ᐅᕙᓃᑦᑐᑎᑦ : ᐊᖏᕐᕋᖅ » ᕿᑭᖅᑕᐃᑦ
ᕿᑭᖅᑕᐃᑦ
162 Ko
ᐊᖅᕕᐅᑉ ᑎᒥᖓᑕ ᐃᓚᒥᓂᖏᑦ ᐊᖅᕕᓂᐊᖅᕕᒥᓂᕐᒦᑦᑐᑦ ᕿᑭᖅᑕᓂ, ᑎ5
ᖃᐅᔨᒪᔭᐅᖃᓯᐅᑎᒻᒥᔪᖅ ᖃᓪᓗᓈᓄᓐ ᐅᑯᑎᒎᓇ ᑭᒃᑯᑕᓐ( Kikkerton), ᑭᑯᑦᑏᓐ( Kikertyne), ᑭᑲᑏᓐ(Kikartine), ᐊᓯᖏᑎᒍᓪᓗ ᐅᖃᕈᓐᓇᓯᐊᖏᓂᕐᒥᒍᑦ ᐃᓄᒃᑎᑐᑦ ᐅᖃᐅᓯᕐᒥᒃ ᕿᑭᖅᑕᒥᒃ, ᑐᑭᓕᒻᒥᒃ "ᕿᑭᖅᑕᖅ"
ᕿᑭᖅᑕᐃᑦ ᐊᑎᕆᔭᖅ ᑕᒪᒃᑮᓐᓄᑦ ᑐᓚᑦᑕᕐᕕᒧᑦ ᕿᑭᖅᑕᕐᓗ ᐹᖓᓃᑦᑐᖅ ᑭᖓᐃᑦ ᑲᖏᖅᓱᐊᑕ. ᐃᓚᒋᔭᖅ ᕿᑭᖅᑕᓄᑦ ᐊᕐᕙᓂᐊᖅᑎᓄᑦ ᑕᐃᔭᐅᒐᔪᑉᐸᑦᑐᒥᓂᕐᒧᑦ "ᑭᑭᑕᐃᑦ" (“the Kekertens”)– ᑭᑭᔅᑕᓐ (Kikistan) ᕿᑭᖅᑕᐃᑦ ᓄᓇᖕᒍᐊᖑᕙᓕᖅᑐᓃᑦᑐᑦ. ᕿᑭᖅᑕᐃᑦ ᐱᓕᕆᕕᐅᕙᑦᑐᕕᓂᖅ ᓄᖅᑲᖓᑐᐃᓐᓇᖏᑦᑐᓄᑦ ᐊᕐᕕᓕᕆᕕᐅᓂᖅᐸᐅᕙᓐᓂᖅᓱᓂᓗ ᑕᒫᓃᓐᓂᓕᒫᒐᓚᖏᓐᓂ ᐅᑮᓕᖅᑭᑦᑖᔪᑦ ᐊᕐᕙᓂᐊᕐᓇᐅᑎᓪᓗᒍ.
78 Ko
ᓰ.ᔩ.ᐃᐊᔅ ᐋᒃᑎᒃ
ᓯᒃᑳᑦᓯᒦᙶᖅᓯᒪᔪᖅ ᑳᐱᑕᐃ ᐅᐃᓕᐊᒻ ᐱᐊᓂ ᐃᓪᓗᓕᐅᖅᑎᑦᓯᔪᕕᓂᖅ ᕿᑭᖅᑕᒥ 1857–ᖑᑎᓪᓗᒍ. ᑭᖑᓂᑦᓯᐊᖓᒍᑦ, ᒥᐊᓕᒐᐃᑦ ᐊᕐᕙᓂᐊᖅᑏᑦ ᓇᑉᐸᐃᔪᒥᓃᑦ ᐊᕐᕕᓕᕆᕕᒻᒥᓐᓂ ᓇᒻᒥᓂᕆᓂᐊᖅᑕᒥᓐᓂᒃ ᑕᒫᓂ. ᓯᕗᓪᓖᑦ ᐊᕐᕙᓂᐊᖅᑏᑦ ᑎᑭᖃᑎᖃᖅᐸᑦᑐᕕᓃᑦ ᐊᒥᓱᓂᒃ ᐃᖅᑲᓇᐃᔭᖅᑎᖁᑎᒥᓐᓂᒃ ᖃᓪᓗᓈᓂᒃ, ᑭᓯᐊᓂ ᑳᐱᑕᐃᒋᔭᐃᑦ ᖃᐅᔨᑦᓴᐅᑎᒋᕙᑦᑐᕕᓃᑦ ᐃᓄᐃᑦ ᐊᔪᙱᒋᐊᖏᓐᓂᒃ ᐊᕐᕙᒐᓱᐊᕐᓂᕐᒥᒃ, ᐃᖅᑲᓇᐃᔭᖅᑎᖁᑎᑖᕆᕙᓕᖅᓱᓂᒋᓪᓗ. ᑐᖔᓂ 1860, ᖁᓕᓪᓗ ᓯᑕᒪᐅᔪᖅᑐᓂᓪᓗ ᐃᓄᓐᓂᒃ ᐊᕐᕙᒐᓱᐊᖅᑎᓄᑦ ᐃᓚᒋᔭᐅᔪᖃᓕᖅᑐᒥᓂᖅ ᕿᑭᑕᒥ. ᓄᙳᐊᓂ ᐊᕐᕙᓂᐊᕐᓂᐅᑉ, ᐊᕐᕕᓕᕆᕖᑦ ᒪᕐᕈᐃᓐᓈᓐᓂᒃ ᖃᓪᓗᓈᓂᒃ ᐃᖅᑲᓇᐃᔭᖅᑎᖃᓚᐅᓪᓚᑉᐸᓕᖅᑐᕕᓃᑦ – ᐊᐅᓚᒃᓯᔨᖓ ᐊᖓᔪᖅᑳᖅ ᐊᒻᒪᓗ ᓴᓇᔨ ᑲᓐᓄᔭᒥᒃ, ᖃᑦᑕᐅᔭᓕᐅᖅᐸᑦᑐᕕᓂᖅ ᐅᖅᓱᒃᑯᕕᐅᓂᐊᖅᑐᒥᒃ. ᐃᓄᐃᑦ ᐃᖅᑲᓇᐃᔭᕐᓂᖅᓴᐅᖃᑦᑕᖅᑐᕕᓃᑦ ᕿᑭᖅᑕᓂ 1870–ᖏᓐᓂ ᑐᖔᓂᓗ.
135 Ko
ᐊᖅᕕᒐᓱᐊᖅᕕᒃ ᐃᓪᓗ, ᕿᑭᖅᑕᓂ, ᑎᓂᔾᔪᐊᖅᕕᒻᒥ, ᓄᓇᕗᑦ
ᐊᒥᓲᓂᖅᓴᐃᑦ ᐃᓄᐃᑦ ᕿᑭᖅᑕᒥᐅᑕᐅᕙᑦᑐᒥᓂᑦ ᐊᕐᕌᒍᓕᒫᖅ, ᓅᑉᐸᒃᑲᓗᐊᖅᓱᑎᒃ ᐊᐅᔭᐅᓕᕋᐃᒻᒪᓐ ᑐᒃᑐᓐᓇᓱᐊᕈᒪᒧᑦ. ᑭᖑᕚᕆᔭᐃᑦ ᓱᕈᓰᑦ ᐱᕈᖅᓱᑎᒃ ᑕᒫᓂ. ᐅᓪᓗᒥᐅᓕᖅᑐᖅ, ᓱᓕ ᓱᕈᓯᕐᓄᑦ ᐃᓪᓗᖑᐊᒍᕙᑦᑐᒥᓃᑦ ᐱᑕᖃᐅᖅᑐᑦ. ᒪᓕᑦᓱᒍ ᐅᖃᐅᓯᒥᓂᖓ ᐃᒃᑐᐊᖓᑦ ᐊᒃᓴᔫᑉ, ᐃᓕᓐᓂᐊᕐᕕᑦᑕᖃᓚᐅᖅᑐᒥᓂᕉᖅ ᒥᐊᓕᒐᐃᑦ ᐊᕐᕕᓕᕆᕕᖓᓐᓂ. ᑐᖁᖓᓕᕐᒥᔪᖅ ᑲᑦᓲ. ᐃᕕᒃ ᐊᐅᓚᔨᔪᖅ ᐱᙳᐊᖃᖅᓱᓂ ᓴᐃᓃᓯᙳᐊᓂᒃ ᐃᓄᙳᐊᓕᐊᕆᓯᒪᔪᓂᒃ ᑐᓂᐅᓯᐊᕆᓚᐅᖅᑕᒥᓂᕐᒥᓐᓂᒃ ᐊᓈᓇᒌᒃ, ᐋᓯᕙᒃᑯᒃ, ᐊᕐᕙᓂᐊᖅᑎᓂᒃ.
1894–ᖑᑎᓪᓗᒍ, ᒥᐊᓕᒐᐃᑦ ᓂᐅᕕᐊᖑᒃᑲᐃᔪᒥᓃᑦ ᐊᕐᕕᓕᕆᕕᒻᒥᓐᓂᒃ ᓯᒃᑳᑦᓯᓄᑦ, ᖁᓕᕇᓂᒃ ᓯᓂᕝᕕᓕᒃ ᐃᓪᓗᖁᑎᖓᑦ ᑐᒃᓯᐊᕕᒋᔭᐅᕙᑦᓱᓂ, ᑖᓂᓯᕐᕕᐅᕙᒃᓱᓂ, ᕿᓯᒃᑯᕕᐅᓪᓗᓂᓗ. ᐊᕐᕙᓐᓂᐊᕐᓇᕇᖅᓯᒪᓕᕋᐃᒻᒪᓐ ᓄᙳᖏᓐᓂ ᐊᕐᕌᒍᐃᑦ ᐃᓛᓐᓂᒃᑯᑦ ᐊᒃᓱᕈᕐᓇᖅᓯᕙᑦᑐᕕᓂᖅ, ᑳᓐᓇᕐᒧᑦ ᖃᓂᒪᓐᓇᒧᓪᓗ, ᐃᓛᓐᓂᒃᑯᑦ ᐊᑕᐅᑦᓯᒃᑰᖅᓯᒪᓯᕙᒃᓱᑎᒃ. ᓇᑦᓰᑦ ᐊᒥᓲᓂᖏᑦ ᐃᓄᐃᓴᓪᓕᐅᒥᔪᑦᓴᐅᓂᖅᑯᑦ ᐊᙳᑕᕆᔭᐅᓗᐊᖃᑦᑕᕐᓂᖏᓐᓄᑦ, ᑭᑭᖅᑕᐃᓪᓗ ᐊᖑᓇᓱᐊᕐᕕᑦᓴᐅᓯᒪᒐᓂ ᓂᕐᔪᑎᑕᖃᐅᙱᓐᓂᖓᓄᑦ. ᓴᙱᔪᒥᒃ ᐊᓄᕆᓯᑕᐅᓪᓗᓂ, ᐊᑲᐅᕙᓐᓂᕋᓂᓗ ᕿᑭᖅᑕᓪᓚᑐᒥ ᐊᖑᓇᓱᐊᕆᐊᖅ ᖁᐊᖅᐸᓪᓕᐊᓕᖅᑎᓪᓗᒍ ᐅᐱᕐᖓᓵᒃᑯᓪᓗ ᐊᐅᑉᐸᓪᓕᐊᓕᖅᑎᓪᓗᒍ. ᐃᑦᑐᐊᖓᑦ ᐊᒃᓴᔪᒃ ᐃᖅᑲᐅᒪᒋᔭᓕᒥᓂᖅ ᓱᕈᓯᐅᓪᓗᓂ ᑕᐃᒃᓱᒨᓇᐅᑎᓪᓗᒍ, ᐃᓄᐃᑦ ᑳᖓᔪᒃᐸᑦᑐᒥᓃᑦ ᖁᐊᓇᖅᓯᓕᖅᑎᓪᓗᒍ, ᐋᒡᒐᐅᒐᓗᐊᖅ ᐅᑭᐊᑦᓵᖓᓂ ᐊᕐᕙᑦᑐᕕᓂᐅᓐᓂᖅᓱᑎᒃ.
74 Ko
ᐊᖕᒫᓕᒃ, ᐋᓯᕙᒃ ᑎᒍᐊᖓᓗ ᒪᓚᐃᔭ, ᕿᑭᖅᑕᓂ
ᐊᕐᕙᒐᓱᐊᖅᐸᑦᑐᒥᓃᑦ ᐅᐱᕐᖓᑦᓵᖑᓕᕋᐃᒻᒪᓐ, ᓯᓈᓂ. ᐊᕐᕙᒐᓱᐊᕐᓂᐊᓕᕋᐃᒐᒥᒃ, ᐊᖑᑏᑦ ᕿᑭᑕᒥᐅᑕᐃᑦ ᐅᒪᓇᕐᔪᐊᒥᓪᓗ ᑲᑎᒪᕙᑦᑐᒥᓃᑦ ᐅᓪᓗᓕᒫᒥᒃ ᐊᑯᓐᓂᖓᓂ ᐸᓐᓂᖅᑑᑉ ᑲᖏᖅᓱᐊᓗᐊᑕ, ᐱᙳᐊᖅᐸᒃᓱᑎᒃ ᐹᓪᓗᑎᓪᓗ. ᓯᓈᓂᒥᐅᑕᐅᑦᓱᑎᒃ ᒪᐃᒥᓂᒃ ᔪᓚᐃᒧᑦ. ᐊᖑᑏᑦ ᐊᐅᓪᓚᖅᓯᒪᓂᖏᓐᓂ, ᐊᕐᓇᐃᑦ ᐃᓘᓐᓇᑎᒐᓚᒃ ᓇᑦᓯᕋᓱᐊᖅᐸᑦᓱᑎᒃ ᐊᐅᓪᓛᖅᓯᒪᕕᒻᒥᓐᓂ, ᕿᓰᑦ ᐃᑦᑕᑦᓴᓕᐊᕆᕙᒃᓱᒋᑦ ᐊᐅᔭᐅᓕᕋᐃᒻᒪᓐ. ᐊᖒᑎᓪᓗ ᐃᓚᖏᑦ ᓇᑦᓯᒥᓂᕐᒥᒃ ᑐᔪᐃᕙᒃᓱᑎᒃ ᓯᓈᓂ ᓇᑦᓯᖅᑕᒥᓂᕐᒥᓐᓂᒃ ᖃᒧᑏᓐᓄᑦ ᐅᓂᐊᖅᑕᐅᓪᓗᑎᒃ ᑎᑭᐅᔾᔭᐅᕙᒃᓱᑎᒃ. ᐃᒪᐃᒐᔪᒃᐸᓐᓂᕐᒥᔪᑦ, ᐊᑐᓂᑦ ᐊᖑᑦ ᕿᓚᐃᑦᓱᓂ ᐊᒃᓱᓈᔭᑯᓗᒻᒥᒃ ᕿᓚᓐᓂᖓ ᐊᔾᔨᐅᒐᓂ ᓇᑦᓯᒥᓂᕐᒧᑦ ᕿᓚᑦᓯᒪᔪᖅ ᐃᓚᒥᓄᑦ ᑐᕌᖅᑎᑕᖓ, ᓄᓕᐊᖑᔪᑦ ᓂᕿᑖᕆᓂᐊᖅᑕᒥᓐᓂᒃ ᓇᓗᓂᐊᖏᒻᒪᑕ.
ᑕᑯᒍᒃ : ᑕᒪᓐᓇ ᐅᓂᒃᑲᐅᔾᔭᐅᒍᑎᒋᓯᒪᔭᕋ ᑕᒪᒃᑮᓐᓄᑦ ᑕᐃᓯ ᑎᐊᓚᒧᑦ ᐊᒻᒪᓗ ᐃᓅᓯ ᓇᓴᓕᒻᒧᑦ ᐊᐅᔭᐅᑎᓪᓗᒍ 2008-ᒥ.
104 Ko
ᑖᓐᓇ ᐃᓲᓐᔨᐊᓐ ᓇᒻᒥᓂᕆᔭᐅᔪᖅ ᕌᕗᑦ ᑭᓂᔅ ᑳᑉᐸᓂᖓᓄᑦ ᑕᓐᑏᒥ, &#
150-ᓃᒐᓚᑦᑐᑦ ᐃᓄᐃᑦ ᕿᑭᖅᑕᒥᐅᑕᒥᓃᑦ 1909–ᖑᑎᓪᓗᒍ, ᓄᙳᒐᓚᖓᓂ ᐊᕐᕕᓂᐊᕐᓇᐅᑉ. ᐊᒥᓱᑦ ᐃᓚᒌᑦ ᓯᐊᒻᒪᑎᖅᑐᒥᓃᑦ ᐊᕐᕌᒍᐃᑦ ᒥᑦᓯᑎᓐᓂ, ᓄᓇᖃᐅᓕᖅᓱᑎᒃ ᐸᓐᓂᖅᑑᑉ ᑲᖏᖅᓱᐊᓗᐊᓂ ᐊᓯᖏᓐᓂᓗ, ᐊᐅᓪᓛᖅᓯᒪᕕᐅᕙᑦᑐᒥᓂᕐᓂ ᒪᑯᓇᓂ ᐅᓱᐊᓗᒃ, ᐃᓪᓗᖓᔪᑦ, ᓴᐅᓂᖅᑐᐊᕐᔪᖅ, ᐊᒻᒪᓗ ᐸᑦᓕ. 1923–ᖑᑎᓪᓗᒍ, ᓂᐅᕕᖅᑎᒃᑯᑦ ᓂᐅᕕᐊᒥᓂᖓᑦ ᐊᕐᕕᓕᕆᕕᒃ, ᐊᕐᕌᒎᒃ ᒪᒃᕉᒃ ᐊᓂᒍᖅᑎᓪᓗᒋᒃ, ᐃᓄᐃᑦ ᐃᓘᓐᓇᑎᒃ ᑕᕝᕙᖓᑦ ᓅᑦᑐᒥᓃᑦ. ᕿᑭᖅᑕᐃᑦ ᐊᐅᓪᓛᖅᓯᒪᕕᐅᑲᐃᓐᓈᕐᔪᑐᐃᓐᓇᖅᐸᓕᖅᑐᕕᓂᖅ, ᐊᐅᔭᖓᓂ 1998, ᐊᒥᓱᑦ ᐸᓐᓂᖅᑑᑉ ᑲᖏᖅᓱᐊᓗᐊᓂᒥᐅᖑᕙᑦᑐᒥᓃᑦ ᐊᐅᓪᓛᖅᓯᒪᒃᑲᓂᖅᑐᕕᓃᑦ ᑕᕝᕙᓂ. ᐃᓄᐃᑦ ᐊᕐᕙᑦᑕᒥᓐᓂᒃ ᕿᑭᖅᑕᖓᓅᕈᔾᔨᔪᒥᓃᑦ, ᐊᒥᓱᑦ ᐃᓄᐃᑦ ᐆᒃᓯᒋᐅᕈᑕᐃᓐᓂ ᒪᒃᑕᒥᒃ.