ᐅᕙᓃᑦᑐᑎᑦ : ᐊᖏᕐᕋᖅ » ᓇᐅᔮᑦ

ᓇᐅᔮᑦ

ᐊᖅᕕᒐᓱᐊᕈᑏᑦ ᐅᒥᐊᑦ ᐊᐅᓪᓚᑐᐃᓐᓇᕆᐊᖃᓕᖅᑐᑦ ᐅᐱᕐᖓᓵᒃᑯᑦ 99 Ko ᐊᖅᕕᒐᓱᐊᕈᑏᑦ ᐅᒥᐊᑦ ᐊᐅᓪᓚᑐᐃᓐᓇᕆᐊᖃᓕᖅᑐᑦ ᐅᐱᕐᖓᓵᒃᑯᑦ

ᓇᐅᔮᒥ ᐅᑮᕕᐅᕙᑦᑐᒥᓂᖅ ᑐᓚᑦᑕᕐᕕᒃ ᐅᖓᓯᓐᓂᖅᐹᒥᓂᖅ ᐅᐊᖕᓇᖓᓂ ᑲᖏᖅᓱᐊᓘᑉ ᐊᕐᕕᓐᓂᐊᕐᕕᒃ. ᓯᕗᓪᓕᖅᐹᖅ ᑳᐱᑕᐃᖑᓪᓗᓂ ᐅᑮᒋᐊᙵᖅᑐᒥᓂᖅ ᑳᐱᑕᐃ ᕗᐊᐃᑦ (Captain White). ᐊᖁᑉᐸᑦᑐᒥᓂᖅ ᐊᐅᓚᒃᓯᔨᐅᕕᒋᓪᓗᒍ ᕿᓂᖅᑕᖅ ᓇᑦᑐᕋᓕᒃ ᐅᒥᐊᕐᔪᐊᖅ (Black Eagle) ᐅᑮᔪᒥᓂᐅᓪᓗᓂᓗ 1866–67–ᒥ ᓇᐅᔮᓂ ᐊᓯᖏᓐᓂᒃ ᐱᖓᓱᓂᒃ ᐅᒥᐊᕐᔪᐊᓂᒃ ᐅᑮᔪᖃᕐᒥᑎᓪᓗᒍ.

ᓇᐅᔮᓂ, ᑕᐃᒫᓪᓗᐊᑦᑕᐅᖅ ᕿᒪᐃᕕᒃᑎᑐᑦ ᐊᒻᒪᓗ ᖃᑎᒃᑕᓕᒃᑎᑐᑦ, ᑲᑎᕝᕕᐅᒐᔪᓐᓂᖅᐹᖑᕙᑦᑐᒥᓂᖅ ᐃᓄᖏᓐᓄᓐ. ᐊᕐᕕᓂᐊᖅᑏᓪᓗ ᑕᒪᐅᙵᕋᐃᒻᒪᑕ ᐃᓄᓐᓄᑦ ᐅᐸᒐᕆᔭᐅᓕᖅᐸᓐᓂᖅᓱᑎᒃ, ᐃᓇᖏᐅᑎᕙᓪᓕᐊᕌᔾᔪᑉᐸᓪᓕᐊᓕᖅᑐᒥᓂᐅᓪᓗᑎᓪᓗ ᐱᔾᔪᓯᖏᓐᓄᓐ ᐅᑮᔭᖅᑐᕝᕕᐅᕙᑦᑎᓪᓗᒍ ᓴᓂᐊᓐᓂ ᐅᒥᐊᕐᔪᐊᑦ ᐃᖅᑲᓇᐃᔭᖅᑎᖏᑕᓗ.

ᐊᒥᓱᓂᒃ ᓇᓗᓇᐃᖅᓯᔪᓂᒃ ᑕᑯᔭᑦᓴᖅᑕᓕᒃ ᐅᑮᕙᑦᑎᓪᓗᒋᑦ ᐊᕐᕕᓂᐊᖅᑏᑦ ᓇᐅᔮᒥ ᖃᐅᔨᒋᐅᖅᑎᑎᖅᑐᓂᒃ ᐃᓄᓐᓂᒃ ᓇᑭᑐᐃᓐᓇᖅ ᐅᐸᒃᑕᐅᕙᓐᓂᕐᒪᑕ. ᐊᑕᐅᓯᐊᖅᓱᓂ ᐊᓯᐊᒍᓪᓗᑭᐊᖅ ᐃᓄᓐᓂᒃ ᑎᑭᑦᑐᓂᒃ ᐃᒡᒍᓕᒻᒦᙶᖅᑐᖃᓚᐅᕐᓂᕐᒥᔪᖅ, ᐊᕐᕕᓕᒡᔪᐊᕐᒥᒃ, ᐃᑎᕝᓕᒃᒥᒃ, ᐃᒡᓗᓕᒑᕐᔪᒻᒥᓪᓗ, 5–ᕼᐊᓐᓇᓚ ᒪᐃᓕᓂᒃ ᐊᕙᒻᒧᑦ ᐅᖓᓯᓐᓂᓕᒃ ᐅᐊᖕᓇᖓᓂᒃ ᓂᒋᐊᓄᑦ ᐊᒻᒪᓗ 2–ᕼᐊᓐᓇᓚ ᒪᐃᓕᓂᒃ ᐱᖓᖕᓇᖓᑕ (Ross 1975: 126).

ᑭᓯᐊᓂ, ᐃᓄᐃᑦ ᑕᑎᖃᐃᓐᓇᕈᓐᓇᐸᓐᓂᖏᑦᑐᑦ ᐊᕐᕌᒍᑕᒫᑦ ᑎᑭᑉᐸᓐᓂᖏᓐᓂᒃ ᐊᕐᕕᓂᐊᖅᑏᑦ ᓇᐅᔮᓂ. ᐅᖃᐅᓯᐅᒋᐊᓕᒃ ᐃᓂᒋᔭᐅᕙᑦᑐᒥᓂᖅ, ᐅᐊᖕᓇᖅᐸᓯᒐᓃᓐᓂᖅᓴᐅᒪᓐ ᐊᓯᖏᓐᓂᒃ ᑐᓚᑦᑕᕕᓐᓂ ᐅᑮᕕᐅᕙᑦᑐᒥᓂᕐᓂᒃ, ᐊᑲᐅᒋᔭᐅᕙᓐᓂᖏᑦᑐᖅ ᐅᐱᕐᖓᓵᒃᑯᑦ ᐊᕐᕕᒐᓱᐊᕐᕕᒋᒋᐊᖓ. ᐊᕐᕕᓂᐊᖅᑏᑦ ᓯᑯᓄᑦ ᐊᓂᓇᓵᖅᐸᓂᕐᒪᑕ ᐅᐱᕐᖓᑦᓵᑐᖃᐅᓕᕋᓗᐊᕐᒪᓐ ᐊᓯᖏᑦ ᓯᑯᐃᖅᓯᒪᓂᖅᓴᐅᓕᕋᓗᐊᖅᑎᓪᓗᒋᑦ ᑐᓚᑦᑕᕐᕕᐅᕙᑦᑐᒥᓃᑦ, ᐅᑮᕙᑦᑐᑦ ᑕᐃᑲᓂ ᓇᐃᓐᓂᖅᓴᒥᒃ ᐊᕐᕕᓐᓂᐊᕐᓂᖃᖅᐸᑦᑐᕕᓃᑦ.

...ᐊᕐᕕᓂᐊᖅᑎᓄᑦ ᑲᖏᖅᓱᖅ [ᓇᐅᔮᑦ] ᐅᖓᓯᑦᑐᒥᓂᖅ ᓄᓇᖓᓂᒃ ᐃᖃᕐᕋᐅᑉ (Roes Welcome Sound), ᐊᑲᐅᙱᑦᑐᖅ ᐃᓂᒋᒋᐊᖓ ᓯᓈᓂ ᐊᕐᕕᓐᓂᐊᕐᓂᐊᕐᓗᓂ ᐅᐱᕐᖓᑦᓵᖑᓕᖅᑎᓪᓗᒍ ᖁᐊᖑᑯᑖᑉᐸᓐᓂᖓᓄᓪᓗ ᐊᐅᔭᑐᖃᐅᓕᕋᓗᐊᖅᑎᓪᓗᒍ. ᓇᐅᔮᑦ ᐃᓐᓄᐃᓐᓇᖅᐸᒃᑲᓗᐊᖅᑎᓪᓗᒍ ᑭᖑᓂᖓᒍᑦ ᖃᐅᔨᓴᕐᓂᒥᓂᐅᑉ 1866–67–ᒥ, ᐊᒥᓲᓂᖅᓴᐃᑦ ᐊᕐᕕᓂᐊᖅᑏᑦ ᐅᑮᕙᑦᑐᕕᓃᑦ ᓂᒋᒋᐊᖓᓂÂ ([...] (Ross 1975: 49-50)

ᑭᓯᐊᓂᓕ, ᓇᐅᔮᑦ ᐊᕐᕕᓕᕆᕕᐅᕙᓕᖅᑐᒥᓂᖅ ᐊᒥᓱᓄᑦ.

ᒪᕐᕈᐃᑦ ᐅᒥᐊᑦ ᐊᖅᕕᒐᓱᐊᕈᑏᒃ ᑎᖏᕐᕋᐅᓯᔭᖅᑐᑎᒃ ᐊᖅᕕᒻᒥᒃ ȓ 65 Ko ᒪᕐᕈᐃᑦ ᐅᒥᐊᑦ ᐊᖅᕕᒐᓱᐊᕈᑏᒃ ᑎᖏᕐᕋᐅᓯᔭᖅᑐᑎᒃ ᐊᖅᕕᒻᒥᒃ ȓ

1903–ᖑᑎᓪᓗᒍ, ᑭᓐᓂᔅ ᑲᑉᐸᓂ ᒪᑐᓯᔪᒥᓂᖅ ᓴᓪᓕᒥ ᐊᕐᕕᓕᕆᕕᒻᒥᒃ ᐊᐅᓚᑎᓐᓂᖅᓱᓂᐅᓪᓗ ᔮᓐ ᒧᕋᐃ, ᐊᐅᓚᒃᓯᔨᐅᓪᓗᓂ ᐅᒥᐊᕐᔪᐊᒥᒃ ᐆᓇᔅ ᐅᐃᓕᐊᒻᒥᒃ (Ernest William), ᓇᐅᔮᒧᑦ. ᑖᓐᓇ ᐅᒥᐊᕐᔪᐊᖅ ᐳᑦᑕᑎᓪᓗᒍ ᑭᓴᖅᓯᒪᑦᓱᓂ ᐊᕐᕕᓕᕆᕕᐅᕙᑦᑐᒥᓂᖅ ᐊᒻᒪᓗ, ᑕᐃᒪᐃᑉᐸᒻᒪᑕ ᐊᓯᖏᑦ ᐊᕐᕕᓕᕆᕖᑦ, ᒪᑐᐃᖓᕙᑦᑐᒥᓂᖅ ᐊᕐᕌᒍᓕᒫᖅ ᐊᑐᖅᑕᐅᓪᓗᓂ. ᐃᖅᑲᓇᐃᔭᖅᑎᑖᕐᕕᐅᕙᑦᓱᓂ ᐃᓄᓐᓂᒃ ᐊᕐᕕᓂᐊᖅᑏᑦ ᐅᒥᐊᕐᔪᐊᖏᓐᓂ ᐃᖅᑲᓇᐃᔭᕐᓂᐊᖅᑐᓂᒃ ᐊᐅᔭᐅᓂᖓᓂ, ᑕᐅᖅᓰᕕᐅᕙᓐᓂᕐᒥᔪᖅᑕᐅᖅ ᐊᕐᕌᒍᓕᒫᖅ.

ᓇᐅᔮᒥ ᐊᐅᓚᓂᖃᕐᓂᖅᓴᐅᑦᓱᓂ, ᑖᓐᓇ ᐅᒥᐊᕐᔪᐊᖅ ᒪᑐᐃᖓᕙᑦᑐᒥᓂᖅ ᐊᕐᕕᓕᕆᕕᐅᓪᓗᓂ ᑕᐅᖅᓰᕕᐅᕙᑦᓱᓂᓗ, ᖃᓪᓗᓐᓂᐊᕈᔾᔭᐅᕙᒃᓱᓂ ᐃᓇᖏᖅᑕᐅᖃᑦᑕᖅᓱᑎᓪᓗ ᐃᖅᑲᓇᐃᔭᖅᑏᑦ ᐊᕐᕌᒍᑕᒫᑦ ᐅᒥᐊᕐᔪᐊᒧᑦ ᐊᕐᕕᓂᐊᖅᑎᓄ ᐋᒃᑎᕝᒧᑦ, ᐊᐅᓪᓚᐅᔾᔨᕙᑦᑐᒥᓂᕐᒧᑦ ᖃᓪᓗᓈᓅᕈᑎᒋᐊᓕᓐᓂᒃ ᐅᑭᐊᑦᓵᕈᕋᐃᒻᒪᓐ. » (Ross 1975 : 57-60).

ᐅᒥᐊᕐᔪᐊᖅ (Ernest William) ᓇᐅᔮᒦᑦᑐᒥᓂᖅ ᐊᑯᓐᓂᖏᓐᓂ 1903 ᐊᒻᒪᓗ 1910, ᓱᓕᔪᕆᔭᐅᒻᒥᔪᖅ ᐅᑮᓐᓂᕆᐊᖓ ᒪᓕᒃᓯᑐᕐᒥ ᐅᑭᐅᖓᓂ 1906–07. 1910–ᖑᑎᓪᓗᒍ, ᓇᐅᔮᒥᒃ ᐅᑎᓚᖓᒍᓐᓃᖅᓱᓂ ᐊᐅᓚᖅᑐᒥᓂᖅ ᓯᑳᓪᓚᓐᒧᑦ.