ᐅᕙᓃᑦᑐᑎᑦ : ᐊᖏᕐᕋᖅ » ᓄᑲᕇᑦ ᑯᕆᔅᑕᕗ B. ᐊᒻᒪᓗ ᐃᐊᑦᕗᑦ ᓵᐳᓪ (Brothers Christopher B. and Edward Chapel)
ᓄᑲᕇᑦ ᑯᕆᔅᑕᕗ B. ᐊᒻᒪᓗ ᐃᐊᑦᕗᑦ ᓵᐳᓪ (Brothers Christopher B. and Edward Chapel)
1860–ᖑᑎᓪᓗᒍ, ᓄᑲᕇᑦ ᑯᕆᔅᑕᕗ ᐊᒻᒪᓗ ᐃᐊᑦᕗᑦ ᓵᐳᓪ ᓯᕗᓪᓕᖅᐹᒥᓃᒃ ᒥᐊᓕᒐᕐᓃᙶᖅᓯᒪᓪᓗᑎᒃ ᑲᖏᖅᓱᐊᓗᒃᑯᑦ ᐅᒥᐊᖅᑐᖅᓱᑎᒃ ᖃᐅᔨᒐᓱᐊᖅᓱᑎᒃ ᓱᓪᓕᑕᐅᑦᑕᕐᒪᖓᖅ ᐊᕐᕕᓕᐹᓘᒋᐊᖓ ᐊᒥᒐᙱᑦᑐᓂᒃ ᑲᖏᖅᓱᐊᓗᒃ. ᑎᑭᐅᑎᔪᒥᓃᑦ ᕿᒪᐃᕕᒻᒧᑦ ᐅᑮᕕᒋᓪᓗᒍᓗ. ᐃᒫᒃ ᑕᒡᒐ ᐅᓂᒃᑳᒥᓂᖓ ᕌᔅᑉ ᐅᒥᐊᖅᑐᕐᓂᒥᓂᓂ:
ᔪᓚᐃᖑᑎᓪᓗᒍ 1860–ᒥ, ᓵᐳᓪ ᐅᒥᐊᕐᔪᒥᒃ ᐊᑎᓕᒻᒥᒃ ᓯᕇᓐ ᑯᐃᓐᒥᒃ ᑲᖏᖅᓱᐊᓗᒻᒧᑦ ᐅᒥᐊᖅᑐᖅᑐᒥᓂᖅ ᐅᒥᐊᖑᖃᑎᖃᖅᓱᑎᒃ ᐊᑎᓕᒻᒥᒃ ᓄᐊᔪᓐ ᓚᐃᑦ, ᐊᖁᑕᖓᓂᒃ ᖃᑕᙳᑎᖓᑕ ᐃᐊᑦᕗᑦ. ᓯᔾᔭᖓᑕ ᐅᐊᓐᓇᖅᐸᓯᖓᓅᖅᑐᒥᓃᑦ ᑲᖏᖅᓱᐊᓘᑉ ᐅᓪᓗᓂ ᐊᕙᑏᒃ ᒪᕐᕉᒃ ᖁᓕᓪᓗᓂᒃ ᐃᖏᕐᕋᓪᓗᑎᒃ ᓯᑯᖃᖅᑎᓪᓗᒍ ᐱᔭᕋᓕᒃᓱᑎᒃ ᐅᑮᕕᒋᓂᐊᖅᑕᒥᓐᓂᓪᓗ ᓂᕈᐊᖅᓱᑎᒃ ᖃᓂᒋᔭᖓᓂ ᕿᒪᐃᕕᐅᑉ (Ross 1975: 37).
ᑕᒪᓐᓇᐅᒐᓗᐊᖅᑎᓪᓗᒍ ᐊᒃᓱᕈᕐᓇᑐᖅᓯᐅᕐᓂᖅ, ᑕᖅᑭᕋᓴᐃᑦ ᐅᑭᐅᖑᑯᑖᓐᓂᖓ ᐅᑮᕕᒋᑦᓱᒍᓗ ᑐᖁᖃᑦᑕᑎᓪᓗᒋᓪᓗ ᐊᒥᓱᒐᓚᐃᑦ ᐅᒥᐊᖅᑐᖅᓯᒪᖃᑎᖏᑦ ᓂᕆᑦᓯᐊᖃᑦᑕᖅᑐᖃᕈᓐᓃᕐᒪᓐ ᑎᒥᒧᑦ ᐃᑲᔫᑎᖃᑦᓯᐊᖏᑦᑐᖃᓕᖅᑎᓪᓗᒍ ᐃᒃᑭᓪᓗᓕᕈᑕᐅᓲᒧᑦ, ᑖᒃᑯᐊ ᐅᒥᐊᕐᔪᐊᒃ ᐃᖏᕐᕋᓂᒥᓂᖓ ᓱᓕ ᑲᔪᓯᑦᓯᐊᖅᑐᒥᓂᖅ. ᓵᐳᓪ ᓄᑲᕇᑦ ᖃᐅᔨᔪᒥᓃᒃ ᐊᒥᒐᙱᓐᓂᖏᓐᓂᒃ ᐊᕐᕖᑦ ᑕᐃᑲᓂ, ᐊᖅᑯᓯᐅᕆᔪᒥᓂᐅᓪᓗᑎᒃ ᐊᒥᓱᓂᒃ ᐊᕐᕕᓂᐊᖅᑎᓂᒃ.