ᐅᕙᓃᑦᑐᑎᑦ : ᐊᖏᕐᕋᖅ » ᔮᓐ C. ᑕᐃᓗ

ᔮᓐ C. ᑕᐃᓗ

ᖃᐅᔨᒪᔭᐅᖃᓯᐅᑎᒻᒥᔪᖅᑕᐅᖅ ᐃᓄᓐᓄᑦ ᐃᕐᖑᑕᕐᒥᒃ

ᑕᐃᓗ ᑭᖑᓪᓕᖅᐹᒥᓂᖅ ᓯᒃᑳᑦᓯᒃᑯᓐᓄᑦ ᐊᕐᕕᓂᐊᖅᑎᐅᓪᓗᓂ ᐸᓐᓂᖅᑑᑉ ᑲᖏᓱᐊᓗᐊᓄᐊᖅᑐᒥᓂᐅᓪᓗᓂ. ᐃᓅᓕᕐᓂᑯ ᑕᓐᑏᒥ (Dundee) 1892–ᖑᑎᓪᓗᒍ. ᓱᕈᓯᐅᑎᓪᓗᒍ, ᐊᖏᔪᖅᑳᖏᒃ ᓇᔭᖓᓗ ᑐᖁᔪᒥᓃᑦ ᐱᕐᕈᓗᐊᕿᓪᓗᑎᒃ, ᐊᔭᖓᑕ ᐊᑦᓴᖓᑕᓗᑭᐊᖅ ᐊᐅᓪᓚᖅᑎᑕᒥᓂᖓ ᐹᓪᑐᕕᒻᒧᑦ (Baldoven) ᓇᔪᒐᕆᔭᐅᑎᑕᐅᔪᒧᑦ ᐃᓕᐊᕐᔪᓄᑦ. ᐊᕐᕙᓂᐊᖅᑎ ᕌᐳᑦ ᑭᓐᔅ (Robert Kinnes ) ᐱᖃᑎᒋᕙᑦᑕᒥᓂᖓ, ᐊᒻᒪᓗ ᑕᐃᓗ ᐸᓐᓂᖅᑑᑉ ᑲᖏᖅᓱᐊᓗᐊᓄᑦ ᑎᑭᑦᑐᒥᓂᖅ ᑲᒻᐸᓂᖁᑎᖓᑕ ᐅᒥᐊᕐᔪᐊᖓᑕ ᐃᓚᖓᓐᓂ ᐃᑭᒪᓪᓗᓂ. ᐃᓄᓐᓄᑦ ᑕᐃᔭᐅᖃᑦᑕᖅᑐᒥᓂᖅ ᑕᐃᓗ ᐃᕐᖑᑕᕐᒥᒃ, ᐃᕐᖑᑕᕐᒥᒃ ᑐᑭᓕᒃ, ᐊᑖᑕᑦᓯᐊᖃᖅᑐᕆᔭᐅᓐᓂᕋᒥ ᑳᐱᑕᐃᒥᒃ.

ᐃᕐᖑᑕᖅ, ᑳᑉᑕᓐ ᔮᓐ ᑕᐃᓗ 177 Ko ᐃᕐᖑᑕᖅ, ᑳᑉᑕᓐ ᔮᓐ ᑕᐃᓗ
ᐃᕐᖑᑕᖅ, ᑳᑉᑕᓐ ᔮᓐ ᑕᐃᓗ, ᓴᐅᒥᖓᓂ ᐱᒋᐊᕈᕕᑦ ᑎᓴᒪᒋᔭᖅ 71 Ko ᐃᕐᖑᑕᖅ, ᑳᑉᑕᓐ ᔮᓐ ᑕᐃᓗ, ᓴᐅᒥᖓᓂ ᐱᒋᐊᕈᕕᑦ ᑎᓴᒪᒋᔭᖅ
ᑳᑉᑕᓐ ᔮᓐ ᑕᐃᓗ, ᐃᕐᖑᑕᖅ, ᒪᑭᑦᑕᖅᑐᖅ 111 Ko ᑳᑉᑕᓐ ᔮᓐ ᑕᐃᓗ, ᐃᕐᖑᑕᖅ, ᒪᑭᑦᑕᖅᑐᖅ

1900–ᓚᐃᑦ ᐊᑐᓕᕋᑖᖅᑎᓪᓗᒋᑦ, ᐃᕐᖑᑕᖅ ᐅᑎᖅᐸᓕᖅᑐᒥᓂᖅ ᐅᑭᐅᖅᑕᖅᑐᒧᑦ ᐊᕐᕌᒍᑕᒪᑦ, ᐅᒥᐊᕐᔪᐊᓂᒃ ᐅᑯᓇᖓᑦ ᐃᑭᒪᕕᖃᖅᐸᑦᓱᓂ ᒧᐊᓂᖕ (Morning) ᐊᒻᒪᓗ ᐋᒃᑎᕝ (Active). ᐱᕈᕋᒥ, ᑭᖑᓪᓕᖅᐸᐅᖃᓯᐅᑎᔪᒥᓂᖅ ᑳᐱᑕᐃᒋᔭᐅᓪᓗᓂ ᐅᑭᐅᖅᑕᖅᑐᒥ ᐊᕐᕙᓂᐊᖅᑎᓄᑦ. ᓄᖑᓯᒪᒐᓚᓕᕐᓂᕐᒪᑕ ᐊᕐᕖᑦ, ᑕᐅᖅᓰᒍᑎᖃᖃᓯᐅᑎᕙᑦᑐᒥᓂᖅ ᐊᓯᖏᓐᓂᒃ ᓂᕐᔪᑎᔭᐃᑦ ᐅᖅᓱᖏᓐᓂᒃ, ᑐᒃᑐᕋᔭᓂᒃ, ᓇᓄᕋᕐᓂᒃ, ᐊᒪᕈᔭᓂᒃ, ᑎᕆᒐᓂᐊᔭᓂᒃ, ᐊᒻᒪᓗ ᕿᓯᓐᓂᒃ.

ᑕᐃᓗ ᐱᓐᓂᖅᑑᓪᓗᓂ ᐃᖅᑲᓱᒃᐸᑦᓱᓂᓗ ᑕᐃᒪᐃᑦᑐᒥᓂᖅ. ᑕᑭᓗᐊᙱᒃᑲᓗᐊᖅᓱᓂ, ᑭᓯᐊᓂ ᓄᑭᖃᑦᓯᐊᖅᓱᓂ, ᕿᕐᓂᖅᑕᐅᓪᓗᑎᒃ ᓄᔭᖏᑦ ᐊᒻᒪᓗ ᐃᓅᖃᑎᒋᔭᕐᓂᖅᓱᓂ. ᐃᓚᖓᑦ ᐃᕐᖑᑕᖓᑕ, ᔮᓐ ᒪᒃᒍᐃᓐ (John McGuinn), ᐊᐅᓚᔨᔪᖅ ᐊᑖᑕᑦᓯᐊᒥᓂᒃ ᐃᓄᑦᓯᐊᕙᐅᒋᐊᖓᓂᒃ ᑭᓯᐊᓂ ᐃᓕᕋᓇᖅᓱᓂ, "ᓂᐱᖃᖅᓱᓂᒎᖅ [ᐃᒪᐃᒍᓐᓇᖅᑐᒥᒃ] ᐊᒻᒧᑦᑎᕆᒍᓐᓇᖅᑐᒥᒃ ᐱᔪᓐᓇᕐᓂᖃᖅᑎᑕᐅᔪᓂᒃ ᒎᑎᖑᐊᓂᒃ” ᐸᓐᓂᖅᑑᑉ ᑲᖏᖅᓱᐊᓗᐊᓂ, ᑕᐃᓗ ᐊᐃᑉᐸᖃᓕᖅᑐᒥᓂᖅ ᐊᕐᓇᒥᒃ ᐃᓄᒻᒥᒃ, ᐊᕐᓇᖅᑯᕐᒥᒃ ᐊᑎᓕᒃ. ᑕᐃᓯ ᑎᐊᓚ, ᐃᕐᖑᑕᖓᑦᑕᐅᖅ ᑕᐃᓘᑉ, ᐃᖅᑲᐅᒪᑦᓯᔪᒥᓂᖅ ᖃᓄᖅ ᐊᕐᓇᐃᓐ ᐊᕐᓇᖅᑯᑎᑐᑦ ᓇᑦᓯᐊᒥᓂᐅᑉ ᐅᖅᓱᖓᓂᒃ ᓄᔭᕐᒥᓄᑦ ᒥᖑᐊᖅᐸᓐᓂᕆᐊᖏᑕ ᐱᐅᓴᖅᓱᑎᒃ ᐱᐅᒋᔭᐅᒍᒪᒧᑦ ᐊᖑᑎᓄᑦ ᐅᓇᒻᒥᔭᒥᓐᓄᑦ. ᐊᒥᓱᑦ ᐊᖑᑏᑦ ᓄᓕᐊᓂᒍᒪᕙᑦᑐᒥᓃᑦ ᐊᕐᓇᖁᕐᒥᒃ, ᑭᓯᐊᓂ ᑕᐃᓗ ᓯᕗᓪᓕᐹᖑᓪᓗᓂ ᑖᓐᓇᑐᐊᖅ ᐊᑖᑕᖓᑕ ᐊᖏᕈᑎᒋᓯᒪᔭᒥᓂᖓ ᐸᓂᒻᒥᓄᑦ. ᑖᒃᑯᐊ ᕿᑐᕐᖓᑖᖅᑐᒥᓃᒃ, ᔪᐊᓂᓯᒥᒃ. ᑕᐃᓗ ᐊᒥᓱᓂᒃ ᓯᑳᓚᒻᒥᒃ ᓇᑦᓴᖅᑕᒥᓂᒃ ᒥᓇᖅᐸᑦᑐᒥᓂᖅ ᐃᕐᓂᒥᓄᑦ, ᒥᓇᕆᖃᑦᑕᖅᑕᒥᓂᖏᑦ ᓂᐱᓕᐅᕈᑎ ᓂᔾᔭᓗᑦᑖᑎᑦᓯᒍᑎ, ᐊᓐᓄᕌᑦ, ᓂᖀᑦ, ᐅᖁᒻᒥᐊᒐᐃᓪᓗ. ᔪᐊᓂᓯ ᒪᒪᖅᓴᓂᙱᑦᑐᖅ ᐅᑯᒻᒥᐊᒐᕐᒥᒃ ᐃᓕᓐᓂᖃᙱᓐᓂᑯᒥᓄᑦ ᓰᕐᓇᖅᑐᓂᒃ.

ᔮᓐ ᒪᒍᐃᓐ ᐊᒻᒪᓗ ᐸᓐᓂᖅᑑᕐᒥᐅᑕᖅ ᐃᓪᓗᐊᖅᔪᖓ ᐋᓐᓄᓘ ᑎᐊᓚ 94 Ko ᔮᓐ ᒪᒍᐃᓐ ᐊᒻᒪᓗ ᐸᓐᓂᖅᑑᕐᒥᐅᑕᖅ ᐃᓪᓗᐊᖅᔪᖓ ᐋᓐᓄᓘ ᑎᐊᓚ
ᔮᓐ ᒪᒍᐃᓐ, ᑳᑉᑕᓐ ᔮᓐ ᑕᐃᓘᑉ ᐃᕐᖑᑕᖓ 114 Ko ᔮᓐ ᒪᒍᐃᓐ, ᑳᑉᑕᓐ ᔮᓐ ᑕᐃᓘᑉ ᐃᕐᖑᑕᖓ
ᔮᓐ ᒪᒍᐃᓐ, ᐃᕐᖑᑕᕆᔭᐅᔪᖅ ᑳᑉᑕᓐ ᔮᓐ ᑕᐃᓗᒧᓐ ᓴᓂᐊᓃᑦᑐᖅ ᔪᐊ&# 236 Ko ᔮᓐ ᒪᒍᐃᓐ, ᐃᕐᖑᑕᕆᔭᐅᔪᖅ ᑳᑉᑕᓐ ᔮᓐ ᑕᐃᓗᒧᓐ ᓴᓂᐊᓃᑦᑐᖅ ᔪᐊ&#

ᑕᑯᒍᒃ : ᔮᓐ ᒪᒃᒍᐃᓐ, ᓇᒻᒥᓂᖅ ᐅᖃᖃᑎᓕᒥᓂᖅ ᐋᓐᑐᕉ ᑎᐊᓚᒥᒃ.

ᑕᑯᒍᒃ : ᑕᐃᓯ ᑎᐊᓚ, ᐊᐱᖅᓱᖅᑕᐅᓪᓗᓂ ᐋᓐᑐᕉ ᑎᐊᓚ ᐊᒻᒪᓗ ᑭᐅᕋᓐ ᕉᑦᓕᔾ, 15 ᓯᑦᑕᕙ 2008. ᑕᐃᓯ ᐅᓂᒃᑳᖃᓯᐅᑎᓐᓂᕐᒥᔪᖅ ᐋᓯᕙᐅᑉ ᒥᒃᓵᓄᑦ ᐊᑖᓃᑦᑐᖅ, ᐋᓯᕙᐅᑉ ᐅᓂᒃᑳᕐᕕᖏᓐᓂᕐᒪᐅᒃ.

ᑕᐃᓗ ᖃᓂᒋᔭᖃᖃᓯᐅᑎᓐᓂᒥᔪᖅᑕᐅᖅ ᐊᖕᒫᓕᒻᒥᒃ ᐋᓯᕙᒻᒥᓪᓗ, ᑖᒃᑯᐊ ᐊᐃᑉᐸᕇᒃ ᐊᐅᓚᒃᓯᕙᑦᑐᒥᓃᒃ ᐊᕐᕙᓕᕆᕕᓐᓂ ᕿᑭᖅᑕᓂ. ᐋᓯᕙᒻᒧᑦ ᓱᓇᑐᐃᓐᓇᕐᓂᒃ ᐱᑖᕆᓂᐊᖅᑕᖏᓐᓂᒃ ᒥᓇᖅᐸᑦᑐᒥᓂᒃ – ᔭᕐᕋᓂᒃ ᐅᖓᒻᒥᙳᐊᓂᒃ, ᐊᑕᔪᓖᑦ, ᓂᔾᔮᑎᒃᓯᒍᑎ – ᑕᑕᐅᑎᔪᖅ ᐱᕕᑭᑐᐊᖅᐸᑦ ᐅᐊᑎᖓ ᐅᖓᑖᓃᑦᑐᖅ ᖃᕐᒪᖓᑕ. ᐊᖑᑦᓱᔪᑦ ᐊᒃᓱᐃᑐᓪᓗ ᐊᑕᐅᓯᐅᙱᑦᑐᒥᒃ ᓯᓂᕝᕕᖃᕐᕕᖃᖅᐸᓂᕐᒪᑕ ᑕᐃᒃᓱᒨᓇ. ᐋᓯᕙᒃ ᐱᒐᓚᒥᓂᒃ ᐋᖅᑭᑦᓯᒪᑦᓯᐊᑎᑦᓯᕙᑦᑐᒥᓂᖅ ᐅᓪᓗᐃᑦ ᐃᓚᖓᓐᓂ, ᓯᓂᕝᕕᖓᑕ ᐃᓚᖓᑦ ᐃᑭᓐᓂᕐᒪᑦ ᐃᑯᐊᓪᓚᑦᑐᒥᓂᖅ.

ᓯᒃᑳᑦᑎᒃᑯᑦ ᐊᖅᕕᒐᓱᐊᕈᑎᖓ ᐅᒥᐊᕐᔪᐊᖅ ᐃᓲᓐᔨᐊᓐ ᑭᓴᖅᓯᒪᔪ 72 Ko ᓯᒃᑳᑦᑎᒃᑯᑦ ᐊᖅᕕᒐᓱᐊᕈᑎᖓ ᐅᒥᐊᕐᔪᐊᖅ ᐃᓲᓐᔨᐊᓐ ᑭᓴᖅᓯᒪᔪ
ᓯᒃᑳᑦᑎᒃᑯᑦ ᐊᖅᕕᒐᓱᐊᕈᑎᖓ ᐅᒥᐊᕐᔪᐊᖅ ᐃᓲᓐᔨᐊᓐ ᐃᑯᐊᓚᔪᖅ 63 Ko ᓯᒃᑳᑦᑎᒃᑯᑦ ᐊᖅᕕᒐᓱᐊᕈᑎᖓ ᐅᒥᐊᕐᔪᐊᖅ ᐃᓲᓐᔨᐊᓐ ᐃᑯᐊᓚᔪᖅ
ᓯᒃᑳᑦᑎᒃᑯᑦ ᐊᖅᕕᒐᓱᐊᕈᑎᖓᑕ ᐅᒥᐊᕐᔪᐊᑉ ᐃᓲᓐᔨᐊᓐ ᐅᒥᐊᕐᔪ 79 Ko ᓯᒃᑳᑦᑎᒃᑯᑦ ᐊᖅᕕᒐᓱᐊᕈᑎᖓᑕ ᐅᒥᐊᕐᔪᐊᑉ ᐃᓲᓐᔨᐊᓐ ᐅᒥᐊᕐᔪ

1914–ᒥ 1918 ᑎᑭᑦᓱᒍ, ᐊᕐᕕᓕᕆᕖᑦ ᐸᓐᓂᖅᑑᑉ ᑲᖏᖅᓱᐊᓗᐊᓂ ᓄᖅᑲᖅᑎᑕᒥᓃᑦ ᓯᑳᓪᓚᓐᒥ ᐱᔾᔪᑎᒋᓪᓗᒍ ᐅᓇᑕᕕᔾᔪᐊᕐᓂᖅ. ᑕᐃᓗ ᑎᑭᖃᑦᑕᕈᓐᓃᖅᓱᓂ. ᐅᓇᑕᕕᔾᔪᐊᓂᕐᒥ ᓯᕗᓪᓕᕐᒥ ᐊᐅᓚᑦᓯᔨᒋᔭᒥᓂᖅ ᐅᒥᐊᕐᔪᐊᒥ ᐊᑎᓕᒻᒥ ᑯᐊᑎᔾᒥᒃ ( Cortez.). 1919–ᖑᑎᓪᓗᒍ, ᑲᑎᑎᑕᐅᖃᑎᓕᒥᓂᖅ ᐴᑎᓯᒥᐅᒥᒃ ᐊᕐᓇᒥᒃ ᐋᖕᓇᔅ ᒥᓗ ᓯᑳᑦᒥᒃ (Agnes Millar Scott), ᐸᓂᑦᑖᖃᑎᒥᓂᖓ ᐱᖓᓱᓂ. ᐃᓄᐃᑦ ᐸᓐᓂᖅᑑᑉ ᑲᖏᖅᓱᐊᓗᐊᓂ ᐅᖓᓕᖅᑐᒥᓃᑦ ᑕᐃᓗᒥᒃ ᑕᐅᖅᓯᐅᑎᕙᑦᑕᖏᓐᓂᓗ, ᐱᓗᐊᖅᑐᒥᒃ ᓴᒃᑯᓂᒃ. ᐃᓚᒋᔭᐅᖃᑦᑕᖅᑐᒥᓂᖅ ᐃᓄᒋᔭᐅᓪᓗᓂ ᐊᕐᕕᓕᕆᕖᑦ ᐃᓚᖓᓐᓂ, ᓇᐅᔪᒃᒥ ᐊᑎᓕᒃ, ᐃᖅᑲᐅᒪᑦᓯᔪᖅ ᐅᓇᑕᕕᔾᔪᐊᖅᑐᖃᕐᓂᖓᓂ, ᐃᓄᐃᑦ ᐋᖅᑭᓂᒃ ᓄᐊᑦᓯᕙᓐᓂᕆᐊᖏᑕ ᐆᒪᔪᖅᑕᒥᓂᕐᒥᓐᓂ. ᓴᒃᑯᓕᐅᖅᐸᓕᖅᓱᑎᒃ ᓴᕕᕋᔭᓂᒃ ᖃᑦᑖᕐᔪᔭᓂᒃ, ᐃᑯᒪᐃᑦ ᓄᕗᖏᓐᓂᒃ, ᖄᔪᓄᓪᓗ ᐋᖅᑭᑦᓴᔭᓂᒃ, ᐃᓚᖏᑦ ᐃᓄᐃᑦ ᐅᖓᓯᑦᓴᖅᑐᑦ ᐊᕐᕕᓕᕆᕕᓐᓂᒃ ᐊᖑᓇᓱᐊᖅᐸᓕᖅᑐᒥᓃᑦ ᐱᑎᑦᓯᓂᒃ ᐊᑐᓕᖅᑭᑦᓱᑎᒃ.

ᔮᓐ ᒪᒍᐃᓐ ᐊᒻᒪᓗ ᐃᓪᓗᐊᕐᔪᖓ ᐋᓐᓄᓘ ᑎᐊᓚ ᐸᓐᓂᖅᑑᒥ 178 Ko ᔮᓐ ᒪᒍᐃᓐ ᐊᒻᒪᓗ ᐃᓪᓗᐊᕐᔪᖓ ᐋᓐᓄᓘ ᑎᐊᓚ ᐸᓐᓂᖅᑑᒥ

ᑕᐃᓗ ᐅᑎᖅᑐᒥᓂᖅ ᐸᓐᓂᖅᑑᑉ ᑲᖏᖅᓱᐊᓗᐊᓄᑦ 1920–ᒥ. ᐅᑎᒃᑲᓂᕐᓂᕐᒥᔪᖅ ᐊᕐᕌᒍᒃᑲᓂᕐᒪᑦ, ᑎᑭᑦᑐᒥᓂᖅ ᐅᒪᓇᕐᔪᐊᒥᐅᑦ ᐊᕐᕙᑐᒥᓂᐅᑎᓪᓗᒋᑦ. ᖁᕕᐊᓱᐊᔪᓄᑦ ᓂᕆᕕᔾᔪᐊᖅᑐᓄᑦ ᓂᕐᔪᑎᒥᓂᕐᓂᖅ, ᐃᖃᕐᕋᕋᓴᓐᓂᓪᓗ ᓂᔾᔮᑎᑦᓯᓐᓂᖅᓱᑎᒃ ᐅᒥᐊᕐᔪᐊᒦᑦᑐᒧᑦ ᓂᔾᔮᑎᑦᓯᒍᑎᒧᑦ. ᑕᐃᓗ ᑕᐅᖅᓰᒍᑎᖃᖃᑦᑕᖅᑐᒥᓂᖅ ᓴᒃᑯᓂᒃ, ᓂᕿᓂᒃ, ᑐᐹᑭᒥᒃ, ᐊᕐᕙᕐᓂᐊᕕᑎᓂᒃ, ᐊᓯᖏᓐᓂᓪᓗ ᐱᒐᓚᓂᒃ ᑕᐅᖅᓯᐅᑎᓪᓗᒋᑦ ᐅᖅᓱᒧᑦ ᓱᖅᑲᒧᓪᓗ.

ᑕᐃᓗ ᑭᖑᓪᓕᖅᐸᒥ ᐅᒥᐊᖅᑐᖅᑐᒥᓂᖅ 1922–ᖑᑎᓪᓗᒍ, ᐳᔫᖅᑐᒧᑦ ᐅᒥᐊᕐᔪᐊᒧᑦ ᐊᑎᓕᒃ ᐃᓱᓂᐊᖕᒥᒃ

(Easonian). ᐊᐅᓚᐅᔾᔮᖏᓐᓇᐸᑦᑐᒥᓂᖅ. ᑕᐃᓗ ᐅᒥᐊᖅ ᐊᑐᕋᒃᓴᐅᒍᓐᓃᖃᑦᑕᕐᒪᑦ ᐅᒦᕆᒍᒪᓕᖅᑕᒥᓂᖓ ᕿᑭᖅᑕᓂ, ᐲᓛᕐᓂᐊᕈᒪᓪᓗᒍ ᐊᐅᓚᐅᑎᖏᑕ ᐸᐅᑎᖓ ᐃᓱᒪᒋᔭᒥᓂᖓ ᐃᖏᕐᕋᓯᓗᓂᓗ ᑎᖏᕐᕋᐅᑕᓕᕐᒧᑦ ᓄᓇᒥᓄᑦ. ᐅᒥᐊᕐᔪᐊᖅ ᐅᔭᕋᓚᒻᒦᑎᓪᓗᒍ, ᐊᐅᓚᐅᑎᖏᑦ ᓯᖁᒥᖃᑦᑕᖅᑐᑦ – ᐃᑯᐊᓪᓚᐃᓚᕿᓯᒪᔪᒥᓂᐅᓪᓗᑎᓪᓗ ᐊᕐᕌᓂᖓᓂ – ᐃᑯᐊᓪᓚᒋᐊᓯᔪᕕᓃᑦ ᐊᐅᓚᐅᑎᖃᕐᕕᖓᓂᒃ. ᐃᖅᑲᓇᐃᔭᖅᑎᖏᑕ ᑎᑭᐅᑎᒍᓐᓇᖅᓯᓂᙱᑕᖓᑦ ᖃᑦᑎᕈᒪᒐᓗᐊᖅᓱᒍ. ᐅᖅᓱᐊᓗᖃᐅᑎᖏᑦ ᖄᖅᓱᑎᒃ, ᐃᖃᕐᕋᐃᓪᓗ ᐊᕐᕕᓂᓖᑦ ᐃᓗᐊᓐᓂ ᐅᒥᐊᕐᔪᐊᖅ ᓄᖑᑦᑐᒥᓂᖅ ᐃᑭᓐᓂᑯᒧᑦ. ᐃᓄᐃᑦ ᐅᖓᓯᑦᑐᒦᑦᑐᑦ ᐃᓪᓗᖓᔪᒥᐅᑦ ᑕᑯᔪᒥᓃᑦ ᐃᑯᐊᓚᔪᒥᒃ. ᐃᑭᖃᑕᐅᓪᓗᑎᒃ ᑕᐃᓘᑉ ᑕᐅᖅᓰᒍᑎᒋᒍᒫᕐᓂᐊᖅᑕᖏᑦ, ᐃᑭᖃᑕᐅᑦᓱᑎᒃ ᓴᒃᑯᐃᑦ. ᐃᓄᐃᑦ ᐃᓱᒫᓘᑎᖃᖅᑐᓴᐅᓐᓂᖅᑯᑦ ᐅᑭᐅᓚᖓᔪᒥᒃ, ᑭᓯᐊᓂ ᑐᙵᓱᑦᑎᓯᑦᓴᐅᑎᒋᔪᒥᓃᑦ ᑕᐃᓗᒥᒃ ᐃᖅᑲᓇᐃᔭᖅᑎᖁᑎᖏᓐᓂᓪᓗ ᐊᖑᑎᑦ ᖁᓕᐅᙱᒐᖅᑐᑦ – ᐃᓘᓐᓇᑎᒐᓚᒃ ᐱᖁᑎᖃᐅᕈᓐᓃᖅᑐᒥᓃᑦ ᐃᓪᓗᖃᖅᑎᐅᔪᓄᑦ ᐱᔭᐅᓐᓂᕐᒪᑕ. ᑕᐃᓗ ᐊᒥᓱᒐᓚᐃᓪᓗ ᐃᓄᐃᑦ ᐊᕐᕙᓂᐊᖅᑏᑦ ᐃᖏᕐᕋᓯᔪᒥᓃᑦ ᐊᕐᕙᓂᐊᖅᑏᑦ ᐅᒥᐊᖓᓄᑦ ᐃᓪᓗᐊᓄᖔᖅᓱᑎᒃ ᐸᓐᓂᖅᑑᑉ ᑲᖏᖅᓱᐊᓗᐊᑕ, ᕿᓂᕆᐊᖅᓱᑎᒃ ᐃᐅᓪᐳᑦᒥᒃ (Albert) ᓯᒃᑳᑦᓯᑯᑦᑕᐅᖅ ᐅᒥᐊᕐᔪᐊᖓᓂᒃ ᑕᐅᖅᓰᔭᖅᑐᕈᑕᐅᕙᑦᑐᖅᑕᐅᖅ. ᓇᓂᔭᒥᓂᖓᑦ ᐅᒥᐊᕐᔪᐊᖅ ᐅᓪᓘᒃ ᒪᕐᕉᖅ ᓈᓯᒪᓕᖅᑎᓪᓗᒋᒃ, ᑳᐱᑕᐃᖓᑕᓗ ᐃᖅᑲᓇᐃᔭᖅᑎᓕᒫᑦ ᐅᓯᓕᐅᑎᑦᓱᓂᒋᑦ ᐊᖏᕐᕋᐅᑎᓕᖅᑕᒥᓂᖏᑦ. ᐅᒥᐊᕐᔪᐊᒥᓂᖅ ᓱᓕ ᑕᑯᔭᒃᓴᖅ ᑎᓂᙵᑎᓪᓗᒍ ᕿᑭᖅᑕᓂ.

ᐃᓄᐃᑦ ᓄᐊᓐᖓᔪᑦ ᓯᒃᑳᑦᑎᒃᑯᑦ ᐊᖅᕕᒐᓱᐊᕈᑎᖓᓂ ᐃᓲᓐᔨᐊᓐᒥ. 77 Ko ᐃᓄᐃᑦ ᓄᐊᓐᖓᔪᑦ ᓯᒃᑳᑦᑎᒃᑯᑦ ᐊᖅᕕᒐᓱᐊᕈᑎᖓᓂ ᐃᓲᓐᔨᐊᓐᒥ.

ᐅᒥᕐᔪᐊᖅ ᑭᖑᓪᓕᖅᐹᒥᓂᖅ ᑎᑭᑦᓱᓂ ᐸᓐᓂᖅᑑᑉ ᑲᖏᖅᓱᐊᓗᐊᓄᑦ ᑕᓐᑏᒦᙶᖅᓱᓂ. ᐃᓇᖏᖅᑕᐅᓂᖏᑦᑐᖅ, ᑕᐃᓗᓗ ᐅᑎᒃᑲᓂᖅᑐᒥᓂᐅᒐᓂ ᐸᓐᓂᖅᑑᑉ ᖃᖏᖅᓱᐊᓗᐊᓄᑦ. ᐃᖅᑲᓇᐃᔮᑦᓯᐊᕆᑦᓯᔪᒥᓂᖅ, ᐅᒥᐊᖅᑐᖅᑎᐅᒍᒪᔪᓄᑦ ᐅᒥᐊᓕᑦᑕᐅᒍᒪᔪᓄᓪᓘᓐᓃᑦ ᐅᖃᐅᔾᔨᒋᐊᖅᑎᕈᖅᑐᒥᓂᖅ ᐱᓕᕆᕕᖓᓂ ᐃᖏᕐᕋᔪᓕᕆᔨᒃᑯᑦ ᐃᙵᓚᒥ. ᑕᐃᔭᐅᒍᑎᑖᖅᑎᑕᒥᓂᖅ ᐊᐅᓚᒃᓯᔨᖓ ᐴᑎᓯᒃᑯᑦ ᓄᓇᓕᖓ, ᒪᕐᕈᐊᑎᖅᓱᓂᓗ ᖃᐃᖅᑯᔭᒥᓂᖅ ᓂᕆᓂᕐᓄᑦ ᐸᑭᖕᕼᐊᒻ ᐃᓪᓗᕐᔪᐊᖁᑎᖓᓂ (Buckingham Palace). 1950–ᖏᓐᓂ, ᑕᐃᓗ ᓄᖅᑲᐅᔾᔨᓴᕋᐃᑦᑐᒥᓂᖅ ᐃᖅᑲᓇᐃᔮᒥᓂᒃ. ᐆᒻᒪᓯᕆᖃᑦᑕᓚᐅᖅᓱᓂ. ᐊᖕᓇᔅᑯᒃ ᓄᑦᑎᑲᓐᓂᖅᑐᒥᓃᒃ ᓯᑳᓪᓚᓐᒧᑦ. ᓂᕆᐅᓇᙱᑦᑐᒥᒃ ᑐᖁᔪᒥᓂᖅ 1965–ᖑᑎᓪᓗᒍ, ᐃᓕᓐᓂᐊᑎᑦᓯᕙᒌᖅᑐᒥᓂᖅ ᐃᕐᖑᑕᒥᓂᒃ ᔮᓐ ᒪᒃᒍᐃᓐᒥᒃ ᐊᖑᓇᓱᐊᕐᓂᕐᒥᒃ, ᐃᖃᓗᒐᓱᐊᕐᓂᕐᒥᒃ, ᓴᓇᒍᓐᓇᓂᕐᒥᓪᓗ ᐳᑦᑕᒍᓐᓇᖅᑐᓂᒃ ᐆᒃᑐᕋᖅᐸᑦᓱᒋᑦ ᑰᒻᒥ ᖃᓂᒋᔭᖓᓐᓂ.

ᐅᒥᐊᕐᔪᐊᖃᕈᓐᓃᑦᑐᑦ ᓯᒃᑳᑦᑎᒃᑯᑦ ᐅᒥᐊᕐᔪᐊᖓᑕ ᐃᓲᓐᔨᐊᓐ ᐅ 78 Ko ᐅᒥᐊᕐᔪᐊᖃᕈᓐᓃᑦᑐᑦ ᓯᒃᑳᑦᑎᒃᑯᑦ ᐅᒥᐊᕐᔪᐊᖓᑕ ᐃᓲᓐᔨᐊᓐ ᐅ

ᑕᐃᓘᑉ ᐊᐃᑉᐸᕆᖃᑦᑕᖅᑕᖓ ᐊᕐᓇᖅᑯᖅ ᑐᖁᔪᒥᓂᖅ ᑭᖑᓂᑦᓯᐊᖓᒍᑦ ᑳᐱᑕᐃᑦ ᐊᐅᓪᓚᓚᐅᖅᑎᓪᓗᒍ ᑭᖑᓪᓕᖅᐹᒥ, ᕿᒪᐃᑦᓱᓂ ᐃᓅᓱᑦᑐᒥᒃ ᐃᕐᓂᕐᒥᓂᒃ ᔪᐊᓂᓯᒥᒃ ᐃᓕᐊᕐᔪᙳᖅᑐᒥᒃ ᐊᑖᑕᒥᑎᑐᑦ. ᔪᐊᓂᓯ ᑎᒍᐊᖅᑖᒥᓂᖅ ᐊᖓᒃᑯᒥ ᐊᒃᑲᒃᑯᒥᓘᓐᓃᑦ ᐃᓚᖏᓐᓄᑦ ᐱᕈᖅᓴᔪᒥᓂᐅᓪᓗᓂᓗ ᐃᓪᓗᑦᑕᓕᒻᒥ. ᓄᓕᐊᓂᑦᑐᒥᓂᖅ ᕿᑐᕐᖏᐅᓕᖅᓱᓂᓗ. ᐊᒥᓱᑦ ᑕᐃᓘᑉ ᑭᖑᕚᖏᑦ – ᑎᐊᓚᒃᑯᑦ ᐃᓚᒌᑦ – ᐸᓐᓂᖅᑑᒥᐅᑕᐃᑦ ᐅᓪᓗᒥ. ᐅᑭᐅᕋᓴᓐᓂᒃ ᕿᓂᓚᐅᖅᓱᓂ, ᐃᓚᖓᑦ ᑳᐱᑕᐃ ᐃᕐᖑᑕᖓ ᐃᓅᓪᓗᓂ, ᐋᓐᑐᕉ ᑎᐊᓚ, ᓇᓂᓯᔪᒥᓂᖅ ᓯᑳᓪᓚᒻᒥ ᓯᕗᓕᖃᖃᑎᒥᓂᒃ. ᑕᐃᓘᑉ ᐃᕐᖑᑕᖓ ᔮᓐ ᒪᒃᒍᐃᓐ ᓂᐅᕐᕈᔪᒥᓂᖅ ᖃᐅᔨᒋᐅᖅᑕᒥᓄᑦ ᐃᓚᒥᓄᑦ ᐸᓐᓂᖅᑑᒥ 2007–ᐅᑎᓪᓗᒍ. ᒪᕐᕉᒃ ᑕᐃᓘᑉ ᖃᓪᓗᓈᒃ ᐸᓂᖏᒃ ᓱᓕ ᐃᓅᔫᒃ. ᐊᐃᑉᐸᖓ ᐋᔅᑐᐊᓕᐊᒦᑦᑐᖅ, ᐊᐃᑉᐸᖓ ᐃᙵᓚᒥᐅᑕᖅ ᔮᓐᒥᒃ ᓇᔪᖅᑎᖃᖅᓱᓂ.