ᐱᕈᖅᓰᕕᐅᔪᒥ, ᒥᐊᓂᖅᓯᔨᐅᕙᖢᓂ 17ᓂᒃ ᐅᑭᐅᖃᓕᖅᖢᓂ, ᐊᐃᑉᕆᓕ 1875ᒥ. ᑕᐃᔅᓱᒪᓂ, ᑭᓱᒨᒐᓗᐊᑭᐊᖅ, ᕿᒪᐃᓚᐅᕐᒪᑦ ᐱᕈᖅᓰᕕᖕᒥᒃ, ᐱᓱᒃᑐᕕᓂᐅᓪᓗᓂᓗ ᓅ ᓚᓐᑕᓐᒧᑦ ᐅᒥᐊᕐᔪᐊᒃᑰᓕᕐᓂᖅᖢᓂᓗ ᐅᑭᐅᖅᑕᖅᑐᒧᑦ ᐃᓚᐅᓪᓗᓂ

    ᐊᕐᕙᒐᓱᒃᑎᓂ. ᐱᒋᐊᕐᓂᕆᓚᐅᕐᒪᒍᓕ ᐊᕐᕙᖕᓂᐊᖅᑎᐅᓂᕐᒥᒃ ᐅᒥᐊᖅᑐᖅᑎᐅᓂᕐᒧᓪᓗ, ᓯᕗᓪᓕᖅᐹᒥᒡᓗ

    ᐅᑭᐅᖅᑕᖅᑐᒧᐊᕆᐅᖅᖢᓂ.

    ᐅᑭᐅᓕᒫᓚᐅᖅᑐᖅ ᐊᐅᓪᓚᖅᓯᒪᓪᓗᓂ. ᑲᐱᑕᐃᖃᓚᐅᖅᐳᑦ ᐅᒥᐊᕐᔪᐊᕐᒥ ᔮᓐ ᐆ. ᓯᐸᐃᓱᒥᒃ. ᓯᐸᐃᓱ ᐅᑭᐅᖅᑕᖅᑐᒧᑦ ᐱᒻᒪᕆᐅᒋᔭᐅᓚᐅᖅᓯᒪᕗᖅ ᐊᕐᕙᖕᓂᐊᕐᓂᕐᒧᑦ. ᑰᒧ ᓇᓕᖅᑯᓪᓗᐊᕐᓂᖅᐳᖅ ᐊᔭᑉᐸᒡᕕᒃᓴᒥᓂᒃ

    ᐃᓕᓴᐃᔨᒋᓂᐊᓕᖅᑕᒥᓂᒡᓗ ᓯᕗᓪᓕᖅᐹᑦᑎᐊᒥᒃ ᐅᑭᐅᖅᑕᖅᑐᒧᐊᕆᐅᕋᒥ ᐃᓅᓱᒃᑑᓪᓗᓂ.

    ᓇᓗᓇᐃᒐᓛᒡᓗᒍ ᕿᒪᐃᓚᐅᑲᓚᐅᖅᓯᒪᖕᒪᑦ ᐅᑭᐅᖅᑕᖅᑐᒧᐊᖅᐸᒃᑐᓂᒃ ᐊᕐᕙᒐᓱᒃᑎᓂᒃ ᕿᓚᒥᐅᒐᓗᐊᖅ.

    ᐅᒥᐊᖅᑐᖃᑦᑕᐃᓐᓇᖅᑐᕕᓂᖅ ᑭᓯᐊᓂ ᓇᑦᑎᕋᓱᒃᑐᓃᑲᐃᓐᓇᖅᑐᕕᓂᐅᖕᒪᑦ ᑲᓇᖕᓇᖓᓂᕐᒥᐅᓂ ᐃᓚᐅᓪᓗᓂ ᑲᓇᑎᑲᑦᒥᑦ. ᐊᐸᓐᓇᓱᒃᑐᓂ ᐅᖅᓱᒃᓴᓂᒐᓱᒃᑐᓂ ᕿᓯᐅᑎᑖᕋᓱᐊᖅᑐᓂᓗ ᐃᓚᒋᔭᐅᓪᓗᓂ. ᐅᖂᔪᕐᒥᐅᑦ ᑕᕆᐅᖓᓂ ᐃᓐᑎᐊ ᑕᐅᕙᓃᑉᐸᓚᐅᖅᑐᖅ ᐃᒪᕕᑦᑎᓐᓂᓗ ᐱᓇᖕᓇᖅᐸᓯᖕᓂᖅᓴᒥ. ᓯᓚᓗᖕᓇᐅᒐᓗᐊᒥ

    ᐊᒃᓱᕈᖅᐸᓚᐅᖅᐳᑦ ᒪᑭᒪᓇᓱᒋᐊᒥᒃ. ᒪᕐᕈᐊᖅᑎᖅᖢᓂ ᐃᐱᑲᓴᒃᐸᓚᐅᖅᑐᖅ ᐃᒫᓂ. ᑭᓯᐊᓂ ᐱᕙᓪᓕᐊᓚᐅᕐᒪᑦ

    ᖁᕝᕙᖅᐸᓪᓕᐊᓪᓗᓂᓗ ᑐᖓᓕᙳᖅᐸᓵᖅᖢᓂ ᑲᐱᑕᐃᒧᑦ. ᐊᒃᓱᕈᕐᓇᖅᑐᒃᑯᑦ ᑲᔪᓯᓂᖃᑦᑎᐊᓚᐅᕐᒪᑦ.

    ᓇᑦᑎᕋᓱᒃᑎᐅᓂᕐᒥᒃ ᖃᐅᔨᕙᓪᓕᐊᓂᖓ ᐃᓕᓐᓂᐊᕈᑎᒋᑦᑎᐊᓚᐅᕐᒪᒍ. ᐸᕐᓇᒍᑎᒋᓚᐅᕐᒪᒍ ᐅᑭᐅᖅᑕᖅᑐᒥ

    ᐊᑐᓛᖅᑕᒥᓄᑦ.

    1889ᖑᓕᖅᑎᓪᓗᒍ, ᐱᖓᓱᐃᖅᓱᕈᑎᒃᓴᒥᓂᒃ ᐅᑭᐅᖅᑕᖅᑐᒧᐊᕆᐅᓚᐅᖅᐳᖅ ᓯᐸᐃᓱᒥᒃ ᐱᖃᑎᖃᖅᖢᓂ

    ᑎᖏᕐᕋᐅᑎᓕᒃᑯᑦ ᐄᕋᒥᒃ ᑕᐃᔭᐅᔪᒥᒃ (ᑭᖑᓂᐊᒍᑦ ᑰᒨᑉ ᐃᓅᓯᖓᓂ ᐱᒻᒪᕆᐅᓕᓚᐅᖅᑐᖅ ᐄᕋ.) ᑰᒧ

    ᐱᖓᓱᐃᖅᓱᓚᐅᖅᐳᖅ ᓯᐸᐃᓱᓗ. ᐅᑭᐅᖅᑕᖅᑐᒧᐊᒃᑲᓐᓂᓕᓚᐅᕆᕗᖅ ᑳᓐᑕᓐᒥᒃ ᐱᖃᑎᖃᖅᖢᓂ, ᐊᔾᔨᑲᓴᖓ

    ᒥᔅᑎᒃ ᓰᐳᐊᑦ ᓵᓕ ᑕᕙᔪ ᒧᐊᒐᓐᓗ. ᑭᖑᓂᐊᒍᓪᓗ, ᓅ ᓚᓐᑕᓐ ᐊᕐᕙᒐᓱᖕᓂᕐᒧᑦ ᓄᖅᑲᓚᐅᖅᐳᖅ ᐄᕋᓗ

    ᓂᐅᕐᕈᑕᐅᓪᓗᓂ (ᑭᖑᓪᓕᖅᐸᐅᓪᓗᓂ ᐊᕐᕙᒐᓲᑎ) ᐊᐅᓚᑕᐅᓚᐅᖅᑐᒥᒃ ᓅ ᐱᑦᕗᑦᒥᐅᑕᕐᓄᑦ.

    ᑰᒧ ᓯᕗᓪᓕᖅᐹᒥᒃ ᑲᐱᑕᐃᖑᓕᖅᖢᓂ, 1895ᒥ, ᐄᕋᒃᑯᑦ, ᐊᐅᓪᓚᓚᐅᖅᐳᖅ ᐅᒥᐊᕐᔪᐊᖅ ᑕᒪᓐᓇ ᖃᐅᔨᒪᔭᒻᒪᕆᒋᓪᓗᓂᐅᒃ. ᕼᐊᑦᓴᓐ ᐲᒧᐊᓚᐅᖅᐳᖅ, ᐊᕐᕌᒍᑦᑕᕌᖓᓪᓗ ᐱᒃᑯᓴᒻᒪᕆᓚᐅᖅᐳᖅ. ᐅᑎᖅᑕᖅᐸᒃᖢᓂ, ᕼᐊᑦᓴᓐ ᐲᒧᐊᖅᑕᓚᐅᖅᐳᖅ.

    ᐱᒋᐊᕐᓂᖓᓂᑦ, ᒪᕐᕈᐃᓕᖓᔪᒥᒃ ᐱᔪᒥᒋᔭᖃᓚᐅᖅᐳᖅ. ᐅᒥᐊᖅᑐᖅᑎ, ᓇᑦᑎᕐᓂᐊᖅᑎ ᐊᕐᕙᖕᓂᐊᖅᑎ,

    ᐃᓅᓯᕆᓚᐅᕐᒪᒍ, ᑭᓯᐊᓂ ᑕᒪᐅᓇᑦᑕᐅᖅ, ᐱᐅᒃᓴᕐᓂᖃᓚᐅᕐᒥᖕᒪᑦ ᓯᓚᕐᔪᐊᕐᒥᒃ ᐊᕙᑎᒥᓂᒃ, ᓂᕐᔪᑎᓂᒃ

    ᓄᔪᐊᖅᑐᓂᒃ, ᐱᕈᖅᑐᖏᓐᓂᒡᓗ. ᖃᐅᔨᒃᑲᓐᓂᕈᒪᓚᐅᖅᑕᖏᑦ ᐃᓕᒃᑲᓐᓂᕐᖢᓂᒋᓪᓗ. ᑕᒪᓐᓇ ᐃᓕᓐᓂᐊᕐᓂᑭᑦᑐᕕᓂᕐᒧᑦ ᐱᔪᒥᒋᔭᐅᔭᕆᐊᖓᓂᒃ ᐱᒃᑯᓇᒻᒪᕆᓚᐅᖅᐳᖅ. 1880ᖏᓐᓂᑦ, ᓄᐊᑦᑎᕙᓕᓚᐅᕐᒪᑦ

    ᑎᖕᒥᐊᓂᒃ ᓯᓚᑦᑐᖅᓴᕐᕕᒡᔪᐊᕐᒧᑦ ᔭᐃᐅᓪᒧᑦ. ᐅᓪᓗᒥᐅᓕᖅᑐᖅ, ᑰᒨᑉ ᓄᐊᑉᐸᓚᐅᖅᓯᒪᔭᖏᑦ ᓯᕗᓪᓕᖅᐸᐅᖃᑕᐅᓂᑰᕗᑦ ᑕᑯᔭᒐᖃᕐᕕᐊᓂ ᔭᐃᐅᓪ ᓯᓚᑦᑐᖅᓴᕐᕕᒡᔪᐊᖓᓂ. ᑕᐃᔭᐅᖃᓯᐅᑎᔪᓐᓇᓕᖅᑐᖅ

    ᐱᒋᐊᕐᓂᖓᓂᑦ ᖃᐅᔨᓴᖅᑎᐅᕙᒃᓯᒪᔪᓂᑦ 1880ᖏᓐᓂ ᐱᒋᐊᕐᓂᑯᓂᑦ.

    ᑲᔪᓰᓐᓇᓚᐅᕐᒪᑦ ᐅᑭᐅᖅᑕᖅᑐᒧᐊᖅᐸᒃᖢᓂ. ᓄᐊᑦᑎᕙᓚᐅᕐᒪᑦ ᐱᕈᖅᑐᖏᓐᓂᒃ ᕼᐊᑦᓴᓐ ᐲᒥᑦ ᐊᒻᒪᓗ

    ᕿᑭᖅᑖᓘᑉ ᒥᒃᓵᓂᑦ 1890ᖏᓐᓂ. ᐃᓅᓯᕐᒥᓂ ᓱᓇᐅᕝᕙ ᐱᓕᕆᐊᕆᓂᐊᓕᖅᑕᒥᓂ ᑲᔪᓰᓐᓇᓚᐅᖅᐳᖅ,

    ᐃᓄᐃᑦ ᐃᓕᖅᑯᓯᖏᓐᓂᒃ ᐅᓂᒃᑲᐅᓯᓕᐅᖅᐸᒃᖢᓂ ᐃᓕᑉᐸᓪᓕᐊᔭᒥᓂᒃ. ᐱᕕᒡᔪᐊᖏᖢᓂ ᐱᒋᐊᕈᑎᒥᓂᒃ

    ᓄᐊᑦᑎᕙᓪᓕᐊᕌᕐᔪᒃᐸᒃᖢᓂ ᑕᐅᖅᓯᕈᑎᒃᓴᒥᓂᒃ ᐱᖁᑎᑐᖃᐅᓕᖅᑐᑦ ᐊᑐᖅᑕᐅᕙᒃᑐᕕᓃᑦ ᐃᓄᖕᓄᑦ.

    1897ᒥ ᐊᓯᔾᔨᕆᐊᕈᑎᖃᓚᐅᖅᐳᖅ ᑰᒨᑉ ᐃᓅᓯᖓ. 1897ᐅᓕᖅᑎᓪᓗᒍ, ᐊᖑᑦ ᑕᐃᔭᖅ ᕗᕌᖕᒃ ᐴᐊᔅ,

    ᐃᓕᖅᑯᓯᑐᖃᓕᕆᔨᒻᒪᕆᒃ ᒥᐊᓕᒐᕐᓂ ᖃᐅᔨᒪᔨᑕᖅ, ᐃᓕᖅᑯᓯᑐᖃᓕᕆᓂᕐᒥᒃ ᐃᓕᓯᒪᔪᒻᒪᕆᒃ, ᓯᐸᐃᓱᒥᒃ

    ᑲᐱᑕᐃᕕᓂᕐᒥᒃ ᑲᓱᖅᓯᓚᐅᖅᐳᖅ, ᑐᑭᓯᒃᑲᓐᓂᕈᒪᓪᓗᓂ ᐃᓄᐃᑦ ᐃᓕᖅᑯᓯᖓᓂᒃ ᐅᑭᐅᖅᑕᖅᑐᒥᐅᓂᒃ.

    ᑲᐱᑕᐃᕕᓂᖅ ᑭᐅᓚᐅᖅᐳᖅ ᓄᖅᑲᕐᓂᑰᓕᕐᓂᕋᖅᖢᓂ ᑲᐱᑕᐃᓐ ᑰᒧᒧᑦ ᑎᒃᑯᐊᕈᑎᓪᓗᓂᐅᒃ.

    ᐳᐊᔅ ᑲᓱᖅᓯᓚᐅᖅᐳᑦ ᑰᒧᒥᒃ, ᐊᐱᕆᓪᓗᓂᐅᒡᓗ ᓄᐊᑦᑎᖁᓪᓗᓂᐅᒃ ᑭᖑᓪᓕᕐᒥ ᐅᑭᐅᖅᑕᖅᑐᒧᐊᖅᐸᑦ

    ᐱᔪᒪᔭᒥᓂᒃ. ᐳᐊᔅ ᑐᐱᖅᓱᐊᒥᓂᒃ ᓇᒃᓯᓚᐅᖅᐹ ᑰᒧ. ᑕᖅᑮᑦ ᐊᕙᑎᑦ ᑎᓴᒪᐅᙱᒐᖅᑐᓪᓗ, ᑰᒧ ᐅᑎᓚᐅᖅᐳᖅ ᐅᓄᖅᑐᒻᒪᕆᖕᓂᒃ ᐃᓄᒃᓯᐅᑎᓂᒃ ᓄᐊᓯᒪᔭᒥᓂᒃ ᓇᒃᓴᖅᖢᓂ. ᓇᓗᓇᐃᖅᑐᖅᓯᒪᐅᖅᖢᒋᑦ

    ᑎᑎᖅᑲᖃᐅᖅᖢᑎᒡᓗ ᓇᓗᓇᐃᒃᑯᑕᓕᖕᓂᒃ. ᐳᐊᔅ ᐊᖏᕐᕋᒥᓄᑦ ᑐᙵᓴᓚᐅᖅᐹ. ᐳᐊᔅ ᑲᒪᐃᖅᑭᓚᐅᖅᐳᖅ.

    ᑎᑎᕋᓕᓚᐅᖅᐳᖅ ᑐᑭᒧᐊᒃᑎᒋᔭᖏᓐᓄᑦ ᒥᐊᓕᒐᐃᑦ ᑕᑯᔭᒐᖃᕐᕕᖏᓐᓄᑦ ᐃᓕᖅᑯᓯᓪᓚᑖᓕᕆᔨᓄᑦ, ᐅᖃᖅᓯᒪᔪᓂᒃ ᐱᐅᔫᑎᐊᓗᖕᓂᒎᖅ ᐱᑖᖅᑐᕋᒥ, ᑕᑯᔭᐅᓚᐅᖅᓯᒪᔮᖏᑦᑐᓂᒃ ᓇᒥᑐᐃᓐᓇᓕᒫᑦᑎᐊᖅ ᐅᓄᖅᑐᐊᓗᖕᓂ ᑕᑯᔭᒐᖃᕐᕕᓕᒫᓂ ᒥᐊᓕᒐᕐᒥᐅᓂ ᓯᓚᕐᔪᐊᕐᒥᐅᓕᒫᓂᓗ, ᑕᒪᒃᑭᐊᓗᒎᖅ ᑖᔅᓱᒧᖓ

    ᑲᐱᑕᐃᓐᒧᑦ ᑰᒧᒧᑦ ᓄᐊᑕᐅᓂᑰᔪᓂᒃ. ᓇᓗᓇᐃᖅᓯᔾᔪᑕᐅᕙᒃᑐᓂ ᐱᑖᖑᓂᑯᓂᒃ ᐱᐅᓂᖅᐸᐅᔪᒥᒃ.

    ᑕᐃᒪᐃᓕᐅᕐᓂᕐᒥᒍᑦ, ᑰᒧᓗ ᐳᐊᔅᓗ ᑕᐱᖅᑖᕇᓕᓚᐅᖅᐴᒃ ᐊᒻᒪᓗ ᒥᐊᓕᒐᐃᑦ ᑕᑯᔭᒐᖃᕐᕕᖓᑕ

    ᐃᓕᖅᑯᓯᓕᕆᓂᕐᒧᑦ ᐱᓪᓚᑦᑖᖑᔪᓄᑦ, ᐱᖃᑦᑎᖅᖢᓂᐅᒃ ᐃᖅᑲᓇᐃᔮᕆᔭᓂ, ᐃᓕᓐᓂᐊᕈᑎᒋᓯᒪᙱᑕᒥᒍᑦ.

    ᐅᑭᐅᓄᑦ ᖁᓕᓪᓗᐊᐸᓗᖕᓄᑦ ᑭᖑᓂᐊᒍᑦ, ᓲᖑᔪᒥᒃ ᐱᓕᕆᖃᑎᖃᓚᐅᖅᐳᖅ ᒥᐊᓕᒐᐃᑦ ᑕᑯᔭᒐᖃᕐᕕᖓᓂᒃ

    ᐃᓕᖅᑯᓯᓕᕆᓂᕐᒧᑦ ᐱᓪᓚᑦᑖᖑᔪᓄᑦ. ᓇᒃᓴᖅᑐᐃᓐᓇᖅᐸᓚᐅᖅᐳᖅ ᑖᒃᑯᓄᖓ.

    ᐳᐊᔅ ᑐᐱᖅᓲᒪᓕᓚᐅᖅᑐᖅ ᑭᖑᓪᓕᕐᒥ ᐅᒥᐊᖅᑐᓕᕐᒥᒃᐸᑦ ᑰᒧ,"ᐊᔾᔨᓕᐅᕆᓗᑎᑦ, ᓇᓗᓇᐃᖅᑐᖅᓯᒪᐅᕐᓗᒋᑦ, ᑮᓇᑉᐸᓕᐅᕆᕙᒡᓗᑎᓪᓗ ᒪᕋᐅᔭᕐᒥᒃ ᑮᓇᖏᓐᓂᒃ". ᑕᐃᒪᐃᓕᐅᕐᓂᒃᑯᑦ, ᓇᓗᓇᐃᖅᑐᐃᖃᑦᑕᕐᓂᖓ ᐱᑐᐃᓐᓇᐅᔪᓃᓚᐅᖅᐳᖅ. ᑰᒧ ᓇᓗᓇᐃᓯᒪᔪᓂᒃ ᑎᑎᕋᖅᐸᓪᓕᐊᕙᓚᐅᖅᐳᖅ ᐃᓄᐃᑦ ᐃᓕᖅᖁᓯᖏᓐᓂᒃ.

    ᐅᓂᑳᖅᓯᐅᖅᐸᒃᖢᓂ, ᓯᕗᓕᖏᑕ ᒥᒃᓵᓄᑦ ᐅᓂᑳᖅᓯᐅᖅᐸᒃᖢᓂ, ᕗᕌᖕᑭᓕᓐ ᓄᒃᑕᕐᓂᕕᓂᖏᓐᓂᒃ ᐅᓂᑳᖅᓯᐅᖅᐸᒃᑭᓪᓗᓂ, ᑎᑎᕋᐅᔭᖅᐸᒃᖢᓂ, ᓄᓇᙳᐊᓕᐅᖅᐸᒃᖢᓂ, ᑭᓱᑐᐃᓐᓈᓗᖕᓂᒃ ᐱᔪᓐᓇᖅᑕᒥᓂᒃ ᓄᐊᑦᑎᓇᓱᒃᐸᒃᖢᓂ. ᓄᐊᑕᓕᒫᐸᓗᖏᑦ ᒥᐊᓕᒐᐃᑦ ᐃᓕᖅᑯᓯᑐᖃᓕᕆᔨᖏᓐᓄᑦ ᐊᒡᒋᓯᕙᒃᑕᕕᓂᖏᑦ.

    1907ᐅᓕᖅᑎᓪᓗᒍ 1908ᒥᓘᕝᕙᑭᐊᖅ, ᐅᓄᕐᓂᖅᐹᓂᒃ ᐅᑭᐅᖅᑕᖅᑐᒥᐅᑕᕐᓂᒃ ᓄᐊᑦᑎᓯᒪᓕᓚᐅᖅᐳᑦ

    ᓯᓚᕐᔪᐊᕐᒥᐅᓕᒫᓂ, ᑕᒪᒃᑭᐸᓗᒃᖢᑎᒃ ᑰᒨᑉ ᓄᐊᖃᑦᑕᖅᑕᕕᓂᖏᓐᓂᒃ ᐊᒻᒪᓗ ᕌᐳᑦ ᐱᐅᕆᐅᑉ. ᑰᒧ

    ᑕᐃᔭᐅᓕᓚᐅᖅᐳᖅ ᐃᓕᖅᑯᓯᑐᖃᓕᕆᔨᒥᒃ. ᑲᔪᓰᓐᓇᓚᐅᖅᐳᖅ ᐊᕐᕙᒐᓱᖕᓂᖓ ᑮᓇᐅᔭᓕᐅᕈᑎᒋᓪᓗᒍ,

    ᑭᓯᐊᓂ ᐱᖃᑦᑎᓚᐅᖅᐳᖅ ᐃᖅᑲᓇᐃᔮᒃᓴᖓ ᐃᓕᖅᑯᓯᑐᖃᓕᕆᔨᐅᓂᕐᒥᒃ.

    ᓂᐅ ᐃᓐᖓᓚᓐ ᐳᓕᐊᑦ ᑳᓚᕗᕆᐊᑕ, ᒥᔅᑎᒃ ᓰᐳᐊᑦ ᑕᑯᔭᒐᖃᖅᕕᖓᑕ ȁ

    ᐳᓕᐊᑦ ᑳᓚᕗᕆᐊᑕ ᑲᒪᓇᖅᑐᒥᒃ ᐅᓂᒃᑳᓕᒃ ᑳᑉᑕᓐ ᔪᐊᔾ ᑰᒧᒥᑦ ᐃᓅᓚᐅᖅᓯᒪᔪᒥᓂᕐᒥᒃ ᑯᐸᐃᒻᒥ 1858ᒥ, ᐱᕈᖅᓴᔪᒥᓂᕐᒥᒃ ᐃᓕᐊᕐᔪᐃᑦ ᐱᓯᒪᔭᐅᕕᖓᓂ ᐊᒻᒪᓗ ᑎᒍᐊᓐᖑᐊᕆᔭᐅᕙᑦᑐᓂ ᐱᓯᒪᔭᐅᕙᑦᑐᓂ ᐊᒻᒪᓗ ᑭᖑᓂᐊᒍᑦ ᑳᑉᑕᓐ ᔮᓐ ᓯᐸᐃᓲᑉ ᐅᒥᐊᕐᔪᐊᖓᓅᖅᑐᒥᓂᐅᓪᓗᓂ ᐊᖅᕕᒐᓲᑎᒧᓐ 17ᓂᒃ ᐅᑭᐅᖃᖅᑐᓂ. ᑕᐃᓐᓇ ᔪᐊᔾ ᑰᒧᕐ ᑭᓱᕈᓘᔮᓗᓐᓂᒃ ᖃᐅᔨᒐᓱᐊᒃᑲᒥᓂᖅ. ᐊᔪᕆᖅᓯᐅᔾᔭᐅᖃᑦᑕᖅᑐᓂ ᐳᕌᓐᔅ ᕘᐋᔅᒧᓐ, ᐃᖅᑲᓇᐃᔮᖅᑖᖅᑐᒥᓂᖅ ᐃᓄᐃᑦ ᐃᓅᓯᖏᓐᓄᒃ ᖃᐅᔨᓴᖅᑎᐅᓪᓗᓂ.

  • ᓂᐅ ᐃᓐᖓᓚᓐ ᐳᓕᐊᑦ ᑳᓚᕗᕆᐊᑕ, ᒥᔅᑎᒃ ᓰᐳᐊᑦ ᑕᑯᔭᒐᖃᖅᕕᖓᑕ ȁ
    ᓇᕿᑦᑕᖅᓯᒪᓂᖓ

    ᒪᑐᔾᔪᑎᖓ

    ᑲᔪᓰᓐᓇᓚᐅᖅᐳᖅ ᐊᕐᕙᒐᓱᖕᓂᖓ ᑮᓇᐅᔭᓕᐅᕈᑎᒋᓪᓗᒍ,
    ᑭᓯᐊᓂ ᐱᖃᑦᑎᓚᐅᖅᐳᖅ ᐃᖅᑲᓇᐃᔮᒃᓴᖓ ᐃᓕᖅᑯᓯᑐᖃᓕᕆᔨᐅᓂᕐᒥᒃ.

    ᐊᔪᖏᔾᔪᑎᖃᓚᐅᕐᒪᑦ ᐅᒥᐊᖅᑐᖃᑦᑕᕐᓂᕐᒥᒍᑦ, ᑕᒪᑐᒥᖓ ᐱᔪᓐᓇᕈᑎᒋᓪᓗᒍᓗ, ᐅᑮᕙᓚᐅᕐᓂᕐᒥᓄᑦ. ᐃᒪᓐᓇ,
    ᐅᑭᐅᖅᑕᖅᑐᒦᑉᐸᒃᑐᕕᓂᖅ ᑕᖅᑭᓄᑦ ᐊᕙᑏᑦ ᑎᓴᒪᐅᙱᒐᖅᑐᓪᓗ. ᓯᑎᐱᕆᒥ ᐊᕐᕙᒐᓱᖕᓇᐅᙱᓕᕌᖓᑦ ᐅᑮᓕᓵᖅᑎᓪᓗᒋᑦ, ᐅᑭᐅᖑᓂᐊᖅᑐᒧᑦ ᐃᓂᒃᓴᖅᓯᐅᖅᐸᒋᓕᖅᖢᑎᒃ. ᓯᑎᐱᕆᒥ ᐅᑐᐱᕆᒥᓘᕝᕙ ᒪᐃᒧᑦ ᑎᑭᖢᒍ ᐊᕐᕌᒍᒧᑦ, ᐊᕐᕙᒐᓱᓗᐊᕐᓇᙱᓕᕌᖓᑦ. ᐱᔭᒃᓴᑭᓐᓂᕐᒥᓂ ᖃᐅᔨᓴᖅᐸᒃᑕᕕᓂᖏᑦ ᐃᓅᖃᑎᑖᓂ
    ᐃᓄᐃᑦ ᑲᓲᒪᒃᖠᕐᓂᕐᒥᒍᑦ ᖃᐅᔨᒪᔭᖅᑖᕆᓪᓗᒋᑦ. ᐱᔪᓐᓇᕈᑎᒋᓗᐊᓚᐅᕐᒪᒍ ᐱᐅᒃᓴᓚᐅᕐᒪᑦ ᐃᓄᖕᓂᒃ. ᐃᖅᑲᓇᐃᔭᖃᑎᒋᑐᐃᓐᓇᕐᓇᒋᑦ, ᐃᓄᐃᑦ ᑕᐅᖅᓯᕋᖃᑎᑐᐃᓐᓇᐅᓚᐅᖏᒻᒪᑕ, ᑖᔅᓱᒪᓕ ᓱᖁᑕᐅᒋᓚᐅᕐᒪᒋᑦ.
    ᑕᒪᒃᑯᐊ ᐱᓪᓗᒋᑦ, ᐱᒃᑯᒍᓱᖕᓂᖅ ᐱᙳᖅᑎᑕᐅᓚᐅᖅᒪᑦ ᐊᑯᕐᖓᓐᓂ, ᐊᖏᔪᐊᓗᖕᒥᒡᓗ ᐊᖏᕈᑕᐅᓯᒪᓪᓗᓂ
    ᖃᓄᐃᓕᐅᕈᓯᖏᓐᓄᑦ ᐃᓕᖅᑯᓯᖏᓐᓄᑦ ᐊᒡᓛᑦ. ᓴᑲᑎᓪᓗᒋᓪᓘᓐᓃᑦ ᐃᒡᓗᕕᒐᐅᑉ ᐃᓗᐊᓂ ᐊᔾᔨᓕᐅᕈᓐᓇᖅᐸᓵᖅᖢᒋᑦ, ᐊᑐᖅᑕᐅᓚᐅᖅᓯᒪᖏᑦᑐᒥᒃ. ᐊᖏᕈᑕᐅᓯᒪᓚᐅᖅᐳᖅ ᓲᖃᐃᒻᒪ ᐃᓄᐃᑦ ᓱᖁᑕᐅᒋᓚᐅᕋᒥᒋᑦ. ᑲᔪᓰᓐᓇᓚᐅᖅᐳᖅ ᑕᒪᓐᓇ. ᑭᖑᓪᓕᖅᐹᒥᒃ ᐅᒥᐊᖅᑐᓚᐅᖅᓯᒪᕗᖅ 1912ᒥ.

    ᐅᒥᐊᖅᑐᐃᓐᓇᖅᐸᓚᐅᖅᐳᖅ. ᐃᓚᐅᓚᐅᖅᓯᒪᖕᒥᔪᖅ ᐊᑯᑭᑦᑐᓄᑦ ᓇᕈᔪᓄᑦ ᐊᑭᓕᖅᑕᐅᓯᒪᓪᓗᑎᒃ ᑕᑯᔭᒐᖃᕐᕕᖕᒧᑦ ᒥᐊᓕᒐᕐᓂᑦ ᐃᓕᖅᑯᓯᑐᖃᓕᕆᓂᕐᒧᑦ ᐱᓪᓚᑦᑖᓂᒃ. ᑕᐃᔭᐅᓪᓗᓂ ᑯᕌᑯ ᓄᓇᒃᑯᑦ
    ᓇᕈᓂᖅᒥᒃ. ᐊᔪᖅᓯᐅᖅᑲᓚᐅᖅᓯᒪᖕᒪᑕᓕ ᐅᑭᐅᖕᓄᑦ ᒪᕐᕉᖕᓄᑦ ᐊᑯᑭᑦᑐᓂ. ᑰᒨᑉ ᐱᕕᒃᓴᖃᕐᓂᓂ
    ᐊᑑᑎᖃᖅᑎᓚᐅᖅᐹ ᐊᒡᒐᒃᖢᓂ ᐱᑐᖃᕐᓂᒃ, ᐊᑐᓚᐅᖅᓯᒪᖏᒃᑲᓗᐊᕋᒥᐅᒃ. ᐃᓄᐃᑦ ᑐᕝᕕᖃᖅᑳᕐᓂᑯᐃᑦ
    ᐱᕕᓂᖏᓐᓂᒃ ᓇᓂᓯᐅᕋᐃᓚᐅᖅᐳᖅ. ᑲᑎᖅᓱᐃᕙᓪᓕᐊᓕᓚᐅᖅᐳᖅ ᐊᒡᒑᒐᕐᓂᒃ ᓇᓂᔭᒥᓂᒃ, ᐃᓕᓯᒪᓇᓂ.
    ᖄᖅᐹᖓᓂᑦ ᓄᓇ ᐲᔭᖅᐸᓪᓕᐊᓪᓗᓂᐅᒃ ᑐᑭᓯᐅᒪᓇᓱᐊᑐᐃᓐᓇᖅᖢᓂᐅᒃ ᐊᔾᔨᒌᖏᑦᑑᓂᖏᓐᓂᒃ
    ᖃᓕᕇᖕᓂᖏᑦ ᐱᑐᖃᐅᓂᖅᓴᐃᑦ ᐊᑎᑦᑎᐊᖏᓐᓃᓐᓂᖏᓐᓂᒃ.

    ᐊᒡᒐᖕᓂᑯᐊ ᑕᐃᔭᐅᕙᒃᑐᖅ ᓱᓕ ᑰᒨᑉ ᖃᑉᐸᓕᐊᕕᓂᖓᓂᒃ. ᓇᓂᔭᒐᖏᑦ ᐅᓂᑳᓕᐊᖑᓂᑰᕗᑦ ᐅᓄᖅᑐᓄᑦ
    ᐃᓄᖕᓄᑦ, ᐱᖃᓯᐅᑎᓪᓗᓂ ᑲᓛᒃ ᐅᐃᔅᓗ, ᐃᓕᖅᑯᓯᑐᖃᓕᕆᔨᒻᒪᕆᐅᓂᑯ. ᐃᓕᓐᓂᐊᒻᒪᕆᖕᓂᑰᖏᒃᑲᓗᐊᕋᒥ,
    ᑰᒧ ᐱᔪᓐᓇᖅᓯᕙᓪᓕᐊᖏᓐᓇᓚᐅᖅᐳᖅ ᐃᓕᖅᑯᓯᑐᖃᓕᕆᔨᐅᓂᕐᒥᒍᑦ. ᐅᓪᓗᒥᐅᔪᖅ, ᑰᒨᑉ ᖃᑉᐸᓕᐊᕕᓂᖓ
    ᐱᕕᒡᔪᐊᕆᔭᐅᕙᒃᐳᖅ ᐊᒡᒐᒃᑕᐅᕙᒃᑐᕕᓂᕐᓂ ᓇᓗᓇᐃᒃᑯᑕᓕᐊᕆᓯᒪᔪᖅ ᐅᑭᐅᖅᑕᖅᑐᒥ.

    ᑰᒧ ᐅᑭᐅᖃᓗᐊᓕᓚᐅᖅᐳᖅ 50ᖏᓐᓂ ᐅᑎᕋᒥ ᓇᕈᓂᕕᓂᕐᒥᓂᑦ. 60ᙳᑲᓴᒃᖢᓂ ᐅᓇᑕᕕᒡᔪᐊᓕᓚᐅᕐᒪᑕ
    ᓯᕗᓪᓕᖅᐹᒥᒃ. ᓄᓇᖁᑎᒥᓄᑦ ᐱᔨᑦᑎᕈᒪᓂᕐᒧᑦ, ᐅᓇᑕᖅᑐᒃᓴᓄᑦ ᐊᑎᓕᐅᖅᑕᐅᔪᒪᓚᐅᖅᐳᖅ ᐅᒥᐊᓕᒃᑕᐅᑉ
    ᐸᓖᓯᙳᐊᕆᓗᓂᐅᒃ. ᑲᐱᑕᐃᖑᓚᐅᖏᒻᒪᓪᓕ (ᒥᐊᓕᒐᐃᑦ ᐅᓇᑕᐅᑎᖓᓄᑦ ᕌᑦᓄᐊᕐ); ᓱᖏᐅᓐᓇᓚᐅᖏᑦᑐᖅ
    ᐊᖓᔪᖅᑲᐅᓕᒪᒐᒥᓕ ᑭᓯᐊᓂᓕ ᐱᔪᓐᓇᖅᑕᒥᒍᑦ ᐱᓇᓱᑦᑎᐊᓚᐅᖅᑐᖅ ᐅᓇᑕᖅᑐᒃᓴᐅᓂᒃᑯᑦ ᐃᒫᓂ.

    ᐅᓇᑕᕆᐊᕐᓂᑰᓕᖅᖢᓂ, ᑭᖑᓪᓕᖅᐹᖅᓱᓕᖅᖢᓂ ᐅᑭᐅᖅᑕᖅᑐᒧᐊᒃᑲᓐᓂᓚᐅᕐᒥᔪᖅ. ᐃᓕᖅᑯᓯᑐᖃᓕᕆᔨ
    ᑯᕆᔅᑎᐊᓐ ᓖᑕᓐᒥᒃ ᐊᑎᓕᒃ ᓇᕈᔪᒃᓴᓂᒃ ᐋᕿᒃᓱᐃᕙᓪᓕᐊᓕᕋᒥ ᕼᐊᑦᓴᓐ ᐲᒧᑦ ᐃᓄᐃᑦ ᐃᓕᖅᑯᓯᖏᓐᓂᒃ
    ᐃᓕᓐᓂᐊᕐᓂᕐᒨᖓᔪᓂᒃ ᐊᒻᒪᓗ ᓂᐅᕕᕐᕕᒃᑕᖃᕈᓐᓇᕐᒪᖔᑦ ᐅᑭᐅᖅᑕᖅᑐᒥ ᐋᖅᑭᒃᑕᐅᖁᓪᓗᒍ. ᐅᒥᐊᖅᑖᖅᖢᑎᒃ ᑕᐃᔭᕐᒥᒃ ᕕᓐᐹᒃ. ᐃᓄᖕᒧᑦ ᓇᖕᒥᓂᕆᔭᐅᔫᒐᓗᐊᖅ ᐅᑭᐅᖅᑕᖅᑐᒥᓯᐅᓯᐊᕆᓯᒪᓪᓗᓂ.

    ᑰᒧ ᑲᐱᑕᐃᒋᔭᐅᓪᓗᓂ ᐅᒥᐊᒥ. ᐱᒋᐊᕐᓂᖓᓂᑦ, ᖁᕕᐊᓇᙱᑲᐅᑎᒋᓚᐅᖅᑐᖅ, ᐅᒥᐊᖅᑐᖅᑎᐅᔪᑦ ᓇᓗᔪᑦ
    ᐋᖓᔮᓗᐊᖅᐸᒃᖢᑎᒡᓗ. ᐊᑕᐅᓯᐊᖅᖢᓂ, ᐃᓚᖓᑦᑕ ᑰᒧ ᖁᑭᐅᓯᕐᕕᒋᓚᐅᖅᐹ ᐅᓇᑦᑎᒪᒧᑦ. ᑰᒨᑉ ᐊᒃᓱᕈᓗᒃ
    ᓵᓚᒋᓚᐅᖅᐹᓕ. ᑰᒧ ᐆᒪᕆᓗᐊᕈᓐᓃᓚᐅᕐᒪᑦ. ᐃᓗᕐᕆᕙᖕᓇᓂ. ᓖᑕᓐᓗ ᓲᖑᓴᓗᐊᕋᓱᒋᕙᒃᖢᓂᐅᒃ ᐃᒥᓄᑦ.
    ᐱᐅᒌᖃᑦᑕᐅᑎᓚᐅᖏᒻᒪᑎᒃ. ᑰᒧ ᐊᖓᔪᖅᑳᖑᔪᒪᓗᐊᓚᐅᕐᒪᑦ ᐅᒥᐊᕐᔪᐊᕐᒧᑦ, ᓖᑕᓐᒥᒃ ᐊᖓᔪᖅᑲᐅᖃᑎᖃᕆᐊᖃᓚᐅᕐᒪᑦ, ᐊᔪᕐᓇᓪᓚᕆᒃᑐᒥᒃ.

    ᑭᓯᐊᓂᓕ, ᑰᒧ ᓄᕗᐊᓄᑦ ᕗᓗᑕᓐᒥᒃ ᑕᐃᔭᖅ, ᐃᓄᖕᓂᒡᓗ ᐱᖃᓐᓇᕆᔭᕕᓂᕐᒥᓂᒃ ᑕᑯᓪᓗᓂ.
    ᑎᑭᕋᑖᖅᑎᓪᓗᒋᑦ, ᕕᓐᐹᒃ ᐅᒥᐊᕐᔪᐊᖅ ᐅᒥᐅᓚᐅᕐᒪᑦ ᕗᓗᑕᓐ ᑲᖏᖅᖣᒪᓂᖓᓂ. ᖃᓄᐃᓪᓚᑦᑖᕐᓂᕐᒪᖔᑕ
    ᓇᓗᓇᕐᒪᑦ, ᓲᖃᐃᒻᒪ ᑰᒧ ᐅᑎᖅᑕᕋᐅᔭᖃᑦᑕᕐᓂᖅᐸᐅᓚᐅᖅᓯᒪᖕᒪᑦ ᑕᒪᐅᓇ ᐊᓂᖅᑎᕆᔪᓕᒫᓂᑦ, ᐃᒪᖓᓗ
    ᖃᐅᔨᒪᑦᑎᐊᓚᐅᕐᒪᒍ ᑕᒪᑐᒪ. ᑭᓯᐊᓂᓕ, ᐊᔪᖅᓯᐅᖅᑲᓚᐅᖏᑦᑐᑦ, ᓇᓗᓇᖏᑦᑐᖅ, ᐅᒥᐊᕐᔪᐊᖃᐅᓚᐅᕐᒪᑦ
    ᐅᑎᖅᑕᕋᖅᐸᒃᑐᓂᒃ ᐊᕙᒻᒧᑦ ᕼᐊᑦᓴᓐ ᐲᒥ ᑕᐃᔅᓱᒪᓂᐅᑎᓪᓗᒍ, ᑖᒃᑯᐊᓗ ᐱᐅᓕᐊᖑᓚᐅᕐᒪᑕ ᐃᓚᐅᔪᑦ.
    ᑕᐃᔅᓱᒪᓂᐅᑎᓪᓗᒍ ᑰᒨᑉ ᐱᖃᓐᓇᕆᔭᓂ ᑕᑯᒃᑲᓐᓂᕈᓐᓇᓚᐅᖅᓯᒪᖕᒪᒋᑦ ᑭᖑᓪᓕᖅᐹᒥᒃ. ᐃᒻᒥᓄᑦ ᑕᒪᓐᓇ
    ᐱᕕᒡᔪᐊᖑᓚᐅᖅᓯᒪᕗᖅ. ᐅᒥᐊᖅᑐᕈᑎᒋᓪᓗᐊᑕᓚᐅᕐᒪᒍᓗ ᐱᔾᔪᑎᒋᔭᓕᒫᖏᓐᓂ.

    ᑰᒨᑉ ᐱᓕᕆᐊᖓ ᐱᑐᐃᓐᓇᐅᓚᐅᖏᒻᒪᑦ. ᑲᑎᖅᓱᐃᓯᒪᓚᐅᕐᒪᑦ ᖃᓄᐃᑦᑐᑐᐃᓐᓇᕐᓂᒃ ᑐᑭᓯᒋᐊᕈᑎᓕᖕᓂᒃ.
    ᐊᔾᔨᓕᐅᕆᕙᒃᖢᓂ, ᒪᕐᕋᐅᔭᕐᒥᒃ ᑮᓇᖏᓐᓂᒃ ᑮᓇᙳᐊᓕᐅᖅᐸᒃᖢᓂ ᐅᓂᒃᑲᐅᓯᖅᑕᓕᖕᓂᒃ ᑎᑎᖅᑲᑎᒍ.
    ᑲᑎᖅᓱᖅᓯᒪᔭᖏᑦ ᐱᑐᐃᓐᓇᐅᖏᓐᓂᑯᖏᓐᓄᑦ, ᐃᓄᖕᓂᒃ ᐊᑐᓃᖓᐅᖓᓗᒋᑦ ᕿᒥᕐᕈᔭᒃᓴᐅᕙᓵᕐᒪᑕ ᑭᒃᑰᖕᒪᖔᑕ. ᑕᐃᔅᓱᒪᓂᐅᑎᓪᓗᒍ ᑕᒪᓐᓇ ᐅᒡᒋᐊᓇᖅᑑᓚᐅᖅᓯᒪᕗᖅ. ᑐᑭᓯᕚᓪᓕᕈᑎᒋᔪᓐᓇᓕᖅᐸᕗᑦ ᑰᒨᑉ
    ᐃ&