ᐅᕙᓃᑦᑐᑎᑦ : ᐊᖏᕐᕋᖅ » ᑭᕿᖅᑖᓘᑉ ᐊᑯᑭᑦᑑᓪᓗ ᐊᑯᓐᓂᖓᓂ ᓯᑯᓂᒃ ᐊᔭᐅᕆᔪᖅ
Ann Meekitjuk Hanson
ᐄ, ᑕᐃᒪ ᐅᓂᒃᑳᕆᐊᙵᓕᕋᐃᒐᒪ ᐅᓂᒃᑳᕆᐊᖅᑲᐅᒐᒪ. ᑖᒃᑯᐊ ᓯᕗᓕᕗᑦ ᐊᕐᕕᓐᓂᐊᖅᑏᑦ ᐃᓅᑉᐸᑕ ᖃᓪᓗᓈᖑᑉᐸᑕᓘᓐᓃᑦ ᑭᓇᐅᑉᐸᑕᓘᓐᓃᑦ, ᑕᐃᒃᑯᐊ ᓯᕗᓕᕆᑦᑕᕆᓐᓂᕋᑦᑎᒍ ᐅᓪᓗᒥᒧᑦ ᑎᑭᑦᑐᒍ. ᑕᐃᒪ ᑕᒪᓐᓇ ᐅᐱᒋᑦᓯᐊᒋᐊᓕᕗᑦ, ᐅᕙᖓᓂ ᐅᐱᒋᔭᐹᓗᒋᒐᒃᑯ ᑕᐃᒪᐃᑦᑑᒋᐊᖅ. ᑕᐃᒃᑯᐊ ᓯᕗᓕᒃᑲ ᐊᕐᕕᓐᓂᐊᖅᑎᒥᓂᐅᒻᒪᑕ. ᐃᓘᓐᓇᑦᑎᐊᕌᐱᑎᒃ ᑐᓴᐅᒪᙱᑕᕋᓗᐊᒃᑲ ᖃᓄᐃᓕᐅᖃᑦᑕᖅᑐᒥᓂᐅᒻᒪᖔᑕ ᐊᒻᒪᓗᑦᑕᐅᖅ ᑕᒪᒃᑯᐊ ᐱᖃᑎᒃᑲ ᐃᓚᒃᑲᓗ ᓯᕗᓕᖃᕐᒥᒻᒪᑕ ᐊᕐᕕᓐᓂᐊᖅᑎᒥᓂᕐᓂᒃ. ᑕᒪᓐᓇ ᐅᐱᒋᑦᓯᐊᖅᑕᕋ ᐅᐱᒋᑦᓯᐊᕆᐊᓕᕗᑦ ᑕᐃᒪᐃᑦᑑᒐᑦᑕ, ᐅᓪᓗᒥᒧᑦ ᑎᑭᑦᑐᒻᒪᕆᐅᒐᑦᑕ ᑐᓴᐅᒪᑎᑕᐅᓪᓗᑕᓗ ᐅᑯᓂᖓ ᓯᕗᓕᕆᓚᐅᖅᑕᑦᑎᓐᓂᒃ. ᑕᒪᓐᓇ ᐱᒻᒪᕆᐅᖃᑕᐅᔪᐊᓘᒻᒪᑦ ᐃᓄᐃᑦ ᐃᓅᓯᖏᓐᓂᒃ ᐃᓚᖏᓐᓄᑦ ᐃᓛᒃ ᐊᒥᓱᕐᔪᐊᕌᓗᖕᓄᑦ ᐅᑭᐅᖅᑕᖅᑐᒥᐅᓄᑦ. ᑕᒪᓐᓇ ᐃᓅᓯᑦᑕ ᐃᓚᒋᒻᒥᒻᒪᐅᒃ ᐊᕐᕕᓐᓂᐊᕐᓂᖅ ᐃᓚᒋᑦᓯᐊᕐᒪᐅᒃ, ᐃᓛᒃ ᐅᓪᓗᒥᒧᑦ ᑎᑭᑦᑐᓂᓗ, ᑕᐃᒃᑯᐊ ᓯᕗᓕᕗᑦ ᐅᐱᒋᑦᑎᐊᕐᓚᕗᑦ ᐊᒻᒪᓗᑦᑕᐅᖅ ᐅᕙᑦᑎᓐᓂᒃ ᐅᐱᒋᓗᑕ ᓯᕗᓕᖃᕆᐊᖅ ᑕᐃᒃᑯᓂᖓ ᐊᕐᕕᓐᓂᐊᖅᑎᒥᓂᕐᓂᒃ. ᖁᔭᓐᓇᒦᒃ.
ᐊᐱᖅᓱᕐᓂᒥᓂᖅ ᑕᕙᔪ.ᒋᓕᔅ ᕌᔅᒥᑦ, ᖃᐅᔨᒪᔨᑕᕐᒥᒃ
ᒋᐅᓪ ᕌᔅᖑᔪᖓ. ᐊᕐᕌᒍᓂᒃ 35-ᓂᒃ ᐃᓕᓴᐃᔨᐅᔪᖓ, ᖃᐅᔨᓴᖅᓯᒪᕗᖓᓗ ᑲᓇᑕᐅᑉ ᐅᑭᐅᖅᑕᖅᑐᖓᓂ ᐊᕐᕙᒐᓱᖕᓂᕐᒥᒃ ᑕᐃᒪᙵᓂᑦ 1964ᒥᑦ. ᑎᑎᕋᐅᓯᕆᓯᒪᒐᓛᒃᑕᒃᑲᓗ. ᐸᖕᓂᖅᑑᑉ ᐃᓄᖏᑕ ᐃᓚᖏᓐᓂᒃ ᐊᐱᖁᓇᒃᓯᒪᕗᖓ, ᑐᓴᕈᒥᒋᔭᒻᒪᕆᒋᒐᒃᑯ, ᐃᕝᕕᓪᓗᖃᐃ.
ᐊᕐᕕᓐᓂᐊᕐᓂᖅ ᓯᓚᕐᔪᐊᕐᒥᐅᓂ ᐱᕈᕆᐊᕈᑕᐅᓯᒪᓂᑰᕗᖅ. ᓇᒥᓕᒫᖅ ᓯᓚᕐᔪᐊᕐᒥ. ᐅᑭᐅᖅᑕᖅᑐᒥᑦ ᓄᓇᕐᔪᐊᑉ ᐊᑖᓄᑦ ᓯᕐᒥᓕᖕᒧᑦ. ᑕᕆᐅᕐᔪᐊᖑᔪᑦ ᐃᑎᔪᑦ ᐊᑦᓛᓐᑎᒃᒥᑦ ᐃᒡᓗᖔᖓᓂᓗ ᐸᓯᕕᒃ ᐊᒻᒪᓗ ᐃᓐᑎᐊᓐ ᐃᒪᖓᓂ. ᓇᒧᑐᐃᓐᓈᓗᒃ. ᐊᓯᐊᓂᓗ ᓄᓇᖃᖅᑐᑦ ᑕᕆᐅᑉ ᐊᑭᐊᓂᒥᐅᑦ, ᒥᐊᓕᒐᕐᒥᐅᑦ, ᔮᑉᐸᓃᓰᑦ ᐊᓯᖏᓪᓗ, ᐱᖃᑕᐅᔪᒪᔪᑦ ᐊᕐᕕᓐᓂᐊᕐᓂᕐᒧᑦ ᐃᓚᐅᓯᒪᕗᑦ. ᓇᒥᓕᒫᖅ ᓄᓇᙳᐊᓕᒫᕐᒥ ᑕᒪᒃᑭᐅᔾᔭᐅᓂᑰᕗᖅ.
ᐅᑭᐅᖅᑕᖅᑐᒥᙶᒐᕐᓂᒃ ᐅᓂᒃᑳᖑᓂᑯᐃᑦ, ᔮᒃ ᑳᑎᐊᐃ ᐅᐃᕖᒃᓴᔭᒃ, ᖃᐅᔨᓴᖅᑎᕕᓂᖅ ᑕᐃᔅᓱᒪᓂᑲᓪᓚᒃ ᐃᖃᓗᓕᕆᕕᒃᑕᖃᓚᐅᖅᓯᒪᖕᒪᑦ ᑲᖏᖅᖣᒪᓂᕐᒥ ᐊᕐᕙᖕᓂᐊᕐᕕᒃᒥ. 1540ᖏᓐᓂ, ᓛᐸᑐᐊᑉ ᐃᑭᖓᓂ ᐊᕐᕙᒐᓱᒃᖢᑎᒃ, ᑭᖑᓂᐊᒍᓪᓗ 1610ᖏᓐᓂ ᔅᐱᑦᕘᒐᓐᒥ. 1600ᖏᑕ ᓄᕐᖑᖅᐸᓯᐊᓂᑦ 1700ᖏᓐᓄᑦ, ᐊᕐᕙᖕᓂᐊᖅᑏᑦ ᕿᒥᕐᕈᕙᓪᓕᐊᓕᓚᐅᖅᐳᑦ ᐅᑭᐅᖅᑕᖅᑐᒥᒃ. ᕿᑭᖅᑖᓘᑉ ᐃᑭᖓᓂ ᐊᕐᕙᖕᓂᐊᕐᕕᖃᖅᖢᑎᒃ (ᐃᖃᓗᖕᓂᐊᖅᑎᓂᒃ ᑕᐃᒎᓯᖅᑕᖃᖅᖢᑎᒃ ᐊᕐᕙᖕᓂᐊᖅᑎᐅᒐᓗᐊᖅᖢᑎᒃ).
ᔮᒪᓂᕋᔭᐃᑦ ᐊᐅᓚᑦᑎᓕᓚᐅᕐᒪᑕ, ᔮᒪᓐᕋᔭᐃᑦ ᐊᓯᖏᓪᓗ ᐱᖃᑕᐅᓕᕐᒪᑕ. 1700ᖏᓐᓂ 100ᓂᒃ ᐅᑭᐅᓂᒃ ᐊᕐᕙᒐᓱᖃᖅᑕᖅᑐᕕᓃᑦ ᐃᑭᖅᐸᓯᖓᓂ. ᑭᖑᓂᐊᒍᑦ, ᓯᒃᑳᔅᓰᑦ ᐃᓚᓕᐅᑎᔪᕕᓃᑦ, ᕿᑭᖅᑖᓘᑉ ᐃᑭᖅᐸᓯᐊᓃᓐᓂᖅᓴᐅᓪᓗᑎᒃ. ᐊᕌᒍᓂᒃ 100ᖏᓐᓂ, ᔮᒪᓂᕋᔭᐃᑦ ᓯᒃᑳᔅᓯᕋᔭᐃᓪᓗ ᐊᕐᕙᒐᓱᒃᑏᑦ ᐊᑯᑭᑦᑐᕐᒥᐅᑦ ᐃᑭᕋᓴᖓᓂᒃ ᒥᕐᖑᖅᑐᖅᐸᓚᐅᖅᐳᑦ, ᐅᓄᖅᑐᐊᓗᖕᓂᒃ ᐊᕐᕙᖕᓂᑰᕗᑦ. ᐅᑎᖅᑕᕋᐃᓐᓇᖅᐸᒃᑐᕕᓃᑦ, ᐊᕐᕌᒍᖓ 1802 ᑎᑭᖢᒍ.
ᓯᒃᑳᔅᓰᑦ ᐊᕐᕙᖕᓂᐊᖅᑏᑦ ᖁᑦᑎᒃᑐᒧᐊᖅᐸᓪᓕᐊᑐᐃᓐᓇᓚᐅᖅᐳᑦ 1800ᖏᓐᓂ. ᓯᑯᒧᑦ ᐊᔭᖏᑉᐸᓚᐅᕐᒪᑕ ᐅᒥᐊᕐᔪᐊᑦ. ᒪᐃ ᕿᑎᐊᓂᐅᒐᓗᐊᖅ. ᐊᓯᖏᓐᓄᑦ ᐅᓂᒃᐸᒐᑎᒃ ᕿᑭᖅᑖᓘᑉ ᐃᑭᖓᓄᐊᕆᐊᒃᓴᖅ. ᓯᓈᖓᓄᐊᖅᑳᖅᐸᓚᐅᕐᒪᑕ, ᐊᕐᕖᑦ ᑲᑎᙵᓪᓗᑎᒃ ᓯᓈᖓᓂ ᓂᕆᓇᓱᒃᐸᓚᐅᕐᒪᑕ.
ᐊᐃᑉᕆᓕᐅᑉ ᐱᒋᐊᕐᓂᖓᓂ, ᐅᒥᐊᕐᔪᐊᑦ ᑕᒪᐅᙵᖅᐸᓚᐅᕐᒪᑕ. ᓯᕐᒥᖅᐸᓚᐅᕐᒪᑕ ᖄᖏᑦ ᐅᒥᐊᕐᔪᐊᑦ. ᓂᒡᓚᓱᒃᐸᒃᖢᓂ ᖃᐱᓚᓇᖅᐸᓚᐅᖅᑐᖅ. ᐅᓗᕆᐊᓇᖅᐸᓚᐅᖅᑐᖅ ᐊᕐᕙᖕᓂᐊᖅᑎᐅᔭᕆᐊᒃᓴᖅ. ᖃᖓᙳᖅᐸᓪᓕᐊᓪᓗᓂ, ᓯᓈᖓ ᒪᙳᒃᐸᓪᓕᐊᓕᕌᖓᑦ ᐅᑎᕆᐅᒥᕙᓚᐅᖅᐳᖅ ᓯᑯ. ᒪᐃ ᕿᑎᖅᐸᓯᓕᕌᖓᑦ, ᖁᑦᑎᖕᓂᖅᓴᒧᐊᕈᓐᓇᖅᐸᓚᐅᖅᐳᑦ.
ᔫᓂᒥᒃ, ᐳᓚᑲᑕᒍᓐᓇᖅᓯᕙᒃᖢᑎᒃ ᑲᖏᖅᖢᖏᓐᓄᑦ.
ᐊᓐ ᒥᑭᔾᔪᒃ ᕼᐊᓐᓴᓐ, ᓄᓇᕗᑦ ᑲᒥᓴᓇᖓ, ᓇᓗᓇᐃᖅᑐᐃᔪᖅ ᖃᓄᖅ ᐃᓄᐃᑦ ᓯᕗᓕᒥᓂᖏᑦ ᐊᖅᕕᒐᓱᐊᖅᑎᐅᓂᕐᒪᖔᑕ, ᐃᓄᖑᓐᓂᕋᓗᐊᖅᐸᑕ, ᓯᒃᑳᑦᑎᐅᓐᓂᕋᓗᐊᖅᐸᑕ, ᐊᒥᐊᓕᑲᐅᓐᓂᕋᓗᐊᖅᑲᑕᓘᓐᓃᑦ ᑕᒪᓐᓇ ᓯᕗᓕᒥᓂᖅᐳᑦ ᐅᐱᒋᔭᔅᓴᑐᐃᓐᓇᐅᒻᒪᓐ. ᑖᓐᓇ ᓯᓚᑦᑐᓴᖅᕕᔾᔪᐊᒥ ᐃᓕᓴᐃᔨᒥᓂᖅ ᑕᕙᔪ. ᒋᓕᔅ ᕌᔅ ᐅᖃᐅᓯᓕᒃ ᐊᖅᕕᒐᓱᐊᕐᓂᐅᑉ ᐱᒋᐊᓐᖓᕐᓂᒥᓂᖓᓂᒃ ᑲᓇᑕᐅ ᐊᒥᐊᓕᑲᒃᑯᓪᓗ ᐃᒪᖁᑎᖓᓂ, ᐱᒋᐊᖅᑳᖅᑐᒥᓂᐅᓪᓗᑎᒃ ᕕᐊᓪ ᐊᐃᔪᓪ ᐃᑭᕋᓴᖓᓂ ᐊᒻᒪᓗ ᑭᖑᓂᐊᒍᑦ ᐅᑭᐅᖅᑕᖅᑐᒨᖅᐸᓕᐊᓪᓗᑎᒃ ᓛᐸᑐᐊᑉ ᓵᖓᒎᖅᑐᑎᒃ ᑕᑉᐸᐅᖓ ᓯᐱᑦᕘᒐᓐ ᕿᑭᖅᑕᖏᓐᓄᑦ, ᐊᒻᒪᓗ ᑭᖑᓂᒃᑲᓐᓂᐊᒍᑦ ᐊᖅᕙᒐᓱᐊᖃᑦᑕᖅᑐᒥᓂᐅᓪᓗᑎᒃ ᕿᑭᖅᑖᓘᑉ ᐊᑯᑭᑦᑑᓪᓗ ᐊᑯᓐᓂᖓᓂ ᑕᐃᒪᓐᖓᓂᒃ 1700 ᐊᕐᕌᒍᐃᑦ ᐱᒋᐊᓕᕋᑖᒥᓂᐅᑎᓪᓗᒋᑦ.
ᐊᐱᖅᓱᕐᓂᒥᓂᖅ ᑕᕙᔪ.ᒋᓕᔅ ᕌᔅᒥᑦ, ᖃᐅᔨᒪᔨᑕᕐᒥᒃ
ᐊᐃᑉᕆᓕᐅᑉ ᐱᒋᐊᕐᓂᖓᓂ, ᐅᒥᐊᕐᔪᐊᑦ ᑕᒪᐅᙵᖅᐸᓚᐅᕐᒪᑕ. ᓯᕐᒥᖅᐸᓚᐅᕐᒪᑕ ᖄᖏᑦ ᐅᒥᐊᕐᔪᐊᑦ. ᓂᒡᓚᓱᒃᐸᒃᖢᓂ ᖃᐱᓚᓇᖅᐸᓚᐅᖅᑐᖅ. ᐅᓗᕆᐊᓇᖅᐸᓚᐅᖅᑐᖅ ᐊᕐᕙᖕᓂᐊᖅᑎᐅᔭᕆᐊᒃᓴᖅ. ᖃᖓᙳᖅᐸᓪᓕᐊᓪᓗᓂ, ᓯᓈᖓ ᒪᙳᒃᐸᓪᓕᐊᓕᕌᖓᑦ ᐅᑎᕆᐅᒥᕙᓚᐅᖅᐳᖅ ᓯᑯ. ᒪᐃ ᕿᑎᖅᐸᓯᓕᕌᖓᑦ, ᖁᑦᑎᖕᓂᖅᓴᒧᐊᕈᓐᓇᖅᐸᓚᐅᖅᐳᑦ.
ᔫᓂᒥᒃ, ᐳᓚᑲᑕᒍᓐᓇᖅᓯᕙᒃᖢᑎᒃ ᑲᖏᖅᖢᖏᓐᓄᑦ.
ᐊᑯᑭᑦᑐᒧᑦ ᖃᓂᒃᓴᕋᓱᒃᐸᓚᐅᖅᐳᑦ ᓯᑯᖏᑦ ᐊᔾᔨᒌᖏᑦᑑᕙᓚᐅᕐᒪᑕ ᐊᖏᓕᕇᑦ. ᐃᖏᕐᕋᓂᕐᒧᑦ ᐊᑕᕙᓚᐅᕐᒪᑕ ᑭᓯᐊᓂᓕᑦᑕᐅᖅ ᐊᓄᕆᒧᑦ ᐊᓯᔾᔨᖅᓴᕋᐃᓚᐅᕐᒥᔪᖅ. ᐊᑕᐅᑦᑎᒃᑯᑦ ᐃᒪᐅᓂᖅᑕᖃᖅᐸᓚᐅᕐᒥᔪᑦ ᐊᐅᒃᑲᕐᓇᐅᔪᒥᒃ, ᓯᑯᓱᐃᑦᑑᓪᓗᓂ, ᑕᒫᓂ. ᐃᓗᐊᖏᑦᑐᒦᒻᒪᑦ ᑭᓯᐊᓂ. ᔪᓚᐃᙳᖅᓰᔭᕆᐊᖃᕈᑕᐅᓪᓗᓂ. ᔪᓚᐃᖑᓕᕌᖓᑦ ᐅᒥᐊᕐᔪᐊᑦ ᐊᔭᖏᑦᑕᖏᓐᓂᖅᓴᐅᕙᒃᖢᑎᒃ, ᓯᑯᑭᒡᓕᔭᕌᖓᑦ, ᒥᑦᑎᒪᑕᓕᖕᒧᐊᕈᓐᓇᖅᓯᕙᒃᖢᑎᒃ. ᓂᕐᔪᑎᖃᑦᑎᐊᕐᓂᖓᓄᓪᓗᑭᐊᖅ, ᒥᑦᑎᒪᑕᓕᒃ ᐊᕐᕕᖃᕐᓂᐅᕙᓚᐅᕐᒪᑦ ᔫᓂᒥ ᔪᓚᐃᒥᓗ. ᐊᒻᒪᓗ ᐊᒥᒐᖏᑦᑎᐊᖅᐸᒃᖢᓂ ᐊᕐᕙᒐᓱᒡᕕᒋᔭᕆᐊᒥᒃ.
ᓇᓗᓇᐃᖅᓯᒃᑲᓐᓂᕐᓗᖓ ᓯᑰᑉ ᒥᒃᓵᓄᑦ: ᐊᕐᕙᒐᓱᒃᐸᓚᐅᖏᒻᒪᑕ ᐃᓐᓈᕈᓕᕈᔪᖕᒥ ᐅᐱᕐᖓᓕᓵᖅᑎᓪᓗᒍ ᓯᑯᖃᓗᐊᕐᓂᖓᓄᑦ. ᓄᓇᖅᐸᓯᙱᒧᑦ ᑐᕙᐅᓗᐊᒧᓪᓗ. ᓯᑯᑐᖃᖅ ᐅᐃᓴᐅᔾᔪᑕᐅᕙᓚᐅᕐᒪᑦ. ᒥᑦᑎᒪᑕᓕᖕᒧᐊᕐᓇᖏᒻᒪᑦ ᔫᓂᒥ. ᓯᓈᖓᓂ ᑐᓚᒃᐸᓚᐅᖅᐳᑦ, ᐅᒥᐊᕐᔪᐊᑎᒃ ᐃᐱᖅᑐᖅᖢᒋᑦ ᓯᑯᒧᑦ, ᐅᒥᐊᒥᖕᓄᑦ ᐊᕐᕙᒐᓱᖔᖅᖢᑎᒃ. ᐊᕙᑏᑦ ᖁᓕᐅᓪᓗᑎᒃ ᐅᒥᐊᕐᔪᐊᑦ ᓯᓈᓯᐅᖅᐸᓚᐅᖅᐳᑦ ᒥᑦᑎᒪᑕᓕᖅᐸᓯᖕᒥ, ᐅᒥᐊᒥᖕᓅᖅᖢᑎᒃ, ᓴᐃᒻᒪᑎᒥᖕᓄᑦ ᖃᐅᔨᒪᖃᑦᑕᐅᑎᕙᒃᖢᑎᒃ, ᐊᕐᕕᕐᓂᒃ ᒪᓕᖅᓱᖅᐸᒃᖢᑎᒃ, ᖁᑭᐅᑦᑕᐅᔭᓅᖅᐸᒃᖢᑎᒃ ᐊᕙᑕᓕᖕᓄᑦ ᐊᒻᒪᓗ ᐅᒥᐊᕐᔪᐊᒥᖕᓄᑦ ᐊᒡᒋᓯᕙᒃᖢᒋᑦ ᐊᕐᕕᐅᓕᕌᖓᒥᒃ.
ᐊᕐᕕᒐᓵᓗᐃᑦ ᐃᑭᓕᖅᑕᐅᕙᒃᖢᑎᒃ ᐱᔭᕆᔭᐅᕙᒃᖢᑎᒃᓗ. ᐊᖑᒻᒥᒃ ᐊᑕᐅᓯᕐᒥᒃ ᐅᖃᖅᑐᖃᕐᓂᑰᕗᖅ, 1823ᖑᑎᓪᓗᒍ, ᓇᐃᒪᓪᓗᒍᒎᖅ ᐅᐊᑲᓪᓚᐅᓚᖅᓯᒪᕗᖅ. ᐊᕐᕖᒡᒎᖅ ᐆᒪᔪᑦ ᐳᑦᑐᑑᖅᑐᑦ ᓇᒧᑐᐃᓐᓇᖅ ᕿᕕᐊᖅᖢᓂ ᑕᑯᒃᓴᐅᔪᑦ ᐃᒻᒪᓕᒎᖅ ᐳᒃᑕᓛᖅᑐᑦ ᐅᓄᖅᑐᐊᓗᐃᑦ ᐊᕙᑎᒥᖕᓃᑦᑐᑦ ᐳᒃᓯᓐᓇᐅᖅᑲᔪᑦ.
ᑐᕚᕆᔭᐅᕙᒃᑐᕕᓂᖅ. ᑕᒪᐅᓇ ᑭᓯᐊᓂ ᐊᖅᑯᑎᖃᕐᒪᑦ, ᓲᖃᐃᒻᒪ, ᓯᑯ ᐊᐅᒃᐸᓪᓕᐊᓕᖅᐸᑦ, ᓯᖁᑦᑎᕐᓂᐊᕐᒪᑦ, ᑕᓪᓗᕈᑎᐅᑉ ᐃᑭᖓ ᐃᕗᓂᑯᐃᓐᓇᐅᓕᕐᓂᐊᕐᒥᖕᒪᑦ. ᐅᑭᐊᒃᓵᒃᑯᑦ ᐋᒡᒌᓯᐅᑉ ᕿᑎᕈᔪᐊᓂ ᓂᒡᓚᓱᖕᓂᖅᓴᐅᕙᒃᑎᓪᓗᒍᓕ ᑕᐃᔅᓱᒪᓂ, ᑕᐃᒪᐃᑉᐸᓚᐅᕐᒪᑦ. ᓂᒍᕋᒐᒃᓴᐅᕙᓚᐅᖏᒻᒪᑦ ᐊᑦᑕᕐᓇᓗᐊᒧᑦ ᑕᐃᒪᐃᑎᓪᓗᒍ, ᓯᑯᖃᓗᐊᒧᑦ, ᐃᓐᓈᕈᓕᖕᒧᐊᕋᓱᒋᐊᒃᓴᖅ ᓄᓈᕋᓱᒋᐊᒃᓴᕐᓘᓐᓃᑦ, ᐃᓄᖕᓄᐊᕐᓇᕋᓂ ᒥᖑᓕᕆᕕᒃᓴᓕᐊᕐᓇᕋᓂᓗ.
ᓂᒍᕋᖅᖢᑎᒃ ᓯᑯᖃᐅᖅᑐᒃᑯᑦ ᐱᑦᑎᐊᓕᓇᓱᒃᐸᓚᐅᖅᐳᑦ. ᓈᒻᒪᓈᓪᓗᐊᕌᖓᒥᒃ ᓯᑎᐱᕆᒥ ᕿᕕᑦᑑᒧᐊᖅᐸᓚᐅᖅᐳᑦ. ᑭᖑᓪᓕᖅᐹᖅᓱᓕᖅᖢᑎᒡᓗ ᐊᕐᕙᒐᓱᖕᓂᕐᒥᒃ ᓲᖃᐃᒻᒪ ᐊᕐᕖᑦ ᓴᓕᐊᖅᐸᓚᐅᕐᒪᑕ ᑕᐅᓄᖓ. ᒪᓕᒃᑕᐅᕙᓪᓕᐊᓪᓗᑎᒃ.
ᓯᓚᑦᑐᓴᖅᕕᔾᔪᐊᒥ ᐃᓕᓴᐃᔨᒥᓂᖅ ᕌᔅ ᓇᓗᓇᐃᖅᑐᐃᔪᖅ ᑕᐃᔅᓱᒥᒎᖅ ᔪᓚᐃᖑᑎᓪᓗᒍ ᐅᖅᑰᓯᐅᒥᓯᒪᑎᓪᓗᒍ, ᐊᖅᕕᒐᓱᐊᖅᑏᑦ ᐅᐊᓐᓇᒧᓐ ᑕᑉᐸᐅᖓᖅᐸᓪᓕᐊᕙᑦᑐᒥᓃᑦ ᑎᑭᐅᑎᒐᓱᐊᖅᑐᑎᒃ ᐅᑭᐅᖅᑕᖅᑐᒥ ᓯᑯᔪᐃᑦᑐᖅᔪᐊᒥᒃ. 12ᒐᓚᒻᒪᕆᐊᓗᐃᑦ ᐅᒥᐊᕐᔪᐊᑦ ᐊᖅᕕᒐᓱᐊᖅᑏᑦ ᐊᖅᕕᒐᓱᐊᖃᑦᑕᓕᕐᓂᖅᐳᑦ ᒥᑦᑎᒪᑕᓕᐅᑉ ᓴᓂᐊᓂ ᐊᖅᕕᖃᕐᓂᐊᓗᐊᓂ ᐊᒻᒪᓗ ᓂᒋᕐᔪᓐ ᐃᖏᕐᕋᕙᓐᓂᕆᓪᓗᑎᒃ ᑑᕙᓐᒧᓐ ᐊᒻᒪᓗ ᑕᐃᑲᓐᖓᑦ ᐊᖏᕐᕋᕆᐊᓕᖅᑐᑎᒃ.
ᑐᐊᕋᑎ ᕼᐊᓕ ᐄᐳ
ᑐᐊᕋᑎ ᕼᐊᓕ ᐄᐴᔪᖓ.
ᐅᑭᐅᖅᑕᖅᑐᒨᕈᓐᓇᕈᓘᔭᓚᐅᖅᓯᒪᔪᖓ 1968ᖑᑎᓪᓗᒍ ᐊᐱᖅᓱᕆᐊᖅᑐᖅᑐᖓ ᐊᒥᓱᓂᒃ ᐃᓄᓐᓂᒃ ᑕᐃᔅᓱᒪᓂ ᐃᓅᓚᐅᖅᓯᒪᔫᒐᓗᐊᓂᒃ, ᐊᖅᕕᒐᓲᑎᓂ ᐊᒥᐊᕐᓂ ᐱᖃᑕᐅᕙᑦᑐᒥᓂᕐᓂᒃ ᐊᒻᒪᓗ ᐅᓂᒃᑳᓂᒃ ᖃᐅᔨᒪᔪᓂᒃ ᐊᖅᕕᒐᓱᐊᕐᓂᕐᒥᒃ ᐱᔾᔪᑎᓕᓐᓂᒃ. ᑮᓇᐅᔭᖅᑖᕆᓯᒪᔭᕐᒪ ᐃᓚᖓᑦ ᑕᐃᑲᓐᖓᐅᔪᒻᒪᓐ ᑲᓇᑕᒥ ᓄᓇᕐᔪᐊᕐᒥᐅᑦ ᐃᓄᖏᓐᓂᒃ ᑕᑯᔭᒐᖃᖅᕕᔾᔪᐊᖓᓂᑦ, ᐊᒻᒪᓗ ᑕᐃᒃᑯᐊ ᐊᐱᖅᓱᕐᓂᒥᓂᓕᒫᒃᑲ ᑐᖅᑯᖅᑕᐅᓯᒪᔪᑦ ᐅᓪᓗᒥ. ᐊᑕᐅᓯᐊᖅᑐᖓ ᐊᐅᔭᐅᑎᓪᓗᒍ ᑭᒻᒥᕈᓕᐊᔪᔪᖓ ᑭᓐᖓᕐᓄᓪᓗ ᐃᓄᓐᓂᒃ ᐊᐱᖅᓱᕆᐊᖅᑐᖅᑐᖓ ᐊᒻᒪᓗ ᐊᕐᕌᒍᒻᒪᓐ ᐊᐅᔭᒃᑯᑦ ᕼᐊᑦᓴᓐ ᕙᐃ ᑲᖏᖅᑐᐊᓗᐊᓅᖅᑐᖓ ᐊᖖᕕᐊᓄᑦ ᐃᒡᓗᓕᒑᕐᔪᒧᓪᓗ ᐊᒻᒪᓗ ᐊᓯᖏᓐᓄᑦ ᓄᓇᓕᓐᓄᑦ ᐅᐸᓚᐅᖅᓯᒪᓐᖏᑕᓐᓄᑦ ᑭᕙᓪᓕᕐᒥ. ᐅᖃᖃᑎᖃᕈᓐᓇᔪᔪᖓ ᐃᓄᓐᓂᒃ ᐃᓘᓐᓇᑎᒃ ᐃᓐᓇᑐᖃᒻᒪᕆᓐᓂᒃ ᑕᐃᒫᓪᓗ ᓈᒻᒪᓈᕈᓘᔭᖅᑐᒋᔪᔪᖓ ᐊᖅᕕᒐᓱᐊᕐᓂᒥᓂᕐᒥᒃ ᐱᔾᔪᑎᓖᑦ ᐅᓂᒃᑳᖏᑦ ᐱᔪᓐᓇᕈᓘᔭᖅᑐᒋᑦ.
ᐃᓱᒪᔪᖓᓕ ᐊᖅᕕᒐᓱᐊᕐᓂᐅᕙᑦᑐᒥᓃᑦ ᐃᓄᓐᓄᑦ ᐊᔅᓱᐊᓗᒃ ᐱᒻᒪᕆᐅᓐᓂᕐᒪᑕ; ᑕᐃᓐᓇ ᐅᐊᑦᑎᐊᕈ ᐊᑐᖅᑕᐅᕙᑦᑐᒥᓂᖅ ᐅᓪᓗᒥᒧᓐ ᐃᓄᐃᑦ ᐃᓱᒪᖏᓐᓂᒃ ᐊᐅᓚᑦᑎᔪᖅ.
ᓯᒃᑳᑦᑎᒃᑯᑦ ᐊᖅᕕᒐᓱᐊᖅᑏᑦ ᑎᑭᑦᑐᒥᓃᑦ 1817ᒥ. ᒪᕐᕈᐃᑦ ᐅᒥᐊᕐᔪᐊᑦ ᐃᑳᖅᑐᒥᓃᒃ ᕿᑭᖅᑖᓘᑉ ᕿᒪᕉᒪᓂᕐᔪᐊᖓᓂᒃ ᑕᒪᐅᓇ ᒥᑦᑎᒪᑕᓕᐅᑉ ᓴᓂᐸᓗᐊᒍᑦ. ᑭᖑᓂᐊᒍᓪᓕ, ᐱᔾᔪᑎᒋᓪᓗᒍ ᑖᒃᑯᐊ ᒪᕐᕉᒃ ᐅᒥᐊᕐᔪᐊᒃ ᐊᒥᓱᐊᓗᓐᓂᒃ ᐊᖅᕕᐊᕐᓂᕐᖓᑎᒃ ᐊᒥᓱᐊᓗᐃᑦ ᐊᖅᕕᒐᓱᐊᕆᐊᖅᐸᓕᔪᔪᑦ ᐊᕐᕌᒍᑦᑕᕋᐃᒻᒪᓐ.
ᐊᕐᕌᒍᓄᑦ ᐊᒥᓱᑲᓪᓚᓐᓄᑦ ᓄᓇᒧᑦ ᑐᓚᔅᓯᒪᖃᑦᑕᖅᑐᑎᒃ ᓴᖓᒎᖅᐸᓪᓕᐊᕙᑦᑐᒥᓃᑦ ᓂᒋᕐᒧᓐ ᐊᒻᒪᓗ ᖃᐅᔨᓯᓐᓇᓕᖅᑐᒥᓂᐅᓪᓗᑎᒃ ᑎᓂᔾᔪᐊᖅᕕᒻᒥᒃ ᑕᒫᓂᓗ ᖃᐅᔨᔪᒥᓂᐅᓪᓗᑎᒃ ᐅᑭᐊᓪᓕᕕᔅᓴᐅᒻᒪᓐ ᐅᒥᐊᕐᔪᐊᖏᑦ ᓯᒃᑯᔾᔭᐅᑎᑕᐅᓯᒪᓗᑎᒃ. ᐊᒥᓱᓄᑦ ᐊᕐᕌᒍᓄ ᐊᕝᕙᒐᓱᐊᖅᕕᐅᓚᐅᖅᑐᖅ, 80 ᐊᕐᕌᒍᐃᑦ ᐅᖓᑖᓄᓪᓗ. ᑭᖑᓂᐊᒍᓪᓕ ᓴᓇᔪᒥᓃᑦ ᓄᓇᒥ ᐊᕝᕕᒐᓱᐊᖅᕕᓐᓂᒃ, ᑕᐃᒃᑯᐊᑦᑕᐅᖅ ᐃᓄᐃᑦ ᐃᓅᓯᖏᓐᓂᒃ ᐊᓯᔾᔩᓪᓚᕆᑦᑐᒥᓃᑦ.
ᐊᐱᖅᓱᕐᓂᒥᓂᖅ ᑕᕙᔪ.ᒋᓕᔅ ᕌᔅᒥᑦ, ᖃᐅᔨᒪᔨᑕᕐᒥᒃ
ᐅᒥᐊᕐᔪᐊᑦ ᐅᐊᓕᓂᓕᐊᖅᐸᓚᐅᖏᒻᒪᑕ ᑕᐃᔅᓱᒪᓂ ᑭᓯᐊᓂ 1819ᒥ 1820ᒥᓘᕝᕙᑭᐊᖅ. ᑭᒡᓕᖃᕐᒪᑦ: 1820 ᓯᕗᓂᐊᒍᑦ ᑭᖑᓂᐊᒍᓪᓗ. ᐃᑎᔾᔮᕌᓗᐃᑦ ᑯᐃᑉ ᓄᓇᖓᓂᙶᖅᑐᑦ ᓲ ᔮᓐ ᕌᔅᒥᒃ ᐊᑎᓕᒃ ᐊᐅᒃᑲᕐᓂᕐᔪᐊᒃᑰᖅᖢᓂ ᑕᓪᓗᕈᑎᒃᑰᕋᒥ ᖃᐅᔨᔭᐅᓕᑕᐃᓐᓇᓚᐅᖅᓯᒪᕗᖅ ᐊᕐᕕᖃᕐᓂᖓᓂᒃ ᐅᐊᓕᓂᖅᐸᓯᒃᑐᒥ. ᐊᖅᑯᓯᖅᑕᐅᓕᑕᐃᓐᓇᖅᖢᓂᓗ. ᓯᕗᓂᐊᒍᑦ ᐊᔭᖏᓐᓇᖅᑐᖁᑎᒋᔭᐅᓚᐅᖅᓯᒪᖕᒪᑦ ᓯᑯᓄᑦ. ᑲᖐᓇᖅᑐᒃᑯᑦ, ᔮᒪᓂᕋᔭᐃᑦ 1700ᖏᓐᓃᑎᓪᓗᒍ ᐃᑳᖅᐸᒃᑐᕕᓂᐅᒐᓗᐊᑦ ᕿᑭᖅᑖᓗᖕᒧᐊᕆᐊᒃᑯᑦ ᐃᑭᑭᓐᓂᖓᒍᑦ. 200ᒪᐃᓕᒧᑦ ᑕᑯᒃᓴᐅᓂᖃᕐᒪᑦ ᐃᒪᕕᒃᑰᖓᔪᒃᑯᑦ ᐊᑭᐊᓂᑦ. ᑲᖐᓇᕐᒪᑦ ᓄᓇᙳᐊᓕᐊᕆᔭᐅᕐᖓᕐᓂᑯᐃᑦ ᑕᒪᐅᙵᓚᐅᓪᓚᖃᑦᑕᖅᑐᕕᓂᐅᔭᕆᐊᖏᓐᓂᒃ.
1820ᒥ, ᐊᖅᑯᓯᖅᑐᕕᓂᐅᕗᑦ ᓄᑖᒥᒃ. ᐅᑎᒧᖔᖅᖢᑎᒃ ᓴᓐᓂᕈᑎᐅᑉ ᐃᒪᖓᒍᑦ, ᕿᑭᖅᑖᓘᑉ ᐃᑭᖓᒍᑦ ᑭᖑᓪᓕᖅᐸᐅᔾᔨᓪᓗᑎᒃ ᕿᕕᑦᑑᒧᑦ. ᐊᖅᑯᑕᐅᖤᕐᒪᑦ ᑕᒪᓐᓇ. ᑕᐃᔅᓱᒪᓂ ᑎᓄᔾᔨᕕᒃᑰᕆᐊᖅ ᖃᐅᔨᒪᔭᐅᓚᐅᖏᒻᒪᑦ. ᓄᓇᙳᐊᓃᓚᐅᖏᒻᒪᑦ ᓱᓕ. ᑐᓴᐅᒪᔭᐅᓗᐊᓚᐅᖏᒻᒪᑦ ᔮᓐ ᑕᐃᕕᔅ, 200ᐃᑦ ᐅᑭᐅᑦ ᓯᕗᓂᐊᒍᑦ. ᐊᕐᕙᖕᓂᐊᖅᑐᖃᓚᐅᖏᒻᒪᑦ 1840ᖏᓐᓂ. ᑭᓯᐊᓂ ᐅᐃᓕᐊᒻ ᐱᓂ, ᓯᒃᑳᑦᓯᕋᔭᒃ ᑐᓴᐅᒪᓕᕋᒥ ᐃᓄᖕᓂᑦ ᕿᕕᑦᑑᕐᒥᐅᓂᒃ. ᐲᑕᖅᓴᓐᒥ ᐃᓅᓂᑯ ᐅᒥᐊᖅᑐᕐᖢᓂ ᖃᒪᓂᕐᒥᑦ. ᕿᕕᑦᑑᖅ ᑭᖑᓪᓕᖅᐸᐅᓪᓗᓂ ᐅᐸᒃᑕᐅᕙᒃᑐᕕᓂᐅᖕᒪᑦ ᐃᙵᓚᓐᒧᐊᓚᐅᖏᓐᓂᕐᒥᖕᓂ ᓯᑳᑦᓚᓐᒧᓪᓗ. ᐃᓄᖕᓂᒃ ᐃᓐᓄᒃᐸᓪᓕᐊᓕᓚᐅᖅᑐᖅ ᑎᓄᔾᔨᕕᒃ ᑐᓴᒥᕐᕈᔪᓂᒃ.
ᐃᓄᖁᑎᖃᓚᐅᖅᐳᕐᓕ, ᐃᓄᓪᓗᐊᐱᒃᒥᒃ ᐊᑎᓕᖕᒥᒃ ᓂᒋᖅᐸᓯᐊᓂᑦ ᕿᑭᖅᑖᓘᑉ, ᕿᒻᒥᖅᓱᒃᒥᐅᖅᒥᒃ. ᐃᓚᓂ ᐱᖃᑎᒋᓪᓗᒋᑦ ᕿᓯᖕᒥᒃ ᐅᒥᐊᓕᒃ ᑎᓄᔾᔨᕕᖕᒥᙶᑐᕕᓂᖅ, ᐅᒥᐊᕐᔪᐊᓄᑦ ᐅᔭᐅᒪᔪᒦᑦᑐᒪᓪᓗᓂ. ᐱᓂᐅᑉ ᐃᙵᓚᓐᒧᐊᕈᑎᔭᕕᓂᖓ ᐊᕐᕌᒍᒻᒪᓪᓗ ᐅᑎᐅᑎᓐᓂᖅᖢᓂᐅᒃ ᕿᒻᒥᖅᓱᒃᒧᑦ ᐊᓯᐊᒍᑦ ᐅᒥᐊᕐᔪᐊᒃᑰᖅᖢᑎᒃ.
1840ᐅᑉ ᓯᕗᓂᐊᒍᑦ, ᑕᒪᓐᓇ ᑐᓴᐅᒪᔭᐅᓚᐅᖏᒻᒪᑦ ᐊᕐᕙᒐᓱᒃᑎᓄᑦ.
ᑐᐊᕋᑎ ᐃᐊᑦᔅ. ᐄᐳᕐ ᐅᖃᖅᑐᖅ ᖃᓄᖅ ᐱᒍᓐᓇᓯᓐᓂᕐᒪᖔᕐᒥ ᐊᐱᖅᓱᓂᕐᒥᒃ ᐃᓄᐃᑦ ᐅᓂᒃᑳᖏᓐᓂᒃ ᐅᑭᐅᖅᑕᖅᑑᑉ ᑲᓇᓐᓇᖓᓂ ᑕᐃᔅᓱᒪᓂ ᑭᖑᓪᓕᖅᐹᖏᑦ ᐃᓄᐃᑦ ᐊᖅᕕᒐᓱᐊᖃᑕᐅᖃᑦᑕᖅᓯᒪᔪᑦ ᐃᓅᑎᓪᓗᒋᑦ ᓱᓕ. ᓯᓚᑦᑐᓴᖅᕕᔾᔪᐊᒥ ᐃᓕᓴᐃᔨᒥᓂᖅ ᕌᔅ ᐅᖃᐅᓯᓕᒃ ᐅᐃᔾᔭᓚᑉᐸᓐᓂᒥᓂᖏᓐᓂᒃ ᐊᖅᕕᒐᓱᐊᖅᑏᑦ ᐅᒥᐊᕐᔪᐊᑦ ᕿᑭᖅᑖᓘᑉ ᐊᑯᑭᑦᑑᓪᓗ ᐊᑯᓐᓂᖓᓂ, ᐊᐅᓚᓂᖏᑦ ᑭᓯᐊᓂ ᐊᕈᖅᑐᑎᒃ ᐅᐃᓕᐊᒻ ᐱᐊᓂ ᐊᔪᕆᖅᓯᐅᔾᔭᐅᓪᓗᓂ ᐃᓄᓗᐊᐱᒻᒧᓐ ᐅᒥᐊᕐᔪᐊᒃᑯᑦ ᐳᓚᔪᒥᓂᐅᒻᒪᓐ ᑎᓂᔾᔪᐊᖅᕕᒻᒧᓐ 1840ᒥ.
ᑭᕿᖅᑖᓘᑉ ᐊᑯᑭᑦᑑᓪᓗ ᐊᑯᓐᓂᖓᓂ ᓯᑯᓂᒃ ᐊᔭᐅᕆᔪᖅ
ᐊᕐᕙᖕᓂᐊᖅᑏᑦ ᑕᐃᔅᓱᒪᓂ
ᑐᓴᐅᒪᔭᑐᐊᒃᑲ ᐊᕐᕙᖕᓂᐊᖅᑏᑦ ᑕᐃᔅᓱᒪᓂ, ᑕᐃᔅᓱᒪᓂᓗᖕᓂᓴᐃᑦ. ᐃᓅᖃᑎᒋᓯᒪᙱᑕᒃᑲ ᑕᑯᓚᐅᖅᓯᒪᙱᑕᒃᑲᓘᓐᓃᑦ. ᑕᐃᔅᓱᒪᓂ ᓇᔾᔨᐊᖑᓚᐅᕐᓇᖓ ᓱᓕ, ᐊᕐᕙᖕᓂᐊᖅᑎᑕᖃᓚᐅᖅᓯᒪᔪᖅ ᐃᓄᖕᓂᑦ ᐳᓚᕋᓲᓂᑦ ᓄᓇᓕᕋᓛᖏᓐᓂᑦ. ᑐᓴᖅᓯᒪᔭᒃᑲ ᐃᓐᓇᕆᔭᑦᑎᓐᓂᑦ ᐱᕈᖅᓴᓪᓗᖓ. ᐃᒡᓗᓕᐅᓪᓗ ᒥᑦᑎᒪᑕᓕᐅᓪᓗ ᐊᑯᓐᓂᖓᓂ, ᑕᐅᕙᓃᓚᐅᖅᓯᒪᔪᑦ ᐊᕐᕙᖕᓂᐊᖅᑏᑦ.
ᐅᓂᒃᑳᖅᑕᖃᖅᐳᖅ ᐅᕙᓐᓄᑦ ᐅᓂᒃᑳᖅᑕᐅᓚᐅᖅᓯᒪᔪᑦ. ᐅᐃᓐᓃᖦᖢᖓ ᐳᓛᕆᐊᖅᓯᒪᓪᓗᒍ ᐅᐃᒪ ᐊᓈᓇᖓ, ᐊᓈᓇᓪᓚᕆᖓ. ᐅᐃᒐᓗ ᐊᓈᓇᖓᓗ ᐊᕕᒃᑎᑕᐅᓚᐅᖅᓯᒪᔫᒃ ᐅᐃᒐ ᓱᕈᓯᐅᑎᓪᓗᒍ, ᓄᑕᕋᑯᓘᓚᐅᖅᓯᒪᔪᖅ ᐅᐃᒐ, ᐊᓈᓇᖓ ᓅᑎᓪᓗᒍ ᐊᓯᐊᓄᑦ. ᐃᓅᖃᑎᒌᓚᐅᙱᑦᑑᒃ ᐊᑯᓂᐊᓗᒃ ᑕᑯᖃᑦᑕᐅᑎᙲᓐᓇᖅᖢᑎᒃ ᑭᓯᐊᓂ ᐊᕐᕌᒍᒐᓵᓗᐃᑦ ᐊᓂᒍᖅᑎᓪᓗᒋᑦ ᑕᑯᖃᑦᑕᐅᑎᑕᐃᓐᓇᖅᑐᕕᓃᒃ ᐃᓄᑐᖃᐃᓐᓇᐅᓕᖅᑎᓪᓗᒋᒃ. ᐅᐃᒐ ᐱᕈᖅᓴᔭᐅᓚᐅᖅᑐᖅ ᐊᓯᐊᓄᑦ ᐊᕐᓇᒧᑦ, ᐊᑖᑕᖓᑕ ᓄᓕᐊᖓᓄᑦ. ᐅᐃᒐᓗ ᐅᕙᒍᒃ, ᐊᓈᓇᖓ ᑕᑯᔭᖅᑐᕋᑖᓚᐅᖅᑕᕗᒃ ᖃᖓᑦᑎᐊᕋᑖᕈᓗᒃ. ᑕᑯᔭᖅᑐᕋᑦᑎᒃᑯᒃ ᐅᐃᒪ ᐊᐱᖅᓱᕈᓗᔭᓚᐅᖅᑕᖓ ᓯᕗᓕᕕᓂᖏᑦᑕ ᒥᒃᓵᓄᑦ. ᐊᖏᖅᓯᒪᔭᓐᓇᓚᐅᖏᒻᒪᑦ ᖃᓪᓗᓈᓂ ᐊᐅᖃᑎᖃᕆᐊᖓᓂ, ᑕᐃᒪᓐᓇ ᐊᓈᓇᖓ ᐊᐴᑎᒐᑦᑎᒃᑯᒃ ᐊᕐᕌᒍᒐᓴᐃᑦ ᐊᓂᒍᖅᑎᓪᓗᒋᑦ. ᓵᖦᖢᓂᐅᒃ ᐊᐱᕆᓚᐅᖅᑕᖓ ᖃᓄᐃᒻᒪᑦ ᖃᓪᓗᓈᖓᔫᖕᒪᖔᑦ. ᖃᓄᐃᒻᒪᑦ ᖃᓪᓗᓈᒥᒃ ᐊᑖᑕᖃᕐᒪᖔᑦ. ᐅᐃᒐ ᑕᐃᒫᒃ ᐊᐱᕆᔪᒪᓚᐅᕐᒪᑦ ᐊᓈᓇᒥᓄᑦ. ᐱᐅᒋᔪᓐᓇᓚᐅᖏᒻᒪᒍ ᖃᓪᓗᓈᑦ ᐊᐅᖓᓂ ᐃᓗᒥᐅᑕᖃᕐᓂᖓᓂ. ᑕᐃᒫᒃ ᐊᓈᓇᖓ ᐊᐴᑎᒐᒥᐅᒃ ᐊᐱᕆᓚᐅᖅᑕᖓ ᖃᓄᐃᒻᒪᑦ ᖃᓪᓗᓈᒥ ᐃᑦᑐᖃᕐᒪᖔᑦ.
ᐅᐃᒪ ᐊᓈᓇᖓ ᐊᐱᕆᖕᒪᒍ ᑕᐃᒫᒃ, ᐅᖃᐅᑎᓚᐅᕌᑎᒃᑯ ᐊᕐᕙᖕᓂᐊᖅᑎᒥ ᐊᑎᓕᖕᒥ ᓴᒃᑯᐊᖅᑎᕈᖕᓂᕐᒥ, ᑕᑉᐹᓂᒥᐅᖑᑲᐃᓐᓇᖅᑐᕕᓂᖅ. ᖃᓪᓗᓈᖓᓚᐅᖅᑐᖅ, ᐊᒻᒪᓗ ᕿᑐᕐᖓᖃᐅᖅᖢᓂ ᐊᒥᓱᓂ ᑐᓄᕕᐊᒥ. ᐅᐃᒪ ᐊᓈᓇᖓ ᕿᑐᕐᖓᕆᖃᓯᐅᑎᓪᓗᓂᐅᒃ. ᑕᐃᒫᒃ ᑕᕝᕙ ᐅᐃᒐ ᖃᓪᓗᓈᑦ ᐊᐅᖓᓂ ᐊᐅᖃᕆᕗᖅ. ᐊᐱᖅᓱᓚᐅᕋᑦᑎᒃᑯ ᐅᐃᒪ ᐊᓈᓇᖓ ᐊᐱᖅᓱᕈᓗᔭᖅᖢᑎᒃᑯ ᓲᖃᐃᒻᒪ ᐅᐃᒐ ᑐᓴᕈᒪᓚᐅᕐᒪᑦ, ᖃᐅᔨᒍᒪᓚᐅᕐᒪᑦ. ᑭᐅᓚᐅᖅᑎᓐᓇᒍ ᐃᒡᓚᖅᓯᓚᐅᖅᑐᖅ. ᐅᖃᖅᖢᓂ ᑕᐃᒃᑯᐊ ᐊᕐᕙᖕᓂᐊᖅᑏᑦ ᑕᑉᐸᐅᙵᓚᐅᖅᓯᒪᔪᑦ, “ᐊᖑᑎᕈᓗᑐᐃᓐᓇᐅᓚᐅᖅᑐᑦ!” ᐅᖃᐅᑎᓪᓗᓂᑎᒃᑯ ᐊᕐᓇᓂᑦ ᐊᕐᕙᖕᓂᐊᖅᑎᑕᖃᓚᐅᖏᑦᑐᖅ. ᐊᒥᓱᑦ ᐊᕐᕙᖕᓂᐊᑦᑏᑦ ᑲᑎᑎᑕᐅᓯᒪᐅᓚᐅᖅᑐᑦ ᐊᒻᒪ ᕿᑐᕐᖓᖃᐅᖅᖢᑎᒃ ᖃᓪᓗᓈᑦ ᓄᓇᖓᓐᓂ, ᐃᓚᖏᓪᓕ ᖃᓗᓈᑦ ᓄᓇᖓᓐᓄᑦ ᕿᒪᐃᓯᒪᓚᐅᖅᑐᑦ ᑕᖅᑭᒐᓴᖕᓄᑦ ᑕᑉᐸᐅᖓᖅᖢᑎᒃ ᐃᖅᑲᓇᐃᔭᕆᐊᖅᖢᑎᒃ ᐊᕐᕙᒐᓱᖕᓂᕐᒥᒃ. ᑕᑉᐹᓂᑉᐸᓚᐅᖅᑐᑦ ᐊᑯᓂᐊᓗᒃ.
ᐅᖃᐅᑎᓪᓗᓂᑎᒃᑯ ᖃᓄᖅ ᐊᕐᕙᖕᓂᐊᖅᑏᑦ ᑕᐃᔅᓱᒪᓂ ᐊᐅᓪᓚᖃᑦᑕᓚᐅᕐᓂᖏᓐᓂ ᑎᖏᕐᕋᐅᑕᓕᖕᓄᑦ, ᐊᐅᓚᐅᑎᖃᓚᐅᖏᒻᒪᑕ ᑕᐃᔅᓱᒪᓂ. ᐊᔾᔨᙳᐊᕐᓂ ᑕᑯᖃᑦᑕᖅᓯᒪᔪᖓ ᐊᕐᕙᖕᓂᐊᖅᑎᒃᑯᑦ ᐅᒥᐊᖏᓐᓂᑦ, ᐃᖅᑯᐊᒍᑦ ᐅᒥᐊᑦ ᓄᕗᖃᖅᖢᑎᒃ ᐊᒻᒪ ᑎᖏᕐᕋᐅᑕᖃᖅᖢᑎᒃ ᖄᖓᒍᑦ. ᐃᓛᓐᓂᒃᑯᑦ ᐅᒥᐊᑦ ᖁᐊᕈᔾᔭᐅᓯᒪᔭᕌᖓᑕ ᐅᑭᐅᓕᒫᖅ ᑕᑉᐹᓂᖏᓐᓇᖅᐸᒃᖢᑎᒃ. ᓯᑯ ᐊᐅᒑᖓᑦ ᓄᓇᒥᓄᑦ ᐅᑎᖅᐸᒃᖢᑎᑦ.
ᐅᐃᒪ ᐃᑦᑐᖓ ᐊᑎᖃᓚᐅᖅᑐᖅ ᓴᒃᑯᐊᖅᑎᕈᖕᓂᕐᒥ. ᓇᑦᑎᓕᖕᒥᐅᓂ ᐊᑦᑎᐊᖑᔪᕕᓂᖅ. ᖃᓪᓗᓈᑎᑐᑦ ᐊᑎᖃᖅᖢᓂ ᔪᐊᔾᔨ ᕚᓯᖕᑕᓐ ᑭᓖᕝᓚᓐᒥ, ᑕᐃᒫᒃ ᖃᓪᓗᓈᑐᑦ ᐊᑎᖃᓚᐅᖅᑐᖅ. ᐅᐃᒪ ᐊᓈᓇᓂ ᐊᐱᕆᖕᒪᒍ ᖃᓄᐃᒻᒪᑦ ᐊᑖᑕᖓ ᓴᒃᑯᐊᖅᑎᕈᖕᓂᐅᖕᒪᖔᑦ, ᑭᐅᓚᐅᖅᑐᖅ “ᐊᕐᕙᖕᓂᐊᖅᑏᑦ ᓯᕗᓂᐊᓂ ᖃᓪᓗᓈᓂᑦ ᐊᖑᑎᑕᖃᓚᐅᖏᒻᒪᑦ ᑕᑉᐹᓂ, ᑭᖑᓂᐊᒍᑦ ᐊᕐᕙᖕᓂᐊᖅᑏᑦ ᑎᑭᖦᖢᑎᒃ”. ᐅᖃᑦᑎᐊᓚᐅᖅᑐᖅ ᖃᓄᖅ ᐃᓄᐃᑦ ᑕᑯᓚᐅᖅᓯᒪᖏᓐᓂᖏᓐᓂᑦ ᖃᓪᓗᓈᓂ ᐊᕐᕙᖕᓂᐊᖅᑎᑕᖃᓚᐅᖅᑎᓐᓇᒍ. ᓇᒃᓴᖅᐸᒃᖢᑎᒃ ᐅᒃᑯᓯᖕᓂᑦ, ᓴᐸᖓᕐᓂᑦ, ᖁᑭᐅᑎᓂᒡᓗ ᖃᓪᓗᓈᓃᙶᖅᑐᓂᑦ. ᐃᓄᐃᓪᓗ ᑕᐅᖅᓰᖃᑎᒋᕙᒃᖢᒋᑦ. ᐊᕐᕙᖕᓂᐊᖅᑏᑦ ᐱᖁᑎᒥᖕᓂ ᓴᖅᑭᑦᑎᓪᓗᑎᒃ ᐃᓄᐃᓪᓗ ᐊᖑᑏᑦ ᑕᐅᖅᓰᖃᑎᒋᔪᒪᓪᓗᒋᑦ ᓄᓕᐊᕆᔭᒥᖕᓂ ᖁᑭᐅᑎᒥᒃ, ᐅᒃᑯᓯᖕᓂ ᐅᕝᕙᓗᓐᓂᑦ ᓴᐸᖓᕐᓂᑦ. ᑕᐅᖅᓰᖅᐸᒃᖢᑎᒃ. ᐃᓱᒪᓚᐅᖏᑦᑐᑦ ᖃᓪᓗᓈᑦ ᐊᐅᖓᓂ ᐊᐅᓕᖕᓂ ᕿᑐᕐᖓᖃᕆᐊᖏᓐᓂᑦ - ᓄᓕᐊᒥᖕᓂ ᑕᐅᖅᓰᖅᐸᒃᖢᑎᑦ ᖁᑭᐅᑎᓄᑦ ᐅᒃᑯᓯᖕᓄᓪᓗ. ᐅᐃᒪ ᓂᖏᐅᖓ ᖁᕕᐊᓱᒃᖢᓂ ᑲᑎᑎᑕᐅᓯᒪᓚᐅᖅᑐᖅ ᐅᐃᖓᑕ ᐃᓱᒪᒥᓂᒃ. ᖃᓪᓗᓈᒧᑦ ᐅᐸᖁᓪᓗᓂᐅᒃ ᓇᔾᔨᓕᖅᖢᓂᓗ. ᑕᐃᒫᒃ ᑕᕝᕙ ᐅᐃᒐ ᖃᓪᓗᓈᑦ ᐊᐅᖓᓂ ᐊᐅᖃᖅᐳᖅ. ᓴᒃᑯᐊᖅᑎᕈᖕᓂᐅᑉ ᐊᐅᖓᓂᑦ. ᕿᑐᕐᖓᒃᑲᑦᑕᐅᖃᐃ.
ᐃᓄᐃᑦ ᐊᒥᓱᐊᓗᐃᑦ ᐊᕐᕙᖕᓂᐊᖅᑎᓂᑦ ᖃᓪᓗᓈᓂ ᕿᑐᕐᖏᐅᖅᓯᒪᕗᑦ. ᐅᐃᖑᔪᑦ ᐃᒻᒥᓂᒃ ᐃᓱᒪᒋᔭᒥᖕᓂ ᓄᓕᐊᖏᑦ ᑕᐅᖅᓰᒍᑎᒋᖃᑦᑕᓚᐅᖅᑕᖏᑦ ᐱᖁᑎᓄᑦ. ᐅᐃᒪ ᐊᓈᓇᖓ ᐃᖅᑲᐅᒪᔪᖅ ᑲᑎᑦᑎᓚᐅᖅᓯᒪᓂᖓᓂ ᑭᓇᒥᒃᑭᐊᖅ ᐃᒡᓗᓕᖕᒥ. ᑕᐃᔅᓱᒪᑦᑕᐅᖅ ᐊᑖᑕᒋᓪᓗᓂᐅᒃ ᓴᒃᑯᐊᖅᑎᕈᖕᓂᖅ. ᑕᐃᒫᒃ ᐊᑖᑕᖃᑎᒋᓪᓗᓂᐅᒃ ᐊᓂᒋᓚᐅᖅᑕᖓ. ᓴᒃᑯᐊᖅᑎᕈᖕᓂᖅ ᖃᐅᔨᒪᔭᐅᓚᐅᖅᐳᖅ ᐊᕐᕙᖕᓂᐊᖅᑎᐅᓚᐅᖅᑐᖅ, ᓄᒃᑕᒐᔪᒃᑐᐊᓗᓪᓗᓂ, ᑕᐃᒫᒃ ᐊᒥᓱᐊᓗᐃᑦ ᐃᓄᐃᑦ ᕿᑐᕐᖏᐅᓚᐅᖅᐳᑦ ᑕᐃᔅᓱᒪᙵᑦ. ᓇᒥᕈᓗᔮᓗᒃ ᕿᑐᕐᖓᖃᐅᓚᐅᖅᑐᖅ, ᒥᑦᑎᒪᑕᓕᖕᒥᐅᖏᑦᑐᖅ ᑭᓯᐊᓂ. ᕿᑭᖅᑖᓗᑉ ᓂᒋᐊᓂ, ᐸᖕᓂᖅᑑᒥ ᐊᒻᒪᓗ ᑲᖏᖅᓱᐊᓗᑉ ᐃᓗᐊᓂ ᐊᒻᒪᓗ ᑭᕙᓪᓕᕐᒥ. ᕿᑐᕐᖓᒐᓚᓕᐊᓘᓚᐅᖅᑐᖅ ᑭᕙᓪᓕᕐᒥᕈᔪᒃ. ᐅᕙᖓᓕ, ᓇᖕᒥᓂᖅ ᖃᐅᔨᒪᔭᖃᖅᑐᖓ ᑎᓴᒪᓂᑦ ᐃᓄᖕᓂᑦ ᐅᐃᒪ ᐊᓈᓇᖓᑕ ᐊᓯᖏᓐᓂ ᓴᒃᑯᐊᖅᑎᕈᖕᓂᕐᒧᑦ ᕿᑐᕐᖓᕆᔭᐅᔪᓂᑦ. ᒪᕐᕈᐃᓐᓈᒃ ᒫᓐᓇ ᐃᓅᔫᒃ. ᑖᔅᓱᒥᖓᑦᑕᐃᓐᓇᐅᖏᑦᑐᒥ ᐊᓈᓇᖃᖅᖢᑎᒃ. ᐊᑕᐅᓯᐊᖅᖢᖓ ᐃᖃᓗᖕᓃᖦᖢᖓ ᓇᓂᓯᓚᐅᖅᓯᒪᔪᖓ ᐃᖃᓗᖕᒥᐅᑕᐅᔪᒥᒃ ᓴᒃᑯᐊᑦᑎᕈᖕᓂᕐᒥ ᐊᑦᑎᐊᖑᔪᒥ. ᐃᕐᖑᑕᖓ ᓴᒃᑯᐊᖅᑎᕈᖕᓂᐅᑉ, ᓲᕐᓗ ᐅᐃᒐᑐᑦ. ᑕᑯᒐᓚᒃᓯᒪᔭᕋ ᑕᐃᖕᓇ ᐊᖑᑦ ᐃᖃᓗᖕᓄᐊᕌᖓᒪ.
ᐊᑖᑕᒐ ᐊᕐᕚᕐᓗᒃ, ᐅᓂᒃᑲᐅᑎᓚᐅᖅᓯᒪᒑᖓ ᓱᕈᓯᐅᓪᓗᖓ. ᐅᖃᐅᑎᓚᐅᖅᓯᒪᒑᖓ ᖃᓄᖅ ᓱᕈᓯᐅᑎᓪᓗᒍ ᖃᕐᒪᕐᒦᖃᑦᑕᖅᑎᓪᓗᒋᑦ, ᖃᐃᑦᑎᐅᕋᖅᑕᐅᓪᓗᑎᒃ ᑏᓂᒃ, ᑕᕝᕚᑭᓂᑦ ᐊᒻᒪᓗ ᓯᕙᓂᑦ ᐊᕐᕙᖕᓂᐊᖅᑎᒃᑯᓐᓂᑦ. ᐅᖃᓚᐅᖅᓯᒪᔪᖅ ᐊᑐᖅᑕᐅᑐᐊᕆᖃᑦᑕᓚᐅᖅᓯᒪᔭᖏᑦ ᖁᑭᐅᑎᓪᓗ ᓱᓇᒐᐃᓪᓗ, ᐊᕐᕙᖕᓂᐊᖅᑎᓂᑦ ᑐᓂᔭᐅᓂᑯᐃᑦ. ᑕᐃᔅᓱᒪᓂ ᐃᓄᐃᑦ ᑏᑐᕈᓐᓇᓚᐅᖏᒻᒪᑕ ᓯᕙᑐᕈᓐᓇᕋᑎᒡᓗ, ᐃᓄᐃᑦ ᓂᕿᖏᓐᓂ ᓂᕆᖃᑦᑕᓚᐅᖅᑐᑦ ᓄᓇᒦᙶᖅᓯᒪᔪᓂ. ᑏᓪᓗ ᓯᕙᐃᓪᓗ, ᑕᕝᕚᑮᓪᓗ ᖃᐅᔨᒪᓚᐅᙱᑕᖏᑦ ᖃᓄᖅ ᐱᒐᔭᕐᒪᖔᒋᑦ. ᐃᓕᔾᔨᕕᖕᒧᑦ ᐃᓕᕙᒃᖢᓂᒋᑦ ᐃᒡᓕᖓᑕ ᖁᓕᑦᑎᐊᖓᓂ ᕿᒪᒃᐸᒃᖢᓂᒋᓪᓗ. ᖃᕐᒪᐅᑉ ᖁᓕᖓ ᑯᑐᓕᕌᖓᑦ ᖃᐅᓯᓕᖅᐸᒃᖢᑎᒃ ᑖᒃᑯᐊ. ᖃᓪᓗᓈᑦ ᓂᕿᖁᑎᖏᑦ ᐅᖁᒃᐸᓪᓕᕙᒃᖢᑎᒃ ᐃᒋᑉᐸᒃᖢᓂᒋᓪᓗ.
ᐊᒥᓱᐊᖅᑎᒐᓚᒃ ᐃᓄᐃᑦ ᐱᑎᑕᐅᖃᑦᑕᓚᐅᖅᑐᑦ ᐊᕐᕙᖕᓂᐊᖅᑎᒃᑯᓐᓂ, ᓇᓗᓕᖅᐸᒃᖢᑎᒃ ᖃᓄᖅ ᐱᔭᕆᐊᖃᕐᒪᖔᒋᑦ ᑕᒪᒃᑯᐊ ᐱᖁᑏᑦ. ᓂᖏᐅᕐᒪ, ᐅᖃᐅᑎᓚᐅᖅᓯᒪᒑᖓ ᖃᓄᖅ ᑕᐃᔅᓱᒪᓂ ᓴᕕᒃᑕᖃᓚᐅᖅᓯᒪᖏᓐᓂᖓᓂ. ᐅᓗᐃᑦ ᓴᓇᓯᒪᕙᓚᐅᖅᑐᑦ ᐅᔭᖅᑲᓂᑦ. ᐃᐱᒃᓴᐃᔭᕆᐊᖃᓕᕌᖓᒥ ᐅᓗᓂᑦ, ᐅᔭᕋᕐᓂᑦ ᐊᑐᖅᐸᒃᖢᑎᒃ. ᖃᐅᔨᓇᓱᓕᕌᖓᒥ ᐃᐱᒃᓯᖕᒪᖔᑕ, ᖁᒻᒧᐊᒃᑎᑉᐸᒃᖢᒋᑦ ᓯᕿᓂᐅᑉ ᖃᐅᒪᓂᖓ ᑕᑯᒃᓴᐅᖕᒪᖔᑦ ᖃᐅᔨᓴᖅᖢᑎᒃ - ᑕᐃᒫᒃ ᐱᕙᓚᐅᖅᑐᑦ. ᐅᓗᐃᑦ ᑲᑭᐊᒃᓯᓪᓗᑎᒃ ᓵᖅᑑᓕᖅᖢᑎᒡᓗ ᐃᓱᐊᓂ ᐃᐱᒃᓯᓂᖓᓂ ᖃᐅᔨᒪᔭᐅᕙᒃᖢᑎᒃ. ᓂᖏᐅᕋ ᐅᖃᖅᓯᒪᔪᖅ ᐊᕐᕙᖕᓂᐊᖅᑏᑦ ᓇᒃᓴᖅᖢᑎᒃ ᓴᕕᖕᓂᑦ, ᑭᓲᓂᖏᓐᓂ ᖃᐅᔨᒪᕙᓚᐅᖏᑦᑐᑦ. ᖃᐅᔨᒪᓚᐅᖏᑦᑐᑦ ᓴᕕᕋᔭᐃᑦ ᐃᐱᒃᑐᐊᓗᔪᓐᓇᕐᓂᖏᓐᓂ, ᑲᑭᐊᖏᒃᑲᓗᐊᕋᒥᒃ ᓵᖏᒃᑲᓗᐊᕋᒥᒡᓗ. ᖃᓪᓗᓈᖃᖃᑦᑕᓚᐅᙱᒻᒪᑦ ᑕᐃᔅᓱᒪᓂ ᐅᖃᕈᓐᓇᖅᑐᓂ ᓴᕕᕋᔭᐃᑦ ᑭᓲᓂᖏᓐᓂ. ᑕᐃᒫᒃ ᓂᖏᐅᕐᒪ ᐅᖃᐅᑎᓚᐅᖅᓯᒪᒑᖓ. ᑕᐃᒫᒃ ᐃᖅᑲᐅᒪᓚᐅᖅᑐᖅ ᑕᐃᔅᓱᒪᓂ.
ᐄ, ᓂᖏᐅᕋ ᑲᐅᒡᔭᒃ, ᐅᖃᐅᑎᕙᓚᐅᖅᓯᒪᒑᖓ ᑎᔅᓯᓇᖅᑐᓂ ᐊᒻᒪ ᐅᓂᒃᑲᐅᓯᕐᓂ ᐊᕐᕙᖕᓂᐊᖅᑏᑦ ᒥᒃᓵᓂ. ᐃᖅᑲᐅᒪᔪᖓ ᓱᕈᓯᐅᓪᓗᖓ ᓂᖏᐅᕐᒪ ᖃᕐᒪᖓᓂ. ᐃᑦᑐᕋ ᓄᑕᕋᕆᐊᖅ ᐃᓅᔪᓐᓂᖅᓯᒪᓕᖅᑎᓪᓗᒍ, ᐊᑖᑕᒐᓗ ᐊᖑᓇᓱᒋᐊᖅᓯᒪᓪᓗᓂ, ᑲᐅᒡᔭᐅᑉ ᐸᖅᑭᕙᓚᐅᕐᒪᑎᒍᑦ. ᐃᖅᑲᐅᒪᔪᖓ ᑕᒪᑦᑕ ᓱᕈᓰᓐᓇᐅᓪᓗᑕ, ᐃᒡᓕᕐᒥ ᓇᓪᓚᖓᓪᓗᑕ ᑲᑎᒦᓪᓗᑕ ᓯᓂᓕᓚᐅᖏᓐᓂᑦᑎᓐᓂ, ᓂᖏᐅᕋᓗ ᓴᓂᑦᑎᓐᓂ ᓇᓪᓚᖓᓪᓗᓂ ᐅᓂᒃᑳᖅᐸᓚᐅᖅᑐᖅ ᐊᕐᕙᖕᓂᐊᖅᑏᑦ ᒥᒃᓵᓄᑦ. ᐃᖅᑲᐅᒪᑦᑎᐊᓚᐅᖏᒻᒥᔪᖅ ᐊᕐᕙᖕᓂᐊᖅᑎᓂ ᑭᓯᐊᓂ ᐅᖃᐅᑎᕙᓚᐅᕌᑎᒍ ᖃᓄᖅ ᐅᓪᓗᕐᒥ ᐊᑕᐅᓯᕐᒥ ᓴᐸᖓᕐᓂ ᖃᐃᑦᑎᔭᐅᓂᖓᓂ. ᐊᕐᕙᖕᓂᐊᖅᑎᒧᑦ ᑐᓂᔭᐅᔪᑦ, ᓇᒃᓴᖅᖢᓂᒋ ᐃᒡᓗᖓᓄᑦ ᓂᖏᐅᕐᒪ. ᐅᖃᓚᐅᖅᑐᖅ ᖃᓪᓗᓈᓂ ᑲᑉᐱᐊᓱᒃᑐᐊᓗᓂᖓᓂ. ᑕᐃᔅᓱᒪᓂ ᑲᑉᐱᐊᓱᒃᑐᐊᓗᓚᐅᖅᓯᒪᔪᑦ ᐊᒻᒪᓗ ᐃᓱᒪᕙᒃᖢᓂ ᐊᕐᕙᖕᓂᐊᖅᑏᑦ ᓴᐸᖓᕐᓂ ᖃᐃᒃᑎᔪᑦ ᐅᕙᓐᓂᒃ ᑯᔭᖃᑎᖃᕈᒪᓂᑯᒧᑦ. ᑐᐱᕐᒥᓂᖦᖢᓂ ᕿᑐᕐᖓᓂ ᐱᖃᑎᒋᓪᓗᓂᒋᑦ ᐅᒥᐊᕐᔪᐊᖓᓄᑦ ᐅᖓᓯᓗᐊᖏᑦᑐᒥ, ᑎᑭᖦᖢᓂ ᑐᐱᑦᑎᓐᓄᑦ ᓴᐸᖓᐃᑦ ᓇᒃᓴᖅᖢᓂᒋᑦ. ᐱᓱᒃᖢᓂ ᐹᑦᑎᒍᑦ ᐃᓯᖅᖢᓂ ᓴᐸᖓᓕᔭᖅᖢᓂ. ᐅᖃᓚᐅᖅᑐᖅ ᓂᖏᐅᕋ ᐃᖅᑲᐅᒪᓂᕋᖅᖢᓂ ᓴᐸᖓᓄᑦ ᐃᔨᒋᐊᓗᑐᐃᓐᓇᖅᖢᓂ ᖃᓪᓗᓈᕐᒥᒡᓗ ᑕᑕᒥᖦᖢᓂ ᑲᑉᐱᐊᓱᒃᑐᐊᓗᓪᓗᓂ. ᓂᖏᐅᕋ, ᐅᖃᓚᐅᖅᓯᒪᔪᖅ ᐃᖅᑲᐅᒪᔪᕉᖅ ᖃᓄᖅ ᐹᒥ ᓇᓛᓂᑦ ᓇᖏᑐᐃᓐᓇᖅᖢᓂ, ᓂᖏᐅᕐᒪᓗ ᕿᕕᐊᖓᓪᓗᓂᐅᒃ ᑖᓐᓇ, ᐃᔨᒋᐊᓗᑐᐃᓐᓇᖅᖢᓂᐅᒃ ᐊᐅᓚᔾᔭᓚᐅᖏᑦᑎᐊᖅᖢᓂ. ᑲᑉᐱᐊᓱᒃᑐᐊᓗᓪᓗᓂ! ᐅᖃᓚᐅᖅᑐᖅ ᑖᓐᓇᒎᖅ ᐊᕐᕙᖕᓂᐊᖅᑎ ᑲᙳᓱᒃᖢᓂ ᐊᐅᐸᖅᖢᓂᓗ ᑮᓇᖓ ᐊᒻᒪᓗ ᐃᒃᐱᒍᓱᓕᕋᒥ ᓂᖏᐅᕋ ᑲᑉᐱᐊᓱᖕᓂᖓᓂ ᑕᐃᒫᒃ ᐅᒃᑯᓯᖕᒥ ᓴᐸᖓᐃᑦ ᕿᒪᒃᖢᓂᒋᑦ ᓂᖏᐅᓐᓄᑦ. ᑐᐊᕕᖅᖢᓂ ᕿᒪᒃᓯᓚᐅᖅᑐᖅ. ᓴᐸᖓᓐᓂ ᑕᑯᓚᐅᖅᓯᒪᓚᐅᖏᑦᑐᖅ ᓂᖏᐅᕋ ᑕᐃᔅᓱᒪᓂ, ᐃᒃᐱᐊᕐᔪᖕᒧᑦ ᐴᖅᖢᒋᑦ ᐅᒃᑯᓯᒃ ᑎᐳᓪᓗᓂᐅᒃ. ᐅᕙᑦᑎᓐᓄᑦ ᐅᓂᒃᑳᖅᑎᓪᓗᒍ ᐆᒃᑐᕋᖅᐸᓚᐅᖅᑐᖅ ᖃᓄᖅ ᐊᖏᑎᒋᖕᒫᖔᑦ ᑖᓐᓇ ᐃᑉᐱᐊᕐᔪᒃ.
ᓴᐸᖓᒐᓵᓗᕙᓚᐅᖅᑐᑦ ᐅᒃᑯᓯᐅᑉ ᐃᓗᐊᓂ. ᓂᖏᐅᕋᓗ ᐅᖃᖅᖢᓂ ᖁᕕᐊᑦᑐᐊᓗᓚᐅᖅᑐᖅ ᑖᒃᑯᐊ ᐱᒐᒥᒋᑦ. ᑲᓚᖏᑦ ᐊᔾᔨᒌᙱᕈᓗᔭᖅᖢᑎᒃ. ᐅᖃᓚᐅᖅᓯᒪᔪᖅ ᓯᕗᓪᓕᖅᐹᒥᒎᖅ ᓂᕿᐅᓇᓱᒋᒐᒥᒋᑦ ᐊᓱᐃᓛᒃ ᑕᒧᐊᓕᖅᖢᓂ. ᐅᖁᒻᒥᖅᐸᒃᖢᓂᒋᑦ ᑎᕝᕗᐊᖅᐸᒃᖢᓂᒋᑦ. ᑭᖑᓂᐊᒍᑦ ᐱᐅᔪᐊᓗᖕᒥᒃ ᕿᓯᐅᑎᒥᓂᒃ ᐊᒥᐊᒃᑯᓯᒪᔭᒥᓂᒃ ᓴᖅᑭᑦᑎᓪᓗᓂ ᓴᐸᖓᐃᓪᓗ ᓄᕕᓪᓗᓂᒋᑦ ᖄᖓᓄᑦ ᐊᑯᖓᓄᑦ. ᑕᐃᒫᒃ ᐅᕙᑦᑎᓐᓄᑦ ᐅᓂᒃᑳᖅᐸᓚᐅᖅᑐᖅ...
ᑕᐃᒫᒃ ᐅᓂᒃᑲᐅᑎᓚᐅᖅᓯᒪᒑᑎᒍᑦ ᓲᖃᐃᒻᒪ ᑕᐃᖕᓇ ᐅᒃᑯᓯᒃ ᓴᐸᖓᓕᒃ ᐱᑕᖃᓚᐅᖅᓯᒪᔪᖅ ᓱᓕ ᓱᕈᓯᐅᓪᓗᖓ. ᓂᖏᐅᕌᓗᓕᖅᖢᓂ ᑕᐃᔅᓱᒪᓂ ᓂᖏᐅᕋ. ᐅᓂᒃᑲᐅᑎᕙᓚᐅᕌᑎᒍ ᐅᒃᑯᓯᐅᑉ ᒥᒃᓵᓂ ᓲᖃᐃᒻᒪ ᑕᑯᒐᔪᖕᓇᓚᐅᖏᑦᑐᖅ ᐅᒃᑯᓯᖃᕆᐊᒃᓴᖅ ᑕᐃᔅᓱᒪᓂ. ᓂᐅᕕᕐᕕᒃᑕᖃᓚᐅᖅᓯᒪᖏᒻᒪᑦ, ᑕᐅᖅᓰᕕᒃᑕᖃᕋᓂᓗ ᑕᐃᔅᓱᒪᓂ ᐱᑖᕆᒐᒥᐅᒃ. ᑖᓐᓇ ᐅᒃᑯᓯᒃ ᐊᕐᕙᖕᓂᐊᖅᑎᒥ ᐱᑖᕆᓚᐅᖅᓯᒪᔭᖓ ᑕᐃᔅᓱᒪᓂ ᐅᓪᓗᕐᒥᒃ, ᐊᕐᕌᒍᒐᓴᐃᓪᓗ ᐊᓂᒍᖅᑎᓪᓗᒋᑦ ᐅᕙᖓ ᓂᖏᐅᕆᓕᖅᖢᒍ ᐅᓂᒃᑳᖅᐸᓚᐅᖅᓯᒪᔪᖅ ᑕᐃᖕᓇᒎᖅ ᐅᒃᑯᓯᒃ ᐱᑖᕆᓚᐅᖅᓯᒪᔭᖓ. ᐱᓯᒪᐃᓐᓇᓚᐅᖅᑕᖓ ᑕᐃᖕᓇ ᐅᒃᑯᓯᒃ ᐊᕐᕙᖕᓂᐊᖅᑎᒥ ᐱᑖᕕᓂᖓ ᑐᖁᓚᐅᖏᓐᓂᓕᒫᒥᓂᒃ.
ᓂᖏᐅᕐᒪ ᐅᓂᒃᑲᐅᑎᒃᑲᓐᓂᓚᐅᖅᓯᒪᖕᒪᖓ ᐊᓯᐊᓂᒃᑕᐅᖅ, ᑐᐸᖕᓇᕆᓚᐅᖅᓯᒪᔭᕋ! ᐅᖃᓚᐅᖅᓯᒪᖕᒪᑦ ᐃᓛᓐᓂᒡᒎᖅ ᐊᕐᕙᖕᓂᐊᖅᑏᑦ ᓂᖀᒍᑎᔭᕌᖓᒥᒃ ᖃᓪᓗᓈᑦ ᓄᓇᖓᓂᙶᖅᓯᒪᔪᓂᒃ ᕿᓚᓗᒐᐃᑦ ᓂᕿᖏᓐᓂᒡᓗ ᒪᒃᑖᓂᒡᓗ ᓂᕆᕙᒃᑐᕕᓂᑦ. ᓂᐅᕕᕐᕕᐅᓪᓗ ᖃᓪᓗᓈᓪᓗ ᓂᕿᖏᓐᓂᒃ ᓂᕆᔪᓐᓇᖏᑦᑕᕌᖓᑕ, ᐃᓄᐃᑦ ᓂᕿᖏᓐᓂᒃ ᓂᕆᕙᒃᖢᑎᒃ. ᐃᑲᔪᖃᑦᑕᐅᑎᑦᑎᐊᖅᐸᖕᓂᕐᒪᑕ ᖃᓪᓗᓈᓪᓗ ᐃᓄᐃᓪᓗ ᑕᐃᔅᓱᒪᓂ. ᐃᓄᐃᑦ ᓴᓇᕙᒃᖢᑎᒃ ᐊᓐᓄᕌᓂ ᑐᒃᑐᕋᔭᖕᓂ ᐊᒻᒪᓗ ᖃᓪᓗᓈᑦ ᓇᖕᒥᓂᖅ ᕿᒧᒃᓯᖃᖅᐸᒃᖢᑎᒃ. ᐅᕙᑦᑎᑐᑦᑎᐊᖅ ᐃᓅᓯᖃᖅᐸᒃᖢᑎᒃ ᐅᖃᓪᓚᒃᐸᒃᖢᑎᒡᓗ ᑕᒫᓂᔅᓲᔭᓕᕌᖓᑕ.
ᑕᐃᑲᓂ ᑐᓵᔨᖃᖅᐸᓚᐅᖏᒻᒪᑕ. ᐃᓚᖏᑦ ᐊᕐᕙᖕᓂᐊᖅᑏᑦ ᐃᓄᒃᑐᑦ ᐅᖃᕈᓐᓇᕐᓂᕐᒥ ᐃᓕᑉᐸᒃᖢᑎᒃ ᐊᒻᒪᓗ ᐃᓄᐃᑦ ᐃᖅᑲᓇᐃᔭᖃᑎᒋᔭᖏᑦ ᖃᓪᓗᓈᑐᑦ ᐅᖃᕈᓐᓇᖅᐸᒃᖢᑎᒃ. ᖃᓪᓗᓈᑐᑦ ᐅᖃᕈᓐᓇᖅᓯᕙᓚᐅᖅᑐᑦ ᐃᓕᓐᓂᐊᕆᐊᓚᐅᖅᓯᒪᖏᒃᑲᓗᐊᕋᒥᒃ. ᖃᓪᓗᓈᓂ ᐃᖅᑲᓇᐃᔭᖃᑎᖃᖅᐸᓚᐅᖅᖢᑎᒃ ᐃᓕᑉᐸᓚᐅᖅᑐᑦ. ᑕᐃᕙᓚᐅᖅᑕᕗᑦ ᐃᓄᐃᑦ ᐊᔾᔨᒌᖏᑦᑐᓂ ᒪᕐᕉᖕᓂ ᐅᖃᕈᓐᓇᕌᖓᒥ ᐃᒫᒃ “ᑐᓵᔨ”. ᐃᓄᐃᑦ ᑲᒪᓇᖅᑐᓂ ᐃᓅᓯᖃᖅᐸᓚᐅᖅᑐᑦ ᑕᐃᔅᓱᒪᓂᐊᓗᒃ. ᖃᐅᔨᒪᕙᓚᐅᖅᑐᑦ ᓇᓕᐊᖕᓂ ᖃᓪᓗᓈᑦ ᓂᕿᖏᓐᓂ ᓂᕆᔪᓐᓇᕐᒪᖔᕐᒥ ᐅᕝᕙᓘᓐᓃᑦ ᓂᕆᔪᓐᓇᖏᒻᒪᖔᕐᒥᒃ. ᓂᖀᑦ ᐃᓱᒪᒋᔭᐅᔭᕌᖓᒥᒃ ᐱᐅᖏᑦᑑᒋᐊᖏᓐᓂ ᓂᕆᔭᐅᒐᔭᖏᑦᑐᑦ. ᐊᒃᑐᖅᓯᒐᔭᖏᑦᑐᑦ. ᐊᔾᔨᒋᙱᑕᖏᑦ ᒫᓐᓇ ᓂᐅᕕᕐᕕᖕᒥ ᓂᖀᑦ.
ᓂᖏᐅᕋ ᐅᖃᓚᐅᖅᓯᒪᔪᖅ ᐊᕐᕙᖕᓂᐊᖅᑏᒡᒎᖅ ᐅᒥᐊᖃᖅᐸᓚᐅᖅᑐᑦ ᒥᑭᑦᑐᖁᓗᖕᓂ ᐊᖑᓇᓱᒍᑎᒥᖕᓂ. ᐃᐳᖦᖢᑎᒃ ᐅᒥᐊᖅᑐᖅᖢᑎᒃ ᐃᙱᖅᖢᑎᒡᓗ. ᖃᓪᓗᓈᑦ ᐃᙱᖅᐸᒃᖢᑎᒃ ᐃᓄᐃᑦ ᑕᐃᒃᑯᓂᖓ ᐃᓕᓚᐅᖅᑐᑦ ᐃᙱᐅᓯᕐᓂ. ᐃᓱᒪᒋᔭᒃᑲ ᐃᓄᐃᑦ ᐊᒃᓱᕈᓚᐅᖏᑦᑐᑦ ᐃᓕᓐᓂᕐᒥ ᖃᓪᓗᓈᑐᑦ ᐃᙱᕐᓂᕐᒥ ᓂᔾᔭᐅᑎᓂᒡᓗ. ᐊᕐᕙᖕᓂᐊᖅᑎᓄᑦ ᖃᐃᑦᑎᔭᐅᕙᒃᖢᑎᒃ ᐅᖁᒻᒥᐊᒐᕐᓂᒃ ᓰᕐᓇᖅᑐᓂᒡᓗᓐᓂᑦ. ᖁᐊᖑᒐᓗᐊᖅᐸᑕ ᒪᒪᐃᓐᓇᓚᐅᖅᑐᑦ. ᑕᐃᑲᓂ ᐃᒥᒐᖅᑕᖃᓚᐅᖅᓯᒪᖏᑦᑐᖅ. ᐃᓛᓐᓂᑦ ᐊᕐᕙᖕᓂᐊᖅᑏᑦ ᑎᑭᑦᑕᕌᖓᑕ ᐊᖏᔪᓂ ᖃᑦᑕᐅᔭᕐᓂ ᒪᓛᓯᓂᒃ. ᐃᒥᐊᓗᓕᐅᖅᐸᒃᖢᑎᒃ ᐃᒥᖅᐸᒃᖢᒋᓪᓗ ᐃᒥᐊᓗᓕᐊᖏᑦ - ᐃᓛᓐᓂᓐᓇᒃᑯᑦ ᐃᒦᓐᓈᓗᖏᖦᖢᑎᒃ. ᐊᖏᔪᒥᒃ ᖃᑦᑕᐅᔭᕐᓂ ᐃᒥᐊᓗᓕᐅᖅᐸᒃᖢᑎᒃ. ᐊᕐᕙᖕᓂᐊᖅᑏᑦ ᑕᒪᐅᖓ ᑎᑭᓯᒪᔪᑦ ᐃᓛᓐᓂᑦ ᐃᓄᒃᑐᑦᑎᐊᖅ ᐱᕙᓚᐅᖅᑐᑦ. ᒧᒥᐅᓯᑦᑎᐊᕆᓚᐅᖅᓯᒪᔪᑦ ᑕᐃᔅᓱᒪᓂ ᐊᕐᕙᖕᓂᐊᖅᑏᓪᓗ ᐃᓄᐃᓪᓗ ᐋᖓᔮᕐᓗᑎᐅᖏᑦᑐᖅ ᒧᒥᖅᐸᒃᖢᑎᒃ. ᐃᙱᕈᑎᓄᑦ ᒧᒥᖅᐸᒃᖢᑎᒃ. ᖁᕕᐊᓱᒃᑐᐃᓐᓈᓗᓪᓗᑎᒃ ᐃᒡᓗᕕᒐᐅᑉ ᐃᓗᐊᓂ, ᐅᒥᐊᑉ ᐃᑦᓴᖏᓐᓂ ᖃᒡᒋᓂᒡᓗᓐᓂᑦ ᒧᒥᖅᐸᒃᖢᑎᒃ. ᐊᒃᓱᕈᖅᖢᑎᒃ ᐃᖅᑲᓇᐃᔭᓚᐅᖅᖢᑎᒃ ᒧᒥᓕᖅᐸᒃᖢᑎᒃ. ᐊᐅᔭᒃᑯᑦ ᓯᓚᒥ ᒧᒥᖅᐸᒃᖢᑎᒃ. ᐊᕐᕙᖕᓂᐊᖅᑏᑦ ᑎᑭᐅᔾᔨᕙᑉᖢᑎᒃ ᓂᐱᓕᐅᕈᑎᓂᒃ ᑕᑉᐸᐅᖓ, ᕿᔾᔮᕆᐊᓕᖕᓂᒃ, ᒥᖅᑯᑎᖓᓗ ᐃᓕᓪᓗᒍ ᓂᔾᔮᑎᑦᑎᕙᒃᖢᑎᒃ ᒧᒦᓐᓇᖅᖢᑎᒃ ᕿᔾᔮᒃᑲᓐᓂᕆᐊᖃᓕᕌᖓᑦ ᑭᓯᐊᓂ. ᐃᒫᒃ ᑕᕝᕙ ᒧᒥᖅᐸᓚᐅᖅᑐᑦ. ᐃᓱᐊᓄᑦ ᑎᑭᓕᕌᖓᑦ ᓱᒃᑲᐃᒡᓕᕙᒃᖢᓂ. ᓂᓪᓕᐊᓲᑦ ᑲᑕᐃᔭᐅᑐᐊᕌᖓᑕ ᓯᖁᒥᑉᐸᒃᖢᑎᒃ ᒥᑭᔫᑎᑯᓗᓕᖅᖢᑎᒃ. ᓇᓚᐅᙳᐊᑐᐃᓐᓇᖅᐸᕋ ᓴᓇᔭᐅᕙᖕᓂᖏᒻᒪᑕ ᒫᓐᓇᐅᓕᖅᑐᑐᑦ ᓂᓪᓕᐊᓲᑎᑐᑦ. ᐃᙱᐅᓰᓪᓗ ᓂᓪᓕᐊᔪᓪᓗ ᐊᕐᕙᖕᓂᐊᖅᑎᓂ ᐱᒋᔭᐅᔪᑦ ᖃᐅᔨᒪᑦᑎᐊᓚᐅᖅᑕᕗᑦ, ᐊᕐᕙᖕᓂᐊᖅᑏᑦ ᐊᐅᓪᓚᖅᓯᒪᓕᕋᓗᐊᖅᑎᓪᓗᒋᑦ ᓱᕈᓯᐅᑎᓪᓗᖓ...ᐊᕐᕙᖕᓂᐊᖅᑏᑦ ᐃᙱᐅᓯᖏᓐᓂᒃ ᐃᙱᖅᐸᓚᐅᖅᑐᒍᑦ. ᒫᓐᓇ ᓱᓕ ᐃᙱᖅᐸᒃᑕᕗᑦ.
ᑕᐃᒫᖑᕙᓚᐅᖅᓯᒪᔪᖅ ᑕᐃᔅᓱᒪᓂ. ᐊᕐᕙᖕᓂᐊᖅᑏᑦ ᑕᒫᓂᑎᓪᓗᒋᑦ. ᑕᐃᒫᒃ ᓂᖏᐅᕐᒪ ᐅᖃᐅᑎᕙᓚᐅᕌᖓ. ᑕᐃᒫᒃ ᑐᓴᖅᓯᒪᔪᖓ.
ᐊᐱᐊ ᐊᒐᓚᒃᑎ ᐊᕙ
ᓴᕿᔫᑉ ᐃᓗᐊᓂ
ᒪᒋᐅᓪ ᑯᐃᓐ ᓯᓚᑦᑐᓴᖅᕕᖓᑕ ᐱᕙᓪᓕᐊᔪᖏᑦ
ᐱᑦᑎᐊᖅᓯᒪᒻᒪᖔᑕ ᐅᖃᓕᒫᖅᑕᐅᓯᒪᔪᑦ ᓈᓐᓯ ᐅᐊᑯᕕᑦᔅᒧ
ᕿᑭᖅᑖᓘᑉ ᐊᑯᑭᑦᑑᓪᓗ ᐊᑯᓐᓂᖓᓂ ᐃᖃᓗᒐᓱᓐᓂᖅ
118 Ko
ᓯᒃᑳᑦᑎᒃᑯᑦ ᐊᖅᕕᒐᓱᐊᕈᑎᖓ ᐅᒥᐊᕐᔪᐊᖅ ᒫᑦ ᐱᑐᔅᓯᒪᔪᖅ ᐱᖃȕ
ᐅᑭᐅᖅᑕᖅᑐᒥᙶᒐᕐᓂᒃ ᐅᓂᒃᑳᖑᓂᑯᐃᑦ, ᔮᒃ ᑳᑎᐊᐃ ᐅᐃᕖᒃᓴᔭᒃ, ᖃᐅᔨᓴᖅᑎᕕᓂᖅ ᑕᐃᔅᓱᒪᓂᑲᓪᓚᒃ ᐃᖃᓗᓕᕆᕕᒃᑕᖃᓚᐅᖅᓯᒪᖕᒪᑦ ᑲᖏᖅᖣᒪᓂᕐᒥ ᐊᕐᕙᖕᓂᐊᕐᕕᒃᒥ. 1540ᖏᓐᓂ, ᓛᐸᑐᐊᑉ ᐃᑭᖓᓂ ᐊᕐᕙᒐᓱᒃᖢᑎᒃ, ᑭᖑᓂᐊᒍᓪᓗ 1610ᖏᓐᓂ ᔅᐱᑦᕘᒐᓐᒥ. 1600ᖏᑕ ᓄᕐᖑᖅᐸᓯᐊᓂᑦ 1700ᖏᓐᓄᑦ, ᐊᕐᕙᖕᓂᐊᖅᑏᑦ ᕿᒥᕐᕈᕙᓪᓕᐊᓕᓚᐅᖅᐳᑦ ᐅᑭᐅᖅᑕᖅᑐᒥᒃ. ᕿᑭᖅᑖᓘᑉ ᐃᑭᖓᓂ ᐊᕐᕙᖕᓂᐊᕐᕕᖃᖅᖢᑎᒃ (ᐃᖃᓗᖕᓂᐊᖅᑎᓂᒃ ᑕᐃᒎᓯᖅᑕᖃᖅᖢᑎᒃ ᐊᕐᕙᖕᓂᐊᖅᑎᐅᒐᓗᐊᖅᖢᑎᒃ).
184 Ko
ᐃᓄᐃᑦ ᐅᒥᐊᕐᔪᐊᒦᑦᑐᑦ ᓯᒃᑳᑦᑎᒃᑯᑦ ᐊᖅᕕᒐᓱᐊᕈᑎᖓᓂ ᐃᐊᔅ.Ȁ
ᔮᒪᓂᕋᔭᐃᑦ ᐊᐅᓚᑦᑎᓕᓚᐅᕐᒪᑕ, ᔮᒪᓐᕋᔭᐃᑦ ᐊᓯᖏᓪᓗ ᐱᖃᑕᐅᓕᕐᒪᑕ. 1700ᖏᓐᓂ 100ᓂᒃ ᐅᑭᐅᓂᒃ ᐊᕐᕙᒐᓱᖃᖅᑕᖅᑐᕕᓃᑦ ᐃᑭᖅᐸᓯᖓᓂ. ᑭᖑᓂᐊᒍᑦ, ᓯᒃᑳᔅᓰᑦ ᐃᓚᓕᐅᑎᔪᕕᓃᑦ, ᕿᑭᖅᑖᓘᑉ ᐃᑭᖅᐸᓯᐊᓃᓐᓂᖅᓴᐅᓪᓗᑎᒃ. ᐊᕌᒍᓂᒃ 100ᖏᓐᓂ, ᔮᒪᓂᕋᔭᐃᑦ ᓯᒃᑳᔅᓯᕋᔭᐃᓪᓗ ᐊᕐᕙᒐᓱᒃᑏᑦ ᐊᑯᑭᑦᑐᕐᒥᐅᑦ ᐃᑭᕋᓴᖓᓂᒃ ᒥᕐᖑᖅᑐᖅᐸᓚᐅᖅᐳᑦ, ᐅᓄᖅᑐᐊᓗᖕᓂᒃ ᐊᕐᕙᖕᓂᑰᕗᑦ. ᐅᑎᖅᑕᕋᐃᓐᓇᖅᐸᒃᑐᕕᓃᑦ, ᐊᕐᕌᒍᖓ 1802 ᑎᑭᖢᒍ.
102 Ko
ᓯᒃᑳᑦᑎᒃᑯᑦ ᐅᒥᐊᕐᔪᐊᖓ ᒫᑦ ᑕᕐᕋᓕᔮᑦᑐᖅ
ᓯᒃᑳᔅᓰᑦ ᐊᕐᕙᖕᓂᐊᖅᑏᑦ ᖁᑦᑎᒃᑐᒧᐊᖅᐸᓪᓕᐊᑐᐃᓐᓇᓚᐅᖅᐳᑦ 1800ᖏᓐᓂ. ᓯᑯᒧᑦ ᐊᔭᖏᑉᐸᓚᐅᕐᒪᑕ ᐅᒥᐊᕐᔪᐊᑦ. ᒪᐃ ᕿᑎᐊᓂᐅᒐᓗᐊᖅ. ᐊᓯᖏᓐᓄᑦ ᐅᓂᒃᐸᒐᑎᒃ ᕿᑭᖅᑖᓘᑉ ᐃᑭᖓᓄᐊᕆᐊᒃᓴᖅ. ᓯᓈᖓᓄᐊᖅᑳᖅᐸᓚᐅᕐᒪᑕ, ᐊᕐᕖᑦ ᑲᑎᙵᓪᓗᑎᒃ ᓯᓈᖓᓂ ᓂᕆᓇᓱᒃᐸᓚᐅᕐᒪᑕ.
ᐊᐃᑉᕆᓕᐅᑉ ᐱᒋᐊᕐᓂᖓᓂ, ᐅᒥᐊᕐᔪᐊᑦ ᑕᒪᐅᙵᖅᐸᓚᐅᕐᒪᑕ. ᓯᕐᒥᖅᐸᓚᐅᕐᒪᑕ ᖄᖏᑦ ᐅᒥᐊᕐᔪᐊᑦ. ᓂᒡᓚᓱᒃᐸᒃᖢᓂ ᖃᐱᓚᓇᖅᐸᓚᐅᖅᑐᖅ. ᐅᓗᕆᐊᓇᖅᐸᓚᐅᖅᑐᖅ ᐊᕐᕙᖕᓂᐊᖅᑎᐅᔭᕆᐊᒃᓴᖅ. ᖃᖓᙳᖅᐸᓪᓕᐊᓪᓗᓂ, ᓯᓈᖓ ᒪᙳᒃᐸᓪᓕᐊᓕᕌᖓᑦ ᐅᑎᕆᐅᒥᕙᓚᐅᖅᐳᖅ ᓯᑯ. ᒪᐃ ᕿᑎᖅᐸᓯᓕᕌᖓᑦ, ᖁᑦᑎᖕᓂᖅᓴᒧᐊᕈᓐᓇᖅᐸᓚᐅᖅᐳᑦ.
ᔫᓂᒥᒃ, ᐳᓚᑲᑕᒍᓐᓇᖅᓯᕙᒃᖢᑎᒃ ᑲᖏᖅᖢᖏᓐᓄᑦ.
181 Ko
ᖁᒻᒧᓐ ᑕᑯᓴᕐᓗᓂ ᑐᓗᒐᐅᑉ ᐱᑭᐅᖓᓄᑦ ᓯᒃᑳᑦᑎᒃᑯᑦ ᐊᖅᕕᒐᓱᐊȠ
ᐊᑯᑭᑦᑐᒧᑦ ᖃᓂᒃᓴᕋᓱᒃᐸᓚᐅᖅᐳᑦ ᓯᑯᖏᑦ ᐊᔾᔨᒌᖏᑦᑑᕙᓚᐅᕐᒪᑕ ᐊᖏᓕᕇᑦ. ᐃᖏᕐᕋᓂᕐᒧᑦ ᐊᑕᕙᓚᐅᕐᒪᑕ ᑭᓯᐊᓂᓕᑦᑕᐅᖅ ᐊᓄᕆᒧᑦ ᐊᓯᔾᔨᖅᓴᕋᐃᓚᐅᕐᒥᔪᖅ. ᐊᑕᐅᑦᑎᒃᑯᑦ ᐃᒪᐅᓂᖅᑕᖃᖅᐸᓚᐅᕐᒥᔪᑦ ᐊᐅᒃᑲᕐᓇᐅᔪᒥᒃ, ᓯᑯᓱᐃᑦᑑᓪᓗᓂ, ᑕᒫᓂ. ᐃᓗᐊᖏᑦᑐᒦᒻᒪᑦ ᑭᓯᐊᓂ. ᔪᓚᐃᙳᖅᓰᔭᕆᐊᖃᕈᑕᐅᓪᓗᓂ. ᔪᓚᐃᖑᓕᕌᖓᑦ ᐅᒥᐊᕐᔪᐊᑦ ᐊᔭᖏᑦᑕᖏᓐᓂᖅᓴᐅᕙᒃᖢᑎᒃ, ᓯᑯᑭᒡᓕᔭᕌᖓᑦ, ᒥᑦᑎᒪᑕᓕᖕᒧᐊᕈᓐᓇᖅᓯᕙᒃᖢᑎᒃ. ᓂᕐᔪᑎᖃᑦᑎᐊᕐᓂᖓᓄᓪᓗᑭᐊᖅ, ᒥᑦᑎᒪᑕᓕᒃ ᐊᕐᕕᖃᕐᓂᐅᕙᓚᐅᕐᒪᑦ ᔫᓂᒥ ᔪᓚᐃᒥᓗ. ᐊᒻᒪᓗ ᐊᒥᒐᖏᑦᑎᐊᖅᐸᒃᖢᓂ ᐊᕐᕙᒐᓱᒡᕕᒋᔭᕆᐊᒥᒃ.
170 Ko
ᕿᑭᖅᑖᓘᑉ ᐅᐊᓐᓇᖅᐸᓯᖓ (ᓄᐊᑦ ᕚᐱᓐ)
ᓇᓗᓇᐃᖅᓯᒃᑲᓐᓂᕐᓗᖓ ᓯᑰᑉ ᒥᒃᓵᓄᑦ: ᐊᕐᕙᒐᓱᒃᐸᓚᐅᖏᒻᒪᑕ ᐃᓐᓈᕈᓕᕈᔪᖕᒥ ᐅᐱᕐᖓᓕᓵᖅᑎᓪᓗᒍ ᓯᑯᖃᓗᐊᕐᓂᖓᓄᑦ. ᓄᓇᖅᐸᓯᙱᒧᑦ ᑐᕙᐅᓗᐊᒧᓪᓗ. ᓯᑯᑐᖃᖅ ᐅᐃᓴᐅᔾᔪᑕᐅᕙᓚᐅᕐᒪᑦ. ᒥᑦᑎᒪᑕᓕᖕᒧᐊᕐᓇᖏᒻᒪᑦ ᔫᓂᒥ. ᓯᓈᖓᓂ ᑐᓚᒃᐸᓚᐅᖅᐳᑦ, ᐅᒥᐊᕐᔪᐊᑎᒃ ᐃᐱᖅᑐᖅᖢᒋᑦ ᓯᑯᒧᑦ, ᐅᒥᐊᒥᖕᓄᑦ ᐊᕐᕙᒐᓱᖔᖅᖢᑎᒃ. ᐊᕙᑏᑦ ᖁᓕᐅᓪᓗᑎᒃ ᐅᒥᐊᕐᔪᐊᑦ ᓯᓈᓯᐅᖅᐸᓚᐅᖅᐳᑦ ᒥᑦᑎᒪᑕᓕᖅᐸᓯᖕᒥ, ᐅᒥᐊᒥᖕᓅᖅᖢᑎᒃ, ᓴᐃᒻᒪᑎᒥᖕᓄᑦ ᖃᐅᔨᒪᖃᑦᑕᐅᑎᕙᒃᖢᑎᒃ, ᐊᕐᕕᕐᓂᒃ ᒪᓕᖅᓱᖅᐸᒃᖢᑎᒃ, ᖁᑭᐅᑦᑕᐅᔭᓅᖅᐸᒃᖢᑎᒃ ᐊᕙᑕᓕᖕᓄᑦ ᐊᒻᒪᓗ ᐅᒥᐊᕐᔪᐊᒥᖕᓄᑦ ᐊᒡᒋᓯᕙᒃᖢᒋᑦ ᐊᕐᕕᐅᓕᕌᖓᒥᒃ.
173 Ko
ᐅᑭᐅᖅᑕᖅᑐᒥᒃ ᕿᒥᕐᕈᐊᕐᓂᖅ
ᐊᕐᕕᒐᓵᓗᐃᑦ ᐃᑭᓕᖅᑕᐅᕙᒃᖢᑎᒃ ᐱᔭᕆᔭᐅᕙᒃᖢᑎᒃᓗ. ᐊᖑᒻᒥᒃ ᐊᑕᐅᓯᕐᒥᒃ ᐅᖃᖅᑐᖃᕐᓂᑰᕗᖅ, 1823ᖑᑎᓪᓗᒍ, ᓇᐃᒪᓪᓗᒍᒎᖅ ᐅᐊᑲᓪᓚᐅᓚᖅᓯᒪᕗᖅ. ᐊᕐᕖᒡᒎᖅ ᐆᒪᔪᑦ ᐳᑦᑐᑑᖅᑐᑦ ᓇᒧᑐᐃᓐᓇᖅ ᕿᕕᐊᖅᖢᓂ ᑕᑯᒃᓴᐅᔪᑦ ᐃᒻᒪᓕᒎᖅ ᐳᒃᑕᓛᖅᑐᑦ ᐅᓄᖅᑐᐊᓗᐃᑦ ᐊᕙᑎᒥᖕᓃᑦᑐᑦ ᐳᒃᓯᓐᓇᐅᖅᑲᔪᑦ.
ᑐᕚᕆᔭᐅᕙᒃᑐᕕᓂᖅ. ᑕᒪᐅᓇ ᑭᓯᐊᓂ ᐊᖅᑯᑎᖃᕐᒪᑦ, ᓲᖃᐃᒻᒪ, ᓯᑯ ᐊᐅᒃᐸᓪᓕᐊᓕᖅᐸᑦ, ᓯᖁᑦᑎᕐᓂᐊᕐᒪᑦ, ᑕᓪᓗᕈᑎᐅᑉ ᐃᑭᖓ ᐃᕗᓂᑯᐃᓐᓇᐅᓕᕐᓂᐊᕐᒥᖕᒪᑦ. ᐅᑭᐊᒃᓵᒃᑯᑦ ᐋᒡᒌᓯᐅᑉ ᕿᑎᕈᔪᐊᓂ ᓂᒡᓚᓱᖕᓂᖅᓴᐅᕙᒃᑎᓪᓗᒍᓕ ᑕᐃᔅᓱᒪᓂ, ᑕᐃᒪᐃᑉᐸᓚᐅᕐᒪᑦ. ᓂᒍᕋᒐᒃᓴᐅᕙᓚᐅᖏᒻᒪᑦ ᐊᑦᑕᕐᓇᓗᐊᒧᑦ ᑕᐃᒪᐃᑎᓪᓗᒍ, ᓯᑯᖃᓗᐊᒧᑦ, ᐃᓐᓈᕈᓕᖕᒧᐊᕋᓱᒋᐊᒃᓴᖅ ᓄᓈᕋᓱᒋᐊᒃᓴᕐᓘᓐᓃᑦ, ᐃᓄᖕᓄᐊᕐᓇᕋᓂ ᒥᖑᓕᕆᕕᒃᓴᓕᐊᕐᓇᕋᓂᓗ.
ᐊᐱᖅᓱᕐᓂᒥᓂᖅ ᑕᕙᔪ.ᒋᓕᔅ ᕌᔅᒥᑦ, ᖃᐅᔨᒪᔨᑕᕐᒥᒃ
ᓯᓚᑦᑐᓴᖅᕕᔾᔪᐊᒥ ᐃᓕᓴᐃᔨᒥᓂᖅ ᐃᓕᑕᕆᔭᐅᓯᒪᔪᖅ ᓄᓇᓕᕆᔨᐅᓂᖓᓄᑦ, ᕕᓴᑉ ᓯᓚᑦᑐᓴᖅᕕᔾᔪᐊᖓᓂ