ᐅᕙᓃᑦᑐᑎᑦ : ᐊᖏᕐᕋᖅ » ᓇᐃᔪᓪ
ᓇᐃᔪᓪ
ᑕᐃᓐᓴ ᐊᖅᕕᒐᓱᐊᕈᑎ ᐅᒥᐊᕐᔪᐊᖅ ᑕᐃᒪᐃᑦᑐᒥᓂᖅ ᕙᐅᑭᐊᓐᑕᐃᓐ, ᑕᒪᓐᓇ ᑐᑭᓕᒃ ᑭᑉᐹᕆᑦᑐᒥᒃ ᓯᕗᖅᐹᖓᒍᑦ ᑎᖏᕐᕋᐅᑎᖃᖅᑐᓂ ᐊᒻᒪᓗ ᓯᕗᖅᐸᓯᐊᒍᓪᓗ ᐊᖁᐊᒍᓪᓗ ᑎᖏᕐᕋᐅᑎᖃᕆᓪᓗᓂ ᐊᒻᒪᓗ ᐊᓯᒃᑲᓐᓂᖏᓐᓂᒃ ᓇᐸᕈᑕᖃᖅᑐᓂ. 1875ᒥ ᐊᖏᔪᖅᑳᖃᖅᑐᓂ ᑳᑉᑕᓐ ᔮ ᐅᐊᕆᓐ ᓯᐸᐃᓱᒥᒃ, ᐅᓯᓕᐅᔾᔨᔪᒥᓂᖅ 17ᓂᒃ ᐅᑭᐅᓕᒻᒥᒃ ᔪᐊᔾ ᑰᒧᒥᒃ ᐅᑭᐅᖅᑕᖅᑐᒨᕆᐅᕈᑎᖓᓂ. ᑕᐃᔅᓱᒪᓂᓕ ᐅᒥᐊᕐᔪᐊᖅ ᓇᒻᒥᓂᕆᔭᒥᓂᖅ ᐅᐃᓕᐊᒻᔅ ᐊᒻᒪ ᕼᐊᐃᕙᓐ ᑳᑉᐸᓂᖓᓄᑦ ᓂᐅ ᓚᓐᑕᓐ, ᑲᓂᐊᑎᑲᑦᒥ.
ᐊᑯᓐᓂᖓᓂᓕ 1874 ᐊᒻᒪ 1878 ᓯᐸᐃᓱ ᑎᓴᒪᐃᕋᖅᑎᖅᑐᓂ ᐅᑭᐅᖅᑕᖅᑑᑉ ᑲᓇᓐᓇᖓᓅᖅᑐᒥᓂᖅ ᐊᑐᖅᑐᓂ ᓇᐃᒧᓪ-ᒥᒃ, ᐅᑎᐅᔾᔨᖃᑦᑕᖅᑐᓂ ᐅᖁᒪᐃᑦᑐᒻᒪᕆᓐᓂᒃ ᐅᖅᓱᓂᒃ ᓱᖅᑲᓂᓪᓗ ᓂᐅ ᓚᓐᑕᓐᒧᓐ.
ᑕᐃᒪᐃᑦᑐᖅᔫᔮᖅᑐᖅ 1879ᒥᓂᑦ, ᓯᐸᐃᓱ ᐄᕋᒥᒃ ᐊᑐᖔᕈᒪᓂᖅᓴᐅᓕᖅᑐᒥᓂᖅ, ᑕᐃᔅᓱᒥᖓᐃᓛᒃ ᐊᐃᑉᐹᓂᒃ ᐅᒥᐊᕐᔪᐊᕐᒥᒃ ᓇᒻᒥᓂᕆᔭᐅᔪᒥᒃ ᐊᐃ ᓰ ᐅᐃᓕᐊᒻᔅ ᑳᑉᐸᓂᖓᓄᑦ. ᑕᐃᓇᓕ ᕌᔅᕕᐊᓪ ᑭᖕ, ᐊᓯᐊ ᐅᒥᐊᕐᔪᐊᖅ ᓇᒻᒥᓂᕆᔭᐅᔪᖅ ᐊᐃ ᓰ ᐅᐃᓕᐊᒻᔅ ᑳᑉᐸᓂᖓᓄᑦ ᐊᑐᖅᑕᐅᖃᑦᑕᓂᕐᖓᓐ ᑕᐅᖅᓯᕋᖅᕕᐅᓪᓗᓂ ᐊᑯᓕᐊᕐᒥ ᕼᐊᑦᓴᓐ ᓯᑐᕋᐃᑦᒥ, ᑕᐃᓐᓇ ᓇᐃᔪᓪ ᐊᑐᖅᑕᐅᕙᑦᑐᒥᓂᖅ ᐊᖅᕕᒐᓱᐊᕈᑕᐅᓪᓗᓂ ᐊᒻᒪᓗ ᐅᓯᑲᖅᑕᑎᐅᓪᓗᓂ ᑭᓱᔅᓴᖏᓐᓂᒃ ᐅᑭᐅᖅᑕᖅᑐᓕᐊᕈᔾᔨᕙᑦᑐᓂ ᐊᒻᒪᓗ ᐅᑎᐅᔾᔨᕙᑦᑐᓂ ᐅᖅᓱᓂᒃ, ᐊᖅᕕᐅᑉ ᓴᐅᓂᖏᓐᓂᒃ ᐊᒻᒪᓗ ᕿᓯᓐᓂᒃ ᐊᒥᕐᓂᓪᓗ ᓂᐅ ᓚᓐᑕᓐᒧᓐ. ᑳᑉᑕᓐ ᓯᐸᐃᓱ ᓯᕗᓪᓕᖅᐹᖑᖃᑕᒥᓂᖅ ᐃᓚᒋᔭᐅᔾᔪᖃᖃᑕᒥᓂᖅ ᓇᒻᒥᓂᖃᐅᑎᓂᒃ ᐊᐃ ᓰ ᐅᐃᓕᐊᒻᔅ ᑳᑉᐸᓂᖓᓄᑦ.