ᐅᕙᓃᑦᑐᑎᑦ : ᐊᖏᕐᕋᖅ » ᕿᑭᖅᑕᖅ ᕿᒪᐃᕕᒃ (Depot Island)
ᕿᑭᖅᑕᖅ ᕿᒪᐃᕕᒃ (Depot Island)
ᑖᓐᓇ ᕿᑭᖅᑕᖅ ᐅᖓᓯᓗᐊᙱᑦᑐᖅ ᓯᔾᔭᖓᓂ ᐊᑯᓐᓂᖏᓐᓂ ᓄᓇᓕᐅᑉ ᐃᒡᓗᓕᒑᔫᑉ ᐅᑮᕕᐅᕙᑦᑐᒥᓂᐅᓪᓗ ᑐᓚᑦᑕᕐᕕᖓᑕ ᖃᑎᒃᑕᓕᐅᑉ ᐅᐊᓐᓇᖅᐸᓯᖓᓃᓐᓂᖅᓴᖅ. 1860–ᖑᑎᓪᓗᒍ, ᓄᑲᕇᒃ ᑯᕆᔅᑕᕗ B. ᐊᒻᒪᓗ ᐃᐊᑦᕗᑦ ᓵᐳᓪ ᓯᕗᓪᓕᖅᐹᒥᓃᒃ ᒥᐊᓕᒐᒥᐅᖑᓪᓗᑎᒃ ᑳᐱᑕᐃᒃ ᑲᖏᖅᓱᐊᓗᓕᐊᖅᓱᑎ. ᑕᐃᑲᓃᒋᐊᖓᖅᓱᑎᒃ ᑲᖏᖅᓱᒥ, ᓵᐳᓪ ᓄᑲᕇᒃ ᐅᑮᔪᒥᓃᒃ ᓴᓂᖓᓂ ᕿᑭᖅᑕᐅᑉ ᐊᐅᓚᑕᐅᖓᓂ ᓴᐃᕋᓐ ᑯᐃᓐ ᐊᒻᒪᓗ ᐊᖅᓴᕐᓂᐅᑉ (Syren Queen ᐊᒻᒪᓗ Northern Light). ᑭᖑᓂᖓᒍᑦ ᑖᒃᑯᐊ ᓄᑲᕇᒃ, ᐊᓯᖏᑦ ᐊᕐᕕᓂᐊᖅᑏᑦ ᐅᐸᒐᔪᑦᑐᒥᓃᑦ ᑕᒪᐅᖓ ᕿᑭᖅᑕᒧᓐ ᐅᑮᕕᒋᔭᖅᑐᖅᓱᒍ ᐱᐅᔪᓂᒃ ᐱᔾᔪᑎᖃᐅᖅᓱᑎᒃ
ᐅᖅᓱᕆᐊᒥ ᐅᑮᕙᓐᓂᐅᑉ ᐊᓯᐊᒍᑦ, ᕿᒪᐃᕕᒃᒦᑦᑐᑦ ᐃᓄᐃᑦ ᐊᒥᓲᓂᖅᓴᐃᑦ ᐃᓱᒫᓗᒋᔭᖃᕐᓂᖅᓴᐅᕙᑦᑐᒥᓃᑦ ᓂᕿᖃᕆᐊᓕᓐᓂᒃ ᓄᑖᒥᓂᕐᓂᒃ ᖃᑯᑎᒃᑰᓂᖅᓴᖅ, ᖃᑎᒃᑕᓕᖕᒥᐅᓪᓕ, ᑲᑎᖃᑦᑕᕐᓂᖏᑦ ᐃᓄᐃᑦ ᐊᕐᕕᓂᐊᖅᑏᓪᓗ ᐊᑯᓚᐃᓐᓂᖅᓴᐅᕙᑦᑐᒥᓂᖅ ᓯᑯᖃᓗᐊᙱᑐᐊᕋᐃᒻᒪᓐ ᐊᖅᑯᑎᖓᑦ ᐊᑯᓐᓂᖏᓐᓂ ᕿᑭᖅᑕᐃᑦ ᓯᔾᔭᐅᓪᓗ ᐅᑭᐅᓕᒫᖅ. ᑕᐃᒃᓱᒨᓇ, ᐃᓄᐃᑦ ᐊᒥᓲᓂᖏᑦ ᕿᒪᐃᕕᐅᒻᒥᐅᑦ ᐊᒻᒪᓗ ᖃᑎᒃᑕᓕᒃᒥᐅᑦ ᐊᐃᕕᓕᖕᒥᐅᖑᓂᖅᓴᐃᑦ ᐊᒻᒪᓗ, ᐃᓄᐃᓴᓐᓂᖅᓴᐅᒃᓱᑎᒃ ᓇᑦᓯᓕᒻᒥᐅᑦ ᖃᐃᕐᓂᕐᒥᐅᓪᓗᒃ.
ᑭᓯᐊᓂᓕ, ᓂᕿᑦᓴᖃᑦᓯᐊᕐᓂᖅᓴᐅᓂᖅ ᑕᒪᓐᓇᐅᒐᓗᐊᖅᑎᓪᓗᒍ, ᐊᐅᓚᒃᓯᔩᑦ ᐊᖁᑉᐸᑦᑐᑦ ᐊᑲᕆᔭᖃᖅᐸᓂᙱᑦᑐᑦ ᕿᒪᐃᕕᒻᒥᒃ. ᐃᓚᖏᑦ ᕿᑭᖅᑕᓪᓚᑑᓚᑦᓯᒧᑦ ᓈᒻᒪᒋᔭᖃᙱᑦᑐᑦ, ᓴᓂᐊᓃᑦᑐᓪᓗ ᕿᑭᖅᑕᐃᑦ ᑲᑎᖓᔪᑦ ᑲᖏᖅᓱᓪᓚᑐᐃᓪᓗ ᑕᒪᒃᑯᐊ ᐊᒃᓯᖅᑕᐅᓯᒪᔪᑦ Pearson's Harbour–ᒥᒃ Handy Harbour –ᒥᒃ, ᐊᒻᒪᓗ Winchester Inlet ᐊᑲᐅᕙᑦᑐᒥᓃᑦ ᐅᑭᐅᒃᑯᑦ ᐅᖅᑯᐊᓕᓂᐅᓂᖏᑦ. ᐅᓗᕆᐊᓇᖅᑐᖃᐅᕐᓂᖓᓄᑦ ᐊᖁᓪᓗᓂ, ᐊᕐᕕᓂᐊᖅᑎᓄᑦ ᑕᒪᓐᓇ ᐊᑲᕆᔭᐅᕙᓐᓂᖏᑦᑐᑦ ᐅᖅᓱᕆᐊᖅ ᑕᐃᒫᒃ ᐊᑲᕆᔭᐅᓂᖅᓴᐅᓐᓂᕐᒪᓐ.